G7Ga7
True Gamer
السلام عليكم.
تنبيه: الكلام هذا مجرد اشاعة وكلام من شخص يبيع الألعاب وله وصلاته في سوق الألعاب في السعودية. أنا ما قلت ولا أتّفق ولا أختلف مع اي شي ينذكر في الموضوع. فان طلع في النهاية كلام فاضي انا غير مسؤول نهائياً.
اليوم كنت طالع مشوار. وأنا راجع قلت خلني امر على محل من محلات الرياض أعرفها وأعرف صاحبها من مدة طويلة. ودخلت, وسلمت عليه واحنا قاعدين نسولف عن الألعاب في الممكلة وسعرها, جاب طاري هالسالفة.
أول شي خلفية عن الشخص: الانسان هذا ما شاء الله عليه اسلوبه حلو ويحب يتكلم مع زباينه بشكل ودي. وللأمانة, الرجال قد قالي كم فقشة أليمة قبل 5 أو 6 سنوات. لكن اذا فيه شي انا متأكد منه, هو ان الرجال عنده اتصالات لأصحاب محلات ومورّدين والناس الي تحرك سوق الألعاب في المملكة.
أوكي نرجع للسالفة, هو قالي "انت تعرف ان قسم الألعاب حق مايكروسوفت السعودية راح يقفل؟ وانه فلّس؟". أنا استغربت كوني عارف ان تروجيمنج رايحين لاجتماع مايكروسوفت السعودية حق الألعاب قبل كم اسبوع, وانكم سمعتم خططهم لـODST وكذا. لكني سكت. بعدين قالي "طيب انت تعرف من الي بيمسك مايكروسوفت حق الالعاب في السعودية؟". طبعاً رديت بلا. قالي الي بيمسكها هو الوليد بن طلال (روتانا). هنا أنا بصراحة استغربت من كلامه. لكن هو كمّل وقال "مو بس بيمسك مايكروسوفت وبس. بل حتى بياخذ سوق سوني حق الألعاب في المملكة". ويقول ان الكلام هذا ممكن يصير مع بداية السنة الجديدة أو قبل.
ليش كلامه ممكن يكون صحيح؟
أول شيء الوليد بن طلال انسان ما شاء الله تبارك الله ممكن يسوي الي يبيه, ويدخل المشروع وسوق الي يبي. روتانا تعتبر مؤسسة للميديا العربية. روتانا شركة منتجة للأغاني العربي, ومنتجة لأفلام عربية, وعندها الله يعلم كم قناة فضائية, وعندها قناة فوكس موفيز وفوكس سيرييس. فما فيه شي يمنع انها تمتد الى صناعة الألعاب في المملكة, أو حتى يمكن في العالم العربي. وكلنا عارفين انه من بداية هذا الجيل قمنا نشوف وعي أكبر بكثييير من قبل اللاعبين العرب بخصوص شراء الأصلي. يعني سوق الفيديو جيمز الشرعية في المنطقة ما عمره كان أفضل من كذا. عناوين وألعاب كبيرة تنزل بمئات, بل حتى ممكن آلاف الشحنات, وتُباع كلها في كم يوم. شركات الطرف الأول تقول السعودية هي من الدول الأولى في نهضة صناعة الألعاب في الفترة القريبة. مُمكن الوليد شاف النهضة هذي وقرر انه يدخل السوق كموزّع حصري لكل ألعاب الطرف الأول, ويمكن بعد الطرف الثالث. من الأمور المثيرة للاهتمام والي قالي اياها الرجال, انو لما سألته عن افلاس مايكروسوفت السعودية قسم الألعاب, وقلت له "طيب هم كانوا بيسوون معرض يعرضون فيه ألعابهم وكذا!؟" بعدين قالي "بس وقفوه صح ولا لا؟". فقال انه من اسباب توقيع المعرض هو انهم فلسوا وراح يوقفون قريب. برضو, كون ODST راح تنباع بسعر أرخص من سعرها الرسمي وهي على كلامهم راح يكون فيها بيتا للريتش وديسك هيلو 3 أمر ممكن يدل على ان مايكروسوفت السعودية قاعدة تحاول محاولات يائسة, وتحاول بكل ما لديها انها تنقذ وضعها؟
كيف يسويها؟
*على حسب ما فهمت!!!* الي حاصل الآن انه الوكيل الرسمي لمايكروسوفت السعودية وشركة مثل الفيصلية (سوني) تروح للشركة الأم (MS Games Studious أو SCE) وتدفع لهم مبلغ مالي بحيث يصيرون الموزع والوكيل الرسمي لألعاب وأجهزة الشركة في المنطقة. الي راح تسويه روتانا, انها تروح وتعرض مبلغ أكبر من الي عُرض من قِبل وكالة مثل الفيصلية, طبعاً الشركة الأم المفروض توافق على العرض. وبكذا صارت روتانا هي الوكيل الرسمي للجهاز والألعاب. وأتوقع مؤسسة ضخمة زي روتانا وافق وراها شخص مثل الوليد ما شاء الله ما راح تكون مشكلة لها هالشيء.
وش بيصير لما يمسك السوق؟
هذي توقعات الرجال للي بيصير للسوق اذا مسكت روتانا سوق الالعاب:
--------------------
أوكي هذا الكلام الي قالي اياه. مرة ثانية: الكلام هذا ممكن يكون كله كلام فاضي ولا يتحقق منه ولا شي. وهالكلام ماهو مني. أنا ما قلت ولا شي, ولا لي علاقة بمصادر الرجال الي قالي عن هالامور.
ما ادري تي جي, وش رايكم؟
تعديل: أصلاً ممكن الموضوع كله ما يسوى كل هالكلام والخرابيط والزحمة الي كاتبها فوق, فاسمحولي ان كنت ضيعت وقتكم :laugh::
تنبيه: الكلام هذا مجرد اشاعة وكلام من شخص يبيع الألعاب وله وصلاته في سوق الألعاب في السعودية. أنا ما قلت ولا أتّفق ولا أختلف مع اي شي ينذكر في الموضوع. فان طلع في النهاية كلام فاضي انا غير مسؤول نهائياً.
اليوم كنت طالع مشوار. وأنا راجع قلت خلني امر على محل من محلات الرياض أعرفها وأعرف صاحبها من مدة طويلة. ودخلت, وسلمت عليه واحنا قاعدين نسولف عن الألعاب في الممكلة وسعرها, جاب طاري هالسالفة.
أول شي خلفية عن الشخص: الانسان هذا ما شاء الله عليه اسلوبه حلو ويحب يتكلم مع زباينه بشكل ودي. وللأمانة, الرجال قد قالي كم فقشة أليمة قبل 5 أو 6 سنوات. لكن اذا فيه شي انا متأكد منه, هو ان الرجال عنده اتصالات لأصحاب محلات ومورّدين والناس الي تحرك سوق الألعاب في المملكة.
أوكي نرجع للسالفة, هو قالي "انت تعرف ان قسم الألعاب حق مايكروسوفت السعودية راح يقفل؟ وانه فلّس؟". أنا استغربت كوني عارف ان تروجيمنج رايحين لاجتماع مايكروسوفت السعودية حق الألعاب قبل كم اسبوع, وانكم سمعتم خططهم لـODST وكذا. لكني سكت. بعدين قالي "طيب انت تعرف من الي بيمسك مايكروسوفت حق الالعاب في السعودية؟". طبعاً رديت بلا. قالي الي بيمسكها هو الوليد بن طلال (روتانا). هنا أنا بصراحة استغربت من كلامه. لكن هو كمّل وقال "مو بس بيمسك مايكروسوفت وبس. بل حتى بياخذ سوق سوني حق الألعاب في المملكة". ويقول ان الكلام هذا ممكن يصير مع بداية السنة الجديدة أو قبل.
ليش كلامه ممكن يكون صحيح؟
أول شيء الوليد بن طلال انسان ما شاء الله تبارك الله ممكن يسوي الي يبيه, ويدخل المشروع وسوق الي يبي. روتانا تعتبر مؤسسة للميديا العربية. روتانا شركة منتجة للأغاني العربي, ومنتجة لأفلام عربية, وعندها الله يعلم كم قناة فضائية, وعندها قناة فوكس موفيز وفوكس سيرييس. فما فيه شي يمنع انها تمتد الى صناعة الألعاب في المملكة, أو حتى يمكن في العالم العربي. وكلنا عارفين انه من بداية هذا الجيل قمنا نشوف وعي أكبر بكثييير من قبل اللاعبين العرب بخصوص شراء الأصلي. يعني سوق الفيديو جيمز الشرعية في المنطقة ما عمره كان أفضل من كذا. عناوين وألعاب كبيرة تنزل بمئات, بل حتى ممكن آلاف الشحنات, وتُباع كلها في كم يوم. شركات الطرف الأول تقول السعودية هي من الدول الأولى في نهضة صناعة الألعاب في الفترة القريبة. مُمكن الوليد شاف النهضة هذي وقرر انه يدخل السوق كموزّع حصري لكل ألعاب الطرف الأول, ويمكن بعد الطرف الثالث. من الأمور المثيرة للاهتمام والي قالي اياها الرجال, انو لما سألته عن افلاس مايكروسوفت السعودية قسم الألعاب, وقلت له "طيب هم كانوا بيسوون معرض يعرضون فيه ألعابهم وكذا!؟" بعدين قالي "بس وقفوه صح ولا لا؟". فقال انه من اسباب توقيع المعرض هو انهم فلسوا وراح يوقفون قريب. برضو, كون ODST راح تنباع بسعر أرخص من سعرها الرسمي وهي على كلامهم راح يكون فيها بيتا للريتش وديسك هيلو 3 أمر ممكن يدل على ان مايكروسوفت السعودية قاعدة تحاول محاولات يائسة, وتحاول بكل ما لديها انها تنقذ وضعها؟
كيف يسويها؟
*على حسب ما فهمت!!!* الي حاصل الآن انه الوكيل الرسمي لمايكروسوفت السعودية وشركة مثل الفيصلية (سوني) تروح للشركة الأم (MS Games Studious أو SCE) وتدفع لهم مبلغ مالي بحيث يصيرون الموزع والوكيل الرسمي لألعاب وأجهزة الشركة في المنطقة. الي راح تسويه روتانا, انها تروح وتعرض مبلغ أكبر من الي عُرض من قِبل وكالة مثل الفيصلية, طبعاً الشركة الأم المفروض توافق على العرض. وبكذا صارت روتانا هي الوكيل الرسمي للجهاز والألعاب. وأتوقع مؤسسة ضخمة زي روتانا وافق وراها شخص مثل الوليد ما شاء الله ما راح تكون مشكلة لها هالشيء.
وش بيصير لما يمسك السوق؟
هذي توقعات الرجال للي بيصير للسوق اذا مسكت روتانا سوق الالعاب:
- ضمان أفضل. لا تسألني كيف.
- الألعاب توصل أول بأول. أتوقع هالشيء حاصل الآن, خاصة مع العاب الطرف الأول.
- أصحاب المحلات راح يكونوا سُعداء أكثر. برضو لا تسألني ليه.
- الألعاب راح تكون بالتسعيرة الأوروبية. ويقول هذا شيء سيّء بالنسبة للاعبين. لأننا كلنا عارفين ان اسعار الالعاب الاوروبية دائماً أغلى من اسعار الألعاب الامريكية.
- ما راح تنمنع أي لعبة عن السوق.
- الألعاب المنسوخة راح تختفي من السوق. أو على الاقل راح تنقص بشكل ملحوظ جداً. وممكن هالكلام يصير بوحدة من طريقتين (أو كلهم): أول شي كلنا نعرف ان بيع شيء منسوخ يُعتبر غش وضد القانون. فممكن الوليد يشدد على منع الألعاب المنسوخة ويسوي اضطراب غير طبيعي لأصحاب المحلات. الطريقة الثانية يقول ممكن انه يسوي صفقة لأصحاب المحلات من تحت لتحت. بحيث يعطيهم مبلغ مقابل توقيفهم لبيع المنسوخ. طبعاً اذا ما فيه منسوخ, روتانا راح تحتكر سوق الفيديو جيمز كله. يعني كل لعبة تنباع, راح يكون مردوها لروتانا.
- أغلفة الألعاب والأجهزة بيكون عليها شعار روتانا.
--------------------
أوكي هذا الكلام الي قالي اياه. مرة ثانية: الكلام هذا ممكن يكون كله كلام فاضي ولا يتحقق منه ولا شي. وهالكلام ماهو مني. أنا ما قلت ولا شي, ولا لي علاقة بمصادر الرجال الي قالي عن هالامور.
ما ادري تي جي, وش رايكم؟
تعديل: أصلاً ممكن الموضوع كله ما يسوى كل هالكلام والخرابيط والزحمة الي كاتبها فوق, فاسمحولي ان كنت ضيعت وقتكم :laugh::
:laugh::