آرامكس الكويت وكل شركات الشحن : أسوء خبر راح تسمعونه ! /تحديث :أخبار طيبة"

[Snake-87]

السلام عليكم
وصلني ايميل اليوم من آرامكس :

عزيزنا العميل:

شكراً لاختياركم ارامكس كشريك للنقل،
يرجى العلم بأنه تم ابلاغنا مؤخراً من قبل الإدارة العامة للجمارك بأن جميع الشحنات ستخضع للترسيم الجمركي لحظة وصولها مطار الكويت الدولي فيما عدا الوثائق والرسائل الورقية، وستقوم شركة ارامكس بتقديم خدمة التخليص الجمركي لعملائها الكرام ولكن لن نستطيع اعلامكم بالمدة اللازمة لهذا التخليص والتي من الممكن أن تزيد عن خمسة أيام عمل، لذلك فإن شركة ارامكس تنصح عملائها الكرام الراغبين بتخليص جمركي سريع أن يستلموا الوثائق الخاصة بشحناتهم من مكتب شركة ارامكس الكائن بمنطقة العارضية والعمل على تخليصها لدى إدارة الجمارك.

لمزيد من المعلومات أو الاستفسار، يرجى الاتصال على رقم هاتف الشركة +965 1820011

هذا، وتفضلوا بقبول فائق التقدير والاحترام،،،

الزبدة : كل شحنة توصل راح تتجمرك يعني راح ياخذون مبالغ إضافية وأبسط مثال جهاز Ps3 تدفع عليه 30 دينار زيادة تقريبا وانت تروح تخلص الشحنة بنفسك وراح تلوع جبدك بالزحمة والحوسة وراح تتأخر .. وإذا تبي آرامكس يخلصها لك تدفع لهم 5 دنانير غير طبعا تكاليف الجمارك الإضافية والمدة راح تطول أكثر بوايد على ما يخلصونها .

كلمتهم قبل شوي وفهمني السالفة بأن بالسابق الجمارك يسوون فرز عشوائي اما الحين كل شحنة راح تتجمرك يعني راحو فيها خدمات الشركات مثل آرامكس .

SHOP&SHIP إنتهت:crying:

 

[Colorization]

قريت الإيميل قبل شوي.

:/

من بعد روحتي للجمارك حق البلاي ستيشن٣ ما راح أعيدها مرة ثانية. إنذليت ذل الكفرة عشان أطلع الجهاز.

قهر...

 

[BioMario]

الله يعينكم ..
بس هذا لكل الشحنات ولا على شحنات ذات وزن معين او شيء من هذا القبيل ؟

 

[Snake-87]

كل شي ما عدى الأوراق والمستندات .
اقسم بالله مقهووور (راح كنسل طلباته البري أوردر)

 

[Colorization]

كل شي.

المشكلة عندي شحنات المفروض توصل بس آنا برا الديرة مادري شبيسوون فيهم.

الله لا يسامح اللي كان السبب :/

 

[AMG]

ليش تنتهي ؟؟ انا كنت استخدم الخدمة في مصر و كنت ادفع جمارك مثلي مثل الشاطر و الخدمة ماشية

 

[Snake-87]

ليش تنتهي ؟؟ انا كنت استخدم الخدمة في مصر و كنت ادفع جمارك مثلي مثل الشاطر و الخدمة ماشية

مو متعودين على الجمارك .. أدفع وزن حق آرامكس وغيره حق تخليص المعاملة وغيره حق الجمارك ؟ اشتري من الكويت أبرك لي .

 

[m7tram]

طلبت لي قطع كمبيوتر وخذو علي قبل 25 دينار طبعا غير اللوعه الي صارت بالجمارك , يعني الحين لو أطلب اي شي ماراح أدفع اقل من 20 دينار بس تخليص الأغراض؟

واو شكله باي باي طلب من برى .

 

[Snake-87]

تقدر تقول باي باي .. بس الحل الوحيد باقي هو البريد السريع من Ebay ولكنه ايضا مكلف وبطيئ

 

[Futrus]

الله يعينكم
الله يستر لا يطمعون جمارك البحرين ويسوونها

 

[JOE]

هوسس انتا و هو لا يسمعوكم إلي عندنا ........

 

[Colorization]

محمد شرايك تسأل متى يبدي هالقانون؟ إذا من اليوم أعتبرها وقاحة ما بعدها وقاحة لأنه لازم يعطون الأوادم post-notice عشان يعرفون يتصرفون.

آنا طالب أغراض وما راح أدفع ولا فلس لهم لو ما يابوهم أرامكس لأني ما كنت عارف إنه كل هذا بيصير. الله يخلي الـrefund policy مال أمازون. بقول لهم ديرتي باقتني إعذروني

والله منبطة جبدي حيل. وهم بظل على عنادي وما راح أشتري نص لعبة يديدة من الكويت لو تكون مترويد برايم٤. آخر عمري أشتري من حرامية. لما الواحد يشوف شلون برا ديرته الناس تحترم شي إسمه زبون وشلون بالكويت الزبون منداس على راسه ما يقول إلا حسبي الله ونعم الوكيل. ("إتحاد" الجمعيات يبيع الأغراض بأسعار غير عن بعض بالجمعيات! يعني جمعية المنطقة "أ" سعر الشامبو فيها غير عن جمعية "ب". طاح حظ الإتحاد اللي ما يتسمى إتحاد :/ )

 

[Snake-87]

اعتقد تطبق لأنه ما حطو تورايخ ...والقرار مو طالع منهم اهم مساكين صراحة الجمارك الزفت هم ساس البلى .
آمازون حتى الظرايب قالو لنا متى بيحطونها .

محتوى مخفي

وصلك السيدي الأخير :whistle:؟

 

[SAM]

اوه اجل بترتفع اسعار المحلات عندكم كثير + الأشرطة !؟ ... الله يعينكم

 

[النسر الأسود]

أنا أدفع مبلغ إضافي من فترة على التخليص الجمركي لأراميكس في سوريا
بالنهاية قررت ما أشحن غير الأشياء النادرة والغير متوفرة عندي أما غير كذا فانسى

 

[KOTSHY]

هوسس انتا و هو لا يسمعوكم إلي عندنا ........

اصلا عندنا بعض الاحيان ياخذون جمرك بالذات لو شيء غالي او كبير
وكم مرة جمركوني

 

[Mesharey]

خلاص يعني مانطلب :'(

 

[Monsteropolis]

يعني الآن لازم تدفعوا سعر الشيء الي تشتروه من Amazon + ضريبة أمريكا + شحن Aramex + رسوم جمرك من عندكم :surprised:

("إتحاد" الجمعيات يبيع الأغراض بأسعار غير عن بعض بالجمعيات! يعني جمعية المنطقة "أ" سعر الشامبو فيها غير عن جمعية "ب". طاح حظ الإتحاد اللي ما يتسمى إتحاد :/ )

الجمعيات هذي supermarkets ولا ايش؟

 

[IBrAhiM_86]

لااااااااااا تقوووووول :crying: ..
هذا وانا اللي مخطط شهر 11 بطلب اكثر من لعبه ..
دوج اوف وور الكولكشن شلون بطلبها عيل !!!
و الله ماعندهم سالفه خلاص بمسح موقع امازون بكبره من الكمبيوتر ..

الجمعيات هذي supermarkets ولا ايش؟

تقريبا ..
بس الجمعيات يساهمون فيها اهل المنطقه اما السوبر ماركت فتكون مملوكه لشخص ..

 

[Krat0s]

لااااااااااااااا

ياريت القرار مايطبق عندنا الا بعد ماتنزل GOW3

 

[BOJIH]

لااااااااااااااا

ياريت القرار مايطبق عندنا الا بعد ماتنزل GOW3

نفس الشيء هنا :sarcastic: (معتمد عليك (&))

 

[Snake-87]

كلمتهم مرة ثانية وخذيت تفاصيل إضافية :
- القرار بدأ تطبيقه من أول ما أرسلوا الإيميل لنا .
- اول ما توصل الشحنة راح يمسكونها الجمارك إذا ما كانت مستندات او ورق وراح يدزون ايميل ومسج علشان تبلغهم بقرارك هل تبيهم يخلصون المعاملة لك أو لأ .
- سواء تبيهم يخلصون أو لأ راح تدفع دينارين زيادة عبط وإجبارية (استلام الأوراق) .
- إذا تبيهم يخلصون لك المعاملة راح تدفع 5 دنانير للتخليص وراح تاخذ وقت اطول (اسبوع تقريبا أو أكثر) .
- راح تدفع 13 دينار رسم جمركي للخطوط الجوية الكويتية حتى لو طالب إبرة .
- راح تدفع 4% من قيمة الشحنة .
- راح تدفع دينارين عمولة البنك الموجود هناك .
- راح تدفع دينار طابع .
- فوق هذا كله راح تدفع رسوم الشحنة الأصلية القديمة (3 دنانير على أول نص كيلو وانت رايح) .
قالت لي تقدر تشتكون يالمستهلكين عند الجمارك يمكن يسوون لكم شي .

نفس الشيء هنا :sarcastic: (معتمد عليك (&))

القرار بالكويت فقط .


واحد أمس كلاها

I doubt it Frankom but I hope am wrong , yesterday morning i was at the customs to clear my apple time capsule. Paid exactly 18kd fees (10 kd for kuwait airways “artheya”, 1kd stamp, 5kd customs fees, 2kd cbk fees) took me 1 HOUR to get my package and it was NOT busy! I saw all people from dhl, fedex, ups..etc and they are all affected for sure so i doubt they wont charge us for the fees! The guy at the counter mentioned that the 18 kd is fixed for all items except documents. keeping in mind that an additional 5% custom fee is applicable for large quantity orders on companies , NOT applicable on us/personal shipments.
I’ll tell you 1 thing for sure, the place there is a big mess!! make sure you have your running shoes on you , worm up, and be ready for a marathon! ;p

 

[Colorization]

-_______________________________-

أدفع ضعفين سعر اللعبة غير سعرها!!!

!@#$٪^&^٪$#@!@#$٪^&^٪$#@&*&^٪$#@#$٪^&*&^٪$#

 

[Zero]

-_______________________________-

أدفع ضعفين سعر اللعبة غير سعرها!!!

!@#$٪^&^٪$#@!@#$٪^&^٪$#@&*&^٪$#@#$٪^&*&^٪$#

الأول الواحد يطلب له مجموعة أشياء ويقول "ما تسوى علي أطلب لعبة جديدة واحدة" مثلا ويروح يطلب عدة أشياء يشتغل فيها قيمة الشحن ويللا كلها مرة وحدة.

الحين ما أقول إلا الله يعينكم >_>

 

[ASWD]

احتجو.

....

 

[Grand]

وداعاً AMAZON

 

[FARES_]

:laugh:: لول , حمدلله اني متعود على شراء الأجهزه بدبل سعرها بالكويت...
وما حولت نظام اطلب من برا... فهالورطة ماراح تأثر فيني شخصيا الله يعين الشباب الي يعتمدون على البريؤوردر


+

لحظة !...
الحين معناته الألعاب الي بالرحاب بتكون على 30؟ :

 

[Snake-87]

T.T

:laugh:: لول , حمدلله اني متعود على شراء الأجهزه بدبل سعرها بالكويت...
وما حولت نظام اطلب من برا... فهالورطة ماراح تأثر فيني شخصيا الله يعين الشباب الي يعتمدون على البريؤوردر

في اشياء وايد ما تحصلها بالكويت وارخص بشي خيالي .. ابسط مثال ويندوز 7 حصلته بخصم 50% وسعره 18 دينار .. بيوركيا 40 دينار @@ .

الحين معناته الألعاب الي بالرحاب بتكون على 30؟ :

والله أتوقع ترتفع الأسعار إلا إذا المحلات تعرف ناس بالجمارك يمشونها .

 

[Justice]

الله يستر عسى مايجي لنا الدور

 

[Snake-87]

شباب .. حاولو كلكم تدزون حق الإيميل هذا
[email protected]
شكاوي المواطنين بجريدة الوطن.