hits counter

فوكس إنجن يدعم اللغه العربيه ولكن كسل كوجيما برودكشن حال دون تعريب جراوند زيروز

ABUALI

ABUALI

True Gamer
السلام عليكم
بالفعل هذا اللي حصل. لا توجد معوقات غير تكليف فريق عربي للترجمه وتسليمه المهمه ليقوم بها.

انا في ظرف ٤ أيام كنت أطلع على ملفات ميتل قير نسخة البي سي و وجدت ملفات تتعلق باللغه العربيه موجوده داخل ملف مشفر... بمساعدة بعض ادوات المودز قدرت في النهايه إني أدخل على ملفات برمجة الحروف العربيه و وجدت إنهم اشتغلو على جزء يتعلق بكتابة الحروف ولكن ما ضبطت معاهم جزئية رسم الحروف وتكاسلوا عن حل مشاكلها.
تعرفت على نمط البرمجه بالاطلاع على ملفات اللغات الاخرى ... الاسبانيه والايطاليه والروسيه واليابانيه والاتينيه ووجدت إن ملفاتهم مكتمله والبرمجه واضح انها سهله وغير معقده جدا حتى للمبتدئين أمثالي.. زيد على هذا ان رسومات اللغه الروسيه تصل لأربع صفحات مقارنة باللغه العربيه لو اشتغلوا عليها صح بتوصل صفحتين كحد أقصى.

وهذا أنا في ظرف ٤ أيام و ما عندي ادوات فوكس انجن وما عندي شي ومبتدئ في هالأمور قدرت احدد حجم المشكله وطلعت بنتيجه للحل يمكن تصيب او تخيب... قاعد اتخيل كوجيما برودكشن كم عطو من وقتهم للموضوع... ساعتين؟ شي مخجل صراحه ولا تتوقعون باتش تعريب لفانتوم بين دام ان هذا القدر اللي اهتمو باللغه العربيه فيه
 
اتوقع انه كان راح يعربون اللعبة بس خافو من المنع والمشاكل خصوصا من التسجيلات الي بل اللعبة
 
اعتقد في جروب جالس يترجم نسخة الـ PC للعربي
ما اعرف وين وصلو للحين
 
انتهى قرار التعريب بعدما صرحوا أنها ما راح تدعم اللغة حتى في الجزء الجديد
 
اظن كانوا بيعربون بس قالولهم بيمنعوها مثل ويتشر لو حصل التعريب ::fdoly::
 
^ خصوصاً إنه الدموية وصلت لمراحل ما وصلت لها جراند ::fdoly::
 
التعريب هو جزء من اللوكالايزيشن و اللوكالايزيشن من مهمات الناشر، اللي هو بلوتو قيمز. ما أفتكر بالظبط اذا كان اسم الشخصين اللي في الكريدت يرجع لبلوتو او لا، بس اذا كانوا يعملوا في بلوتو معناته بلوتو ترجمت جزئية من اللعبة و كان حيجربوا في چراوند زيروز بس ما حصل. لانه ببساطة خسارتهم اكبر في هذي الحالة بلوتو حتخسر مبيعات ميتل چير قدام سوق المهرب و ما حيأخذوا اي قطعة من الكيكة بالنسبة للنشر و المنع. فهي خطوة من بلوتو عشان لا تفقد هذي الأرباح للعبة كبيرة.
 
يعني ما هيترجمو Metal Gear V Phantom Pain ?

🙁
 
أفَضل لا أحد من المطورين يعرب حالياً.. لين ما الرقابه عندنا تنضج وتنحل مشاكلها.
التعريب الأن مب منه فايده أبداً.. الا إذا كانت لعبه محتشمه, ولميتل جير فانتوم باين مع كوايت مستحيل نحصل على اللعبه رسميه, وهذا شيء واضح.
 
هل انا الوحيد اللي اشوف التعريب شي ثانوي في الألعاب؟ خصوصا وان ما عندنا اي عطاء للصناعة !!!!
 
Eye قال:
هل انا الوحيد اللي اشوف التعريب شي ثانوي في الألعاب؟ خصوصا وان ما عندنا اي عطاء للصناعة !!!!
أنقر للتوسيع...

هي الشغله وما فيها.. شركات النشر لو شافت بيئه عندنا تستحق الإستثمار, أو فيه نتايج وراها ما أعتقد في شيء بيمنع التعريب.

المشكله الأكبر بالنسبه لنا أن في شيء يعوق الإستثمار ذا..العقول المتحجره اللي لسا تظن الالعاب للأطفال وصادف أنهم رقابيين.
 
مالومهم، كل يوم تطلع عندنا قرارات منع و فلسفة على قلة سنع. طالما المحترم الاستاذ الموقر عشان مايزعل طاقم الادارة ورا الالعاب احنا مش بخير.
 
Eye قال:
هل انا الوحيد اللي اشوف التعريب شي ثانوي في الألعاب؟ خصوصا وان ما عندنا اي عطاء للصناعة !!!!
أنقر للتوسيع...

منت الوحيد. صراحة اشوف مافيه منه اي داعي. غير ان المجتمع ما عنده اي عطاء للصناعة, نظرتهم لها كأنها شيء للاطفال شيء يرفع الضغط.
وبلاش كلام انه هذا لغتنا و لنا حق نفتخر فيها و سوالف المؤامرات و مدري ايش, هذي سالفة ثانية.
 
ليش الكل مفكر انو مجتمعنا هو الوحيد إلي يعتبر الالعاب للأطفال ، كل العالم نفس الشي في المؤيد و في المعارض طالما ما في أرقام و نسب صحيحة فما في داعي لهذا الحكي .
اكتبو بجوجل are video games for وشوفو كيف جوجل رح يكمل الكلمة النافصة حتى تعرفو انو مش مجتمعنا الوحيد إلي يحارب الألعاب
 
كوجيما برودكشنز مش هم اللي يقوموا بالlocalization... أمور الlocalization كلها مسؤول عنها الناشر.
 
يجب تسجيل الدخول أو التسجيل كي تتمكن من الرد هنا.
عودة
أعلى