آخر التطورات ياصديقي اني رايح مصر ام دنيا بعدة فترة لمدة اسبوع قبل ما نبدأ القرف !!
تبدآ الدراسة 10 اوكتوبر ! المفروض انا رحت بولندا بس اجلت الرحلة :tongue:
\, اقول اذا عندك اقامة في بريطانيا تعال زورنا في بولندا ياخي , والسكن عندي
راجع انشالله الاسبوع الجاي , ( عارف انت ليه ) وعلى سالفة العيد , يارجال مافرقت معي , قاعد في البيت في كل الاحوال , طفش .
نص الاهل في الكويت , والنص الثاني في امريكا , وانا والوالد لحالنا في البيت ! كل شوي الوالد يطرشني يبي غرض , هو مستانس وانا شغال مشاوير !!! وحشتني بولندا
لول، يلله تستاهل أكثر وهي ترد لك الصوت الحين. الحريم عموماً ما يستغنون عن التلفزيون.
رمضان عندي عادي، مرهق بس مو من ناحية الصوم، لكن من ناحية النوم. أنا الوحيد اللي يداوم في البيت، واولاد اخواني واخواني أنواع الازعاج قرب غرفتي يلعبون بليستيشن، ما أقدر أنام، عذاب، أحياناً أخاف أدعي عليهم، إزعاج إلى درجة انهم قبل أمس ما خلوني أنام حتى جا وقت الدوام، واضطريت أغيب عن العمل بدون عذر ما أستحي أقوله، يعني يوم مخصوم على الفاضي.
أحس اني أبي أنام شهر كامل، وما أقدر آخذ إجازة من العمل ولو لأسبوع. الحقيقة اني ما أبي إجازة الحين، لكن الإرهاق يخليني أتمناها.
يلله، خيره إن شاء الله، لعله أكثر أجر.
ياابني ياصع صع! مشتاق لك حتى النُخاع ياخي! حبيت اقولك كل عام وانت بألف صحة وسلامة ياقلبي. الله يعينك على الصيام بعيدا عن العائلة فاهم شعورك جدا بهذي اللحظة! *يطالع بصورة سمبوسة الوالدة في الفيسبوك ويبكي*
أهم شي ما تقطع يا باسل وتحاول تعطي ولو جزء بسيط من يومك للمنتدى.
ما تتصور لأي درجة هالطلاّت القصيرة تترك أثر حسن في نفوس أعضاء وقرّاء المنتدى, الإنسان أحياناً يسيء تقدير نفسه.
تصدق وأنا أقرأ هذي المعاناة أفكر: هذا هو ملح الحياة. بدون أي حرمان أو نقص، المسرات بيكون ما لها معنى.
بس حركة تزوجت! ما دريت ترى والله، حسبتك بتقعد فترة طويلة بعد الملكة. الله يوفقك وييسر أمورك. وتدرس بعد؟؟ هذي تطورات مو من عادتك ما تجيب طاريها. ما عليك، بتكون الأمور على ما يرام إن شاء الله، بتحصل شغل وبتمشي أموركم، على الأقل زوجتك عندك الحين توسع صدرك وترد لك الصوت الله يخليها لك، بس لا تصير دلوع عاد ما تبيها تروح أبد لول. خلها تروح أطيب للشوق والمودة إذا رجعت بالسلامة.
ومبروك زوج اختك، عسى الله يوفقها.
أنا وضعي محتاس شوي. إحتمال أسافر برى مع الأهل للعلاج، لكن مو أكيد حتى الآن. وإذا سافرنا مو متأكد متى بنرجع. الموضوع ومتابعته والترتيب له وباقي الأمور اللي كانت أكله كل وقتي من قبل مو مخلية لي وقت أحك راسي في الأوقات المهمة. لكن الحمد لله على كل حال.