مساعده في اتخاذ القرار ..........

[Shanks]

السلام عليكم ...

كيفكم شباب ، من شهر تقريبا تخرجت من الجامعه و خلال الشهر صارت احداث و مواقف كثير
اكيد الشباب الي خلصوا جامعه مرت عليهم هالمواقف ....

حاليا شايل هم الشغل علما اني كنت اعمل خلال فترة دراستي في الجامعه لكن الحين قدامي فرص اكثر ، اخوي ينصحني بالشرطه ، اتصالات كلموني على اساس عندي مقابل بعد شهر و كذلك ادنوك، مبدئيا اخترت الشرطه بسبب امتيازاتها.

الحيره الي فيني هي المفاضله بين العمل العسكري و الحياه المدنيه
مع العلم لكل منها امتيازات

ف شو رايكم فالموضوع!!!

 

[Zeyad]

أستخير قبل اي شي..

وبخصوص العمل العسكري هذا شي يرجع لك و إذا تقدر تتحمل او لا ، وخاصه ان العمل العسكري متعب ويحتاج شخص صبور ، لكن أشوف الحياة المدنية أفضل :normal:


ولكن تقدر تشتغل بالقطاع العسكري كم سنة وبعد فترة بأمكانك تقدم استقالتك وتشوف لك شركة من شركات "في حالة ماعجبك القطاع العسكري"، وسنوات اللي قضيتها بالعسكرية تضاف الى سنوات الخبره وبالحالة هذي تستلم راتب اضعاف الراتب اللي تستلمه وانت خريج.


وبتوفيق ان شاء الله..

 

[Nintendo]

ماراح ازيد على كلام زياد غير نقطه وحده .,..

استشير الاهل 🙂

 

[Khalid-S]

هممممم .. شي محير فعلاَ .. لكن اذا انت حاب هذا العمل ليش لا !!
لكن في شي ما فهمته .. تشتغل في الشرطة وتكون شرطي او تشتغل في جهه معينه داخل الشركة ..

 

[Huda]

وعليكم السلام ورحمه الله وبركاته


انتبهت انك قلت اخترت الشرطة لأمتيازاتها !!؟؟
يعني هي مو فارقة معك صح ؟

عموما في وظايف امتيازاتها اقل بس تكون مناسبة لطبعك اكثر
ومحد رح يعرف مصلحته اكثر من نفسك
شوف نفسك تميل لأيش حتى لو كان امتيازاته متوسطة
اهم شيء انك ترتاح :slant:

ومثل ماقالوا الأخوان استخير

والله يوفق الجميع ​

 

[persona]

الحياه المدنيه

 

[Torpedo]

الي تقدر تنزل لنا مخالفات فيها روح لها >.>

او روح الاتصالات و عطينا قطاف unlimited >.>

---

القطاع المدني اعتقد أريح 🙂

 

[Matt Casamassina]

وعليكم السلام ورحمه الله وبركاته


انتبهت انك قلت اخترت الشرطة لأمتيازاتها !!؟؟
يعني هي مو فارقة معك صح ؟

عموما في وظايف امتيازاتها اقل بس تكون مناسبة لطبعك اكثر
ومحد رح يعرف مصلحته اكثر من نفسك
شوف نفسك تميل لأيش حتى لو كان امتيازاته متوسطة
اهم شيء انك ترتاح :slant:

ومثل ماقالوا الأخوان استخير

والله يوفق الجميع ​

عين العقل هدى

شوف حبيبي. انا توظفت من شهر تقريباً،رغم اني متخرج من سنة تقريباً،وتوظفت قبل هذي وظيفة.
إذا تبغى شوري، لا تهتم بكلام الناس بخصوص الامتيازات وانك تضحي بشي يهمك أكثر عن اللي يبحثون عنه الناس بالعادة. خصوصا بمجتمعنا النظري( يعني الغير عملي، بس ينظر للآخرين)

أنا من أول ما تخرجت وأنا أبحث عن اللي ارتاح له وأحبه. والحمد لله الآن حصلت على الوظيفة اللي تمنيتها من قبل لا أتخرج، مع انه مر وقت على التخرج.كان عندي فرص أكثر أستلم ضعف راتبي هذا، رغم انه راتب جيد والحمد لله وله الشكر.
بالنسبة لوظيفتي اللي قبل هذي، أنا أخذتها حتى ما يضيع وقت وأنا عاطل، وكثيرين تمنوا اني استمر فيها، لانهم تخيلوا انها بمصلحتي على المدى البعيد، لكني ما استمريت فيها، وعرفت ان راحتي النفسية وحبي للي أسويه أهم من اني أستمر متوظف في وظيفة أكرهها ولا أرتاح فيها ولا أحبها بأي شكل، فتركتها قبل أحصل وظيفة ثانية، ومباشرة بعدها وفقني الله وحصلت على وظيفتي اللي أتمنى. أهم شي اخوي اتكل على الله، واحتسب الأجر مره في كل شيء تسويه.

فأنت اسأل نفسك، وش تحب تسوي أكثر؟ وين تعتقد أنك بتكون مرتاح ومنتج أكثر؟وش اللي يناسب شخصيتك أكثر؟ وخططك لنفسك على كل المستويات؟ وش اللي راح يدعمها أكثر؟مثلاً، اذا تحب العلاقات العامة، وتحب الشغل المكتبي، وتشتغل بتخصصك اللي درسته، تعرف وش تختار، اما اذا ما تحب تخصصك ولا تفضله، ومع ذلك ما تقدر تشتغل بتخصص غيره، روح الشرطة، هذا اذا كانت تستاهل التضحية بأمور معينة في نفسك.
وعموماً، لا تشيلهم ولا تضيق صدرك أبداً أبداً، لأن العمر قدامك، وعادي جداً تجرب حتى تستقر على اللي ترتاح فيه، مو عيب تتنقل حتى تلقى اللي تبي.
​

 

[Justice]

انا اقول ابتعد عن الشرطة كانصيحه مو على شان الشغله لا بلعكس فيها مساعده كثيره
للمواطنين لكن فيها عيب واحد وهي انك ماتقدر تسافر يسحبون جوازك صراحه صعبه ما اتصور الحياة
بدون تغيير جو ><

 

[Shanks]

مشكوريين شباب على مروركم وردودكم ....


كلامك يا اخ زياد عين المنطق شكلي بامشي عليه إنشاء الله .
ايضا اليوم راجعت الشرطه و فيه احتمال اتفرغ دراسيا من طرفهم لدراسة الماجستير .

هممممم .. شي محير فعلاَ .. لكن اذا انت حاب هذا العمل ليش لا !!
لكن في شي ما فهمته .. تشتغل في الشرطة وتكون شرطي او تشتغل في جهه معينه داخل الشركة ..

الي اقصده هو اني اشتغل في الشرطه" عسكري " او اتجهه للقطاع الخاص " مدني".

انتبهت انك قلت اخترت الشرطة لأمتيازاتها !!؟؟
يعني هي مو فارقة معك صح ؟

الموضوع بعد شهر من الآن تبدأ دورة الشرطه للجامعيين و اصحاب الكليات فإذا راحت علي الدوره راح اضطر انتظر سنه كامله هذا شيء.
الشيء الثاني حاليا الي يدخل من الجامعيين الدوره و يتخرج منها يحصل رتبة ملازم السنه القادمه حسب كلامهم راح يحصل رتبة مساعد . الفرق بينهم درجتيين تقريبا. الامور تتعقد.

احسبيها عاد ؟؟؟

انا اقول ابتعد عن الشرطة كانصيحه مو على شان الشغله لا بلعكس فيها مساعده كثيره
للمواطنين لكن فيها عيب واحد وهي انك ماتقدر تسافر يسحبون جوازك صراحه صعبه ما اتصور الحياة
بدون تغيير جو ><

ما اعتقد اعرف ناس كثير يسافرون بدون اي مشاكل ، لكن العيب الوحيد هو ما تتزوج من اجنبيه اعتقد مانعين هالشيء :cryy:

فأنت اسأل نفسك، وش تحب تسوي أكثر؟ وين تعتقد أنك بتكون مرتاح ومنتج أكثر؟وش اللي يناسب شخصيتك أكثر؟ وخططك لنفسك على كل المستويات؟ وش اللي راح يدعمها أكثر؟مثلاً، اذا تحب العلاقات العامة، وتحب الشغل المكتبي، وتشتغل بتخصصك اللي درسته، تعرف وش تختار، اما اذا ما تحب تخصصك ولا تفضله، ومع ذلك ما تقدر تشتغل بتخصص غيره، روح الشرطة، هذا اذا كانت تستاهل التضحية بأمور معينة في نفسك.
وعموماً، لا تشيلهم ولا تضيق صدرك أبداً أبداً، لأن العمر قدامك، وعادي جداً تجرب حتى تستقر على اللي ترتاح فيه، مو عيب تتنقل حتى تلقى اللي تبي

كلامك صحيح اخ مات الواحد يدور على الي يريحه لكن المشكله الواحد ما يعرف شو الي يريحه الله وحده اعلم " و عسى ان تكرهوا شياء و هو خير لكم " ، بستخير الله فالبدايه و بساله التوفيق.

اليوم وانا راجع من بوظبي عيني دمعت "سبحان الله كيف الواحد يشيل هم الدنيا و يتناسى آخرته" لكن بعدها حسيت براحه نفسيه.

و مشكورين شباب على ردودكم الطيبه و أسأل الله ان يوفقكم

 

[Torpedo]

ما اعتقد اعرف ناس كثير يسافرون بدون اي مشاكل ، لكن العيب الوحيد هو ما تتزوج من اجنبيه اعتقد مانعين هالشيء

لول .. و ليش زعلان ؟ حاط عينك على أجنبية P:

-----

 

[Shanks]

هههههه لازم الاحراج ،هو الواحد لازم يعمل حساب للمستقبل :yuck:
بس تضل بنت الدار للفووووز 😉

 

[Mario2]

هو ماري ليش موضوعك بالذات كان في خاطري ارد عليه اليوم والحين تذكرته -_- ..
احس ردي ما راح يزيد ولا ياخر بس اهم شي تشتغل مكان يريحك لانك راح تظل فيه فتره طويله وتحبه بنفس الوقت .. الله يوفقك ان شالله .. ( من زمان عن ردودك بمواضيع ون بيس )

ح: .. الاجنبيه احتياط .. وارخص ..

انت ماشالله في شو كنت متخصص ومبروك عليك التخرج .. >>..

 

[BioMario]

انا انصحك في ادنوك ..
ما اعتقد ان في مكان افضل من ادنوك ..
ولو سامح الله ما قبلوك انصحك بالأتصالات بعد ..
كل الشغلين هذيل روعة ..

وانا اتمنى اشتغل في الأتصالات بأذن الله ..

شو تخصصك ومن اي جامعة او كلية ..؟