احسن المستشفيات " محتاج مساعده "

[عاشق 360]

السلام عليكم

ما ادري كيف ابتدي الموضوع ... من اربع ايام او 5 ايام اخوي " 14 سنه " رجع من المانيا بسبب عدم توفر علاج " مافي امل هناك " .

بما ان هنا في شباب يدرسون طب وشباب يدرسون بالخارج ما ادري اذا يقدرون يفيدونا بمستشفيات ممتازه ... مايهم اي دوله وماتهم الاسعار ...

حالة اخوي خطيره " مصاب بالسرطان والنخاع او ورى المخ تحت الراس شي جذي اسم المرض اتوقع ependymoblastoma III "

المهم الي عنده المستشفى يحطه واذا كان هناك معاه طرق الاتصال بيكون افضل وافضل ...

شكرا .

 

[Knightmare]

و عليكم السلام

Mayo Clinic يعتبر من افضل المستشفيات الرائدة في امريكا هذا موقعهم http://www.mayoclinic.com/ تقدر تراسلهم و ترسلهم الفحوصات اللي عملها اخوك

و فيه مركز International Neuroscience Institute في ألمانيا من أفضل المراكز للأمراض العصبية و أورام الجهاز العصبي هذا الموقع لو تبي تراسلهم و تتأكد من توفر العلاج www.ini-hannover.de

الله يشفي اخوك و جميع مرضى المسلمين ولا يريكم فيه مكروه

 

[عاشق 360]

^

شكرا لك

جاري الارسال عندي التقارير الازمه في حال ردو عليي وقالو لي يقدرون راح ارسلهم الاشعه بالدي اج ال ...

امس على الام بي سي حطو تقنيه جديده ووحده حالتها قريبه من اخوي شفت في اقل من شهر .. هو نوع الجهاز بيعمل نسخ 3D للمخ لتجنب الاورده الحيويه .. ارسلت لهم بعد وعلى الله الاقي احد هالمستشفيات يقدرون يعالجونه .

 

[Ammar_R]

الله يشفيلك أخوك إن شاء الله ويتعالج ومايشوف شر بإذن الله .. آمين ...

 

[Jonas]

للأسف ما لي خبره و لكن الله يشفي اخوك ولا بأس طهور ان شاء الله

 

[BioMario]

سبحان الله ..
الله يشفي أخوي والله العظيم تأثرت كثير ..
إن شاء الله يشفى وطبعاً الكثير من الأمراض الخطيرة جداً جداً تشفى ..
وإن شاء الله خير والله وياكم ..

 

[عاشق 360]

شكرا شباب والله رحيم بيده كل شي هو الشافي لا شفاء ألا شفائه ..

البيت منقلب فوق تحت صراخ وصياح الكل فاقد الامل ... قلت مدام التقارير موجوده سويت لها سكان وقاعد اطرشها لأكبر عدد من المستشفيات بالعالم . لعل وعسى الاقي رد بأسرع وقت لان حالته ماتتحمل التأجيل زياده .

 

[Photon]

العبرة خانقتني ، ما أعرف ايش أقول بس إلا الله يشفي و يرد البلاء عن أخوك ، و راح أساعدك في البحث عن مستشفيات متخصصة في علاج السرطان .

 

[KOTSHY]

الله يشفيه ويقومه بالسلامة

 

[Niessu7]

الله يشفيه ويقومه لكم بالسلامة انشاء الله .

 

[Some1]

أتمنى لأخيك الشفاء العاجل وأسأل الله أن يصبّركم

وجدت هذا الموقع أرجو أن يفيدك

http://www.healthfinder.gov/

 

[Photon]

عندك مستشفى جامعة Johns Hopkins , من أشهر المستشفيات عالمياً و أكبر جامعة من ناحية الأبحاث المتعلقة بالأمراض المستعصية ، رابط الموقع هنا : http://www.jhu.edu/

 

[Light.Darkness]

الله يشفي اخوك و يصبره و يصبركم​

 

[pacino]

الله يشفي اخوك
لا تيأس من رحمة الله وانا اخوك وتذكر ان الله هو "الشافي والمعافي"هو القادر على كل شي
وما من داء الا وله دواء او كما قال النبي صلى الله عليه وسلم
عليكم بالصلاة والدعاء والرضى بامر الله وقدره..لعله ابتلاء وشفاعه لكم يوم الحساب

 

[عاشق 360]

شكرا لكم شباب ماقصرتو والله فيكم الخير

المستشفى الي حطه اخوي نايتمير ... طلبو من عندي هذا :

Please send your written reports and these images on a CD Rom in DICOM format

شنو يقصدون بالـ in DICOM format ؟

هل يعني اخذ الملفات " التقارير " واحرقها عادي على cd ? ولا احولها ولا شالسالفه ؟

 

[BioMario]

شنو يقصدون بالـ in DICOM format ؟

هل يعني اخذ الملفات " التقارير " واحرقها عادي على cd ? ولا احولها ولا شالسالفه ؟

http://en.wikipedia.org/wiki/Digital_Imaging_and_Communications_in_Medicine
أتوقع لو بتسأل أقرب مستشفى عندكم رح يفيدونك

 

[Knightmare]

شكرا لكم شباب ماقصرتو والله فيكم الخير

المستشفى الي حطه اخوي نايتمير ... طلبو من عندي هذا :



شنو يقصدون بالـ in DICOM format ؟

هل يعني اخذ الملفات " التقارير " واحرقها عادي على cd ? ولا احولها ولا شالسالفه ؟

ما تقدر تسويها انت بالبيت

صيغة DICOM هي الصيغة اللي تحفظ و تنقل فيها الصورالطبية و تقاريرها بين المستشفيات حتى تقدر تعمل عليها مقارنات و تطبيقات معينة, لأن ارسال كم صورة على شكل فلم ما يكفي لكن لما تعطيه الملف بهذه الصغية يصير كأنة عملها عنده بالمعمل و يقدر يشوف أي جزء من عملية التصوير اللي صارت و يعمل التطبيقات اللي يحتاجها و يقارن التقارير

لازم تطلبها من المستشفيات اللي عملت الفحوصات و الصور بس حاول تخرشهم عشان يخلصونها بسرعة (أتكلم عن المستشفيات اللي عندنا) أما المستشفيات المتطورة بالخارج تكون كل البيانات و الصور أصلاً محفوظة بشكل رقمي (مافيه شغل ملفات) فالاجراءات تكون اسرع و اذا احتجت اي حاجة توضع لك على CD بصبغىة DICOM و هم يرسلونها أو تقدر انت تعطيه للمستشفى المطلوب

الله يذلل لكم الصعاب و يهيأ لكم الأسباب و يشفي أخوك شفاء ليس بعده سقم

 

[Simplicity]

عسا الله يشافيه ويرفع عنه يارب,,,ويهون عليه امره وامركم ...

الصبر يا حبيبي الصبر,,,كلنا مبتلين,,والله شي يقهر ودي افيك ولا بيدي شي ..بس دعواتنا هي صوتنا في الموضوع...