مساعده: وين يبيعون سدّادة اذن ؟

[Burdegation]

في احد يقدر يدليني وين يبيعون سدادة اذن لمنع الصوت ؟

لاني بس خلاص زهقت

مو قادر احصلي مكان هادي اقدر ادرس فيه, لا بالبيت ولا بالجامعه و امتحانات الفاينل شوي و تبدي :crying:

مشكلتي اني ماعرف ادرس الا على مكتب و بمكان هادي مافي صوت, لدرجه اني قلبت نومتي هالايام بسبب هالشيء , انام الصبح اقعد بالليل (صرت فامبير)

ففي احد عنده حل ؟ :crying::crying:

 

[s3rorh]

ابوي كان اييبها وياه من الدوام ... من بعد كل سفره *كان مساعد طيار*
(&)
ومن كثرتها كنا نطلعها من العلبه ونقعد نضغط فيها عبط ....

على العموم جرب الصيدليات ...

 

[Jonas]

هممم
حتى لو ما لقيت اتوقع تقدر تسوي لك وحده بنفسك , not a big deal

 

[Zero]

أتوقع تلقاها في محلات بيع المعدات الكهربائية المنزلية وهالأشياء أو يمكن الصيدليات زي ما قال باسل.

 

[Burdegation]

الصيدليه !
ماكانت على بالي, بروح اجيك الحين

جوناس, سويتها بس مافادت

 

[Burdegation]

فعلا لقيتها بالصيدليه :xd:

بس اطلعت مو مثل ماكنت متوقع, تخفف الصوت بشكل كبير, بس ليس كليا :sadwalk:

يلا شيء احسن من لاشيء , يعطيكم العافيه

 

[عاشق 360]

هذي راح تساعدك كثيييير " bilsom viking "

بحكم دراستي " بساحة المطار " عندي درزن منهم " v3 "

الانجن تبع الطياره يشتغل يمي وما اسمع ألا صوت خفيييييف حتى اصوات الاشخاص الي يكلموني ما اسمعها . والكاتم هذا خفييف يعني حطه على راسك وكلها فتره وتنسى انه موجود حتى .

 

[Unknown]

انا افكر بشي مقارب للفكره .. وين تباع ربطة العيون ؟ "انام بمكان فيه نور وانا لابسها"

 

[Burdegation]

هذي راح تساعدك كثيييير " bilsom viking "

بحكم دراستي " بساحة المطار " عندي درزن منهم " v3 "

الانجن تبع الطياره يشتغل يمي وما اسمع ألا صوت خفيييييف حتى اصوات الاشخاص الي يكلموني ما اسمعها . والكاتم هذا خفييف يعني حطه على راسك وكلها فتره وتنسى انه موجود حتى .

هذا اللي بالضبط اللي محتاج مثلها, بسرعه تحطها و تشيلها و للأستعمال المتكرر

و سعرها مش بطال رخيص من امازون , فبحاول ادبرها بأي طريقه

يعطيك العافيه عاشق

 

[Bounty]

اذكر قريت انها تزيد من معدل البكتيريا بالاذن بمعدل الاضعاف لكل ساعه بشكل خيالي (حتى الهيدفونز) .. فحاول لا تحطها الا اثناء الدراسه ..

و بالتوفيق

 

[Snake-87]

انا افكر بشي مقارب للفكره .. وين تباع ربطة العيون ؟ "انام بمكان فيه نور وانا لابسها"

حتى أنا ابي اعرف وين تنباع .. وايد احتاجها

 

[Vorg Zangief]

قريب من هذا الموضوع .
في أحد يعرف إذا فيه سماعات وايرليس ؟ و وين تنباع ؟
لأني تعبت من كثر ما أشتري سماعات حق اللابت توب و دائماً الوايرات تتقطع 🙁