ألعاب الـPS3 تحصل على دعم رفع مقاطع الفيديو إلى YouTube مباشرة

[NSider]

Get ready for YouTube to be flooded with videos of in-game PlayStation 3 content.
Sony has integrated the latest collection of YouTube APIs to the PlayStation 3, giving game developers the option of allowing in-game video to be uploaded straight to the site.
Even better, this new functionality can be added to older games through an update -- case in point, the feature is now available to players of Mainichi Issho (Everday Together), a free downloadable game featuring Toro, the famous cat character of the Doko Demo Issho (Together Everywhere) series.
"Gamers will now be able to upload their in-game video captures to YouTube," writes Nikhil Chandhok, product manager for YouTube Syndication. "Whether it's showing off that fantastic touchdown pass, car slide, or karaoke sing-along, we hope that more user-generated content from games will make their way to YouTube and connect with the gamer communities."
Looks like the art of machinima -- the technique of creating animations through a game engine -- is about to get a big shot in the arm.

http://blog.wired.com/games/2008/05/playstation-3-g.html


باختصار، سوني أضافت إمكانية رفع مقاطع فيديو من ألعاب الـPS3 مباشرة إلى يوتوب من داخل اللعبة. الميزة هذي ممكن تنطبق على الألعاب الجديدة، أو الألعاب القديمة لو نزل لها باتش.

حركة رهيبة.

 

[Bounty]

حركه عجيبه لصالح الي عندهم البلاي3 ..

ان شاء الله انشوف لها دعم قوي ومبتكر بالألعاب الي بتنزل بالمستقبل القريب ..

 

[Tomb raider]

يوتيوب سوا ثوره في الالنترنت ولو انه عبيط مرات !!
اضافه حلوه !

 

[ZiZ]

حركة رهيييييييييييبة!!!

بس ترقبوا مئات الفيديوهات المخيسة XD

 

[Isaac]

مشكلة لا قعدت تنشغل في الأشياء الثانوية وتترك الأساس معدوم !!


عموما، حركة حلوة و تستحق الثناء.

 

[AMG]

شي ممتاز فعلا ، المفروض ينزل باتش لديفل ماي كراي و برن اوت يدعم هاذي الخاصية

 

[Justice]

لوتقدر ترفع لعبك كان تكون فكره جداً جداً مذهله ^_^!

 

[MALDINI]

قريتها بجاف و شكيت فيها لكن الحين الظاهر الشي اكيد .. طبعا اضافه ممتازه جدا .

 

[Humam]

هههههههههههه والله حركة رهيبة.. تخيل في تحدي ويننج الفين في بطولة TG السنوية, همام vs عمر, أول ما تخلص المباراة بتلاقي فيديو المباراة نازل في يوتوب وينضاف للموضوع الرسمي.

لول أخيرا حسيت ان سوني سوت شي جديد هذا الجيل.

 

[iCon]

حركة حلوه بس اظني فيه خدمات ثانيه اهم لين الحين ما شفناها ::

 

[The Heartless]

طبعاً حركة عجيبة لكن إذا شفنا الألعاب تطبقها , يعني وجودها في لعبة مينيشي "القطو" مايكفي .

لكن إذا شفنا ألعاب كثيرة تدعمها أنا أشوفها خدمة نكست جين .

 

[Khalid-S]

ليش ما يطلقون موقع خاص فيهم (سوني) لفديوهات الستريمنق بدل يوتوب. يحطون كوالتي افضل، دعم HD. عرض معلومات بروفايلك الاونلاين واشياء زي كذا.

حتى المطورين الي داخل سوني يستخدمون اكاونتهم لفيديو بلوقز ووالخ ..

 

[Bounty]

ليش ما يطلقون موقع خاص فيهم (سوني) لفديوهات الستريمنق بدل يوتوب. يحطون كوالتي افضل، دعم HD. عرض معلومات بروفايلك الاونلاين واشياء زي كذا.

حتى المطورين الي داخل سوني يستخدمون اكاونتهم لفيديو بلوقز ووالخ ..

لول خالد امتلكت الخبر..

صج ليش ما يوفرون هالشي ؟ + الدعايات الي بتكون بالموقع بتجيب لهم $$ اكثر ..

 

[Colorization]

ليش ما يطلقون موقع خاص فيهم (سوني) لفديوهات الستريمنق بدل يوتوب. يحطون كوالتي افضل، دعم HD. عرض معلومات بروفايلك الاونلاين واشياء زي كذا.

حتى المطورين الي داخل سوني يستخدمون اكاونتهم لفيديو بلوقز ووالخ ..

If you can't beat them, join them. أعتقد بهالحركة الناس بتستخدمه أكثر، او إنه المحتويات بتكون للجميع (احس لو كان موقع خاص للجهاز ما بيدخله غير اللي عندهم بي اس3، عكس يو تيوب).

الفكرة خطيرة حيل، لازم كل الألعاب تدعمها، والألعاب القديمة اللي فيها خاصية حفظ الفيديوز (توني هوك على سبيل المثال) ينزل لهم أبديت يدعم الخاصية.

 

[M 7 L]

خبر جميل جداً , فكرة إنها تكون مع " يوتيوب " أشوفها فكرة لصالحها مو العكس . . .

وأتمنّى يكون عليها إقبال بحيث تكون مميّزة .. .. ..

 

[Khalid-S]

مدري صراحة. اشوف يوتوب حالياَ "حوسه". يمكن جووجل ما تبي توسعه اكثر وتعقده لان اغلب مستخدمينه من شريحة معينه (تبي خيارات اقل) وهمهم هو ان الفيديو حقهم ينزل اونلاين باسهل طريقة ممكنه. لكن مستخدمين PS3 ما اتوقع انهم بيستغنون عن كوالتي HD. تعودوا على العاب HD وافلام بلو راي ووالخ. لو نينتيندو سوتها ما اشوف فيه مشكلة بعكس سوني.

مواقع كثير مثل يوتوب يقدمون خدمة عرض HD (مثل vimeo.com) يعني التقنية موجودة. كل شي موجود، ليش لأ؟ .. سوني اصلا مو قاعدة تنافس جووجل "يوتوب" او شي زي كذا، ولا اتوقع انها تبي تنافس اصلا لان هذا مو من اختصاصها ولا اهتمامها.

مدري ... انا بكون "متحمس" اكثر بكثير لو سوني سوت موقع مختص لها. لكن يوتوب .. مزحوم بشكل خرافي .. الا لو جووجل بتفتح صفحة مختلفة لفيديوهات الـPS3.

 

[Colorization]

لو على الأقل يضيفون خيارين (يو تيوب + vimeo). فيميو روعة بمعنى الكلمة، ما جربت ارفع عليه شي لكني أتصفحه بشكل شبه يومي. تحسه راقي شوي، عكس يو تيوب spamming بشكل مهول.

 

[M 7 L]

الا لو جووجل بتفتح صفحة مختلفة لفيديوهات الـPS3

وهذا الأغلب . . .

وأتوقع إن هالشي راح يكون موجود . . .

 

[Humam]

سوني لو بتطلق موقع خاص بيها راح تخسر فلوس على الفاضي.. الناس تبغى الشي الأشهر + الي يضمن لهم أكبر عدد من المشاهدات + الشي الي يزيد فرصة نجاهم و شهرتهم.. يوتوب خيار مثالي, أصلا أساس تحمسي للفكرة هو اعتماد يو توب بدل من موقع خاص في الPS3 مثلا فقط..

 

[Khalid-S]

همام كلامك صحيح. تبقى اختلاف وجهات نظر. انا ابي الفيديو حقي ينزل بكوالتي ممتاز ويقدم لي خيارات كثيرة بعكس يوتوب المحدود. ما يهمني الناس الي بتسوي "بحث" في يوتوب عشان يطلعون الفيديو حقي .. همني اعطي "اصحابي" الفيديو حقي .. او "الكوميونتي" الي مشترك فيه (ترو جيمنج).

 

[Double T]

موقع يشاهده الملايين مقابل موقع ما راح يدخله الا شريحة معينة من الناس .. الراجح اكيد الخيار الأول

فكرة جميلة جدا من سوني

 

[Snake-87]

وناسة .. بنشوف الضحك بـMGO و MGS4 ^^

 

[BioMario]

ممتاز ..
حركة حلوة .. رهيب يا Youtube

 

[ryo hazuki]

مع الوقت ...كل شي بيصير يدعم ال youtube

 

[Suzuki Yu]

حركة جميلة جدا حقيقة , هذي خطوة ايضا قد تفيد اعلاميا , الفيديوهات حقت الالعاب ستغزو Youtube بكل تاكيد

 

[Nintendo]

لول اهم شئ الفيديو ينشاف كوالتي ممتاز ولامتوسط مابتفرق عندي .. الحركه رهيبه فعلا وفيه ناس فضايحها راح تصير على النت كبيره وبسرعه ...

 

[The Last Fantasy]

أهنيهم على الحركة بصراحة!

رهيييبة!

 

[Tomb raider]

اللي اتمناه هو ان طريقة رفع الفيديوز تكون سهله !

 

[MR1]

يمديني الحين ارفع اهداف Winning Eleven هناك ^^

الا على الطاري هل اقدر ارفع فيديو لألعاب PS1 و PS2 ؟

 

[Mr.3B]

يا ليت يكملوها ويخلوا الخدمة ذي على نفس شبكتهم البلي ستيشن اون لاين وتقدر ترسلها لأخوياك .. بصراحة ما له معنى HD Gen وزحمة وآخرها فديوات يو تيوب (بس تنفع حق ألعاب الملتي بلير بنظري) .. ودي نفس الحركة الي بهيلو 3