ألعاب أصلية بفلسطين

[altair]

ممكن إذا في أحد من فلسطين يساعدني
أنا من منطقة جنين تحديدا
ما عندي ولا كونسول , سبب عدم الإمتلاك :
1 - إنو ما أعرف أحد يبيع ألعاب
2 - التوجيهي
فممكن أحد يدلني على طريقة أقدر أجيب ألعاب من فلسطين

ملاحظة : أنا أعرف واحد قلي بيجيبلي أي لعبة أوصيه عليه بس ب 400 ريال تقريبا :

 

[Nyx]

 

[altair]

ما فهمت شو قصدك :confuse: :confuse:

 

[Jonas]

^
عدل الرد بسرعة + Nyx حط صورة ما تطلع (محجوبة)

 

[hussien-11]

i didn't get the point :confuse::confuse:

هممم الكتابة باللغة الإنجليزية ممنوعة خيو

أول اشي الله يوفقك بالتوجيهي ، شد حيلك بهاي السنة و بعدين فكر بالكونسول

 

[Sand Wraith]

صراحة ما عندي علم عن جنين .. بس لو بتحب في أكثر من مكان في رام الله ،،

سبيتاني هوم في بلازا مول في رام الله في منطقة البالوع موجود عنده كل الأجهزة و كل الألعاب أصلية ،،

كمان في برام الله في شارع ركب مقابل مطعم أنجيلوس في محل كمان ،،

لو بدك في نابلس في CD City ممكن يجيب لك أي لعبة أصلية و أي جهاز كمان ،،

بالنسبة للسعر فآخر مرة شريت من سبيتاني كان السعر إذا ما خانتني الذاكرة بحدود 100 دولار أو شي هيك يعني تقريباً 350 شيكل

 

[N a S e R]

ممكن إذا في أحد من فلسطين يساعدني
أنا من منطقة جنين تحديدا
ما عندي ولا كونسول , سبب عدم الإمتلاك :
1 - إنو ما أعرف أحد يبيع ألعاب
2 - التوجيهي
فممكن أحد يدلني على طريقة أقدر أجيب ألعاب من فلسطين

ملاحظة : أنا أعرف واحد قلي بيجيبلي أي لعبة أوصيه عليه بس ب 400 ريال تقريبا :

وصلت يالحبيب ...

انا من فسطين الخليل تحديدا ... للبي سي بدك ؟

بالنسبة كيف تحصل سي دي .. واحد تعرفه او توصاية من القدس .. ومن محل مش عربي .. ضمان يكون اصلي .. بالنسبة لي الجمعة الي قبل وصلني assassin's creed 2 .. بسعر 220 شيكل ..

قول انك بتوصي شخص .. 300 شيكل .. لو واحد ما بتعرفه ..

وهادا الي عندي

وشكرا

 

[altair]

مشكورين الكل على ردودكم
أنا حاليا بلعب عالpc , السنة لما رحت على المدينة جبت أكم من لعبة بس أكيد ما بكفو طول السنة
و على أي حال أنا مفكر أجيب واحد لما أخلص توجيهي بما أنو في ناس ببيعوا ألعاب أصلية بفلسطين*, أنا كنت خايف ما ألاقي لأنو القرصنة إشي مش طبيعي ببلادنا
برجع و بجدد شكري

 

[G7Ga7]

ممكن تطلب من أمازون؟ راح تحصل الألعاب هناك بأسعار ممتازة.

 

[altair]

بس ما أظن إنو خدمة التوصيل متاحة

 

[Dark Master]

مافي عندكم DHL او Amazon او اي مكتب توصيل؟
اذا فيه فالتوصيل متاح 100%

 

[Advil]

اذا تقدر توصي حدا من القدس ، الاسعار عندنا لالعاب البي سي 220-230 شيكل الا l4d2 و mw2 سعرهم 300 ، في طريقة بسيطة وهي انك تشتري من ستيم ، كل اللي تحتاجو فيزا او حدا عندو فيزا يشتريلك ، وراح يطلع ارخص بقليل من المحلات وما تحتاج توصيل ، كل اللي عليك تنزل اللعبة من ستيم نفسه .
بالنسبة لالعاب الps3 و ال 360 فالالعاب الجديدة يكون سعرها 420-430

 

[Ze Truth]

معليش سؤال خارج الموضوع

شباب فلسطين الحين انتم تستخدمون الشيكل؟؟ اللي اعرفه انها عملة خاصة باسرائيل.

 

[N a S e R]

معليش سؤال خارج الموضوع

شباب فلسطين الحين انتم تستخدمون الشيكل؟؟ اللي اعرفه انها عملة خاصة باسرائيل.

نعم صحيح اخوي ..

 

[Dr.MoDmEn]

بالنسبة لالعاب الps3 و ال 360 فالالعاب الجديدة يكون سعرها 420-430

الشيكل على ماأظن قريب من الريال السعودي ولا ؟؟!! لانه الرقم مهول جدا ,, حرام ادفع هذا المبلغ على لعبة

 

[Jonas]

اذا تقدر توصي حدا من القدس ، الاسعار عندنا لالعاب البي سي 220-230 شيكل الا l4d2 و mw2 سعرهم 300 ، في طريقة بسيطة وهي انك تشتري من ستيم ، كل اللي تحتاجو فيزا او حدا عندو فيزا يشتريلك ، وراح يطلع ارخص بقليل من المحلات وما تحتاج توصيل ، كل اللي عليك تنزل اللعبة من ستيم نفسه .
بالنسبة لالعاب الps3 و ال 360 فالالعاب الجديدة يكون سعرها 420-430

+1

ستيم رح يوفر عليك كثييير .. خصوصاً انه دايماً تحصل تخفيضات على الألعاب.

 

[Sand Wraith]

الشيكل على ماأظن قريب من الريال السعودي ولا ؟؟!! لانه الرقم مهول جدا ,, حرام ادفع هذا المبلغ على لعبة .. ماعندكم قرصنه ؟؟ << مجرد سؤال لا تاكلوني :d

القرصنة عنا مغرقة السوق .. للأسف .. العملة النادرة عنا هي الألعاب الأصلية لذلك صاحب الموضوع سأل عن أماكن تبيعها ،،

--------

بالنسبة للتوصيل إلينا من أمازون فغير ممكن لأنه لا يوجد وكيل رسمي لـ DHL على الأقل حيث أسكن و كذلك أرامكس لدينا أوقف هذه الخدمة لأنها غير شائعة الاستخدام ،،

--------

الشيكل = 1.00270 ريال سعودي

 

[Advil]

الشيكل على ماأظن قريب من الريال السعودي ولا ؟؟!! لانه الرقم مهول جدا ,, حرام ادفع هذا المبلغ على لعبة

بالفعل السعر غالي خصوصا العاب الكونسلز ، العاب البي سي السعر طبيعي نوعا ما ، طبعا جميع الالعاب الاصلية تكون من محلات لليهود ، وبعض الالعاب تكون معدلة للمنطقة بمعنى لعبة باد كومباني2 مثلا الغلاف فيها بالعبري .

 

[Sand Wraith]

بالفعل السعر غالي خصوصا العاب الكونسلز ، العاب البي سي السعر طبيعي نوعا ما ، طبعا جميع الالعاب الاصلية تكون من محلات لليهود ، وبعض الالعاب تكون معدلة للمنطقة بمعنى لعبة باد كومباني2 مثلا الغلاف فيها بالعبري .

هذا فقط في القدس و الأراضي التي احتلت عام 1948 فقط .. أما مدن عام 1967 فهي عادية و لا يوجد عبري أو غيره إنما باللغة الأم للعبة ،،

 

[Advil]

هذا فقط في القدس و الأراضي التي احتلت عام 1948 فقط .. أما مدن عام 1967 فهي عادية و لا يوجد عبري أو غيره إنما باللغة الأم للعبة ،،

انا كان قصدي الغلاف فقط ، طبعا اللعبة تكون بالانجليزية ، اسف على سوء التعبير