إستشارة بخصوص شراء موبايل ( جوال ) .. Nokia Or Sony Ericsson

[BioMario]

السلام عليكم ورحمة الله وبركاتة


شباب انا قررت اخذ تلفون يديد ومحتار بين Nokia و Sony Ericsson
مع ان تلفون Sony Ericsson الجديد ما اعرف شو اسمة يوقولون مواصفاته جبارة ..

انا اتصلت في محل قلت له بكم عندك الـ N80 قالي بـ 1800 درهم
قلت له بكم اخر تلفون Sony Ericsson نزل عندك قالي بـ 1550 درهم ..
لكن اي نوع مادري الي اخر موديل نزل لكن ما سألته عن اسمة شباب إلي عندكم خبرة ياليت تقولولي اسمة ..

عموماً اريد اخذ رأيكم مع ان صاحب المحل قالي سوني اركسون الجديد اقوى من اي تلفونات نوكيا حالياً
لكن مشكلة لو بعتة مارح يجيبلك سعر ممتاز <<< ما يهمني لأني مارح ابيعة إلى بعديييين
ومايهمني السعر يوم ابيع تلفون ..
عموماً شباب شو تنصحوني بأي تلفون من نوكيا او سوني اريكسون وياليت تقولولي اسمة و سعرة
وجزاكم الله خير

 

[Futrus]

ما أقدر أساعدك لكن ودي أستفسر مدام الموضوع مفتوح
أنا عزمت خلاص آخذ موبايل Sony Ericsson وناوي آخذد w950i أول ما ينزل فمتى يتوقع نزوله ؟

 

[Khalid-S]

 

[BioMario]

لول زين رد علينا خالد خخخخخخخخخ ..
بكم خذيته + شو اسمة .. ؟
هل هو ممتاز معاك الأن بدون اي مشاكل ؟
شو احلى شي فيه ؟

انا اشوف من حيث الشكل هذا حلو احلى من N80

 

[Khalid-S]

شريته بـ1750 ريال بدون ميموري M2 .. 512

الجهاز افضل بمراحل .. كاميرا اكيد افضل .. بالنسبة للمميزات كثيره .. اكثر ميزة جديدة هي الـRSS .. ادخل اقرا مواقع الاخبار فقط بطريقه سريعه بدون فتح صور ولا شي ...

انصحك فيه .. اذا بطلت ما تبي SE انتظر لين ينزل الـN93

هذا الجوال رقمه K800i

 

[Khalid-S]

انتبه اخوي ماتركس الظاهر ان K800 الموجود الحين مو اصلي
لهذا تشوفه رخيص
طيب خذ هذا الموقع بتستفيد واجد
www.mopile4arab.com
تحياتي

1- مافي شي اصلي ومو اصلي .. في بداية الجهاز كان الكيبورد بعضها يتم كتابة الحروف العربية محلياَ .. لكن الحين الجهاز في كل الوكلاء والكيبورد كلها من الشركه الاساسيه.
2- اسم الموقع mobile مو mopile

 

[soosi]

1- مافي شي اصلي ومو اصلي .. في بداية الجهاز كان الكيبورد بعضها يتم كتابة الحروف العربية محلياَ .. لكن الحين الجهاز في كل الوكلاء والكيبورد كلها من الشركه الاساسيه.
2- اسم الموقع mobile مو mopile

مشكور اخوي خالد ع التنبيه

وانا حذفت الرد لما شيكت على الموقع اشوفه E وغير

ههههههه ضحكتني على نفسي وانا اقول ويش الغلط لاني مصدع راسي بيفقع

مشكور مرة ثانية ع التنيه

www.mobile4arab.com

 

[the obscure]

إذا تبي موبايل حلو أنتظر موبايلp990 من سوني أريكسون مميزات رهييييبة
بالنسبة لـk800 ما أنصحك فيه لأن تصوير الفيديو خايس لأنه يصور بـ15 فريم فقط والصيغة إلي يصور بها خايسة بعد
أما النوكيا فأنصحك لا تقرب عندة اسبوعين إلا وهو خربان الكاميرا ما تقعد معك اسبوعين و
إلا ومستواها متدهور

 

[BioMario]

ما اهتم بالفيديو اخوي

 

[53]

أخوي ..

أنا انصحك بـ N80 مو لانه عندي بس لان استعامله حلو وكشخه ..

اقدر اقولك شويه من مميزاته عندك ميزت الـWiFi و كامرته 3 ميجا بيكسل " بس احب اقولك ان كامرته ما فيه الAuto Focus " واكو فيه راديو بعد ..

وإممممم بس هذا الي اتذكره ..

حبيبي انصحك قبل لا تشتري الجهاز حاول تجربه ..

 

[NA!F]

نصيحة مني K800i

اذا كنت تهتم بالكاميرا اعتقد افضل الكاميرات الموجوده في الجوالات موجودة فيه .. و تنافس على الكاميرات الفوتوغرافيه .. يكفي انها سايبر شوت ..

اذا كنت تهتم للسعر .. اعتقد اسعارها مناسبة و تعطيك ثقة اكبر مو زي النوكيا كلها اسبوعين و نزل السعر للنص

اذا كنت تهتم بالاداء .. اعتقد ان السوفت وير تبع سومي اريكسون افضل ..

هذي كلها ارائي و القرار الاخير بيرجع لك

 

[Hardcore Gamer]

من ناحيتي k800 افضل..

لكن حاول تجربه لان كثير ناس مو متعودين عالسوني اريكسون ويشترونه وما يناسبهم .. يعني مو اي شخص يناسبه السوني اريكسون
وحبيت انبهك ان ال k800 صوته موب قوي مرة .... عادي جدا من ناحيه القوة اما صفاوة الصوت ما دققت فيها لكن اسمه سوني اريكسون ما يحتاج

 

[kenshinx]

السوني اريكسون افضل .. لكن اي نوع ...؟؟

اعتقد k800i او ممكن تنتظر ال P990


او افضل انك تدخل الموقع و تشاهد كل انوع التلفونات الجديدة لديهم
في بعض الموديلات راح تنزل قريبا .. يمكن في شيء منهم يعجبك

http://www.sonyericsson.com/spg.jsp?cc=ae&lc=ar&ver=4000&template=pp1&zone=pp&lm=pp

 

[BioMario]

خلاص شباب مشكورين على أرائكم ..
اشتريت K800i ممتاز و رائع والله استعمالة شوي يبيله تعود لكن صوته ضعيف -_______- ..

 

[BioMario]

شباب إلي عنده خبرة في K800i في اي شي يقولي مثل برامج او نغمات او اي شي لأني اول مرة استعمل السوني اريكسون بس والله مريح و وروعة لكن ابيكم تقولولي اشياء اكثر عنه برامجو اسياء مفيدة بشكل عام ..

من وين احمل ثيمات جديدة له ..؟

 

[BioMario]

شباب كيف اقدر اسوي صامت ..؟
يعني يوم احد يتصل اضغط على كلمة صامت و التلفون ما يطلع صوت ..

هذي موجودة في Nokia هل موجودة في K800i ..?

 

[Khalid-S]

بالنسبة للبرامج والثيمات .. عندك منتديات عربية مثل mobile4arab .. او موقع mobile9

اما الصامت .. اضغط السهم الي تحت على يمين الجهاز .

مبروك عليك الجهاز.

 

[hussien-11]

بالنسبة للـThemes ادخل موقع www.mobile9.com ، ممتاز جدا ..

ألف مبروك ^__^
​

 

[BioMario]

العفو شكراً شباب على المساعدة جزاكم الله خير

 

[53]

خلاص شباب مشكورين على أرائكم ..
اشتريت K800i ممتاز و رائع والله استعمالة شوي يبيله تعود لكن صوته ضعيف -_______- ..

مبروك مبروك ألفين مبروك ..

لوول..

انشالله انكون فدناك حبيبي و يعطيك خيره انشالله ويكفيك شره ..