ليش مافيه رحمه للحيونات ؟؟

["a7mad"]

المشكلة المفروض العكس.. المسلمين اللي يرحموا الحيوانات و ابن ادم و الكفار هم اللي يطقوا الكلابه و القطاوه اعزكم الله..

هاذا و حنا مسلمين و زي ما قال دراك مستر..

و اشوف ان الكفار افضل منى بالخلاق حتى مو بس بالمعامله.. اللي عندنا اخلاقهم واصله عند خشمه و اذا كلمته يطلع لك هالسان اللي طوله 324203404503458347589346598435 متر :laugh::

 

[The Blue King 9]

قبل اسبوع في الكلاس يقولي المدرس ان هنا في بريطانيا الناس تهتم بحقوق الحيوانات اكثر من الانسان

يقول لو هنا تشوت طفل في البقالة كلن يسوي نفسه مايشوف او قليلين الي بيتعرضون لك
بس لو تشوت كلب او قطو كل الموجودين بيقومون الدنيا عليك ويرفعون عليك قضية
ويقول ان الي يعتدي على الوز الي يعيش في حديقة الهايدبارك امام قصر ديانا يحكمون عليه بالاعدام

شوف كيف حرصهم على الحيوانات صحيح انهم مبالغين بشكل كبير جدا لدرجة ضلم الانسان
بس شوفوا الفرق بيننا وبينهم مانبي نبالغ زيهم بس على الأقل نصير احسن منهم بالأشياء الزينة

 

[X-SRI-X]

ليش ما تشوفون دول شرق اسيا
ادخلوا اليوتيوب وناظروهم كيف يقلون الخطبوط على النار وهو حي
ثم يقطعونه وهي حي وياكلونه
ياله من تعذيب
وهذا عادي عندهم
اعتقد كلكم تعرفون سالفة شرق اسيا

 

[Mada Mada Dane]

^
انت انظر للأعلى ولا تنظر للأسفل ..
اطمح ولا تتعذر ..

الي نسوية غلط, والي يسوونه أغلط! الي هم يسوونه ماهو حجة لنا! ولو تنظر إليها على الاقل تعذيبهم للطبخ, مو للمتعة مثل الي عندنا.

 

[Ayane]

ليش ما تشوفون دول شرق اسيا
ادخلوا اليوتيوب وناظروهم كيف يقلون الخطبوط على النار وهو حي
ثم يقطعونه وهي حي وياكلونه
ياله من تعذيب
وهذا عادي عندهم
اعتقد كلكم تعرفون سالفة شرق اسيا

شفت, غير هذا يصلخون الحيونات حيه تعرف ليش ؟؟ عشان الجلد ما يتخرب شكله بالقص عشان يبيعونها على شركات ازياء عالميه طبعاً الحيوان المصلوخ يعيش يوم يومين و يموت :crying:

 

[Saadawii]

شفت, غير هذا يصلخون الحيونات حيه تعرف ليش ؟؟ عشان الجلد ما يتخرب شكله بالقص عشان يبيعونها على شركات ازياء عالميه طبعاً الحيوان المصلوخ يعيش يوم يومين و يموت :crying:

أعوذ بالله.
أعتقد لازم يظهر شيء شنيع في تعذيب الحيوان عندنا على اليوتيوب أو الجوال، وتسوي الجرايد ازعاج بخصوصه، وقتها يمكن يتخذ موقف رسمي.

 

[Upperleft]

شي يقهر الصراحه، انا ما اقدر احتمل يوم بس اشوف قطو يوعان في الشارع.
قطوه دايماً تمشي عند بيت يدي، ذيلها مقطوع و شكلها بس يكسر الخاطر.. اظن كل ما اشوفها احقد زياده على اللي سوى بها جذي.

هو صحيح ان لازم يرحمون الإنسان اول P: بس ما ينسون الحيوان، ناس ما عندها قلب ترفس هالمخلوقات او تضربهم!!
و المخجل اننا مسلمين و شعبنا يعيش في هالتخلف، يالله يا معين.

 

[Nyx]

عشان مافي قوانين تخص أذية الحيوان , والأجانب مو كله محبه بل إتباع للقانون .

 

[Gladiator]

يا عالم ارحموا بني آدم قبل ما ترحمون الحيوان

 

[Ayane]

عشان مافي قوانين تخص أذية الحيوان , والأجانب مو كله محبه بل إتباع للقانون .

صدقني انهم يرحمون الحيوان اكثر منا احنا يا العرب و الدليل كذا مره اروح للبيطري عشان قطوتي و كذا مره اشوف موقف صراحه اتمنى اشوف عربي يسوي مثله و منها وحده لقت كلب مريض ( الكلب مو لها لقته بالشارع ) و ودته عند البيطري و ثاني موقف اللي ذكرته و هو الرجال البريطاني اللي اخذ الكلبين للبيطري يعني في كل الحالات هم اكثر رحمه, و يكفي انهم سووا قوانين بدولهم لحقوق الحيونات, ماحد فكر هنا يتكلم عن شي يخص رحمة الحيوان ! طبعاً عن الناس صحيح في كل مكان تلقى انسان يأذي حيوان و انسان ما يهمه بس على الاقل فيه ناس ترحم و ناس فكرت تسوي شي للحيوان عندهم عكس عندنا !

 

[Solid Snake]

أعوذ بالله.
أعتقد لازم يظهر شيء شنيع في تعذيب الحيوان عندنا على اليوتيوب أو الجوال، وتسوي الجرايد ازعاج بخصوصه، وقتها يمكن يتخذ موقف رسمي.

بشر ماتوا عندنا والجرايد سوت ازعاج ولا صار شي. فما بالك بالحيوان؟

الله المستعان.

 

[s3rorh]

الموضوع هذا فادني/انقذ حياتي اليوم :laugh::

عند محطه coach bus ألي بفكتوريا .. بلندن .... انواع زحمه الأوادم ... ناس رايحه راده ... لووول و فوق ما هذي الزجمه ... في حمامه ما ادري شلون قدرت تدخل داخل المحطه .... قاعده تتراكض مع الأوادم كأنها منهم ... و ناقصها بس جنطه تحت ابطها وتصير منهم :xd: ... قربت ... يمي .. وانا قاعد بالكرسي ناطر الباص .... كنت ارقبها واتأمل فيها واقول مثل ما الخليج فيها القطاوه بالشوارع مقرفه .. أهني الوضع مختلف وبدال القطاوه حمام .. يعني ياريت كان شكل الحمامه ظريف ... بل مقرف .
وبينما وأنا سارح ما أحس .. ولااا الحمام اقلعت من دون سابق أنذارت !! ... و اتجهت لصوبي :w00t:....
لووول وهي تتجه صوبي كنت بسوي رده فعل لا أراديه ....
امسكت بقبضتي و كنت توني ابي اصقعها بوكس :laugh:: دفاعاً عن النفس :xd: ... بس ربك ... لأجزاء من الثانيه .. ذكرت هذا الموضوع .. وذكرت بأنني بأوروبا ولست بالكويت ... وذكرت بأني ممكن اتبهذل وانسجن .. وذكرت وذكرت وذكرت

وبينما وأنا اتذكر ... ما اشوف ولااا الحمامه تلف الدفه بذيله وتغير مسارها وتتفاداني !!!

و كل هذا حصل بأجزاء من الثانيه ... الحمدلله فلتت منها .. و الحمدلله بأنه الحمامه فلتت من قبضتي :whistle:

 

[yousef]

ما ادري ليش نحكم على الاغلبية عشان فئة بسيطة من عديمي الرحمة ؟!
لو صحيح العرب ماعندهم رحمة ماكان شفنا هذه الردود , والا احنا افضل منهم في الرحمة .. خاصةً اذا سوينا مقارنة في نسبة حوادث الاغتصاب والقتل والتعذيب بيننا وبينهم !

 

[Monsteropolis]

قبل اسبوع في الكلاس يقولي المدرس ان هنا في بريطانيا الناس تهتم بحقوق الحيوانات اكثر من الانسان

يقول لو هنا تشوت طفل في البقالة كلن يسوي نفسه مايشوف او قليلين الي بيتعرضون لك
بس لو تشوت كلب او قطو كل الموجودين بيقومون الدنيا عليك ويرفعون عليك قضية
ويقول ان الي يعتدي على الوز الي يعيش في حديقة الهايدبارك امام قصر ديانا يحكمون عليه بالاعدام

شوف كيف حرصهم على الحيوانات صحيح انهم مبالغين بشكل كبير جدا لدرجة ضلم الانسان
بس شوفوا الفرق بيننا وبينهم مانبي نبالغ زيهم بس على الأقل نصير احسن منهم بالأشياء الزينة

اساسا مافي حكم بالاعدام في دول الاتحاد الاوروبي

 

[Ayane]

ما ادري ليش نحكم على الاغلبية عشان فئة بسيطة من عديمي الرحمة ؟!
لو صحيح العرب ماعندهم رحمة ماكان شفنا هذه الردود , والا احنا افضل منهم في الرحمة .. خاصةً اذا سوينا مقارنة في نسبة حوادث الاغتصاب والقتل والتعذيب بيننا وبينهم !

انا ما قصدت كل العرب, انا اقصد بعضهم ( الجزء الهمجي منهم ) و اللي ماخذين الحيونات مثل الالعاب عندهم كأنه مافيها روح ولا احساس و اعتقد كثير اتفقوا معي من هالناحيه, بالأساس لو مو متوقعه ردود مثل هذي بالمنتدى كان ما كتبت الموضوع لأني عارفه انه الناس اللي هنا فاهمه و مو من النوع اللي قصدته 🙂

 

[The Blue King 9]

اساسا مافي حكم بالاعدام في دول الاتحاد الاوروبي

صحيح بس هذا الكلام مو من عندي من المدرس لكن هو يقول الحكم هذا قديم والآن صاروا مايطبقونه

 

[Genocide Diego]

أنا شفت في يوتيوب مشهد تقطيع بقرة بفرامة -ـــ-"

وغير كذا خليهم يرحموا بني آدم أول بعدين الحيوان

هو فعلا لو ينزلوا قوانين متعلقة بالرفق بالحيوان كان ما شفنا هذا الإجرام

ما أقول إلا الله يصلح شعبنا العربي

 

[Ze Truth]

لووول عيل لا تشوفون قطوتنا :laugh:: انواع الدلع.. الوالده تعتني فيها وايد وتمشطها و حاله
غير الزياره الطبيه بين فتره وفتره للتجيك على صحتها .. ومسوين لها بطاقة شخصيه للpets لوول
بالمطبخ عندنا 4 صحون صغيره .. واحد فيه ماي والثلاث الباقين فيهم نكهات منوعه اكل قواطي القطاوه .. لا بعد مرات القطوه ما يعجبها الأكل فنشتريلها نكهه ثانيه هههههه

قلت حق امي بيعي القطوه ..فيها 70 دينار هذي او كثر.. شيرازيه بحته :laugh::
جان تأكلني وتقولي ابيعها بعد ما ربيتها 6 سنين ! مافيك رحمه شنو سلعة اهي عشان تبيعها .. تخيل انا ابيعك حق الناس ما تعرف شلون يعاملونك

><" جان اسكت لول

عكس امي من هالناحية تمام لول,امي كل ما شافت القطو ترتاع وتخاف :laugh:: ودايما تقولي بيعه ولاترى بنرميه برى. خطوط الفرو حقه زي النمر(امريكي شعر قصير) فدايما تقولي بكره بيكبر وياكلنا. :laugh::

عاد حتى وامي ما تحب القطو ولا تطيقه الا انها ترحمه, اذا رحت اوشيء تقول للخدامة تشيك عليه وتحط له مويه واكل.