معرض الرياض الدولي للكتاب 1432هـ\2011م

[HDNA]

السلام عليكم ورحمة الله وبركاته

في يوم الثلاثاء الموافق الأول من مارس والسادس والعشرين من ربيع الأول يقام معرض الرياض الدولي للكتاب, ويشارك هذه السنة اكثر من 700 دار نشر من 30 دولة بضيافة الهند


س/وين مكان المعرض ؟

س/متى تفتح ابواب المعرض والعزاب ممكن يدخلون ؟

س/من هي دور النشر المشاركة بالمعرض ؟

http://goo.gl/oFX3u

س/هل الكتاب اللي ابغاه بيكون موجود بالمعرض ؟

http://goo.gl/YZyXu

س/متى بينتهي المعرض ؟

يوم الجمعة في السادس من ربيع الأول والحادي عشر من مارس


بالتوفيق للأعضاء في إختيار الكتب 🙂

 

[إحساس]

بأذن الله راح اكون من الحاضرين .. الوالد دكتور في اللغه العربيه وسنويا يحضر المعرض بـ شكل يومي .. فـ لذلك راح تكون لي عدة زيارات معه لـ المعرض ان شاء الله ..

بهالوقت من الضروره ان الطالب يزيد من ثقافته في بداية الجامعه .. يأسس نفسه صح ويحصل على ثقافه كافيه تخليه يمشي أكثر في الجامعه ويحقق درجات ممتازه فيها .. فـ لذلك لابد تكون لي كم زياره بأذن الله ..

الشي اللي مالي خلق له هو الزحمه المقرفه واللي تجيب المرض بـ الرياض [ خصوصا بـ الاوقات اللي مثل هذي ] .. اوقات المعارض و اوقات افتتاح الاسواق .. الخ .. هذي الاوقات تصير الرياض مدينه لاتطاق حرفيا .. هي دايما لاتطاق لكن بهالوقت تكثر الزحمه وتصير كارثيه *_*

 

[Dr.MoDmEn]

بحاول احرص اروح يوم للرجال فقط , السنه الي فاتت الوضع كان قرف مع الحريم والاطفال وماتهنيت فيه ><

 

[ALONE]

يوم الرجال فقط للفوز

نبي نرتاح من العوائل وازعاج الأطفال

لأن بعض العوائل تحسب معرض الكتاب ملاهي !

+ بعض الشباب الي جاي علشان يتميلح ويستعرض !

علشان كذا رجال فقط افضل خيار

ترتاح وتروق وتقرأ على كيفك وتأخذ وقتك

ولو تروح لحالك احسن شئ ممكن تسويه

الا لو كان الي بيخاويك له اطلاع على الكتب ومهتم مثلك

 

[s3rorh]

صاير شي بمعرض الكتاب شباب ؟؟؟

بتويتر في كم واحد كاتب بأنه صار شي بالمعرض \... هيئة .. ومتشددين .. وسب ... وما أدري اييش >_>

 

[xxamerxx]

من محاسن الصدف التقيت اليوم في المعرض العضو السليل الاخير على السريع

مشتريات اليوم من المعرض



http://imageshack.us



http://imageshack.us

وايضا كتاب "عايزة اتجوز " تأليف غادة عبد العال
للاسف كان ودي اكمل لكن تعبت وبكمل بكره ان شاء الله باقي دور نشر كثيره ما زرتها وايضا بكره في محاضره لاحمد زويل اعتقد الساعة 8

صاير شي بمعرض الكتاب شباب ؟؟؟

بتويتر في كم واحد كاتب بأنه صار شي بالمعرض \... هيئة .. ومتشددين .. وسب ... وما أدري اييش >_>

انا شفت بعض المواقف بنفسي للاسف في ناس ودها تشوه سمعت المعرض باي طريقه طبعا هم مجموعه شباب متحمسين لفكره معينه ( الله يهديهم ) وينفذونها بطريقه خاطئة طبعا هم ليس من الهيئة اذا في دار نشر ما عجبهم محتوى الكتب المتواجده فيها يتكلمون مع البائع وكأنه شخص فاسد و فاسق مع العلم الكتب اشوفها عاديه وماتستاهل كل هذا الكلام .. ما ودي اتكلم عن اشياء ما شفتها .

 

[Byakkino]

صاير شي بمعرض الكتاب شباب ؟؟؟

بتويتر في كم واحد كاتب بأنه صار شي بالمعرض \... هيئة .. ومتشددين .. وسب ... وما أدري اييش >_>

خرابيط وتهويل

 

[T i d u s]

- رواية (الآمال الكبيرة) للروائي الكبير تشارلز ديكنز
- كتاب (طفولة قلب) سيرة ذاتية للـ د. سلمان العودة
- كتاب (جُرأة الأمل) للـ مستر بريزيدينت باراك أوباما :|
- رواية (كوخ العم توم) للروائي هربيت ستاو
- كتاب/ كُتيّب (نبت الأرض وابن السماء - الحرية والفن عند علي عزّت بيجوفيتش) للـ د. محمد الأحمري
- كتاب/ كُتيّب (ذكريات سمين سابق) لـ الإعلامي تركي الدّخيل

 

[khaled 13]

حضرت المعرض يوم الجمعة والسبت وهذي اول مره احضر المعرض في الرياض ....... سبق وان حضرته يوم كان في مكة وجدة

مكان المعرض ممتاز وكبير لكن مش اكبر من حق جدة على حسب ماأذكر
المهم
كل شيء في معرض الرياض ممتاز ومرتب ومنظم .
فلوسي خلصت في دقائق من الكتب اللي اشتريتها وحتى اني ماطولت في البحث عن بعض الكتب اللي كانت في بالي

معظم الكتب اللي اشتريتها قديمة نوعا ما
لكن في كتابين توهم نازلين في المعرض واشتريتهم
كتاب محاولة ثالثة لمحمد الرطيّان ........ من أفضل الكتاب السعوديين وهو السبب الاول اني حضرت المعرض 🙂

الكتاب الثاني هو اختراق البرج العاجي لـمحمد الخازم
الكتاب يتحدث عن التحولات الجيوسياسية والتأثير الأيدلوجي في بنية وسياسة التعليم العالي السعودي

وطبعا انا قرأت الكتاب لمدة يومين واكتشفت انه كلام فاضي ..... طلع يتكلم باختصار عن الإسلام وكيف انه السبب الرئيسي لتخلف التعليم العالي
او بالأصح كيف ان المتشددين المسلمين (على حسب وصف الكاتب) انهم هم المتحكميين بزمام الأمور وانهم عائق تطور الجامعات لتصبح جامعة مثالية مثل جامعات الغرب لول
حتى اني تفاجأت انه انتقد إلغاء تدريس نظريات التطور في علم الحيوان !
يعني بجد حسيت انه الكاتب شخص غربي يعمل بحث عن الجامعات السعودية (وحتى اني يمكن اظلم الغرب هنا لانه الكاتب ماتطرق للعادات والتقاليد والفكر السائد بين المجمتع !)
انا بصراحة مدري متى العالم هذي ماتفكر انه لازم نعمل فكر مستقل بحد ذاته ويخلي الإسلام والعلم يعملون بشكل متساوي مثل أول
ترى مستحيله نقلد كل شيء من نظام الجامعات الغربي والقائم بالأساس على عدم وجود الله وكل شيء جاء بالصدفه !
لكن وش نسوي .... بعض الناس اللي يدرسون بالخارج ينغسل مخه ويجي هنا وينتقد البلد يقول مافيه حريه ويقعد ينتقد الدين في الأساس
ويجي طبعا في المقابل رجال الدين يردون عليهم بتهجم وتزيد المشاكل اللي مانبغاها في الاساس

على العموم انا ماندمت اني اشتريت الكتاب .... قدرت اطلع منه بعض المعلومات المهمة اللي حدثت بالتاريخ و استمتعت بقراءة الفصل الخامس من الكتاب واللي يتحدث عن علاقة الجامعة بالدولة