إشاعة: ريميك Baten Kaitos الأولى تحت التطوير من Monolithsoft و Bandai Namco

[AzureFlame]

مجرد إشاعة وهذا مصدرها:

[EXCLUSIVE] Baten Kaitos: Eternal Wings And The Lost Ocean Remake Is In Development

Sources have confirmed that a remake of Baten Kaitos: Eternal Wings and the Lost Ocean is being developed for the Nintendo Switch.

exputer.com

قبل سنتين تقريبآ Bandai Namco سجلت العلامة التجارية:

Bandai Namco تسجل العلامة التجارية لBaten Kaitos

قريت الخبر في Era وحبيت أنقله هني https://www.resetera.com/threads/namco-trademarks-baten-kaitos-eternal-wings-and-bk-origins-in-europe.422081/ تم تسجيل علامة تجارية للجزء الأول Baten Kaitos: Eternal Wings and the Lost Ocean والجزء الثاني Baten Kaitos Origins الخبر هذا يعطي أمل حق Port...

www.true-gaming.net

على كلامهم الريميك مستهدف صيف 2023 على جهاز الNintendo Switch. ماكو أي كلام عن حجم المشروع لكن المصدر واثق من نفسه. وما أعرف مصداقية المصدر للأمانة، بس بما ان الموضوع للحين ما تصكر في موقع Era فالأمور شكلها طيبة (&).

 

[ahmed-xd]

جزء 2004 ولا البريكويل جزء 2006؟

 

[ahmed-xd]

بكون شيء حلو انه ينزل لها ريميك قريت ان نظام قتالها مميز

 

[AzureFlame]

هالسلسلة إذا فعلا حصلت ريميك بميزانية وجودة ألعاب Xenoblade، بتطلع أجمل لعبة آربيجي في التاريخ من ناحية التوجه الفني على الأقل، والكومبات بيكون شيء جبار ومميز لو طوروه صح علشان يواكب هذا الجيل.

جزء 2004 ولا البريكويل جزء 2006؟

الأول.

 

[Omni-Doom]

آخ لو طلعت حقيقة

اللعبة هذي تمتلك نظام كومبات جدا ممتاز و شخصيات تصميمها ستايلش و توجهها الفني اللي يذكرني بكرونو كروس و ألحانها اللي تخلق جو فريد من نوعه ، كانت تجربة مميزة كأني ألعب تتمة روحية لكرونو كروس.


الكلام هل الريميك بيكون 1:1 ولا ريميك بمثابة الريبووت ؟؟ عالعموم فرصة مونوليث يطلعوا من أجواء زينوبليد و يجربوا يدهم بحاجة جديدة ، يمكن الشيء هذا يلهمهم لمشاريعهم القادمة.

 

[Omni-Doom]

*يتخيلها بالريميك*

 

[DINO CRISIS]

ياسلام

الله يزيد ويبارك

اخبار الريميكات في كل مكان

ياسلام

 

[ألوكارد]

Bandai Namco تواصل التوظيف لمشروع قادم بالتعاون مع ننتندو

 

[AzureFlame]

الكلام هل الريميك بيكون 1:1 ولا ريميك بمثابة الريبووت ؟؟ عالعموم فرصة مونوليث يطلعوا من أجواء زينوبليد و يجربوا يدهم بحاجة جديدة ، يمكن الشيء هذا يلهمهم لمشاريعهم القادمة.

يمكن ريميك حق الموديلات والمعارك، أما خلفيات الCG ريماستر.

بصراحة مادري.. بس أتمنى أكثر من مجرد ريماستر عادي، ولو فعلا ريميك AAA هني بتكون صدمة وهايب موطبيعي.

 

[AzureFlame]

بالمناسبة، هذا كلام مخرج السلسلة قبل Yasuyuki Honne، وأيضا هو الرسام ومخرج الرسم وكان مخرج رسم Chrono Cross ورسم حق Xenoblade 2.

الجزء الثالث كان تحت التطوير لمدة طويلة جدا بس تم إلغاء المشروع قبل ما يخلص، وقال لو اللعبة بتنزل بهالزمن راح تستفيد وبتقدم إستكشاف قيعان البحار والأرض والسماء، شيء بScale جدا كبير يعني، وطلب من الفانز أنهم يوصلون صوتهم لBandai Namco، لأنها ممكن ترجع إلى مشروع إذا شافت في طلب.

 

[m7tram]

حسافة الثاني حاولت العبه لكنهم مدري شغيروا بنظام القتال وصار ممل ماقدرت اكمله.

 

[AzureFlame]

حسافة الثاني حاولت العبه لكنهم مدري شغيروا بنظام القتال وصار ممل ماقدرت اكمله.

على حسب ذاكرتي الكومبات صار أسرع، مركز على الكومبوز بشكل كبير، كومبو يفتح كومبو وفينشرز، عاد Xenoblade 2 استلهمت منه شوي، وعلى فكرة أغلب الفانز يفضلون كومبات الثاني على الأول. عن نفسي حبيت الأثنين.

 

[Bounty]

من اجمل الالعاب مظهراً بوقتها والى الآن

مانبي ريميك، نبي ريماستر و اعادة تمثيل اصوات واضافة مقاطع انمي أو سي جي حديثه ترتقي لوقتنا الحالي.

هذي و زينوساغا اتمنى فعلا ياخذون فرصتهم بوقتنا هذا، لأن قاعد اشوف العاب ماتسوى 1% من مستواهم ولهم شعبيه كبيرة بفضل السوشال ميديا وسرعة تكوين قواعد للفانز

مانبي شي من بانداي نامكو سوى اعادة اصدار بدقة عاليه وبس، راضين حتى لو في بورت رخيص،، مستحيل مايشوفون البوتنشال من وراهم..

 

[MOSU]

بالمناسبة، هذا كلام مخرج السلسلة قبل Yasuyuki Honne، وأيضا هو الرسام ومخرج الرسم وكان مخرج رسم Chrono Cross ورسم حق Xenoblade 2.

الجزء الثالث كان تحت التطوير لمدة طويلة جدا بس تم إلغاء المشروع قبل ما يخلص، وقال لو اللعبة بتنزل بهالزمن راح تستفيد وبتقدم إستكشاف قيعان البحار والأرض والسماء، شيء بScale جدا كبير يعني، وطلب من الفانز أنهم يوصلون صوتهم لBandai Namco، لأنها ممكن ترجع إلى مشروع إذا شافت في طلب.

الريميك اعتقد بيكون جس نبض

 

[Super Shadow]

أتمنى الصراحة، اللعبة بكبرها تحفة فنية جميلة

 

[dro]

اللعبة مو محتاجة ريميك.. لا زالت مبهرة لأنها كملت جو و اسلوب العاب ال jrpg على PS1 ( العصر الذهبي ) :

 

[MOSU]

والله ودي في هذي الريميك + نيو ايبي من مونليث + جزء جديد من زينوبليد ويكون تجديدي بشكل كبير

 

[Omni-Doom]

والله ودي في هذي الريميك + نيو ايبي من مونليث + جزء جديد من زينوبليد ويكون تجديدي بشكل كبير

يس + أتفق + فعلا

 

[Eye]

عاد توني لاعب جزء origin قبل امس ، للاسف محتاجة اعادة هيكلة كاملة ، نظامها اكل الزمان عليه وشرب وتقهوى

 

[I B R A]

الموقع ذا مجهول لكن حطوا اشاعة سابقا

[EXCLUSIVE] Marvel's Avengers Has Disassembled

The floundering Marvel live service is finally coming to an end, with an announcement expected as early as next week.

exputer.com

وطلعت صحيحة

 

[oldsnakemgs]

احلى خبر
لكن طريقة اللعب يحاولون يحسنونها خصوصا بعض البطاقات ودي يحذفونها واللعبة طويلة مليانة حشو تمنيت يقصرون منها اما الرسومات والتصميم المناطق يا رباه من افضل ما رأيت

 

[AzureFlame]

اللعبة مو محتاجة ريميك.. لا زالت مبهرة لأنها كملت جو و اسلوب العاب ال jrpg على PS1 ( العصر الذهبي ) :

تحتاج ريميك علشان يصير في إهتمام كبير وتبيع، عندهم Source و Potential جبار هني، يقدرون يطلعون منه لعبة Mindblowing لو عطوها الجودة الرسومية وميزانية ألعاب Xenoblade الأخيرة، وأغلب الناس راح يشوفونها كلعبة جديدة والحماس بيصير مليون.

لا تنسى ان الأصلية قليل اللي لعبوها، لو ريماستر، لازم على الأقل يزيدون سرعة المعارك في الجزء الأول، ويعطون Graphical Remake كامل حق الموديلات وحلبات القتال ال3D وأيضا شوية تعديلات ودبلجة إنجليزية جديدة. إذا مجرد ريماستر عادي مصيرها بيكون نفس مصير ريماستر Chrono Cross، وأنا كفان مابي العنوان هذا يندفن.

 

[MOSU]

تحتاج ريميك علشان يصير في إهتمام كبير وتبيع، عندهم Source و Potential جبار هني، يقدرون يطلعون منه لعبة Mindblowing لو عطوها الجودة الرسومية وميزانية ألعاب Xenoblade الأخيرة، وأغلب الناس راح يشوفونها كلعبة جديدة والحماس بيصير مليون.

لا تنسى ان الأصلية قليل اللي لعبوها، لو ريماستر، لازم على الأقل يزيدون سرعة المعارك في الجزء الأول، ويعطون Graphical Remake كامل حق الموديلات وحلبات القتال ال3D وأيضا شوية تعديلات ودبلجة إنجليزية جديدة. إذا مجرد ريماستر عادي مصيرها بيكون نفس مصير ريماستر Chrono Cross، وأنا كفان مابي العنوان هذا يندفن.

بضيف نقطة ان هذي على الاقل تستحق ريميك مو زي استهبال باقي الاالعاب الي يستحق وما يستحق ريميك