ألعاب الكمبيوتر للأطفال .. هل تغيرت هذه النظرة ؟؟

[الــخــــارق]

السلام عليكم..
فيه موضوع شاغل بالي فترة طويلة ..

بداية كلنا يعرف انه في مجتمعنا الخليجي والعربي الناس ينظرون الى ألعاب الكمبيوتر
أو الفديو جيمز على انها العاب مخصصة للأطفال فقط ..
ولا ينبغي للكبار اللعب بها وقد ينظرون الى من يلعب بها نظرة استصغار ..

في الحقيقة انا الى الان أواجه حرج في البوح الكامل بأني ألعب الفديو جيمز ..
صحيح انه في الآونه الأخيره بدأ تغير هذه النظرة بعد جنون لعبة ويننج اليفن
وما سببته للصغير والكبير ممن يسقط في عشقها ..

لكن المشكلة انه الى الان يوجد ناس ترى الفديو جيمز للصغار ..

هذا أمر واقع للأسف ..
الواحد منا يريد ان الناس تغير نظرتها لكن صعب ..

والمشكلة انه ورى هذي النظرة أصبحت ألعاب مثل GTA و God of War في أيدي أطفال في الإبتدائية ..
يعني أولياء الأمور تجدهم هم يشترون هذه الألعاب لأبناءهم وهم لا يعلمون مدى خطورتها ..

همام & نايف >> (وش صار على الموقع اللي كنتوا بتفتحون لكي يكون دليل لأولياء الأمور عند شراء الألعاب لأطفالهم ):question:

ختاما..
رأيي هو انه نظرة الناس تحسنت في هذا الجانب وبدأت ترى ان الألعاب تغيرت وما صارت للأطفال فقط
لكن الى الآن يوجد ناس وليسوا قلة يرون أنها لا تصلح للكبار وانه (عيب) الواحد يلعب بها ..

أرجوا النقاش في هذا الموضوع ..

وشكرا..

أخوكم / محمد

 

[The Last Fantasy]

الجهل ..
فكر الناس أن الألعاب والأجهزة الحديثة بنفس مضمون الاجهزة القديمة .. واللي ما تحتاج تصنيف أو تحديد عمري ( صالحة للجميع تقريبا ) .. لا عنف يُلحظ .. ولا رعب يُذكر ..

الآن تغيّر الحال والناس على نفس تفكيرهم ..

التغير اللي تتكلم عنه يتقصر على الوينينج إيلفن وشبيهاتها .. هذا اللي لاحظته

 

[Futrus]

الناس اعداء مايجهلون !

 

[Naif]

في بعض الناس اللي ما تريد تغير نظرتها .. كنت اكلم ربيعي من فترة و كنت اقوله بما معناه "اني بعد ما اخلص جامعة يوم برجع من الشغل ما بيكون عندي امتحانات مثل ايام الدراسة و بيفضى الوقت لي و لالعاب الفيديو .." بدا يضحك هنا .. يقولي حتى و انته تشتغل .. بعدها عطيته جرعة من بعض الاشياء اللي في غود اوف وور + GTA .. بس ما حسيته ما غير رايه حتى الان .. في رايي ما بيبدا الوعي يكبر تجاه الفيديو جيمز عندنا الا اذا صار حدث كبير جدا و شد انتباه الناس اليه..

هذي المشكلة ما تواجه الالعاب فقط للاسف .. حتى افلام الكارتون مازالت تعتبر للاطفلا فقط .. القهر يوم تشوف اب او ام مثلا يوم يروحون يشترون فلم لاطفالهم يروحون على طول لقسم الكارتون في محل الافلام او يحاولون يختارون افلام للعائلة .. لكن في نفس الوقت اذا زارو محل العاب لشراء لعبة جديدة لابنهم نشوفهم ياخذون اي وحدة بدون معرفة على ما تحتويه ..

و المشكلة الرئيسية في نظري .. مافي وعي كافي عندنا .. طبعا الاهل اكتسبوا وعي من ناحية الافلام بسبب وجود العديد من قنوات الافلام في كل بيت اللي تعرض افلام ممكن تبين هذا الشي او من ناحية التقديرات العمرية للافلام اللي نشوفها في بعض قنوات الافلام .. لكن في نفس هذا الوقت مافي وعي من ناحية الالعاب الالكترونية بما قد يكون فيها ..

و انا ما اقصد كل الاهل هنا .. في بعض الاهل الحمد الله عندهم وعي كافي .. لكن ممكن 95% ما يعرفون اي شي غير بما انه الياهل ساكت او ما يضايق اهله خليه يلعب .. حتى لو كانت اللعبة GTA :\

قاعد اعمل على الموقع الخارق .. و ان شاء الله ابدا اعمل عليه اكثر و اكثر الاسبوع القادم بعد ما اخلص الصيفي ..

 

[Double T]

والله مشكله ما زالت موجوده .... انا الا الان اعاني مع الوالد ... دائما اذا شافني العب يقولي الى متى بتقعد تلعب الألعاب هذي eeved:

اتوقع انه مع الوقت الناس تتغير و الفرق بين زمان و الحين واضح لكن لسه فيه ناس الى الان ما تعرف انه في العاب للكبار فقط

وعلى قصة GTA كنت دائما امنع اخوي الصغير " 10 سنين " من لعبها الا ان اشتكى للوالد و اتفق هو و ايها انه اخوي يسأل امام المسجد على انه هل اقدر العب مثل هذي الألعاب .... طبعا الوالد و انا كنا شبه متأكدين انه الإمام بيقول لا لكن فوجئت بانه قاله عادي طالما انها لعبة :jawDrop:: .... مع ذلك انا الا الان مصر على انها لعبة ابدا لا تناسب الأطفال

مشكلة عدم متابعة الأباء للاعاب الأطفال مشكلة ... و اتوقع انه 99.9% من الأباء ما يدرون اولادهم ايش يشترون <<< ما تصدقون قد ايش ناشب لاخويه .... مثل هذي الألعاب تأثر في بعض الكبار كيف بالأطفال .... و اشوف كل مالها الألعاب تزداد عنف و دمويه و اباحية

موضوع رائع محمد و النقاش فيه يطول يعطيك الف عافيه

 

[Naif]

انه الإمام بيقول لا لكن فوجئت بانه قاله عادي طالما انها لعب

0:

اكيد هذا الامام عندي اطفال بعد ... اصلا حرام انه حلل شي و حرمه دون ما يكون مفتي .. (ما اتوقع انه مفتي صح؟)

 

[Mario2]

المفروض تعطي الامام العاب جراند وشويه من جود اوف وور وكم لعبه سنعه .. والله اخاف يسير يجرب غيرهم p:

 

[Double T]

0:

اكيد هذا الامام عندي اطفال بعد ... اصلا حرام انه حلل شي و حرمه دون ما يكون مفتي .. (ما اتوقع انه مفتي صح؟)

زيك انا مستغرب الى الان .... هذا الأمام عنده دكتوراه في علم القران .... ما ادري ان كان مفتى والا لا ... و بعدين هذي ما تحتاجلها فتوى لعبة الشركة المصنعه لها تقول اللعبة لا تناسب الأطفال

صراحة هذا الإمام حطنا في موقف محرج .... يا تخليه يمشي على كلام الإمام و يلعب أو ما تخليه ما يلعب و كذا نخرب صورة الإمام قدامه ... ما ادري ايها افضل :question:

 

[NSider]

أنا غيرت الصورة عند أهلي وأقاربي الكبار بصعوبة مع أنهم إلى الحين ما اقتنعوا 100% (إلا الوالد اللي كان هاردكور على أيام الأتاري وصخر وDonkey Kong على الأركيد ).

يا تخليه يمشي على كلام الإمام و يلعب أو ما تخليه ما يلعب و كذا نخرب صورة الإمام قدامه ... ما ادري ايها افضل

إيش يهمك أكثر شخصياً .. ابتعاد أخوك عن العنف الزائد والإباحية وهذي الأشياء اللي ممكن توجهه للتفكير السطحي (في أفضل الحالات) أو الإجرامي (في أسوأها)، ولا صورة إمام أعطى رأيه وهو حتى ما شاف اللعبة ولا جربها ولا سأل عنها أهل الاختصاص؟

 

[الــخــــارق]

مشكورين شباب على التفاعل ..

بالنسبة لسؤالكم لإمام المسجد يا طراد كيف كانت صيغة السؤال ؟؟
يعني بينت له اللي فيها والا لا ..
لانه يمكن يكون ما يعرف عن هذي الأشياء وأنتم سألتوه سؤال عام ..


نايف كانك تبي أي مساعدة تراني حاضر أبداً لا تترد

 

[Soliden]

وعليكم السلام ورحمة الله وبركاته..

انه الإمام بيقول لا لكن فوجئت بانه قاله عادي طالما انها لعب

أساسًا تحكيم الإمام قرار خاطىء .. هو صحيح مثقّف في الأمور الدينية .. لكن اش عرّفه في ألعاب الفديو (".) (طبعًا حكمت عليه من خلال جوابه لكم) .. زي كإنك تسأل سبّاك في علوم الطب .. والمسألة بعدين واضحة, اللعبة GTA قذرة من كل النواحي وتخلو من أي نقطة إيجابية .. سرقة, مخدرات, جنس, .. عدّ واغلط .. يعني امنع أخوك عنها بالراحة .. وإذا شخص اعترض, أعرض عليه لمحات مما تحتويه هذه اللعبة الخايسة..

ولّا أقول لكم .. ذحين مع الأجهزة الحالية واللعب في وضعية ثابتة, ما تخارجنا من الانتقاد في بيوتنا .. عاد كيف مع الوي .. يقولون خلاص تجنن من الألعاب ذا ..

 

[mario0o]

مممممم صح في في ناس تنظر للالعاب على انها للاطفال

بالنسبة لي .. الحمدلله طبعا انا واخواني واليهال من زمان نلعب فأهلي متعودين على هالشي وخاصة الالعاب الجماعية..

ومثلا في طريقة ان الشخص يلعب لعبة للكبار مثل رعب او لعبة صعبة ومعقدة فالتحكم >> (عشان يقولون انها صعبة عاليهال ههه) امام الاهل عشان يعرفون ان في العاب مخصصة للكبار .


كل املي ان دبي تنتبه لهاي النقطة لان مجال الفيديوجيمز قوي كبير ويبدون يسوون معرض للالعاب وبعدين الفيديوجيمز بيشتهر وبيكبر وبيزيد الوعي عند الناس اكثر

لوووووووول عالامام P:

بالتوفيق نايف


.

 

[Double T]

إيش يهمك أكثر شخصياً .. ابتعاد أخوك عن العنف الزائد والإباحية وهذي الأشياء اللي ممكن توجهه للتفكير السطحي (في أفضل الحالات) أو الإجرامي (في أسوأها)، ولا صورة إمام أعطى رأيه وهو حتى ما شاف اللعبة ولا جربها ولا سأل عنها أهل الاختصاص؟

ابشرك اقنعه الوالد ان الألعاب هذي ما يصير يلعبها و الحمد لله اقتنع <<< لأنه اذا منعته بدون ما يعرف السبب مثلا يروح لأصحابه و يشوفهم يلعبون اللعبة و يعتقد انه انمنع ظلمنا ... و هذي احد المشاكل الى اواجها

بالنسبة لسؤالكم لإمام المسجد يا طراد كيف كانت صيغة السؤال ؟؟
يعني بينت له اللي فيها والا لا ..
لانه يمكن يكون ما يعرف عن هذي الأشياء وأنتم سألتوه سؤال عام

سأله على حد علمي "في لعبة في السوني تلعب بواحد حرامي يسرق السيارت و يقتل الناس ... اقدر العبها ؟؟ ... سأله هي لعبه ؟؟ اخوي قال ايوه .... قال ما دام هي لعبة عادي

 

[NSider]

سأله على حد علمي "في لعبة في السوني تلعب بواحد حرامي يسرق السيارت و يقتل الناس ... اقدر العبها ؟؟ ... سأله هي لعبه ؟؟ اخوي قال ايوه .... قال ما دام هي لعبة عادي

لو أن أخوك قال له أن فيها خلاعة وقلة حياء، كان رد الشيخ على طول أنها حرام ولازم اللعبة تتكسر والجهاز يتكسر .. مع أن القتل أشد شرعاً. للأسف هذي خربطة في الأولويات منتشرة عندنا. يقومون الدنيا وما يقعدونها خوفاً من تأثير الخلاعة على الأطفال، وما يهتمون لتأثير العنف والقتل والإجرام والفكر المنحرف وهي أشد.

 

[Mr.3B]

لو أن أخوك قال له أن فيها خلاعة وقلة حياء، كان رد الشيخ على طول أنها حرام ولازم اللعبة تتكسر والجهاز يتكسر .. مع أن القتل أشد شرعاً. للأسف هذي خربطة في الأولويات منتشرة عندنا. يقومون الدنيا وما يقعدونها خوفاً من تأثير الخلاعة على الأطفال، وما يهتمون لتأثير العنف والقتل والإجرام والفكر المنحرف وهي أشد.

فعلا .. القتل والاجرام والتجارة بالمخدرات أخطر بواجد .. لكن الحرص على الشرف والسمعة طغى على هذا الجانب ..
بالنسبة لي الحمد لله .. ماأعاني أي مشاكل .. كل أقربائي كبير وصغير يلعب مختلف أنواع الألعاب .. فديو جيمز وغيرها .. فما أعاني من المشكلة ذي بشكل دائم .. بس الا ما تقابل ناس ينظرون النظرة الي مدري وش تبي ذي عن الفديو جيمز .. وكذلك حال الآنمي .. بس الآنمي أشد بواجد مقرانة بالفديو جيمز .. أنا بما اني أتابع آنمي واجد .. أقدر أقول حتى بأقربائي من ينظر لي بنظرة غريبة ولو حاول يخفيها .. بس الا ما يجيهم يوم ويفهمون

 

[Lunar Poet]

اممم مادري لو أحد جاء في باله اللي بقوله أو لأ ؟ .. للأسف من زود التخلف اللي عندنا لو كلمت أحد عن لعبة معينة عشان تحاول تقنعه انها مب للأطفال .. يروح تفكيره ان هاللعبة مصممة لـ"تخريب" الأطفال :exclamati

<-- سوري الرد سريع شوي لكن مستعجل .. سوري لو أحد قال نفس اللي قلته قبلي ( ما قريت الردود )