Good Hunter
True Gamer
انشارتد 4 ليست لعبة بيرفكت هي لعبة ممتازة مثلها مثل ايفل ويذن سبب اخذها العشرات هي انها متفوقة جدا تقنيا وصلبة وشبه خالية من الاخطاء التقنية بس مافي اجماع عليها من ناحية الجمهور مثل الاجماع الكامل على اسطورية لاست اووف اس .
ايفل ويذن لعبة سبعات وثمانيات وذكرت السبب فوق جيم بلاي ممتاز بدون شيء ثاني بالمقابل لاست اووف اس جيم بلاي جيد مع قصة وشخصيات وحوارات ممتازة... انا لو اجي بعد عشرين سنة والعب ايفل ويذن ماراح استمتع باللعبة بتاتا لان اكيد بكون الجيم بلاي تطور جدا نفس الشيء يوم ارجع والعب ريزدنت ايفل 4 ماقدرت اتحمل ساعة وحده لان لعبة جيم بلاي فقط ونزلت العاب بعدها تتفوق عليها كثيرا من هذا الناحية لكن لو بجي بعد عشرين سنة وبلعب لاست اووف اس بستمتع جدا بالقصة والحوارات والمشاهد رغم ان الجيم بلاي بكون عتيق نفس السبب اله يخليني ارجع واستمتع بمجس 1 رغم الجيم بلاي عتيق جدا.
جيم بلاي ريزي 4 ما زال صلب الى اليوم ، بالعكس اشوف نفسي دايما اعيدها او اعيد الالعاب اللي الجيمبلاي فيها ممتاز وصلب حتى لو مافيه قصة وحوارات ممتازة.
بينما ذا لاست اوف اس غالبا القى نفسي اذا حنيت لها اكتفي بمشاهدة اللحظات الجميلة اللي فيها باليوتوب وبس.
اغلب الالعاب اللي تركز عالجيمبلاي اكثر من العناصر الثانية ويكون متقن وعميق هي اللي تنجح في اختبار الزمن علشان كذا نشوف ماراثونات وتحديات للالعاب الكلاسيكية والى يومك نشوف لاعبين يستمتعون بالعاب 8bit قديمة وبلاي ستيشن 1 ومو شرط قصة او حوارات تشيلها
وترا جيم بلاي مجس 1 عتيق لكنه ممتاز ومتقن وممكن يجبرك لوحده انك تعيد اللعبة، مجس 1 مو قصة وحوارات فقط.
لكن لو تجيب لي لعبة كل اللي فيها قصة وحوارات لكن الجيم بلاي فيها من جيد الى سيء مستحيل اعيدها او بالاحرى استثقل اني اعيدها ، يعني زي مافيا 1 من افضل قصص الالعاب في التاريخ لكن مستحيل اعيدها من جديد فقط علشان القصة والحوارات لان الجيمبلاي فيها مو ممتع ومافيه Replay Value كبير.
بعد فترة من الزمن ممكن القى نفسي اعيد العاب زي بلدبورن او زيلدا او ماريو اوديسي او ايفل ويذن اكثر من اي لعبة ثانية تركز على القصة والحوارات.
وعلى الرغم من اللي ذكرته ، ذا لاست اوف اس متوازنة اكثر من غيرها من الالعاب ذات الطابع السينمائي وما احس ان عنصر القصة والحوارات طاغي عليها بشكل كبير ، اللعبة فيها جزئيات جيم بلاي كثيرة اكثر من اغلب الالعاب اللي بنفس الطابع السينمائي وهذا الشي يشفع لها مقارنة بغيرها.