أبي فلم - الموضوع الرسمي لأفلام هوليود
- بادئ الموضوع Mr.3B
- تاريخ البدء
- الحالة
Al Pacino
True Gamer
Snake Eyes
مو من عادتي اشوف التلفزيون بس يوم كنت مسافر كان من سبل التسلية القليلة بالفندق، بدأ هالفلم وماكنت مهتم أبد .. بس أول
ماطلع نيكولاس كيج تحمست شوي فقمت أتابع، أنذهلت ! أول مشهد بالفلم قعد 10 دقايق بدون أي وقفه !! مدري شلون قدر
المخرج يضبط هالشغله ويضبط الكمبارس والممثلين طول هالفترة بدون أي غلطة منهم، فـ وقفت وقتها مشاهدة الفلم لاني قررت اتابعه
بعدين، أمس وانا ابحث عن أسمه اكتشفت ان المخرج هو Brian De Palma فـعرفت ليه الاخراج اعجبني، طبعا هو مخرج فلم Scarface
و The Untouchables وكلهم أعجبني الإخراج فيهم كثير، عموما الفلم بشكل عام .. مذهل ! أداء نيكولاس كيج كان رهيب والأفضل من بين
كل الافلام الي شفتها له ! والإخراج إبداعي وتحس المخرج قاعد يتفنن فيه، الاحداث نفس الكلام واداء كل الممثلين، بس للأسف كل هالكلام
كان بأول ساعة من الفلم بعدها كل شيء خرب ! "بأستثناء الاخراج"، الأحداث قلبت تقليدية والتمثيل صار عادي ومافيه أي شي مميز
بالجزء المتبقي من الفلم، بس للامانه الجزء الاول منه يستاهل انك تشوف الفلم كله عشانه بس ! إجمالًا فلم جيد وكان ممكن يكون
"ممتااااز جدا" لو انه قدر يثبت على مستواه.
8
Naserano
True Gamer
الجيل الجديد من أفلام الأنيميشن .. وما يحتاج أقول إنه اعجبني :rockon:
Sora Diersly
True Gamer
فيلم إكس مين فرست كلاس.
شفته الجمعة اللي فاتت. بحُكم اني فان كبير لسلسلة إكس مين, اقدر اقول وبكل ثقة: هذا البريكول وإلا بلاش!! شغل محترم بصراحة. القصة أحداثها جداً ضابطة مع السلسلة بشكل عام, والحقبة الزمنية ضابطينها بشكل رائع, الأسلوب اللي قدّموا فيه بداية المشاكل السياسية والإجتماعية للإكس مين كان ممتاز, وماقدرت أنتقد أي جزئية في الجزء هذا مثل ماانتقدت امور كثيرة في جُزء Origins. وأخيرا حسيت بروعة مثل أول مشاهدة للجزء الأول لما نزل في عام 1900 وحطبة. أنصح بمشاهدة الجزء هذا بقوة لـ فان السلسلة. وحتى اللي يبغون يجربون السلسلة لأول مرة, انصح بشدة تجربة الجزء هذا أول شيء وإعتباره بوابة الدخول لـ تريلوجي إكس مين الرهيب T_T
كل شيء في الفيلم كان كلمة "ممتاز" قليله بحقّه. يمكن لأني دخلت وانا متحطم وحاس انهم حلبو السلسلة بما فيه الكفاية, ومتحطم من نهاية اوريجنز اللي تقهر برضوا, لكن فعلا استمتعت بالفيلم حتى آخر مشهد
10/10
اللي ناقصني اللحين من السلسلة هذي, هو بريكول آخر يكمل الأحداث من نهاية فيرست كلاس وحتى بداية الجزء الأول. لأن فيه gap خفيف ابيهم يكملونه علشان اقدر اسوي ماراثون التريلوجي كامل مع كرتون بوب كورن وانا مستانس :wow:
Sora Diersly
True Gamer
انت لازم تموت
اي ملل ياخي؟ الفيلم يستاهل 10/10 بالراحة! البطئ الفضيع في الشخصية الرئيسية اكبر سبب يخلي الفيلم يكون اكثر من رائع XD يورونك بالضبط كيف حياته فاضية! هههههه. وليكون بعلمك, هذا اول فيلم في حياتي, ابكي في بدايته!! تخيّل, مايمدي الشخص يتعلّق بالشخصيات بـ أول 30 دقيقة من الفيلم, لكن هذا عرف كيف يأسر قلبي T_T وخصوصا لما (زوجته ماتت وصار يقعد لحاله على طاولة الطعام, ويتصفح مجلد صور احلامهم) ياخي الساوندتراك حق هالفيلم شريته لأنه بكاني في أول ربع من الفيلم T________T شيء جباااار . هذا كوم و Kevin بكوم ثاني XD هذيك الشخصية شي ماصار ولا استوى XDHironobu Sakaguchi
True Gamer
فلم من 87
كوميدي مرعب.... بصراحة انصح به ومدته حفيفة 1:22 ساعة
فلة افكارهم ايام زمان خصوصا انها تحاكي عمرنا وجنا اطفال
8\10
أوكازو
True Gamer
Cinderella Man
رسل كرو دائماً يبهرني و بيظل يبهرني!
فلم رهيب -بالنسبة لي على الأقل-
رغم أنك تقدر تتوقع نهاية الفلم بسهولة، إلا أنه يحبس الأنفاس لآخر لحظة
خصوصاً زوجة رسل كرو بالفلم ضبطت الدور الدرامي للآخر و عاشت جو انها فعلاً تحبه
مع اوست اسطوري للغاية.
عموماً نوعية الفلم ما تصلح لأي أحد، يبي له ناس لهم مزاج بالدراما و الشغلات هذي أكثر.
Tron Legacy
:yuck:: <-- تكفي؟
بالنسبة لي أشوف الأفلام على عدة مراتب،
النوع الأول و الأهم بالنسبة لي فلم القصة بالمقام الأول و الدراما، الفلم اللي يعطيك شيء بالنهاية و هذي أفلام قليلة عموماً.
النوع الثاني اللي تشوفه عشان تاريخك مع الفلم "لأنه تعرف أجزاؤه القديمة" أو لك علاقة عاطفية مع شخصية بالفلم :d
مثل علاقتي العاطفية مع الكابتن جاك سوبارو، و أشوف كل أفلام الكاريبي عشانه!
الثالث أشوفه عشان المؤثرات البصرية و الجرفكس و كذا، مثل ترانسفورمر!
عاد أمس ذابحني الفراغ بالليل و لقيت الأخ ترون 3D بالبلايستيشن ستور و استأجرته بـ 7.50$ و يا سفابها!
هذا اللي لا قال لك لا وجه و لا قفى!
كنت متحمس اني بشوف 3D معقول على الأقل، لأنه الفلم ظلام "أسود" و لون فاقع "برتقالي، اخضر، و أزرق" فقلت أكيد تضبيط الثري دي سهل بالألوان هذي
و غالباً ما يكون الثري دي ظاهر و واضح لما تكون الشغلة مزيج بين الألوان الفاتحة و الغامقة!
بس الفلم بالأخير طلع ما حولك أحد؛ لا قصة و لا مِؤثرات بصرية و لا ممثلين صح و لا هم يحزنون! هذا اللي لا قال لك Niether nor !!
Thor
رحت له قبل فترة و ناسيه
بس يوم شفت أخوه اللي فوق Tron .. تذكرته لوهلة
و مهب بعيد عن ترون، بس بما ان معهم نتالي بورتمان بتغاضى عن سخافتهم هم و الشاكوش حقهم :d
Al Pacino
True Gamer
انت لازم تموتياخي الساوندتراك حق هالفيلم شريته لأنه بكاني في أول ربع من الفيلم T________T شيء جباااار . هذا كوم و Kevin بكوم ثاني XD هذيك الشخصية شي ماصار ولا استوى XD(زوجته ماتت وصار يقعد لحاله على طاولة الطعام, ويتصفح مجلد صور احلامهم)
خخخخخ بالعكس الاحداث الحزينة ببداية الفلم ماقدرت تأثر فيني لأني لسى ما مداني أتعلق بالشخصيات أبد !
هالأسلوب اعجبني وماكان هو الملل الي اقصده، بالضبط المشهد الي اقصده يوم ( لما تمشي الاحداث ويرجع يفتح كتاب الذكريات ويشوف الصور ويتذكر ايام زمان، حسيته مشهد ممطوط بزيادة مدري ليه )
Sinker
True Gamer
مافي ردلر، کاتومان و Bane
يمكازي
Hardcore Gamer
^^^
كلامك خليه في سبويلر , في ناس ما تحب تعرف منوا الفلن في الفلم !
أول صورة من الفلم , أيضاً سبويلر
http://www.imdb.com/media/rm1599584512/tt1345836
كلامك خليه في سبويلر , في ناس ما تحب تعرف منوا الفلن في الفلم !
أول صورة من الفلم , أيضاً سبويلر
http://www.imdb.com/media/rm1599584512/tt1345836
Dr MaD
True Gamer
التعديل الأخير:
Hironobu Sakaguchi
True Gamer
the usual suspects , 9\10
- الحالة