germany
Hardcore Gamer
اخيرا واحد قال الكلام هذا.التطبيل لهالمدرب مو طبيعي
باقي شوي وينقال انه اخترع الكرة !
كمية التطبيل لغوارديولا اخر السنوات على اللي يسوى وما يسوى غير طبيعي.
في المقابل مدربين يحققون الابطال مرارا وتكرارا ولا نحصل نص الاشادة لهم.
اذا غوارديولا فاز فهو عبقري, واذا خسر فهو بسبب عبقريته وتفكيره الزايد.. ما شفت مباراة وحدة الناس انتقدت غوارديولا فيها بشكل واضح وصريح, حتى في انتقاداتهم يمدحونه لاكن بلفة.
بالضبط, اكاد اجزم ان كل مباراة لعبها غوارديولا في مسيرته كان عنده العناصر الافضل وكان مرشح انه يفوز وابدا ما مرت مباراة كان فيها ال "Underdog"$$$$$$$
فيه فريق يقدر يكدس هاللاعبين والنجوم بالدكة !
مش تقليلا في المدرب لاكن هذي وحدة من اسباب اكتساحه وهمينته على المدى الطويل.
فالواحد لما يقول انه افضل مدرب في التاريخ فيها تقليل من اللي قبله. مافي مدرب في العالم ينقي الفرق اللي يروحلها تنقية مثل ما سوى غوارديولا.. وخصوصا ان المدرب الى الان مبين انه تخصص دواري وفي مدربين كثار كانوا افضل منه في مستوى البطولات القارية اخر ١٥ سنة
لاكن بالمقابل في مدربين كثار ما عرفوا يتعاملون مع كمية النجوم اللي عندهم او حتى يعتبرون Underachieved منهم انشلوتي ميلان او انشلوتي بشكل عام والقاب الدوري.
رغم هذا كله ما يمنع ان المدرب غير كرة القدم وكان اكثر شخص مؤثر فيها اخر ١٥ سنة مثل ما قال حسين: كرة القدم قبل غوارديولا شيء وبعد شيء ثاني
لاكن الشيء هذا ما يخليه الافضل بالضرورة.
للي يتابعون السلة يعرفون ان ستيفن كري غير لعبة السلة وطريقة لعب اللاعبين, وهو يعتبر من اكثر الاشخاص تأثيرا في الرياضة اكثر من كوبي وليبرون حتى وبفارق.. لاكن الشيء هذا ما يخليه افضل منهم.
كنت اشوف غوارديولا مدرب عنيد ومتحجر وما يقبل يلعب الا باسلوبه اللي كان يشوفه اعلى من باقي الاساليب. لاكن مع الوقت وكثرة الدق (خصوصا اوروبيا) الادمي بدأ يتغير.
واكثر صفاته السلبية بدأت تتغير اخر كم سنة وصار يلعب باساليب لعب مختلفة وصار يسلم الكرة!!
لاعب مثل هالاند كان راح يندفن لو جا غواردويلا قبل كم موسم, وكلنا شفنا كيف تعامله مع ايبراهيموفيتش في البرشا
لاكن المدرب تغير وصار اكثر مرونة من اول واقل عناد..
كل الانتقاد اللي فوق ما يخفي مدى اعجابي بالمدرب خصوصا في الفترة الاخيرة, واعتبره واحد من الافضل في التاريخ بدون اي نقاش, وعنده الفرصة يكون الافضل لو حقق لقب او لقبين ابطال في السنوات القادمة وهو امر حتمي لو استمر على هذا النهج.