hits counter

http://www.ws1.com/؟؟؟؟؟؟؟؟؟؟

Arashi

Arashi

Dragon of Heaven
السلام عليكم

http://www.ws1.com/


احد جرّب يتعامل مع هالموقع؟
انا حاليا اتعامل مع اراميكس وكاسرين ظهري بتكاليف الشحن مالتهم >_>
نصحني شخص بهالموقع...بس في شي مب فاهمته...هل أعطيهم عنواني في قطر ويرسلونه لي عن طريق اراميكس؟
ولا اعطيهم معلومات عن حسابي في اراميكس + عنواني في قطر؟
وهل ادفع لهم هم تكاليف الشحن بدل اراميكس ولا ادقع للاثنين بس بسعر اقل ولا شلون؟ @_@


اللي مجرب هالموقع ياريت يشرح لي التفاصيل من لحظة التسجيل فيه لين يوصل الطلب ^^​
 
انا اتعامل معهم لي تقريباً سنتين

ميزة الورلدشيب الرئيسية هي خدمة التجميع .. يعني تقدر تشتري اكثر من غرض وتجمعهم بشحنة وحدة وبكذا بتقل التكاليف عليك

فيها اشتراكين بيسك و بلس تقدرين تقرين المزايا في موقعهم وايش الفرق بينهم

طريقة عمل الورلدشيب هو انهم يعطونك عنوان امريكي تحطه في امازون او ايباي او اي موقع تشتري منه .. و في موقع الورلدشيب نفسه تحط عنوان سكنك يعني انتي في قطر تحطين دولتك قطر و المدينة الدوحة مثلاً و اسم الحي .. الخ و رقم جوالك طبعاً ... اول ماتوصل اغراضك من امازون او ايباي راح يبلغك الورلدشيب انو فيه اغراض ببريدك وتروح تختار الناقل عندك اكثر من خيار فيديكس و DHL و اراميكس .. تحط المناسب لميزانيتك ..

اراميكس هنا مجرد ناقل للورلدشيب مالك علاقة مباشرة معهم في عملية الدفع .. لكن في الاستلام راح تستلم الشحن من احد الناقلين الي اخترتهم DHL او اراميكس او فيدكس
 
اهاااااااااا يعني جذي أستغني عن حسابي في اراميكس (احسن)

تسلم عالمعلومات...هذي الاشياء اللي احتجت اعرفها ^_^
 
انا كمان صارلي مدة طويلة استخدمه، ميزته الرئيسية تجميع البضايع..غير كذا هم واراميكس مجموعة من النصابين بالاسعار الفاحشة :/
 
اراميكس احسن ناقل عندي بس يعيبه ما فيه تجميع
جربت ورلد شيب خدمتهم غاليه والاحجام يكون فيها تلاعب احيانا .. ايضا الدفع يكون مسبق للشحن وما يشحنون الا اذا دفعت
جربت myus.com الحين طايح فيه ومعجبني احسن من ورلدشيب وفيه عرض اذا كان عندك فيزا خصم 25% على جميع الشحنات وفتح الحساب مجانا
 
m5050 قال:
اراميكس احسن ناقل عندي بس يعيبه ما فيه تجميع
جربت ورلد شيب خدمتهم غاليه والاحجام يكون فيها تلاعب احيانا .. ايضا الدفع يكون مسبق للشحن وما يشحنون الا اذا دفعت
جربت myus.com الحين طايح فيه ومعجبني احسن من ورلدشيب وفيه عرض اذا كان عندك فيزا خصم 25% على جميع الشحنات وفتح الحساب مجانا
أنقر للتوسيع...

واو! أنا لي فترة مع ورلد شيب، لكن شكلي بجرب هذا.
 
مشكلة الورد شيب مهملين .. الشحنه مثلا اطلب تجهيزها بسرعة و ادفع مبلغ على تجهيزها و تاخذ وقت طويل
الشحن من امريكا للخيج يطول معي اكثر من الشوب اند شيب الي اذا طولو اسبوع و الشحنه واصله
غير كذا صارت مشاكل العام الماضي في موسم الاعياد و انسحبو اغلب مشتركين هالشركه .. و السبب الاهمال ثم الاهمال تأخير في تسجيل الشحنات تأخير في الشحن .. فيه تجار ف الانستقرام توهقو مع زباينهم و السبب الورد شيب
اتعامل هالشركه من سنتين ونص و اشوف الميزه الوحيده هي التجميع

اذا تبين شي كويس روحي myus.com تعامل راقي جدا و سرعة في تجهيز الطلبات و شحنها و فيه تجميع بعد :thumbsup:
 
عن المشاكل الي قبل العيد اتوقع بسبب الأجازة حسب ما شفت البعض يطلب ان الشحنة توصله قبل العيد. موظفين ورلدشيب عندهم اجازة السبت والأحد ولا تنسى اجازة العيد عندنا فأتوقع لهذا السبب صارت المشكلة في العادة مواسم الأعياد تسبب زحمة لشركات الشحن.

اراشي.. ماي يواس تعاملهم جداً راقي بعكس ورلدشيب الفرق بينهم حسب ما فهمت ممكن اكون مخطىء:

WS ارخص في الشحنات الصغيرة Myus ارخص في الكبيرة.
WS يتعامل مع " ارامكس، فيديكس، دي اتش ال " Myus " فيديكس، دي اتش ال ".
WS التسجيل فيه $24 للبيسك و$99 للبلس. Myus فيه عرض تسجيل مجاني وخصم 22% على الشحنات هنا:

http://www.adslgate.com/dsl/showthread.php?t=1507309
http://www.adslgate.com/dsl/showthread.php?t=1356425

مواضيع البوابة دليلك لهذا الشيء اتذكر فيه كم موضوع مقارانات بين اسعار الشحن والخدمات وتجارب الناس :winky:
 
خدمة ايزي شوب من DHL والمشابهة لخدمة شوب اند شيب من اراميكس ممتازة عيبها الوحيد سالفة حساب كلفة الشحن اللي ماتعتمد فقط على الوزن بل على حجم الباكيج بعد من ابعاد كالارتفاع وغيره

انا احتاج خدمة مثل myus بس لبريطانيا لوفيه بكون فرحان
 
شباب اذا فيه احد سمع بهذ الموقع او يقدر يجيب عنه معلومات من ناس استخدمته لا يبخل للضرورة

http://www.my-uk-mail.co.uk/
 
^

من اسم الدومين وانا غاسل يدي طويل وشكله غبي !
بالنسبه لصاحب الموضوع جرب myus بعد نصايح كل الاعضاء صدقني ما راح تندم
 
^

طيب خل الشباب اللي مشتركين هنا يشرحو لنا بالمختصر تجاربهم مع myus/ws1.من ناحية الخدمات والتكلفة والاسعار وهل فيه نصب او تلاعب في احجام واوزان الباكجات وغيره لاني بصراحا دخلت على الروابط اللي خلاهم الاخ nes وشفت العجب من الانتقادات ووابلات الاتهام من الاعضاء لخدمة myus اللي يتهمها بالنصب واللي يتهمها بالتلاعب واللي يتهمها انها تعمل امور ماطلبها المشترك واللي يتهمها بزيادة الاحجام والاوزان عمدا وغيره خصوصا بعد سياسة الخدمة الاخيرة في تبني مسالة الاحجام في حساب التكلفة وغيره.فمدري هل المشكلة من الاعضاء نفسهم اللي ماهم فاهمين طرق الاستخدام الصحيحة او فعلا فيه غش الخ

الافضل الاعضاء اللي متواجدين هني والمشتركين يكتبو لنا ملخص عن تجاربهم الخاصة وكيف تسير الامور معهم للحين

واعيد سؤالي هل فيه خدمات مشابهة لاوروبا وتحديدا بريطانيا؟
 
ورلد شيب شحنت معهم 4 مرات MYUS مرتين .. ورلد شيب دايم احسب حجم اغراضي على حسب الابعاد اللي عند امازون عشان اطلع الوزن الحجمي وفي الاخير مع التجميع القاه زايد
جربت اراسلهم على الايميل اشتكي على الحجم ما ردو علي ( بالله هذي خدمه ما ترد على العميل ؟ )
ثاني شي الاسعار ارخص في MYUS وهنا جدول يوضح ذلك
www.adslgate.com/dsl/showthread.php?t=1609074

ومن خلال تعاملي مع MYUS تجهيز الشحنه يصير في نفس الوقت + ما يحتاج تدفع قيمتها في نفس الوقت
بينما ورلدشيب ما يشحنونها لك الا وانت دافع

وورلد شيب لو تبحث في منتدى البوابه بتحصل سب اكثر
 
^

ما عطيتنا الرد الشافي.هل فعلا فيه تلاعب بالاحجام والاوزان خصوصا في ماي يو اس اللي مفترض هو الافضل؟

كيف تعرف حجم الباكيج الاصلي قبل ما يترسل خصوصا في مسالت التجميع؟

اسالة كثيرة تحتاج جواي وانا افضل تكون من الاعضاء اللي هني.اتمنى من مستخدمي الخدمتين ياخذو من وقتهم شوي ويشرحو لنا الوضع بشكل ادق
 
بالنسبه لي ما صارلي تلاعب وما جربتهم الا مرتين .. وفعلا صار فيه زياده في سعر الاحجام بحيث اول تقسم الابعاد على 300 اما الان تقسم على 132 فاصبح عدد الباوندات اكثر من قبل .. الكل مندهش من هذا التغيير اللي صار فجاه وهذا السبب هو اللي خلا اغلب السب يجيها مؤخراً
بالنسبه للحجم تشوف الابعاد في امازون وتقسمها على 132 .. وتسوي الطريقه هذي على كل اغراضك وتجمع الباوندات اللي تطلع ويطلع لك الوزن الحجمي بشكل تقريبي .. وياخذون ايهما اكبر الوزن الحجمي او الفعلي ( ويمديك تفعل خيار اتلاف الكراتين الخارجيه عشان يقلل عليك الحجم وموجوده في كل الموقعين )
ومثل ما ذكرت لك فرق السعر مع الجدول اللي حطيته + ذكرت لك انه سريع في تجميع الشحنات وما يحتاج تدفع مباشره
هذا الفروق اللي شفتها بينهم مع ان تجربتي بسيطه وياليت باقي الاعضاء يفيدونا
 
لازلت متابعه الموضوع واجوف أكثر الناس تمدح Myus رغم بعض الانتقادات...بس بالنسبه لي محتاجه مقارنه بين WS و MYUS مع أراميكس...لو تظل أراميكس تعتبر أرخص لي فبستمر معاهم احسن...ولو واحد من الاثنين اللي ذكرتوهم أرخص (مع تجميع طبعا) حتى لو مع شوية تلاعب فبكونون أفضل من أراميكس...ماعندي مشكله مع التأخير أهم شي توصل الاغراض بسلام ^^

لأن الصراحه أراميكس فلستنا بأسعارها...لو شوي تجمّع الشحنات تنحل المشكله...مرات تصير ان الشحنات توصلهم في وقت واحد ومن هناك تنشحن لقطر ويكون السعر موزع عالشحنات...فعلا نوفر مئات الريالات وقتها @@ لكن هالشي يصير صدفه مب بيدنا -_-"

شي مضحك...يعني ادفع على ستيكر سياره 12 ريال والشحن يكلفني 43 ريال...ما سوينا شي :joy:
 
ليش رايكم لو يتغير عنوان الموضوع لشي عام بخصوص شركات الشحن...

الموضوع الرسمي لشركات الشحن...مثلا؟
 
هذي المرة الخامسة اللي اتعاون مع الورد شيب، بصراحة خدمة ممتازة و اذا كان فيه خطأ فهو من الشركات الثانية بشحن الشحنة، غالباً يشحنونها باستخدام دي اتش ال و اللي بدورهم يطولون بالشحن، و تقعد الشحنه ايام بمنطقة وحدة و ما يبرر هذا ان الشحن اقتصادي، لكنها توصل بالنهاية خلال اسبوعين تقريبا.

ميزة الورلد شيبرالتجميع و سعرهم الرائع.

عيبهم انهم ما يشحنون بروتينات، و اللي كنت ناوي اشنريها من بودي بلدنق، فهو السبب اللس يخليني افكر افتح حساب myus امس.

بالمناسبة، صار بالامكان اختيار شركة الشحن اللي ترسل عليها ورد شيب زي فيدكس، ارامكس، دي اتش ال الخ.
 
التعديل الأخير:
^

كيف اسعارهم للشحنات المتعارف عليها عند الاعضاء هني العاب افلام الخ واللي فالغالب ما تتجاوز نص كيلو؟

اشرح لنا نظام عمل الخدمة جم تدفع للنص كيلو وجم مدة التجميع المسموح بها وجم ياخو عليك فوائد لميزة التجميع الخ والاهم هل عنوانهم فمنطقة معفية من الضرائب؟
 
ASWD قال:
^

كيف اسعارهم للشحنات المتعارف عليها عند الاعضاء هني العاب افلام الخ واللي فالغالب ما تتجاوز نص كيلو؟

اشرح لنا نظام عمل الخدمة جم تدفع للنص كيلو وجم مدة التجميع المسموح بها وجم ياخو عليك فوائد لميزة التجميع الخ والاهم هل عنوانهم فمنطقة معفية من الضرائب؟
أنقر للتوسيع...

سعرهم ع الباوند الاول غالي ممكن يوصل ل 70 ريال لكن مع الباوند الثاني سعرهم ينزل للنص تقريبا.

من ناحية الافلام او الالعاب لا تشيل هم، فوزن الغلاف خفيف جدا و ممكن انك تجمع عدد من الالعاب و وزنها ما يتعدى الكيلو و تدفع عليى الشحن حقها 100 ريال بس.

التجميع مجاني و لمدة 45 يوم، خلال هالفترة تقدر تطلب من امازون و انت مرتاح بالوقت زي ما اسوي انا، بين كل طلب و الثاني اخذ اسبوعين.

ما اتذكر انهم اخذوا ضرايب من قبل علي، لكن هم غيروا موقعهم و الحين انا اول مرة اشحن ع موقعهم الجديد للامانة.

هذا هو موقعهم بالتفصيل و سامحني ماقدرت انسخه عدل لاني اكتب من الجوال...


Address 11263 S CHILLICOTHE RD
Address 2 Suite 318-83
City Aurora State OH
Zip 44202
Phone 440-339-2600
 
^

هممم احنا ارامكس في البحرين تحسب علينا اول نص كيلو 4 دينار ونص*45 ريال* بس عندكم تحسب اكثر فمدري هل بيختلف حسبت ورلد شوب من دولة لثانية مثلا حتى لو كانو بنفس المنطقة جغرافيا ولا تسعيرتهم وحدة
 
صفحه حساب الشحنات في ورلد شيب ( السعر موحد في كل الخليح من اللي لاحظته )
http://www.ws1.com/Rates.aspx?lang=en

صفحه حساب الشحنات في MYUS ( السعر يفرق بشكل بسيط من خلال الناقل فيدكس اما الDHL نفسه )
http://www.myus.com/en/international-shipping-rates/

بالنسبه لك Arashi الخيار سهل
اراميكس = يحسبون الشحنات من خلال وزنها الفعلي فقط .. بعطيك مثال كما في الصوره

SHIPPING_RATES-ENGLISH.png


لاحظ ان الدب وزنه الفعلي باوند واحد مصنوع من قطن ومواد خفيفه .. لكن وزنه الحجمي 7 باوند كبير جداً راح ياخذ كرتون كبير
مع ذلك اراميكس ياخذون الوزن الفعلي فقط يعني راح يحاسبونك على 1 باوند وهذا ما يميز اراميكس :thumbsup:

ورلد شيب + MYUS = ياخذون ايهمها اعلى الوزن الفعلي او الحجمي .. فهنا انتبه جداً انك تطلب اغراض وزنها الحجمي كبيره وهذي غلطه كبيره يقع فيها بعض الاشخاص

بالنسبه للوزن الحجمي يختلف بين ورلد شيب و MYUS
ورلدشيب = الطول × العرض × العمق ÷ 166 = عدد الباوندات
MYUS = الطول × العرض × العمق ÷ 132= عدد الباوندات

معامل القسمه كلما كان اكبر كلما كان عدد الباوندات اقل .. الورلد شيب يعني يطلع عدد الباوندات اقل
لكن بالمقابل MYUS مع التخفيض اللي يعطيك 22% تخفيض يطلع السعر عندك ارخص بشي قليل كما هو موضح في الجدول اللي حطيته في ردي السابق


باختصار اراميكس احسن ناقل للشحنات المفرده + اللي وزنها الحجمي كبير
ورلد شيب و MYUS بيوفرون عليك للتجميع فقط لكن حاول الابتعاد عن الشحنات ذات الوزن الحجمي العالي
 
التعديل الأخير:
يجب تسجيل الدخول أو التسجيل كي تتمكن من الرد هنا.
عودة
أعلى