أول نت صادقين والا جالسين يصرفوا علي ....

[Humam]

شباب .. الانترنت عندي من يومين وهو في حالة يرثى لها.. لمدة 6 ساعات تقريبا من اليوم ( من ال الساعة 11 صباحا تقريبا ) يفصل كليا, الإشارة موجودة, لكن التصفح والتحميل = صفر.. ما يشتغل أبدا..

يوم يجي المغرب يبدأ الوضع يتحسن تدريجيا, يصير التصفح + الداونلود بسرعة الدايل أب.. على الساعة 9 تقريبا الوضع يتحسن أكثر ويصير التصفح أفضل والدوانلود أقصى شي 17 كيلو بايت لكنه متفاوت غير ثابت إطلاقا.. حاليا قاعد أنزل درايفر الGPU الجديد وسرعة التحميل 4.4 كيلو بايت.. ولا حول ولا قوة إلا بالله

كلمت أول نت اليوم وشرحت لهم المشكلة, قالوا لي مكة المكرمة فيها مشكلة من يومين مو انت لحالك كثيرين متصلين ( حي العزيزية فقط على حد زعمه ).. على أساس إنه شركة الاتصالات السعودية بتقوم بعملية توسعة للPorts.. ما عندك إلا إنك تنتظر لين تنحل المشكلة..

لذلك, إذا كلامهم صحيح, هل أحد بيواجه مشاكل مع أول نت أو مع أي شركة ثانية ؟ م وشرط من مكة من أي مدينة ثانية حتى نعرف إذا هم كذبين والا لا ..

عموما أنا إن شاء الله ناوي أغير الشركة بعد انتهاء الاشتراك, كويس إني اشتركت شهر, أول نت مع الأسف خدمة سيئة جدا , كل يوم لازم يفصل كذة عبط واستهبال..

 

[Xavi]

ولد عمي عنده أول نت والحمدلله ماواجهته أي مشاكل في الأيام هذي .. ونصيحة مني لا تاخذ اشتراك غير نسما ( تجربة شخصية ) والحمدلله للحين ولا مشكلة من ثلاث شهور ...

 

[Humam]

المشكلة إنهم يقولوا ان مقسم حي العزيزية بالذات الي فيه المشكلة..

على العموم النت رجع تمام الحين.. الله يستر ما يخبص ثاني .. اشتراكي القادم محصور بين سعودي نت ونسما.

 

[Khalid-S]

همام .. يمكن المشكله مثل ما يقولون في مقسم منطقتهم .. بيتصلح ان شاء الله.

 

[Kratos]

إذا من يوم ما أشتركت وهو تعبان فالأفضل لك تغير الشركة ..
أما لو بس اليومين الماضية المشاكل ذي صارت .. فأكيد عندهم مشكلة و بنتحل لأنه كان شغال قبلها

أول نت صراحة يوم رجعت السعودية الصيف الماضي جربتها و كانت جيدة مافيها أي مشاكل ..
الي قريته بالموقع هنا إن أغلب الي جربوا سعودي نت يقولون فيها مشاكل مستمرة ..
فما أنصحك فيها ..

الشباب الي جربوا شركات مختلفه بالفترة الأخيرة ممكن يساعدونك

 

[Zero]

آخر نت هم أول نصابين ، النت عندي فيه مشاكل كثيرة ودائما تكون سرعة التحميل للنصف ، هذا غير أنه ما يفتح صفحات أحيانا أو يصير التصفح زفت .. والله بيني وبينك حتى عروض الألعاب ما أقدر أحمل أي شي منها ، بل أحمل أشياء محددة ..

يللا الصيف الجاي ينتهي الإشتراك ويصير خير ، بعدها أشوف لي إتصال زي البشر ..
وأنصحك تسأل وتاخذ بنصيحة اللي متربعين في الـXBox Live طوال اليوم ، لأنهم كل يوم ناقزين على إتصال جديد وتجاربهم مع الإنترنت السعودي لا تنتهي .. لول
والله يساعدك همام ..

 

[m7tram]

خخخ شي عادي , كل ما يصير النت فيه شي تدق على الشركه يطلعون لك اي مشكله علشان ما تزعجهم .

 

[Leon]

أنا مشترك في أول نت ليا أسبوعين في سرعة 256., مشاءالله شغال معايا تمام, صحيح انه قطع التصفح عندي كم مرة, لكن أغلب الوقت بيكون التصفح والداونلود جيد جدا, بكلمك وأنا في جدة, يمكن تكون فعلا عندهم مشكلة في مكة..الله أعلم
صراحة ماجربت نسما ولا سعودي نت لكني مرتاح مع أول نت ماأدري يمكن يخبص معايا بعدين,الله يستر..

 

[Humam]

شباب.. المشكلة مازالت مستمرة.. وكالعادة من الساعة 11 الصبح ما يشتغل أبدا, بس صار أسوا ماصار يشتغل لين 9 مساء بشكل " مقبول " .. اول كان على المغرب يكون تمام..

في منتدى خاص بالDSL مشهور ( أظنكم تعرفوه ) رحت شيكت هناك لقيت كثير من مشتركي سعودي نت يعانوا من نفس مشكلتي, ولقيت واحد فقط من أول نت ( لول ) .. الدعم الفني بسعودي نت يقول لهم إن في مشكلة عامة وراح تنحل في غضون 5 ايام ( الكلام ذا من 9 نوفمبر 2006 )..

أنا قبل 3 أيام كلمت الدعم الفني من أول نت وقالي واحد ان شركة الاتصالات تقوم بتوسعة البورتات, بس ياخي ايش دخل, ليش ما يشتغل في الصبح وفي الليل على الساعة 9 !! بدأت أمل شباب..

بالمناسبة.. شايف كثيرين يسبوا في سعودي نت, يا الله, أول نت طيبة والله بعد ما شفت الكلام المهول عن سعودي نت.. لول راح أظل معاها فيما يبدو.

 

[Humam]

هههههههاي... دايل اب.. عدنا والعود أحمد.. ما أقول إلا حول ولا قوة إلا بالله.. الDSL رسميا خرف, اليوم أسوأ يوم على الإطلاق ما يشتغل مرررررة, إشارة الDSL موجودة لكن اشارة التوصيل بمزود الخدمة من الساعة 2 ونص الظهر وهي ما تطلع إطلاقا ( زمان كانت موجودة بس التصفح = صفر, الآن لا تصفح ولا إشارة ولا شي )..

قدمت بلاغ لشركة الاتصالات السعودية من أمس قالوا في خلال 24 ساعة ان شاء الله يتصلح, مرت 24 ساعة ومافي فايدة, كلمتهم ثاني قالوا لي مكتوب عندهم ان الفني مر عليك الساعة 12 الظهر ( لول مدري اذا صرفة جديدة والا صادقين ) قلت لهم محد مر علي ولو مروا على الأقل يتصلوا على الجوال.. الشهادة لله موظف في قمة الاحترام ومتعاون جدا, قالي آسفين أخوي حقك علينا قدمنا طلب متابعة ثاني وان شاء الله بكرة يتصلح ...

الي استغربته إن الموظف طلع جدا متعاون ومتفهم وطيب بشكل غريب !! معناته أكيد العلة منهم, لأن أسلوب الطيب هذا ما يستخدم إلا لامتصاص الغضب, ما يبغوا واحد يجيهم يقلهم مين يعوضني عن اشتراك الانترنت الي ينحسب وما يتم الاستفادة منه..

عموما إذا جبنا فينكس رايت يحقق في القضية, راح يلاحظ التالي:

1- جمب بيتنا في حفريات كبيرة لشركة الاتصالات السعودية.

2- أنا قرأت في منشور رسمي من شركة الاتصالات من فترة إن حي العوالي ( الي انا ساكن فيه ) راح يتم الانتهاء من توسعة البورتات بحلول شهر ديسمبر 2006 ( احنا الآن 14 نوفمبر ) همممم.

3- الشي الثالث نفس موظف الاتصالات قالي إن جاتهم شكاوى من بطء التصفح في الحي إلي أنا ساكن فيه.. خصوصا يوم أمس ( وفعلا يوم أمس كان الأسوأ قبل أن يتغلب عليه هذا اليوم !!! )

4- واحد من أصحاب أخوي ساكن في نفس الحي أيضا اشتكى من نفس مشكلتي والي أكد إن في ناس آخرين في حي العوالي والعزيزية يعانوا من المشكلة.

5- اشتراك الDSL سليم 100 % .. عطيته لعمر واشتغل.. عطيته لشخص آخر واشتغل معاه أيضا.

6- توصيلات الDSL نفسها توصيلات الDial Up.. لكن الDial-Up شغال سليم معاي.. معناته توصيلات البيت سليمة 100 %.

7- موظف الدعم الفني في شركة الاتصالات, ترحيب حار جدا وطولة بال مثيرة للشكوك !

كل الدلائل تشير إن المتهم الرئيسي هو شركة الاتصالات السعودية.. ما أبغى أتعب نفسي و أحشهم, لكن ميني يعوضني عن قيمة الاشتراك من أول نت الي طارت منه 6 أيام بدون استخدام فعال ؟ أيضا الاشتراك الشهري 120 ريال.. ياخي ليش حقوق المواطن تنتهك وو لا أحد يعطي أي اهتمام ..

شكرا شركة الاتصالات.. نصوم نصوم ونفطر على بصلة.. شهر واحد يا ناس ما كملت مع الDSL وقام يهستر معاي.. لكن الحمد لله مين شاف مصايب الناس هانت عليه مصيبته..DSL يهتسر أحسن من لا شيء لول.. صراحة الأسبوعين الي راحوا كانوا في قمة الفلة مع الDSL.. يا رب يكون اليوم أخر عهدي يالديال اب للأبد

 

[squall leonhart]

خخخخخخ همام اصلا وجهك مو وجه dsl .. الله يعينك


شباب بما ان الموضوع عن الدي اس ال احد عنده اي معلومة عن ال 1 ميجا ؟؟ نزل او لا عندنا و اذا احد جربه ؟؟

 

[Nintendo]

عين وصابتك ياهمام ..

ان شاء الله تتصلح الامور وترجع للدسل وتنزل حلقة ابو بريك الجديده .. واذا مانزلته عادي نرجع للايام الخوالي ( يوم الخميس الساعه 11 الليل )

 

[Humam]

لول عمر والله شكلها الأيام الخوالي بتعود بقوة .. يعني حتى مع وجود الDSL برزن بريك ياخذ قرن لين ينزل.. التورنت للآن مو عارف أسوي فيه شي.

 

[Van]

الله يعينك همام عليهم ...... تصدقون للحين يقولون لي انتظار T_T , و المشكلة أنا أدري انه لما أركبه بصير لي نفس الأحداث

الاتصالات FTL -__-

 

[NA!F]

المشكلة إنهم يقولوا ان مقسم حي العزيزية بالذات الي فيه المشكلة..

سلييم 100% ... ما اواجه اي مشكلة :s
انصحك بجيل ..

 

[Humam]

الحمد لله الDSL رجع وشغال الآن 100 % برزن بريك.. هجوووم.

 

[Ramza]

للمعلومية فقط ، كثير من الي اعرفهم مشتركين بأول نت و إلى الآن

ولا واحد يمدح لي فيها بالنسبة لأسعارها الغالية و التقطيع في الخدمة

و أكثرهم حولوا على سعودي نت و جيل .

أيضاً هذا الكلام من احد السوبر فايزورز الي اعرفهم بالشركة يقول أن أحد
المدراء فوق يقول أنه ما يبون يرخصون الأسعار عشان ما يصير عندهم ضغط
في العملاء لأنه يكفيهم المشاكل من العملاء الي موجودة حالياً .

 

[Humam]

الصراحة كل يغني على ليلاه.. ما تدري مين الصادق, انا كنت محسب أول نت شي سيء على التقطيع, لكن بعد ما سالت كثير وشفت شكاوى الناس والله حسيت اني عايش في نعمة كبيرة..

أول نت كان يقطع ساعة واحدة في اليوم وبعد كذة يرجع تمام.. لكن الان اليوم الثاني ولله الحمد 100 % .. حتى يو تيوب الستريمنق للفيديوز صار سريع بشكل غير مسبوق..

عيب أول نت أسعارهم.. مبالغ فيها جدا .. بس أدفع 60 ريال زيادة وأنا ضامن ولا إني اشترك في شركة تناحل قلبي وترفع لي ضغطي

 

[Nintendo]

انا للاسف شفت ايام سوده مع سعودي نت , نسما , ووحده اعطاني اياها خالد مش متذكر وش كانت !!

الشركه الوحيده اللي الحمدلله ما عانيت من اي مشاكل معها هي اول نت ..

 

[Ramza]

هو على حسب ، إذا شفت انه وضعك مستقر في شركة لا تغيرها .

لكن انا ما اقول كلام عن اول نت بدون مصدر موثوق لأنه مصدري في الشركة نفسها
و عارف عيوبها ، و اكيد مافي اي شيء بدون عيوب كل الشركات انواع العيوب فيها.

انا للاسف شفت ايام سوده مع سعودي نت , نسما , ووحده اعطاني اياها خالد مش متذكر وش كانت !!

نسما اتفق معاك! عانيت معاها 6 اشهر و بعد ما تركتها حسيت انه عندي دي اس ال
لكن الباقين ما جربتهم

 

[Nintendude]

أنا استعمل أول نت حالياً وما عندي مشاكل معها عكس نسما الي كان التحميل بالتورنت بطيء شوي.