في MacBook Pro قادم قريب + كيف الـ Windows مع الماك ؟ (رجاءً ما أريد توقعات شخصية)

[BioMario]

السلام عليكم

ناوي خلال هذا الأسبوعين أشتري لابتوب و قررت أشتري الـ MacBook Pro بعد ما شفت سعر الـ Vaio Z الخيالي عندنا.

السؤال الأول: إلي أريد أعرفة هو أن هل فعلاً في مصدر موثوق يقول أن في MacBook Pro جديد قادم ؟ (تصميم جديد)

السؤال الثاني: مارح أحتاج الـ Windows على الماك لكن Microsoft Offiece مهم جداً بالنسبة لي ماحد يطلع لي برنامج بديل على الماك او خرابيط, السؤال هو هل طريقة تنصيب الـ Windows على الماك سهلة ؟ وياليت لو أحد يعطني أسم أفضل برنامج لهذا الشيء.

شكراً جزيلاً

تعديل: نسيت أقول شيء العمر الإفتراضي بيكون تقريباً من سنه و نص إلى سنتين بعدها أحتمال كبير أغيرة يعني ما يهم لو في شكل جديد بينزل قريب لكن حبيت أعرف فقط 🙂

 

[D_SHEHAB]

عن ماك برو قادم مدري والله لكن بحسب علمي في الفترات السابقة يب فيه ماك بوك برو أسود بينزل ( مدري إذا نزل ولا لا ) ..
في أوفيس رسمي عالماك http://www.microsoft.com/mac/ من ميكرو ..
العمر الإفتراضي عندي الآي ماك وبيكمل الحين سنة ونص وماشي زي الحلاوة ، كنصيحة أخوية لك اشتره على إنه لابتوب العمر ( أحس تبذير فلوس كل سنتين تشتري لابتوب جديد )
همم من الأساس ليش بتشتري ماك بوك برو ؟ أنت مصمم أو استخدام ثقيل ؟ لو مصمم يبقى حدد نوعية تصميمك وعليه إشتر الجهاز .. تو دي أقولها لك كور اي 5 ممتاز وحلو ..
لو تصميمك ثريدي + ممكن تشغل شاشتين عالجهاز في البيت ورندر وووو إلخ فشوف شي يتناسب مع ميزانيتك + أنصحك تشتريه من موقع أبل وتحدد المواصفات على كيفك ..
أعتقد في بلدك بيكون أغلى شوي ( إذا كنت تقدر تتنازل عن الكيبورد العربي ) ..

 

[BioMario]

عن ماك برو قادم مدري والله لكن بحسب علمي في الفترات السابقة يب فيه ماك بوك برو أسود بينزل ( مدري إذا نزل ولا لا ) ..
في أوفيس رسمي عالماك http://www.microsoft.com/mac/ من ميكرو ..
العمر الإفتراضي عندي الآي ماك وبيكمل الحين سنة ونص وماشي زي الحلاوة ، كنصيحة أخوية لك اشتره على إنه لابتوب العمر ( أحس تبذير فلوس كل سنتين تشتري لابتوب جديد )
همم من الأساس ليش بتشتري ماك بوك برو ؟ أنت مصمم أو استخدام ثقيل ؟ لو مصمم يبقى حدد نوعية تصميمك وعليه إشتر الجهاز .. تو دي أقولها لك كور اي 5 ممتاز وحلو ..
لو تصميمك ثريدي + ممكن تشغل شاشتين عالجهاز في البيت ورندر وووو إلخ فشوف شي يتناسب مع ميزانيتك + أنصحك تشتريه من موقع أبل وتحدد المواصفات على كيفك ..
أعتقد في بلدك بيكون أغلى شوي ( إذا كنت تقدر تتنازل عن الكيبورد العربي ) ..

طبعاً تبذير كل سنتين لابتوب لول لكن قلت دام بينزل الموديل الجديد بأتوقعت أنه عمر إلي باخذة مابيتجاوز السنتين والله اعلم 🙂
شكراً شهاب 🙂

 

[black.heart]

الاسؤال الاول ماعندي علم
بالنسبه للوندوز فانا مركب وندوز عالماك و مافيه اي مشكله كانك تشتغل على جهاز بي سي
استخدم برنامج Parallels Desktop عشان اشغل النظامين مره وحده و اذا تبي تركب الوندوز فيه تروح للابلكيشن بالماك >> يوتليلتيز > Boot Camp Assistant و اتبع الخطوات و كانك تركب وندوز بعد الفورمات

 

[Kaze]

في اصدار slim للماك بحسب علمي
لا تفكر تركب ويندوز على الماك
واذا كنت تبي ويندوز فخذ لك لابتوب عادي لانه بكون اصرف لك مادياً، لو كنت بتخسر فلوس فلا تخسره على ماك وانت بحاجة ويندوز.
والبرامج اليونيفيرل و المهمة مثل مايكروسوفت اوفس و الفوتوشوب راح تحصلهم على الماك

 

[BigSur]

ما فيه شيء مؤكد، لكن الإشاعات تقول إن الـ MacBook Pro بيكون يشبه الـ MacBook Air "نوعاً ما"
و لسا ما فيه شي واضح عنّه، و هم عادةً يطلعون جهاز ببداية السنة و نصفها؛ فالجيل الجديد غالباً بيكون ببداية السنة الجاية أو نهاية 2011.

الـ Office .. فيه نسخة رسمية من مايكرسوفت للماك و من واقع تجربة و اشتغلت عليها بروجت كبير نوعاً ما
راااااااااائعة جداً بشكل لا يُصدق، بس مشكلتها ما تدعم العربية، و عشان تكتب عربي فيها يبي لها حوسة شوي!!

و تقدر تركب وندوز بسهولة كأنك تركبه على أي جهاز ثاني بعدة طرق!
- لما تشغل الجهاز يخيّرك تبي الماك و إلا الوندوز.
- من وسط الجهاز يكون الوندوز كأنه برنامج داخل الماك.


بالنسبة لعمر الجهاز،
اللي عندي الحين قرب يكمل ثلاث سنوات و مع ذلك مرتاح معه جداً و ما افكر اغيره، رغم اني مهووس تغيير أجهزة و ما اصبر على الـ Gadget اللي عندي كثير!

استخدم الماك من 2004 تقريباً و هذا ثاني جهاز لي فقط
الأول عطاني 4 سنوات تقريباً و عطيته واحد و هو أحلى ما يكون و للآن شغال تمام معه.

و قبل فترة قابلت واحد عنده الماك القديم PowerPC.. له 10 سنوات عنده اظن و مع ذلك شغال بدون أي مشاكل تذكر.

فلذلك حط براسك إن الماك شغل طويل الأجل بدون مشاكل.
و إذا عندك جهاز معبرك الحين، اصبر لين نهاية السنة أو بداية السنة الجديدة و شف وش بيصير عليه الجهاز
و بكل الحالتين منت خسران، يما إن بتآخذ الشكل الجديد، و أو المواصفات الجديدة بالشكل الحالي.

 

[Painkiller Q8]

صديق عندي يمدح إستخدام الويندوز على الماك برو .. لكن كان عنده نقد على شيئين فقط !

1 - تعريف الـNetworking والـSetting شوي مزعج !
2 - اذا كنت تستخدم HDD خارجي .. على الويندوس فقط تشوف البيانات لكن ماتقدر تعدل عليهم مثل Delete , Edit , Write...الخ

 

[Vorg Zangief]

مارح أحتاج الـ Windows على الماك لكن Microsoft Offiece مهم جداً بالنسبة لي

يعني انت تبي تثبت الويندوز علشان الاوفيس و الاوفيس فيه نسخة رسمية للماك لهذا ما يحتاج تبدل النظام 🙂 و مبروك عليك الجهاز الاسطوري مقدماً 🙂

 

[53]

صديق عندي يمدح إستخدام الويندوز على الماك برو .. لكن كان عنده نقد على شيئين فقط !

1 - تعريف الـNetworking والـSetting شوي مزعج !
2 - اذا كنت تستخدم HDD خارجي .. على الويندوس فقط تشوف البيانات لكن ماتقدر تعدل عليهم مثل Delete , Edit , Write...الخ

1- مو مزعج.
2- تقدر، وبسهولة.

 

[BioMario]

يعني انت تبي تثبت الويندوز علشان الاوفيس و الاوفيس فيه نسخة رسمية للماك لهذا ما يحتاج تبدل النظام 🙂 و مبروك عليك الجهاز الاسطوري مقدماً 🙂

هيه لأن على حد علمي أنه ما يتقارن مع نسخة الـ Windows :sadwalk:

 

[BioMario]

شكراً شباب على المساعدة
هذا الموديل إلي خذيته: http://store.apple.com/us/configure/MC721LL/A?select=select&product=MC721LL/A&mco=MjEyOTY5MDM