شخصيا اللي ما أحبه في الجهاز هو حجمه الكبير جدا وجودة تصنيعه .. أحسه بلاسيتكي أكثر من اللازم وكأنه علبة كرتون ، بالنسبة للسعر فالمفروض يكون بين 1600-1800 بالكثييير ، عدا ذلك الجهاز بصراحة يقول اشتريني .
أما N96 لا تطالع فيه وسعره مبالغ فيه ولا يوجد بينه وبين أخوانه فرق جذري ، زيادة على ذلك معالجه آوتديتد بقوة وبطاريته سيئة .
ولو ما كنت حاب N82 فما أتوقع تحب N79 واللي هو مقارب له بشكل كبير في الحجم .
وعندك N85 أفضلهم في رأيي ، بس الجهاز لو تصبر عليه شوي بيكون بسعر التراب ولكن اعتقد الآن سعره معقول نوعا ما ، اللي يميزه صلابته وأيضا شاشته Oled أفضل بكثير من باقي أخوانه ، أشوفه أكثر واحد يستحق .
N79 وN85 يمكن أسعارهم شوي مرتفعة حاليا وعموما كل الجوالات اللي ذكرتها تعتبر الأقوى في نوكيا ومتشابهة لحد كبير .
بس لو تبغى نصيحتي ؟ خل عنك كل هالكلام الفاضي واشتري سامسونج i8510 innov اللي يتفوق عليهم في المواصفات بفرق جيد + جودته أفضل + 8 ميجابيكسل + سعره يستحق أكثر منهم + نظامه زيهم سيمبيان S60
ولو ما ودك تدفع واجد خليك على الـN95 8GB وحط في بالك أن ذاكرته داخلية فقط ولا فيه فتحة ذاكرة لو كنت من الناس اللي يحب يخزن أشياء وخصوصيات وما يبغى يخليها دائما في الجوال .
أدري أني حيرتك ولكن ... لول الخيار في الأخير راجع لك بس اتمنى وضحت لك الصورة .
لول .. مافي امل اشتريه ويخرب علي بكره .
الجهاز جامد ولا يستغنى عنه خصوصا ان فيه العاب ابي العبها مثل ماس ايفيكت مثلا .
اخذته من خويي نيستا كان خربان وصلحه واحد واشتغل الحين ماشي تمام الحمدلله .. بس الله يستر :laugh::
بالنسبة الي .. و الله أبدا مثلك زيارات للأهل و الأقارب ، و أكيد بطلع مع الشباب اخر العيد ، اما المشتريات .. و الله المخططات فقط لشراء هارديسك مستعمل للـ360 : (