FIFA 12 ..... الديمو متوفر الان على الـPCو الـXBOX و الـ PSN ..الانطباعات هناا !

شباب إلي مب قادرين يشبكون فى اللايق (فاير بلاست و عبدالله إيميرتس)

أنقر للتوسيع...

تسلم يا امبيرور .. انا جربت انزلها من بعد مباريات التشامبيونز ليج والحين جاري التنزيل ووصل 20% :rockon:

بنتظر النسخه الكامله بإذن الله فيفا ما يبغالها ديمو . ايش سالفة القطع الجديد اللي بدال الاكس كيف صار ؟

الديمو حصري للجولد صح ؟

الي اعرفه كل الديموات اول ماتنزل تكون أول كم يوم فقط للجولد ..

^
أول اسبوع

مالي حيل أسوي أكاونت جديد :/
محد عنده جولد سلف لول

الديمو نزل في الستور الامريكي

^
اي جهاز ؟

أوكيه حملت الديمو ولعبت فيه اربع مباريات على ما اظن ....... و اتوقع اني فهمت اللعبه .

أولاً اللعبه تغيرت بشكل كبير جداً جداً جداً (( يعني موب مجرد باتش و تعديلات للجزء الماضي مثل اللي حصل مع الجزء العاشر و الحادي عشر ))... ميزانية حركة اللاعبين, ثقلهم و طريقة تحركاتهم و جرياتهم مع الكره اصبحت اكثر ثقلاً و أكثر واقعيه ,,,, اللي اقصده ان مرونة اللاعبين اصبحت مختلفه جداً عن فيفا11 لدرجة ان بعض الحركات (( الغير واقعيه على الاطلاق )) لن تسطيع تطبيقها في الجزء القادم.

اعجبتني جداً طريقة بناء الهجمات (( موب مثل فيفا 11 و فيفا 10 واللي كانت تعتمد على روتين مبرمج في بناء الهجمات )) بحيث انها اصبحت اكثر انفتاحيه و حريه (( اللي لعبوا PES 2011 السنة الماضيه بيفهموا كلامي و بيتأكدوا من هذه النقطه !! )).

طريقة الدفاع اصبحت اكثر تعقيداً من اي لعبة كرة اخرى .......... (( انسوا حركة الـ X/A و المدافع بيقطع الكره !! )), الحين لازم تكون ضاغط على LT و RT (( بحيث ان المدافع يقوم بفرد ذراعينه في الهواء في محاولة لتغطية المنقطة الموجوده خلفه )) الين ما تشوف المهاجم اصبح قريب منك, و يوم تشوف الوقت المناسب, لازم تضغط على زر B/دائره ليمد المدافع رجله لكي يقطع الكره,,, أو انك تضغط على زر X/مربع علشان تعمل tackle (( و بلغة اخرى, تنبرش !! ))...................... ما اكذب عليكم, التكنيك الجديد للدفاع اصبح معقد جداً, و متأكد ان اغلبية اللاعبين بيعانوا كثيراً على ما يتعودوا عليه (( وعلشان كذا نزلوا الديمو, يعني مالك عذر اذا نزلت اللعبه وانت لسه منت فاهم كيف تقطع الكره من اللاعبين الاخرين ))...... لكن بصراحة, اللعبه اصبحت اكثر واقعيه و صعوبه من قبل, بحيث انك مثل ما تبذل جهد كبير في بناء هجماتك, صار الحين لازم تبذل جهد اكبر منه في قطع الكور و الهجمات من الفريق المضاد لك.

+1 كبيره جداً لمحرك الـ Impact Engine... الالتحام بين اللاعبين (( سواءاً كان التحام عادي على الارض من أو تصادم بين لاعبين في الهواء )) اصبح واقعي بطريقة جنونيه جداً.... وهذا الشئ قد يتحول الى نقطه سلبيه في اللعبه, يعني تخيل معي انك قاعد تدافع في ضربة ركنيه, فجأه تشوف مهاجم الفريق الثاني طالع فوق كتف مدافعك و مسجل هدف بالرأس ((حاجه ترفع الضغط صح, لكن اعتقد مع اللعب الكثير راح اتعود على طريقة الدفاع في مثل هذه الحركات.)) لكن في فيفا 11 كان تشوف اللاعبين محتكين في بعض بدون اي تصادم أو التحامات خاليه من الخشونه !!

اشكال اللاعبين ........ يا ساتر استر :O طول عمرنا عارفين ان فيفا دائماً كانت تركز فقط على اشكال اللاعبين المشهورين فقط, لكن اعتقد ان القصة تغيرت في الجزء القادم ............ MY GOD بوتنج شكله اصبح مطابق للأصل, من قصة شعره و ملامح وجهه, ولا الاوشام الموجوده في جسمه (( وشم التاج الموجود على الرقبه !! ))........... تأكدوا انتوا بنفسكم !!

زبدة الكلام, ما كذبوا EA كندا يوم قالوا انها افضل لعبه كرة واقعيه........... الجيم بلاي اصبح معقد و مختلف كلياً عن الاجزاء السابقه, لدرجة انك ممكن تطبق جميع التكنيكات اللي تشوفها في اي مباراة كرة قدم حقيقيه (( من طريقة دفاع و كيفية الالتحامات مع اللاعبين و طريقة بناء الهجمات )) علشان تفوز في مباراة عادية في فيفا12 ,,,,,, وهذا الشئ اللي كانوا عشاق الكره يطلبوه من زمان .

و اعيد و اكرر مره ثانيه, FIFA 12 موب مجرد ابديت أو باتش بسيط لـ FIFA 11 ......... الجزء هذا بيعتبر قفزة كبيره للأمام لمستقبل العاب كرة القدم على الكونسلز ............. روح و اعمل pre-order لها الان !!!

نزل الديمو على البي اس 3

بالستور الامريكي

اي صح نسيت اقول شئ مهم جداً !!!

أكبر سلبيه في الديمو, و في الجزء الجديد راح تكون بسبب التعليق الانجليزي السخيف هذه السنه ...... وكله بسبب الن سميث * يناظر في مشاري بنصف عين ! *
الرجال صوته موب واضح ابداً و تحسه كان بعيد جداً عن المايكروفون وقت التسجيل ...... فعلاً داونجريد كبير عن تعليق الاجزاء السابقه واللي كان لاندي جراي.

زي كل سنه وافضل عرض للفيفا ((كل سنه ))

[video=youtube;gxfHZz6oAh0]http://www.youtube.com/watch?v=gxfHZz6oAh0&feature=player_embedded[/video]

^
مين يفكر بالتعليق الانجليزي وفي العربي ولاول مره !! ملينا من كثر ما لعبنا بتعليق انجليزي

شباب ديمو بيس اللي بالستور هو الديمو الثاني ؟ لأن مكتوب عليه Demo 1 بس اليوم نازل ، وش السالفة @@
اما فيفا فجاري التحميل وتجهيز قصائد الغزل @@

انطباعات خالد تحمسسسسسس! هاذي الإنطباعات ولا بلاش! يعطيك العافية حبيبي

واااااااااو على الحركات مو مصدق انهم حاطين حركة بيركامب المشهوووورة!!!!!!!!!!!!!!!!!

SCREAMING_RAGE قال:

اي صح نسيت اقول شئ مهم جداً !!!

أكبر سلبيه في الديمو, و في الجزء الجديد راح تكون بسبب التعليق الانجليزي السخيف هذه السنه ...... وكله بسبب الن سميث * يناظر في مشاري بنصف عين ! *
الرجال صوته موب واضح ابداً و تحسه كان بعيد جداً عن المايكروفون وقت التسجيل ...... فعلاً داونجريد كبير عن تعليق الاجزاء السابقه واللي كان لاندي جراي.

أنقر للتوسيع...

هههههههههه استريح بس! العب بأرسنال بتلاقي الن سميث بالع المايكروفون:laugh::

EPIC FAHAD قال:

زي كل سنه وافضل عرض للفيفا ((كل سنه ))

[video=youtube;gxfHZz6oAh0]http://www.youtube.com/watch?v=gxfHZz6oAh0&feature=player_embedded[/video]

أنقر للتوسيع...

حركه بيركاااااااااااااااااااااااااااااااامب لاااااااااااا لا لا لا لا لا لا لا لا !!!!!!! ما اقدر

ترا انا متخوف من التعليق العربي .. لكن حطوا في بالكم شيئين مهمين .. هذي مو مباراه لايف .. يعني عادي تحصل اغلاط و تشوف نفسك تضيع فرص و يجيك الشوالي يقلك الفعاليه الهجوميه حقك زي وجهك .. تصير في الانجليزي كثثيييرر
ثاني شي .. هذي اول مره . يعني اعذروهم .. شفت التعليقات في الموقع و موقع عربي ثاني .. لو يشوفها مسؤولين اي ايه يقولوا احنا الغلطانين اعطيناكم وجه .
لازم نتقبلها بصدر رحب و اذا في اغلاط بيعدلوها .

أمس كنت بحفل تجربة PES 2012 في دبي و جربت النسخة العربية

بالمقارنة، مجهود التعريب النصي في فيفا أفضل بمراحل من اللي موجود في PES


راح يكون في مقابلة و انطباعات لاحقا

شي آخر ، بخصوص تعليقات خالد، هذي تقريبا نفس إنطباعاتي من E3 قبل ثلاث شهور، شكل اللعبة فعلا على ما هي عليه

نظام الدفاع الجديد يبغاله تعود حرفيا

SCREAMING_RAGE قال:

طريقة الدفاع اصبحت اكثر تعقيداً من اي لعبة كرة اخرى .......... (( انسوا حركة الـ X/A و المدافع بيقطع الكره !! )), الحين لازم تكون ضاغط على LT و RT (( بحيث ان المدافع يقوم بفرد ذراعينه في الهواء في محاولة لتغطية المنقطة الموجوده خلفه )) الين ما تشوف المهاجم اصبح قريب منك, و يوم تشوف الوقت المناسب, لازم تضغط على زر B/دائره ليمد المدافع رجله لكي يقطع الكره,,, أو انك تضغط على زر X/مربع علشان تعمل tackle (( و بلغة اخرى, تنبرش !! ))...................... ما اكذب عليكم, التكنيك الجديد للدفاع اصبح معقد جداً, و متأكد ان اغلبية اللاعبين بيعانوا كثيراً على ما يتعودوا عليه (( وعلشان كذا نزلوا الديمو, يعني مالك عذر اذا نزلت اللعبه وانت لسه منت فاهم كيف تقطع الكره من اللاعبين الاخرين ))...... لكن بصراحة, اللعبه اصبحت اكثر واقعيه و صعوبه من قبل, بحيث انك مثل ما تبذل جهد كبير في بناء هجماتك, صار الحين لازم تبذل جهد اكبر منه في قطع الكور و الهجمات من الفريق المضاد لك.

أنقر للتوسيع...

خالد و باقى الشباب إلي مب عايبتنهم الطريقه اليديده للدفاع
بكل بساطه تقدر ترجع طريقة الدفاع القديمه(ل فيفا 11)
فى المباراه روح الستنج
كنترولرز
وين تعدل على الباسات و الرفعات(اذا تباها اوتوماتيك او اسست او مانيوال)
روح لأخر خانه راح تلاقي (دفندينج) راح تلاقيها تاكتيكال , غيرها ل ليجاسي
و راح ترجع الطريقه التقليديه فى الدفاع

فى البدايه كنت مستغرب , كيف فيفا تتخذ هاي الخطوه الجريئه و تغير نظام الدفاع
و الطريقه الجديده معقده بكل أمانه , و اللاعبين العاديين ممكن تنفرهم اللعبه بأسلوبها الجديد
بس فى الأخير إكتشفت إنه السالفه أوبشينال مثل سالفة الباسات و الرفعات اذا تباها مانيوال او اوتو
يعني اللعبه مفكره فى كل الناس و توجهاتهم
كم اعشقج يا فيفا :inlove:
لعبة يمكن 5-7 مباريات , و ما أزيد على كلام خالد و باقى الشباب
اللعبه ممتازه حيل
و مش مجرد أبجريد بسيط
يبالي وقت لين أتعود على اللعبه .

Wild Fox قال:

ترا انا متخوف من التعليق العربي .. لكن حطوا في بالكم شيئين مهمين .. هذي مو مباراه لايف .. يعني عادي تحصل اغلاط و تشوف نفسك تضيع فرص و يجيك الشوالي يقلك الفعاليه الهجوميه حقك زي وجهك .. تصير في الانجليزي كثثيييرر
ثاني شي .. هذي اول مره . يعني اعذروهم .. شفت التعليقات في الموقع و موقع عربي ثاني .. لو يشوفها مسؤولين اي ايه يقولوا احنا الغلطانين اعطيناكم وجه .
لازم نتقبلها بصدر رحب و اذا في اغلاط بيعدلوها .

أنقر للتوسيع...

هو نزلت نسخة فيها تعليق عربي عشان الناس يعلقون عليها ؟؟ وينها ذي؟!!

zlatanovic قال:

هو نزلت نسخة فيها تعليق عربي عشان الناس يعلقون عليها ؟؟ وينها ذي؟!!

أنقر للتوسيع...

اول نقطه اتكلمت عنها هي اغلاط في التعليق الانجليزي و اكيد العربي راح يكون فيه نفس الاغلاط لان نظام التعليق راح يككون نفسه
النقطه الثانيه عن التعليقات على القوائم.

emperor-UAE قال:

خالد و باقى الشباب إلي مب عايبتنهم الطريقه اليديده للدفاع
بكل بساطه تقدر ترجع طريقة الدفاع القديمه(ل فيفا 11)
فى المباراه روح الستنج
كنترولرز
وين تعدل على الباسات و الرفعات(اذا تباها اوتوماتيك او اسست او مانيوال)
روح لأخر خانه راح تلاقي (دفندينج) راح تلاقيها تاكتيكال , غيرها ل ليجاسي
و راح ترجع الطريقه التقليديه فى الدفاع

فى البدايه كنت مستغرب , كيف فيفا تتخذ هاي الخطوه الجريئه و تغير نظام الدفاع
و الطريقه الجديده معقده بكل أمانه , و اللاعبين العاديين ممكن تنفرهم اللعبه بأسلوبها الجديد
بس فى الأخير إكتشفت إنه السالفه أوبشينال مثل سالفة الباسات و الرفعات اذا تباها مانيوال او اوتو
يعني اللعبه مفكره فى كل الناس و توجهاتهم
كم اعشقج يا فيفا :inlove:
لعبة يمكن 5-7 مباريات , و ما أزيد على كلام خالد و باقى الشباب
اللعبه ممتازه حيل
و مش مجرد أبجريد بسيط
يبالي وقت لين أتعود على اللعبه .

أنقر للتوسيع...

ييبقى الرانكد ماتش اعتقد بينفرض عليك تستخدم الطريقة الجديدة فيه..وهذا اللي اتمناه

نظام قطع الكورة الجديد رهيب و معجبني مرة، بس فيه مشكلة بحفظ المسافة بين المهاجم و المدافع!

في كرات أبي المدافع يحفظ المساحة، و كرات لا، بخش و ادرعم!
كثير ما يصير لاعب الخصم جاي يركض مقابل لاعبي، و اجي بخش عليه بقوة و بسرعة ما يخش و يستمر اللاعب بحفظ المسافة بينه و بين المهاجم!!

هي مشكلة كذا و إلا انا ما عرفت له؟

حملت , لعبت , قولت , طلعت من الديمو

والله اللعبه تقطر رهابه وواقعيه , كنت اتمنى اني FAN لكرة القدم علشان استمتع فيها مثلكم .. بالعافيه عليكم

اخيرا لعبت الديمو ما عندي شيء اضيفه ما شاء الله الشباب قالوا كل شيء

نظام القطع في اللعبة احترافي درجة اولى و مبسوط جدا منه اللعبة حاليا تحس فيها عمق اكثر صح في البداية بتجيب العيد زي الي قاعد يحصل لي :laugh:: بس مع الوقت اكيد بنحترفه

هههه بيدرو انصاب عندي علشان شات كورة بطريقة غلط و جابت العيد في رجولة !!! اللعبة واقعية جدا + ما ادري اذا الحركة من الاجزاء السابقة ولا لا ؟ بس اذا كانت معاك الكورة و تبغى اللاعب القريب منك ينطلق و يفتح مساحة اضغط L1 مرتين

قاعد العب الديمو الان و الكمبيوتر رافعلي ضغطي يقعد يبني في الهجمة سنة كاملة :

حملت الديمو .. بس ما اقدر العب يقول لازم ادخل رقم سري من 4 ارقام !؟
.
.

انحلت المشكله :/

لعبت كم مباراه اللعبه تغيرت شوي خصوصا صارت تعتمد على التوقيت بقطع الكوره اكثر من قبل
انا مو فان لفيفا حدي فقط الديمو كل سنه .. ونادر ما العبها مع الشباب .. للحين مابحس انها لي
بكتفي ببرو افلوشن كلعبه مفضله .. ممكن اشتري فيفا دعم للعربيه وفضول لتعليق الشوالي لول

EPIC FAHAD قال:

زي كل سنه وافضل عرض للفيفا ((كل سنه ))

[video=youtube;gxfHZz6oAh0]http://www.youtube.com/watch?v=gxfHZz6oAh0&feature=player_embedded[/video]

أنقر للتوسيع...

كأن الحركات صايره اسهل (اتمنى)

الشباب اللي جربوا الديمو كيف تطبيق المهارات من ناحية الصعوبة ؟؟