أول مراجعات Dragon Dogma

[Sir Guts]

حتى لو اللعبة فيها اغلاط متأكد انها تقنيا ارحم من Skyrim بمليون مرة!

اللعبة ماتتقارن مع سكايرم لأن من الي اشوفه انها اقرب الى kingdoms of amalur

و نرجع و نقول ماعليكم من تقاييم المواقع دامك انت منعجب فاللعبة خذها و قيمها بنفسك

يمكن انت تشوف شي هم مايشوفونه و العكس صحيح ايضا لكن اخلي قراري بتقاييم الآخرين هاذي ماتنفع

 

[L O R D]

جربت الديمو اليوم و صراحه خيب أملي. عروضها كانت تبشر بخير لكن إما اساؤوا الاختيار بمنطقة الديمو او اللعبه ككل مستواها مو ذاك الزود.
عجبني فيها شي واحد وهو القتال و بالذات كيفية تنويع الضربات (ولو ان نظام التحكم يدوخ بالبدايه).
الي ما عجبني فيها هو العيوب التقنيه أساساً. الفريم ريت فيها نازل بشكل مزعج, و الجرافيكس ما يبرر سوء الفريم ريت اطلاقاً (ممكن الظلال فقط) بالاضافة لعدم وجود طريقة للـlock-on اثناء القتال. أزعجني ايضاً قرب الكاميرا من الشخصيه خصوصا اثناء القتال, ما قدرت اتأقلم معه و ظليت احاول ادور الكاميرا اثناء القتال عشان اشوف خصمي قدامي (الي طبعاً رايح جاي مو راضي يثبت = حوسة زياده بالكاميرا).

دارك سولز ما فيها هذيك القصة اللي ممكن تخليك تشرحها و تحللها بس بالرغم من هذا لعبة من أمتع ما يمكن للاعب تجربته

مع ان ما ودي اطلع برا الموضوع لكن دارك سولز لها قصه جميله و تتطلب بحث و تحليل كثير عشان توصل لحقيقة عالم اللعبه و الـlore.
الي يفرق فيها هو طريقة السرد, عشان تعرف القصة الكاملة لازم انت تبحث و تقرا و تستنبط و تستخلص من المعلومات المتناثره بعالم اللعبه و بالذات شروحات الأدوات, و ذا يخالف طريقة باقي الالعاب بالسرد الي يستخدموا فيها العروض و المحادثات.

 

[Mute City]

^
دارك سولز قصتها مو شي رئيسي أبدأ ومو لازم تعرفها عشان تحس برهابة اللعبه إطلاقا , والقصه سطحيه وما فيها العمق الكبير مجرد قصص شخصيات

بالنسبه للوك أون سكايرم و ريكونيج بدون لوك اون فلا تعتبره عيب قاتل للعبه , والاخطاء التقنيه أمر شائع جدا ووراد خصوصا في الالعاب العالم المفتوح خذ أقرب أمثله
سكايرم تقطر جليتشات ودروب في الفريم ريت , ريد ديد ريدمشين كلها ملغمه سبويلرات . منطقة الديمو هي بداية اللعبه ( التتاتوريل حق اللعبه ) اللعبه الكامله ممتازه إلى الان
فيها أفكار مميزه أعطي اللعبه فرصه , وكل الي شفته بالعروض راح تشوفه وبشكل أفضل

 

[hamood UAE]

انا كنت متحمس اللعبة وقلت 100% باخذها بس يوم دريت انه في اول يوم من اطلاق اللعبه نزلوا دي ال سي وغيرت رايي ع طول , يعني عيييييييب عليكم يا كابكوم استحوا على ويوهكم من اول يوم دي الس سي , انا مش هذا الي منعني من شراء اللعبة بس قلت بعد كل اسبوعين تقريبا بنزلون دي الس سي واشياء يديده وابديت يديد اذا في اخطاء اللعبه , انا ابي العب اللعبة كااااامله وانا مستانس ما بي اتحسف بعد اسبوعين بعد نهاية اللعبه اشوف اشياء يديده امنزلينها في اللعبه , و المصيبه انها اضخم مشروع لكابكوم ياخوفي يندمون ع الي يسوونه

 

[Silent-Horror]

مراجعة جيم سبوت للعبة
http://www.gamespot.com/dragons-dogma/reviews/dragons-dogma-review-6379027
أعطاها 8 / 10
المراجعة موزونة و جيدة لحد كبير و اللعبة من كلامه تستحق الشراء و خصوصا لهواة الأربيجي
إن شاء الله باخذها لما ينزل سعرها بعد ما أخلص كومة الألعاب اللي عندي

 

[Boo22]

لعبت تقريبا ساعة
من اللي شفته اقدر اقول اللعبة اذا تبي تغض الطرف عن الجرافيكس السئ راح تكون تجربتك ممتازة

 

[Al Pacino]

شباب اللعبة لها موضوع رسمي.