أحتاج مساعدتكم : لاب توب 2x1 أو أيباد .. أصحاب التجربة تفضلو

[oX.]

السلام عليكم ورحمة الله وبركاتة,

بما أني من أصحاب الـ PC والفترة الأخيرة أتنقل من بلد لـ بلد فـ صعب أنقل معي البي سي وين ماروح وإلخ وأحتاج جهاز أدخل منه ع الأنترنت وأتابع أفلام عليه ويوتيوب وإلخ!

فـ احترت بين شراء أثنين..

-أيباد أير
-لاب توب أسوس T100TA الي يجي تابلت وفي نفس الوقت له كيبورد!

فكرة التابلت+ كيبورد جميلة جداً لكنها جديدة ع التقنية وللاسف نادر أسمع تجارب لها! فـ خوفي يكون الاب توب يعلق ويهنق وإلخ ويصير ماله فايدة بالحياة غير النكد! والأيباد واثق من اداءه لكن للاسف الكتابة فية كبيرة ومحدودة أمكانيته مثله مثل الجوال لكن شاشة أكبر! فـ رأيكم في الموضوع أيش؟ علما أن الميزانية 1700 ريال كحد أقصى!

"سوألين مهتم فيهم..كيف بطارية الاب توب الي يتحول لـ تابلت!؟ هل هي تطول أو لا!؟ .. و وزن الشاشة لما تفكها عن الكيبورد هل هي ثقيلة أو خفيفة

 

[Mikau]

لأستخداماتك والسعر الموجرد م فيه افضل من tab S مميزاته
- شاشه جباره سوبر اموليد
- يقبل ذاكرة خارجيه
-عمر بطارية ممتاز
- aspect ratio 16:10 ممتاز جدا للافلام والفيديو
- نظام اندرويد تقدر تركب فيه تورنت نفس اللابتوب

بالنسبة للابتوبات المتحولة م أنصح فيها احد

 

[oX.]

^

ماني فان كبير للاندرويد.. وشكله من الخلف مقزز

 

[Mikau]

اذا تابلت وللافلام فمالك الا اندرويد انا زيك اكرة الاندرويد لكن ك تاب للافلام افضل نظام تقدر تتعامل مع الملفات بشتى الصيغ بكل اريحية حتى المشغلات اكثر وافضل من اللي بالاب ستور
الايباد م ينفع للافلام ولا بريال

 

[NCC-1701]

عندك خيارات كثيرة. الأسوس ممتاز. لكن انصح بهذا

HP Pavilion x2 2015
بـ300 دولار و يعتبر من اوائل الإجهزة اللي تدعم USB-C.
و انا بنفسي عندي تاب HP وندوز 8.1 من سنة و اكثر. ما تصدق السلاسة اللي فيه.

وهذا فيديو مراجعة للجهاز و انصحك تشيك هالقناة لأنه دائما يراجع هالنوع من الإجهزة.

بالنسبة للابتوبات المتحولة م أنصح فيها احد

ليش؟ مجرب؟

 

[Mikau]

^ لا والله لكن اللي اعرفه ان المتحول سعرة اغلى من العادي اذا كان نفس المواصفات +شاشه اللمس فيه عاكسه

 

[Qushery]

أنا كتبت هذا المقال بعد كم عند اعلان الآيباد برو (في مدونتي الشخصيه)
http://qushery.com/2015/09/09/ليش-أنا-متحمس-للآيباد-برو؟/

فيها شرح ليش أشوف القلم الرقمي مهم (وهو شيء ما بتلقاه في اغلب اللابتوبات وإنما في ال2in1 )

بالنسبة لإختيار الجهاز , من أفضل الأجهزة واللي سعرها معقول هو Lenovo Miix 700 (وبينزل في شهر نوفمبر) سعره 700$ للجهاز مع الكيبورد ويدعم قلم واكوم AES لكن يباع لحاله , ليش أشوف هذا الجهاز ممتاز ؟
1-سعره , الآيباد برو مع كيبورد سعره 970$ , وهذا مع الكيبورد ب700$ رغم أنه يجي بذاكره أكبر
2-الكيبورد يدعم البلوتوث , يعني تقدر تستعمله وهو مشبوك أو مفصول (مثلاً لو شبكته بالتلفاز ببساطه تفك الكيبورد و تروح تجلس على الكنبه والكيبورد سيعمل لاسلكياً)
3-يدعم قلم واكوم , السنة الماضية استعملت تقنية واكوم الجديده AES (تختلف عن التقنية اللي تستعملها واكوم من زمان EMR , هذي التقنية الجديده تتطلب بطارية داخل القلم لكن في المقابل هي أرخص بالتصنيع وبوزن أقل ولا تضيف طبقية فوق الشاشة فتقلل الparallax بين القلم والحبر ) ومن تجربتي مع أقلام واكوم الجديده فهي تعطي تجربة مستخدم رائعة ومناسبة للكتابه (قارنتها في قلم n-trig الذي في سيرفس برو3 و قلم واكوم بالتقنية القديمة الذي في Thinkpad yoga s1 )
4-أقوى معالج ممكن بدون إستعمال مروحة , الجهاز هذا يستعمل معالجات skylake m3 أو m7 , وهذي فئة بإسم جديد لكن هي نفس الفئة السابقة التي كانت تسمى y (مثل معالح core i3 4010y ) في الجيل الجديد هذي المعالجات أصبح من الممكن أن تكون بدون مروحة , وهذا شيء جميل أن لا تسمع صوت المروحة بجهازك اللوحي.
5-أبعاد الشاشة , من أهم ميزات جهاز Surface بعد استخدامه هي أبعاد الشاشة الغير عريضه 3:2 , هي تصنع كل الفرق عند استعمال القلم للكتابة بشكل طولي كأنك تكتب في دفتر , وهذه الأبعاد الغير عريضه موجوده بجهاز لينوفو
6-مداخل , والكثير منها : مدخلين USB كامل , مدخل للشاشة , مدخل لذاكرة micro-sd , ومدخل اختياري للشريحة.

فيه أسباب أخرى مثل عمر البطارية ودقة الشاشة ونظام ويندوز 10 الكامل , على العموم ابحث عنه باليوتيوب و اعرف أكثر عنه Lenovo Miix 700.

و لو كان الجهاز خارج ميزانيتك , فالجهاز اللي تم ذكره فوق HP 2x ممتاز وفيه الميزات الأساسية اللي تحتاجها بجهاز هجين (و أنا بأطلب جهاز HP هذا الأسبوع وأكتب عنه كم انطباع بحسابي في تويتر بعد تجربته (أيضاً في الطريق Asus T300 chi اللي من نفس الفئة لكن سعره 460$ )

 

[oX.]

لاهنتم وماقصرتم, كلامكم جداً أفادني! بأذن الله بشوف كم مراجعة باليوتيوب لاقتراحاتكم وبشوف أيش أخذ.. ماقصرتو