لا أقصد 2010 وما فوق ، على العموم بدري التفكير عليه .. الله يرزقنا.
إحباط >____________________>!اليوم اتصلت بسوبارو وسألتهم عن الـWRX , قالوا الموجودة حالياً هي موديلات 2008 , وما عندهم نية يجيبوا 2010 على الأقل في المستقبل القريب , سعرها بـ90.000 .
همممم:sadwalk:
بصراحة هي مستاهلة 90 ألف بس الأبجريد اللي حصل على موديل 2009 يخلي الواحد يفكر ويحتار
ريان ما في مجال تشتري تورس؟ ، ياخي السيارة تسيل اللعاب خصوصا أعلى فئة
هذه الأسعار حسب اللي سمعته ، أنا أعطيك سعر تقريبي/سعر سمعته والباقي عليك
هذا اللي سمعته ، وسعرها نفس السعر الرسمي تقريبا على كلام اللي قال لي ( شيء متوقع من سيارة فورد يعني مو مستغربه ) ، هدانا أقول لك لازم أشوف بنفسي علشان أتأكد .. لأني سمعت فقط.
على العموم يمكن أنا الحين أرضى بموستنج GT ( مع أنه مستحيل تصير عندي حاليا ) بس بعد كم سنة ما راح أرضى بأقل من الـGT500 لأني لو أخذت شيء أقل باحس أني "صمت صمت بعدين فطرت على بصلة" ، هالسيارة راكبة براسي.
حاليا عندي هالميتة المعفنة الله يكرمكم بس بمواصفات أقل من اللي في الصورة ( لول! ) ، هي مو سيئة .. لكن كشخص يعشق السيارات .... :crying: ، سيارة يا دوب تمشي الله يصبرني عليها بس.
كل واحد يفكر على قد طموحه ، الأوروبي محتاج $$$$الاوروبي ماله سوق ابداً هنا :xd:
السبب محد يعرف يصلحهم، و تقريباً كل وكلائهم زفت و دائماً رافعين أسعارهم عن السعر الرسميالاوروبي ماله سوق ابداً هنا :xd:
الكورفيت كيف انتشاره الكويت؟ والكمارو الموديلات القديمة كيف؟ إحنى الكمارو صار منتشر قبل كم سنة وللآن بشكل ممتاز ، الموستنج عندنا خصوصا في منطقتي تلقاه بكل شارع لكن أغلبهم ( مو كلهم ) موديلات بين 2001-2004.^
c7 عاد الله يسمع منك وانت تاخذ سوبر سنيك وكل يوم ندش حلبه الدراج ريس نتقاوم :laugh::
قبل جم يوم قاعد اطالع اسعار الكورفيت c6 مستعمله موديل 2006 و2007 على 11 الف و12 الف دينار اسعار المستعمل ممتازه وسعرها طايح (بدل ما آخذ اكثر سياره فيها حراره بالتاريخ=كمارو بسعر كورفيت قبل موديلين فقط) >الموديلات القدّم ما ادري على الجديده اذا ما فيها مشاكل ولا للحين ,
*يروح يلعب بالكورفيت بفورزا*
الي يجرب الاوروبي ما ياخذ غيره صدقني, وبالعكس في سيارات اوروبيه اسعارها ممتازه مره واقرب مثال الباسات سي سي.السبب محد يعرف يصلحهم، و تقريباً كل وكلائهم زفت و دائماً رافعين أسعارهم عن السعر الرسمي
عجل الM3 ب360 ألف؟ :\
بالعكس فولكس سياراتها اغلبها قويه ومتنوعه واسعارها كلها ممتازه, انا استغرب قله انتشارها بس السبب الوحيد المقنع هو سعر البيع الي الناس اصلاً تتحكم فيه ومو اي احد ثاني.الأوروبي عندنا موجود بكثرة لا سيما المرسيدس والبي إم دبليو ولكن "مستعمل" خلنا نكون واقعيين قليلين اللي يقدروا يشتروا جديد يعني من غير شيء أسعارها غالية يجي الوكيل يمصخها ، اللي يجرب فهو غالبا مجرب مستعمل وقديم.
بعدين وين اللي أسعارها ممتازة؟ ما في إلا VW اللي أغلب سياراتها صغيرة ومحركاتها صغيرة وما تناسب الكل ، وأودي وبي إم دبليو ومرسيدس تلقى أخيس سيارة في فئة معينة قيمته تلك القيمة ، هذا غير الشركات الأوروبية اللي سياراتها مو متوفرة هنا أو نادرة جدا.
الكورفيت كيف انتشاره الكويت؟ والكمارو الموديلات القديمة كيف؟ إحنى الكمارو صار منتشر قبل كم سنة وللآن بشكل ممتاز ، الموستنج عندنا خصوصا في منطقتي تلقاه بكل شارع لكن أغلبهم ( مو كلهم ) موديلات بين 2001-2004.
شوف هذا على فكرة
http://www.youtube.com/watch?v=xrqNfDA7EDE
http://www.youtube.com/watch?v=ad69yemfQSs
لاعب في السيارة لعب ولا كأنها جديدة هههه السيارة GT500 2010 ، لو تدخل قناته بتشوف له فيديوات واجد أول ما جابوها وتجربتها وإلخ ، عليها قومة مو صاحية تنط من مكانها نط.
ما شاء الله الله يزيد الكورفيت :rockon:الكمارو القديم اشكال 2002 الى 96 منتشر بشكل كبير جدا عندنا بالكويت وكل ما اروح الصناعيه القا عدد لا بأس فيه (لول)....اما الشكل الجديد (لانه توه نازل) اشوف منه عدد قليل يعني بمنطقتنا الصغيره فيها 2 وغيرها بالمعهد الي اداوم فيه عندنا هم واحد ss ,
وبخصوص الكورفيت القي نضره على عدد الكورفيت بالكويت الي معروضين فقط للبيع على هذا الموقع (وما خفي اعضم) :
http://q8car.com/newsite/cars/arabi...D%CA&Year=&Price=&Tran_Type=&WebPage=CarsList
في تحت تلاحض سهم يوديك للصفحه الي بعدها ....3 صفحات بس للكورفيت على دوله شعبيها ما يتعدى المليون لول ,
وعلى فكره وانا راجع اليوم من الصناعيه على الخط مرني واحد وطبعا جبرني افتح له الحاره اليسرى ,
اما الموستانج حدث ولا حرج عددهم كبير حيل بالكويت (اكثر سياره سبورت متواجده بالكويت) من موديلات 99 والى 2010 ....منطقتنا بس اضن فيها ولا 20 وحده (الحاره الي ساكن فيها انا اذكر فيها 5) ,
لكن اكثر الي عندنا gt وهذا الي يحزني حيل ومستغرب منه بنفس الوقت عمري من شفت gt500 الى يومك هذا ,
عموما اكثر سياره عندنا يركبون عليها شغلات للمكينه هي الكمارو ومن بعدها الموستانج ,
وبخصوص الفيديو مو معقوله شلون تناقز السياره بهذا الشكل كأنها ريشه! انا الي اعرفه السياره تشفط ...تلف يمين يسار لكن تنقز جذي يا للهول .