سؤال هل يوجد فرق فعلي بين Xbox 360 Slim وXbox 360 Elite ؟

[Youssef90]

الحين فيه فرق فعلي بين الجديد والقديم ؟ لانهم نفس المواصفات، مغير وايرليس مبني بالداخل هذا الاختلاف ؟ ولا المعالج حق الجديد أقوى ويفرق ؟

لأني ناوي اشتري اكس بوكس قريب ان شاء الله وطلعلي القديم سعره معقول جداً بالنسبة لي اما الجديد 1500 مع شريط غالي حبتين

فشرايكم اخذ القديم مع الضمان يكفي ؟ وياليت تعلموني وش افضل نوع من الـElite ؟

الزبده اذا القديم ما يفرق فرق جذري عن الجديد فراح أخذه لأن سعره أنسبلي 😀

 

[P0werX7]

خذ السليم افضل .. بس كيف 1500 ؟
انا اخذت باندل الكنكت "يجي الكنكت+ادفانتشر+يد+هيدسيت" بـ 1800 ريال وكان فيه العادي يجي معاه لعبة ويد بـ 1200 تقريبا

تعديل: الفروق بسيطة للبعض بس اذا يهمك

-الهارد درايف في السليم يجي 250 جيجا اما الإليت غالباً بحدود 120 - 150 جيجا
-بالسليم اقدر اشبك نت واي فاي بدون ما احتاج اي قطعة خارجية عكس باقي الاجهزة "تشتري لها قطعة"
- طبعاً الحجم يفرق و الوزن أخف
- السليم فيه فتحات على الجوانب للتهوئة يعني انسى RROD
-السليم فيه مروحة كبيرة بدل من مروحتين صغار في الإليت يعني مافي صوت مزعج

 

[Madainee]

في السعوديه ينباع بهذا السعر .

 

[Youssef90]

بالسعودية هذا سعره مع لعبة تختارها للأسف

يرجع السؤال هل هناك فرق جذري فعلاً بين الجهازين ؟ يعني لو ارخصلي القديم اخذه ؟ ولا يفرق كثير وانتظر لين ينزل سعره ؟

 

[Superx]

^
شوف رد الاخ دانتيلا مرة ثانية , ضاف عليه فروق جذرية مهمة

 

[xz995]

اخذ الفات مع ضمان لكن اذا فلوسك تكفي خذ السليم

 

[Youssef90]

طيب نحط بالاعتبار بأني انسان محافظ جداً....

طيب وش احدث نوع من الفات الأليت ؟ اذكر فيه انواع كثيره من المعالجات ومدري ايش ؟

اي وش اخذ امريكي ولا اوربي ولا ايش ؟ واذا فيه محلات تنصحوني فيها يكون شيء ممتاز لأني ما اعرف محلات كويسه ومضمونه

ويعطيكم العافيه شباب 🙂

 

[Oldsnake]

^
خذ جهاز أوروبي لانه اغلب المحلات تبيع العاب أوروبية وفي العاب كثيرة ريجون لوكد
محلات كويسة همممم النسر - العاب طوكيو - بيت الكمبيوتر أو جرير دايما يكون عندهم عروض حلوة على الاكس بوكس

 

[xz995]

بيت الكمبيوتر محل ممتاز
وانتبه لاتاخذ اللي الكرتون شكله زي كذا

خذ اللي شكله زي كذا الي يجيك الاكس بوكس صورة في وجه الكرتون

و الاوربي بشكل عام منتشرPAL

 

[P0werX7]

^
شوف رد الاخت دانتيلا مرة ثانية , ضاف عليه فروق جذرية مهمة

دانتيلا .. هل هالإسم يوحي لك بإنه ولد ؟ P:

شوف الأخ يوسف .. لو انت ساعات لعبك كثيرة و راح تحمل العاب من الماركت خذ السليم اما لو استخدامك بيكون معتدل للجهاز خذ الفات .. عيب الجهاز بس الأوفر هيتنق لما يتشغل مدة طويلة غير كذا تمام ..
وخذ لك أوروبي لإنه اغلب الاشرطة الامريكية بتشتغل على الأوروبي اما الألعاب الأوروبية ماتشتغل على الامريكي P: تقدر تشوف من هالموقع play asia
يعني اذا لقيت لعبة تبيها وطلعت امريكية .. بس تدخل على الموقع تشيك اذا ممكن تشتغل على جهازك ..

 

[xz995]

دقيقة انت بنت؟؟؟؟؟^^^
ودانتيلا انا عندي فات وساعات لعبي كثيرة واحمل كثير من الماركت و ماصار لي اوفر هيتينق الجهاز له سنتين ونص ولا صار له شي اهم حاجة الالعاب كلها مسويلها instal وحاطه على طاولة خشب وفي مكان مفتوح الهواء فيه!!!!!!!!!

 

[P0werX7]

^
انا بعد عندي اركيد + برميوم وماواجهتني مشاكل بس فيه العاب معينة تسبب اوفر هيتنق + المكان الضيق ومافيه هوا
+ التحميل من الماركيت ماله دخل بـ نقطتي .. انا اقصد اذا بيحمل العاب كثيرة ياخذ السليم 250 جيجا

 

[Youssef90]

معلومات مفيدة جداً، ماقصرتوا.... للأمانه راح أخذه عشان العاب الاون لاين وخصائص الاون لاين للأكس بوكس كثيرة واحترافيه وحتى محتمع اللاعبين على الأكس بوكس افضل..... بالعادة ما اقعد قدام الألعاب اكثر من ساعه الا ربع :/

طيب ايش افضل عرض موجود الحين على الأكس بوكس الدبي 😀 ؟ يعني افضل سعر ممكن اخذه منوين العاب طوكيو ولا جرير ولا وين ؟ (ايش سعره الافتراضي في الوقت الحالي يوصل حدود كم ؟)

 

[xz995]

تقريبا الدبي:laugh:: الاليت عند طوكيو 900 مع ضمان 3 سنوات

 

[Youssef90]

ممتاز!

يعطيكم العافيه

 

[JIN KAZAMA]

ممتاز!

يعطيكم العافيه

انصحك خذ السليم وخليك في السليم
فعلا لان الفات يمكن يعطل عليك في اي لحظه
بعكس السليم اللي بقاله خمسه شهور وماعطل جهاز على حد

 

[Youssef90]

^

مافيه دراهم 😛

لقيت الاكس بوكس سلم 4 جيجا بـ1100 بس مدري احس 4 قيقا ما تكفي ؟

 

[JIN KAZAMA]

^

مافيه دراهم 😛

لقيت الاكس بوكس سلم 4 جيجا بـ1100 بس مدري احس 4 قيقا ما تكفي ؟

شوف اسمعني اضغط على نفسك وخذلك شي مضمون احسن واذا كان الجهاز ابو 4 جيجا قابل للتوسعه فخذه وبعدين وسعه بهارد 250 جيجا
ثانيا الفات صوته عالي جدا جدا على بعد كيلو تسمع صوته فاستحمل وخذه احسنلك وبعدين فيه واي فاي وحركات ثانيه حلوه

 

[Youssef90]

هممممممممممممممممم، اقنعتني، طيب سؤال..... الأكس بوكس 4 جيجا قابل للتوسعه يا شباب ؟

 

[Youssef90]

أكس بوكس 360 بسعة 4 جيجا = 199 دولار

+

هاردسك 120 جيجا خاص بالأكس بوكس سلم = 44 دولار

المجموع = 243 دولار (915 ريال، خلينا نقول ألف ريال تكلفة الشحن)

وهذا مقطع فيديو شرح طريقة ترقية الاكس بوكس سلم 4 جيجا الا اكس بوكس سلم 120 جيجا بالراحه
[video=youtube;bqdtQtC5k7I]http://www.youtube.com/watch?v=bqdtQtC5k7I&feature=related[/video]

هممممممممممممم:sarcastic:

 

[AL3TTR-M]

خذلك باندل الكنكت مع اكس بوكس سليم 4 قيقا

ولاتثبت العاب على الهاردسك الا بعد ماتجيك فلوس وتشتري هاردسك !

 

[F ZERO]

انصحكم بالابتعاد عن سليم ابو 4جيجا

أنا شريته ورجعته في اليوم الثاني للمحل لأنه فيه bug وهو أني ما أقدر ألعب co op بالنسبة لهالو ريتش في شبكة الlan ولحد الان مايكروسوفت ما حلت المشكلة من 5 اشهر