يعني كاكا ما يستحق أفضل لاعب في العالم العام الماضي ؟ لول.
وحكاية انه اوفريتد لكن أفضل لاعب في ال 10 سنوات الماضية مرة ما تنحسب.. مافي لاعب يكون الأفضل في ال 10 سنوات ويكون اوفريتد.. لمن تقول 10 سنوات معناته عقد كامل.. اذا مافي افضل منه في ال 10 سنوات هذي معناته لاعب أسطوري..
كـ رونالدو يستحقها أكثر منه , فيه فرق بين انك تبدع الموسم كله وتأخذ أحسن لاعب بالدوري الانجليزي وتساهم بشكل كبير في وصول فريقك لنصف النهائي وبين انك بس تبدع بكم مباراة جامبينز..
أنت للآن ما فهمت قصدي , أنا أقول أنه أوفرريتد """"""""""فقط"""""""""" إذا تمت مقارنته ببيليه ومارادونا أما إذا الناس تركت مقارنته بهالاثنين فذاك الحين مو اوفرريتد..
محمد
انت واحد متعصب لليوفي ، اليوفي والطوفان من بعده واي فريق يخسر منه اليوفي هو فريق فاشل
لو بناقشك يمين يسار ماراح يفيد
يعني لو يصبغون الفرق كلها مخطط ابيض واسود ..ذيج الساعه بتعترف بلاعبين العالم بانهم لعييبه ويعرفون
يقطون تمريارات..واحسن ناس..!
أنا متعصب و لكن الحق حق وما أنكره , يعني مستحيل أقول لاعب باليوفي أفضل من لاعب فلاني بفريق منافس وهو أصلاً مهو أحسن..
لكن لي تعقيب بسيط...
خيارات مدربين العالم الللي اخبر مني ومنك بالكره وبالمستديره؟..خرابيط ..؟
هم مدربين وعارفين تكيكات الكره وعارفين خامه اللاعب عدل! احسن من المشجعين نفسهم
عيشتهم هذي! رزقهم! مو قاعدين يتفلسفون ورى الشاشه وياكلون شبس ويحولون مسار الموضوع لرونالدو × ديل بيرو × باجيو× زيدان ويقولون هذا لعيب والا مو لعيب استناداً لتشيير او راي عشوائي لا يمت بالواقع صله..
وعلى فكره ..الخبـــــــراء ياللي تتكلم عنهم بمديحك لكنفارو وبوفون هم..
نفسهم المدربين في المنتخبات وهم صــــــــــلب التصويتات في الفيفا..يدزون للمدرب فاكس منه يراسلهم باختيار 3 اسامي من المرشحين خلال اسبوع! وتتوزع الدرجات حسب ماذكرت فوق 5 للاول 3 للثاني نقطه للثالث..
فاللي خلوا.. كنفارو الاول بوفون بالمركز الثاني ..هل اناقض نفسي مثلك برد واحد واقول انهم خرابيط؟..بمجرد انه مايعجبوني لاعبين ايطاليا..اترك المنطق لنفسي واعترف فيهم بانهم لعيبه..لانه في ناس أخبر مني بأختياراهم ..
كفاك تناقض سلمك الله ..واترك عنك التعصب
أتفق معك بكل حرف قلته , بس أعتقد انهم بشر وممكن يغلطون , وفيه مرات تطلع اختياراتهم عجيبة تخالف آراء أغلب المتابعين للكرة مثلاً يوم فضلوا كانافارو على بوفون في كأس العالم ويوم فضلوا زيدان على ندفيد كأفضل لاعب في العالم عام 2003 ( مع العلم ان ندفيد كان في قمممممة مستواه ووصل الفريق لنهائي التشامبينز ضد الميلان وسجل هدف خرافي عى الريال في نصف النهائي , حتى ان الناس أجمعوا أن ندفيد هو اللي بيأخذ الجائزة بس بالنهاية أخذها زيدان , بس فرانس فوتبول أنصفت ندفيد وأعطته الكرة الذهبية) ,,, ويوم قالوا ان بيليه أفضل من مارادونا بس بالنهاية طلع رأي الأغلبية الساحقة أن مارادونا أفضل..
ذحين رونالدو بس افضل من ديل بيرو بدقة التسديد لوووووول . . فين راحت السرعه الخياليه .. المهارات العاليه .. الخ الخ .. انا ما اقول ديل بيرو لاعب صغير .. بس ابدا ما يقارن مع رونالدو .. و كيف تقول ان انجازات ديل بيرو مع المنتخب اكبر .. رونالدو جاب كاس العالم و كوبا امريكا و كاس القارات للبرازيل كلاعب اساسي .. ديل بيرو انجازاته محدوده بكاس العالم الي كان فيه احتياطي و بس
و كاكا الي فاز بكل جوائز الافضليه مستحيل يكون ذا الشي غلط او مجامله
دل بييرو أمهر من رونالدو ومهاراته أكثر وهذا شيء معروف ( أفضل في المراوغة والتمرير والكرات الثابتة هذا شيء بديهي أعتقد.) , بس رونالدو أدق قدام المرمى وأيضاً أسرع هذي نقطة أنا نسيتها .
وليش دل بييرو ما يقارن برونالدو؟ غالباً دل بييرو إذا تواجه مع رونالدو يتفوق عليه , حتى ان رونالدو نفسه اعترف وقال : " أعطوني مهارات دل بييرو وسأصبح أفضل من مارادونا" هذا دليل قاطع أن دل بييرو أفضل في المهارات اللي ذكرتها فوق^^^.
رونالدو جاب كأس العالم 2002 كأساسي ولكنها كانت أسوأ بطولة كأس عالم باجماع النقاد!! أجل كوريا توصل نصف النهائي؟؟ ,,, بس دل بييرو في 2006 بالرغم من انه "احتياطي" إلا أن لولاه كان يمكن إيطاليا لعبت ضربات ترجيح مع المانيا (الهدفين دخلوا الالمان فور دخول الملك) , أبداً مهو ذنبه انه احتياطي مادام أنه إذا دخل غير مجرى المباراة..
بس أنا فعلاً غلطان يوم قلت ان دل بييرو أكثر انجازات دولية مع زيدان , لكن مع الأندية بلا شك دل بييرو أكثر..
بعد كل اللي قلته ما أشوف أي سبب يمنعني من اني أقول دل بييرو مهو أقل مستوى من رونالدو..
طبعا زيدان ماهو بيليه و لا مارادونا ، لكنه مو أوفرريتد بأي شكل ، أصلا مهما تتكلم عنه ما بتوفيه حقه ، و بدك الصراحة ؟ ما عدت أستمتع بعالم كرة القدم الان مثل أيام "زيزو" !! أحن كثير للمساته الخرافية للكرة
هذا كل اللي أحاول أقوله.
دل بيرو أفضل من رونالدو بالمراوغة ؟ رونالدو حاليا ما يراوغ أصلا ، شوف رونالدو قبل الإصابة .. كان يراوغ بشكل لا دل بيرو و لا غيره يسووه ، رونالدو أيام شبابه كان "ظاهرة" ، دل بيرو لاعب متميز ما أختلف معك ، لكنه مو "ظاهرة"
فيه فرق بين انك تفتح شوارع في أقوى دفاعات العالم وبين انك تفتح شوارع في دفاعات في أفضل الأحوال
( جيدة جداً) , دل بييرو كان يراوغ ويسدح مدافعين الكالتشيو مثل نيستا , أما رونالدو فعنده مدافعي اللا ليجا يفرح وياهم... مش لازم أقول أكثر من مرة ما أقدر أشوف الفيديوز لأن ما عندي فلاش بلاير والله..وحتى لو شفت ما راح يغير قناعاتي........
ما أعتقد أقدر أستمر أكثر في نقاش ما منه فايدة , أنا أقول الملك أحسن من رونالدو وأقول زيدان المفوض ما يتقارن ببيليه و مارادونا , كل واحد له وجهة نظره..
