إنشاء شركة لصناعة السيارات السعودية برأسمال 500 مليون دولار

[Byakkino]

إنشاء شركة لصناعة السيارات السعودية برأسمال 500 مليون دولار

(غزال 1) أول سيارة سعودية

الرياض - واس:​

وقعت جامعة الملك سعود بالرياض اليوم اتفاقية تعاون مشترك مع شركة كورية لصناعة السيارات بهدف إنشاء شركة جديدة لصناعة السيارات بالمملكة برأسمال ( 500 ) مليون في إطار سعي الجامعة لتوطين التقنية والاقتصاد القائم على المعرفة.
ووقع الإتفاقية مدير الجامعة عبدالله العثمان مع الرئيس التنفيذي لشركة ديجم الكورية لصناعة السيارات في حفل أقيم بمقر الجامعة صباح اليوم . وأبرز العثمان في كلمة خلال حفل توقيع الاتفاقية ضرورة الاستثمار في مجال صناعة التقنية والاستفادة مما حققته الجامعة من مشروع تصنيع أول سيارة سعودية (غزال 1) لتطرح مع الشريك الكوري وشركة وادي الرياض للتقنية سيارة اقتصادية جديدة ( سيدان 1 ) مناسبة لاستخدامات السوق المحلي، مفيدا أن المخطط له أن تصنع باكورة الإنتاج والنموذج الأولي من السيارة خلال أقل من عامين من الآن.
وأوضح العثان إن شركة وادي الرياض للتقنية التي تعد الذراع الإستثماري لجامعة الملك سعود ستشارك بنسبة 10 الى 15% من رأسمال الشركة الجديدة فيما ستكون نسبة 30 % للجانب الكوري من رأسمال الشركة والباقي سيتم تسويقه لمستثمرين آخرين ،لافتا النظر الى أن الشركة الجديدة تستهدف من خلال طرح السيارة الاقتصادية السعودية الأولى السوق المحلية وأسواق دول مجلس التعاون لدول الخليج العربية وسوق دول شمال أفريقيا.
وأفاد أن هيئة المدن الصناعية ومناطق التقنية ( مدن ) ستخصص نحو مليون متر مربع لإقامة المشروع في المدينة الصناعية بالرياض أو الخرج موضحا إن شركة وادي الرياض أصبح بمقدورها الآن الحصول على قروض من صندوق التنمية الصناعية بفضل الشراكة الجديدة في مجال صناعة السيارات بالمملكة.
​

جريدة الرياض

​

 

[JIN KAZAMA]

السياره شكلها سئ وبقوه , بس تظل خطوه ممتازه للشباب اللي صنعوها
اهم شي المصنع هذا راح يكون للتجميع ام للصناعه من الصفر ؟

 

[Wild Fox]

و الله اذكر سامع عنها قبل 3 سنوات !!

 

[NiGhTMaRe]

امممم سيارات التكاسي عندنا في ابوظبي اسمها تاكسي الغزال!
شكلها تويوتا FJ صينيه للأسف.. ليش كل ماشفنا سيارة عربية الصنع تكون تقليد أعمى للسيارات الثانيه! اذا تبون تبدون مشروع ناجح ابدوا بشي أصلي من ابداعكم مش مسروق!

 

[Al Pacino]

يوووه يارب ماينعاد النقاش كل ماينفتح موضوع عن هالسياره .. الشخص رقم 1 _ ايه ايه ماخذين تصميمها من سيارة كذا والقطع من شركة كذا وماسو شي بنفسهم \ الشخص رقم 2_ ياخي احسن من ولاشي على الاقل جمعوها وهذي البداية .. الخ

ولا مره انفتح طاري هالسالفة على النت ولا غيره الا شفت هالطرفين يتناقشون .. واعتقد بينعاد هالمسلسل هنا .

 

[alakafi]

^
طيب ايش المشكلة , كلامهم صح

 

[Averroes]

ألي أعرفه أنها تجميع حتى الي صمم السيارة أسترالي

أما "أصيلة" صناعة سعودية 100 % وبسعر 50 ألف

- معلومات عن السيارة المصممة:
إسم العلامة التجارية: مُهر
إسم فئة السيارة: أصيلة
تم إبتعاث 11مهندساً سعودياً إلى شركة بروتون في ماليزيا ليتدربوا على تصميم السيارات, وكانت هذه "الأصيلة" هي نتاج أشهر من الدراسات والتدريب والعمل, وتمّ خلال هذه الفترة إعادة تصميم بعض أجزاء السيارة من الخارج والداخل وتطويرها, وتعتبر هي الخطوة الأولى لخطة مشروع نقل تقنية السيارات إلى السعودية

- الهدف من العرض الحالي:
إبراز قدرات مدينة الملك عبدالعزيز للعلوم والتقنية على تصميم السيارات بأيدي مهندسين سعوديين, وفتح المجال للمستثمرين السعوديين لتبني المشروع والتكفل ببناء المصانع

- الخطوة القادمة:
بعد إفتتاح المصانع السعودية بإذن الله سيتم تدريب شباب سعوديين في مجال المحركات والميكانيكا والكهرباء وكل ما له صله بالسيارة, ليكون المنتج النهائي بإذن الله سعودياً 100%, وتكتمل خطة نقل التقنية إلى المملكة العربية السعودية

- تغطية لجناح مدينة الملك عبدالعزيز للعلوم والتقنية:
عرض مباشر لبعض تصاميم المصمم

 

[السليل الأخير]

يا حب جامعة الملك سعود للاعلام , يا ليت بس نشوف هذي السيارات في شوارعنا بدل ما تكون خبر ملفت للنظر في الجريدة

 

[AS-HI]

بعقلانيو على الاقل نخرج من كلمة العالم الثالث هذي ، البترول ماراح يظل عندنا طول العمر فالصناعه هي السبيل الوحيد للارتقاء ، يقولون دايما الصين تقلد وتقلد وبالنهاية هي مسيطرة على المصنوعات ، اتمنا يبدون بمشروع اهن كشكل حالي وهو الاستفاد من طاقة الشمس بدغ الكهربا

زي اكورانيا فيه منطقة مستفيدة من المشس بنسبة 100/100 وتعرفون هناك الاجواء باردة بس وصلوا لمزادهم ، بينما يتكلم المذيع ويقول الحرا ة عندنا اقوى من عندهم ب خمسة مرات ولا تم الاستفادة من الشمس للاسف. ، للعلم ممكن طاقة يوم واحد بالصيف تكفيك مدة ثلاثة ايام بلياليها.

 

[إحساس]

^

فعلا كلام صحيح .. و اشدد على نقطة الصين اللي دائما نعرف انها تقلد في كل شي .. ومع ذلك بالسنوات القليله القادمه جامعاتنا بالسعوديه راح تدخل اللغه الصينيه للتعليم كـ لغه مهمه في العالم .. وهذا الكلام قايله لنا العميد في لقاء سابق .. وهذا ان دل فـ يدل على ان الصين مع سمعتها السيئه بـ التقليد اصبحت دوله عظيمه واصبحت لغتها من اهم لغات دول العالم ..

فـ لذلك مهما كان العمل تقليد او فكره جديده .. [ البدايه ] هي الاهم ..

 

[Unknown]

دايم مشاريعنا بمبالغ خرافيه .. وبالاخير كالعاده
يبقى للمصنع 150 مليون و350 مليون مدري وين تروح :nerd:

 

[Zero]

إذا بيسووا سيارات جودتها وتصميمها مثل SsangYong الكورية فيخلوها لهم ويروحوا يموتوا أحسن لهم، هذا إذا عملوا شيء أصلا :confuse:

 

[AAH3:16]

أقول لا يكثر بس

يفتحون لهم مطعم مندي أصرف

 

[Byakkino]

^^
ترى موب جاي يوم يصنعون لكم فيراري فجأه .. لازم حبه حبه
​

 

[إحساس]

^

اعتقد اهم شي حاليا ان مصممين السياره والعاملين عليها مايتاثرون بكلام الناس .. لانهم اذا تاثرو او تراجعو فـ بكذا ماراح يستفيدون شي ..

مدري ليش الناس يزعلون او يتضايقون اذا اخطأ احد .. مشكلتنا اننا شعب يتسرع بالحكم وبدون اي مقدمات .. خطا واحد خطئين خمسة اخطاء عشرة اخطاء .. كل هذي ماراح تكون نقطه سلبيه بحق الشخص اللي اخطا .. بالعكس .. راح تكون نقطه ايجابيه وراح تعطيه خبره وتجربه اكبر .. وهالشي راح يخلي فرصه القادمه [ اقرب ] للنجاح ..

برضو لا انسى ان احنا مشكلتنا اننا شعب يحب يحكم على الشي بـ نظره وحده .. يحب يحكم على الشخص بـ نظره عامه راسمها في راسه من يوم هو صغير .. وهالشي اثر فينا بـ اشياء كثيره جدا جدا .. مو بموضوع تصميم السيارات او ابتكار الاشياء بشكل عام .. لا .. اثر فينا بمواضيع كثيره .. وهالشي من ضمن الاشياء اللي سببت لنا الفشل كـ دوله مصدره للابتكارات والصناعات ..

كل شي يبدا من البدايه .. مافيه شي يبدأ من المنتصف او يبدأ من النهايه .. اذا حبيت تنجح لابد انك تبدا من الصفر .. حتى لو كان النجاح يبغاله وقت طويل لكن بالنهايه انت راح تنجح .. اغلط مره مرتين ثلاثه خمسه سته .. كل هذي تجارب .. وبالنهايه الشخص اللي راح يغلط اكثر من مره راح ينجح .. والنجاح هو البدايه للنجاح الاكبر .. والنجاح الاول راح يسبب النجاح الثاني .. والنجاح الثاني وراه النجاح الثالث .. وبكذا راح ننجح كـ دوله مصدره ومنتجه لاشياء كثيره .. لكن الاهم حاليا .. وين البدايه الناجحه .؟

 

[Mada Mada Dane]

إن قالوا محنا مسوين شئ و بنعتمد على النفط ولا حتى نحاول قلتوا طول عمرنا ما عندنا سالفة ..
و إن قالوا بنحاول نفتح مصنع سيارات و ننافس و نسوي قصارى جهدنا قلتوا ما عندكم سالفة ولا يكثر ..

خخخخخ والله صعب ينفهم لكم يا شباب ..
و نقطة اخيرة بخصوص تصنيع السيارات من الصفر, مافي ولا شركة عالمية تصنع سياراتها من الصفر. في شركات خاصة للتصميم, و يشترون القطع الداخلية من شركات "التصنيع". صعب جداً تلقى شركة واحدة " تصنع " قطعها و " تصمم" منتجاتها. هالكلام يطبق لـ تيوتا, هونداي, مرسيديس, جي ام سي و جميع الشركات العالمية المعروفة للسيارات. و حتى شركات الكمبيوتر بعد (أبل). فـ ما ادري ليه يجون بعض الشباب ينتقدون و يقولون
" إحنا ما تصنع من الصفر ".

 

[Silent Dream]

إن قالوا محنا مسوين شئ و بنعتمد على النفط ولا حتى نحاول قلتوا طول عمرنا ما عندنا سالفة ..
و إن قالوا بنحاول نفتح مصنع سيارات و ننافس و نسوي قصارى جهدنا قلتوا ما عندكم سالفة ولا يكثر ..

خخخخخ والله صعب ينفهم لكم يا شباب ..
و نقطة اخيرة بخصوص تصنيع السيارات من الصفر, مافي ولا شركة عالمية تصنع سياراتها من الصفر. في شركات خاصة للتصميم, و يشترون القطع الداخلية من شركات "التصنيع". صعب جداً تلقى شركة واحدة " تصنع " قطعها و " تصمم" منتجاتها. هالكلام يطبق لـ تيوتا, هونداي, مرسيديس, جي ام سي و جميع الشركات العالمية المعروفة للسيارات. و حتى شركات الكمبيوتر بعد (أبل). فـ ما ادري ليه يجون بعض الشباب ينتقدون و يقولون
" إحنا ما تصنع من الصفر ".

تحية .

 

[Zero]

بصراحة ما تقدر تلوم الناس على التشاؤم، البلد عودنا على التشاؤم والمشاريع اللي أكثر من 70% من فلوسها مادري وين تروح

أنا ما جبت طاري الصناعة من الصفر لأنه شركات عالمية ما تعتمد على ذلك كليا، أهم شيء تكون شركة سعودية وتدعم اقتصاد البلد وخلاص، بس قلت أهم شيء لا تكون سياراتها مثل شركة معينة، ولو تعرفوا هالشركة بتعرفوا ويش أقصد، لأن سياراتها سيئة للغاية، أكيد ما أتوقع سيارات بمستوى عالي جدا، بل أتوقع شيء بمستوى جيد أو عادي يأدي الغرض... وليس شيء "زبالة".