-
صار بإمكانكم رفع الصور مباشرة من المحرر. أكثر تفاصيل في هذا الموضوع
ودي أشتري Ps3 من آمازون اليوم بس في كم سؤال
- بادئ الموضوع Snake-87
- تاريخ البدء
Colorization
True Gamer
مادري شنو الـAPO\FPO لكنه يقول لك إنه يشحنونه لأمريكا فقط، وأرامكس عطوك بالبداية عنوان بأمريكا وعنوان ببريطانيا، وإنت إستخدمت اللي بأمريكا.. يعني، مبروك مقدما ً 😉
hyuga neji
Hardcore Gamer
انا واسطتك :cooool:
مبروك بوجاسم يتربه بعزك
التعديل الأخير:
Rockman
Hardcore Gamer
الحين انت دقيت عليهم بس جذي تسألهم عادي يصير اييب سوني
ولا شحنتك حجزوا عليها الجمارك ؟
لأن لو الخيار الاول مو شرط يصير
اما لو حجزوا عليها الجمارك عندك طرقين يا اما تخلصها بنفسك او هم يخلصونها
لو انت مستعجل وتبيها الحين وممكن توفر كم دينار تخلصها بنفسك احسن
وما دام انك قلت ان الوزن هو 30 دينار "نفس حالتي تقريبا" اتوقع فيها جمارك
المرة الياية حاول ترسل القطع بشحنات مختلفة " صحيح يمكن اغلى " لكن تريح عمرك من الجمارك وهالخرابيط
اممم انا انصح بالحل الاول لكن فيها شوي تعب
من الصبح اول ما يفتح مكتب ارامكس " اقصد الصبح الصبح الساعة 8 ! " تروح لهم وتقول لهم ابي اخلصها بنفسي
راح يعطونك الاوراق الرسمية + تدفع لهم قيمة الشحن العادية " اللي هي 30 دينار بحالتك " بعدها على طول تروح الشحن الجوي " يم مطار الكويت " وتقول لهم عندي شحنة شخصية ابي اخلصها اهم يدلونك وين تروح وتسوي شغلك هناك
هناك راح ياخذون نسبة معينة من قيمة البضاعة مالتك + 2 دينار اجر معاملات
بعدبن تروح تستلم شحنك واذا صار فيها نذالة شوية دفعوك ارضية " العادة ما تاخذ اكثر من 6 دنانير " "بس جنه لو تتأخر يزيدون على كل يوم مبلغ فلو تروح احسن لك "
عموما انا اللي صار معاي كنت ناوي اخلصها من ارامكس لكن قالوا لي فيها بلاوي ما ادري جم يوم انطر + لازم اروح وزارة المواصلات ما ادري شنو اسوي هناك و.....الخ
فقلت يا معود يلا شورانا وخل نخلصها بنفسنا
بس
Snake-87
Electrony Editor
سألته بالحرف : سوني بلاي ستيشن 3 .. يصير ؟
قالت : Yes
ثاني شي إكتشفت إنه عمي بالجمارك xD
فراح ادق عليه ولكن ما ادري شقول له ^^"
المشكلة أنه انا طالب طلب مثل ما انت شايف مقسم 3 اقسام .. ويمكن إيي بباكج واحد ويمكن لأ .. المهم .. الشحنة لي الحين ما دزوها حتى .. اول ما توصل هناك بامريكا راح اروح آخذ الرقم واعطيه آرامكس ؟ وآخذ الأوراق واعطيها عمي ؟
التعديل الأخير:
Rockman
Hardcore Gamer
اوه فهمت السالفة ....
يعني اهي حتى ما وصلت الميل بوكس بامريكا :sealed: ...
ما ادري صراحة انت ليش دقيت عليهم ؟؟
عموما تلقاها بس كلام
وانت مالك شغل خلك ساكت اهي انت وحظك مرات تمشي وما يقولون شيئ ومرات لأ وما دام مقسمة على ثلاث شحنات " بس عسى الوحدة ما تزيد عن 7-8 كيلو " تطمن لأنه الجمارك ما يفتحونها
انا صارت معاي لأن الاغراض اللي طالبها وايد وبكرتون واحد وطالع الوزن 9 كيلو واهي الكترونيات صار حجز عليها من الجمارك ...
الحين على قولتهم ارقد وامن ما صار شيئ ولا تكلم احد ولا ارامكس ولا هم يحزنون
وتابع الشحنة
لما توصل "الكويت" وحطوا في الحالة مالتها انه الجمارك حاجزين عليها اتبع الخطوات اللي فوق
ما صار هذا الكلام خلاص تطمن مافيها شيئ
يعني اهي حتى ما وصلت الميل بوكس بامريكا :sealed: ...
ما ادري صراحة انت ليش دقيت عليهم ؟؟
عموما تلقاها بس كلام
وانت مالك شغل خلك ساكت اهي انت وحظك مرات تمشي وما يقولون شيئ ومرات لأ وما دام مقسمة على ثلاث شحنات " بس عسى الوحدة ما تزيد عن 7-8 كيلو " تطمن لأنه الجمارك ما يفتحونها
انا صارت معاي لأن الاغراض اللي طالبها وايد وبكرتون واحد وطالع الوزن 9 كيلو واهي الكترونيات صار حجز عليها من الجمارك ...
الحين على قولتهم ارقد وامن ما صار شيئ ولا تكلم احد ولا ارامكس ولا هم يحزنون
وتابع الشحنة
لما توصل "الكويت" وحطوا في الحالة مالتها انه الجمارك حاجزين عليها اتبع الخطوات اللي فوق
ما صار هذا الكلام خلاص تطمن مافيها شيئ
Snake-87
Electrony Editor
شباب الجهاز وصل حسابي بأمريكا .. وكلمت آرامكس يوصل السبت والله يستر من الجمارك
ولكن فيه مشكلة بطت جبدي ..مع اني حطيت انه الشحنات الباقية توصل بأسرع وقت ولكن إلى الآن ما حركو من مكانهم (الريموت وأفلام البلوري ريزدنت واوبن سيزن) لي الحين ما انشحنو ><")
ووزن الجهاز 17.6 LB أي 8 كيلو تقريبا .. أي 27 تقريبا .
ولكن فيه مشكلة بطت جبدي ..مع اني حطيت انه الشحنات الباقية توصل بأسرع وقت ولكن إلى الآن ما حركو من مكانهم (الريموت وأفلام البلوري ريزدنت واوبن سيزن) لي الحين ما انشحنو ><")
ووزن الجهاز 17.6 LB أي 8 كيلو تقريبا .. أي 27 تقريبا .
NextGGamer
Hardcore Gamer
انا جهازي امريكي شاريه من الكويت و استعمله دايركت من غير محول مع انه مكتوب على الجهاز
110 V بس الجهاز 220 و 110 فمادري اذا سوني غيروا الباور سبلي اللي داخل الجهاز في الدفعات اليديدة
Colorization
True Gamer
مبروك محمد، تتهنى فيه إن شا الله، عندك مجموعة ألعاب حلوة تقدر تستمتع فيها هالوقت (نينجا جايدن، داركنس، ريزستنس، موتور ستورم)
Snake-87
Electrony Editor
مشكور كينجي ^^
باركولي وصل العسل .. رحت مواصل من الصبح شركة آرامكس تليت الجهاز ودفعت الشحن 28.750
وخذيته ورحت دايس .. شغلته واشتغل الحمد لله بدون محول .. خليته مدة طويلة شغال يسوي آب ديت وماضره .. اكمل عليه وإلا اشتري محول ؟
انطر نيجي إييب لي الألعاب بعد شوي X3
شبكت فيه والنت ما ادري ليش صاير بطيئ فيه بس التصفح روووعة والستايل رووعة
وشغلت ميتل جير عليه عطاني وضوح روعة .
الحين باقي أعبي أستمارة البلوري وادزها .. احد عنده فكرة عنها ؟ شلون أدزها ؟
باركولي وصل العسل .. رحت مواصل من الصبح شركة آرامكس تليت الجهاز ودفعت الشحن 28.750
وخذيته ورحت دايس .. شغلته واشتغل الحمد لله بدون محول .. خليته مدة طويلة شغال يسوي آب ديت وماضره .. اكمل عليه وإلا اشتري محول ؟
انطر نيجي إييب لي الألعاب بعد شوي X3
شبكت فيه والنت ما ادري ليش صاير بطيئ فيه بس التصفح روووعة والستايل رووعة
وشغلت ميتل جير عليه عطاني وضوح روعة .
الحين باقي أعبي أستمارة البلوري وادزها .. احد عنده فكرة عنها ؟ شلون أدزها ؟
NextGGamer
Hardcore Gamer
مبروك على الجهاز
و دام انه اشتغل من غير محول خلاص ما يحتاج تشتري واحد
بالنسبة لاستمارة البلو راي اكتب كل البيانات و العنوان حط عنوانك مال ارامكس و علشان توصل بسرعة حق سوني ارسلها عن طريق ارامكس ما اتوقع ياخذون وايد
Death match
Hardcore Gamer
مبروك محمد وتكسره بالعافيه , واكيد عمك ضبطك بالجمارك 😉 ( تبيع الجهاز ؟ jk )