خبراء الاكس بوكس360 .. ساعدونا !!

[rubso]

NextGamer
الاسبوع الجاي بالكثير يكون واصل لك الجهاز على روايتك، لا تنسى الموضوع الرسمي 😉 بانتظار الاربعا او الخميس الجاي

 

[Solid Snake]

والله سالفة الطلب من برى طلعت معقدة أكثر مما تخيلت -___-" ...

يعني ما في إلا ebay مثل ما قالوا الشباب .. شوف لك واحد موثوق فيه 100% في ebay ويرسل لجميع أنحاء العالم ويقبل Western Union ..

واحد موثوق 100% في ebay ؟! كيف يعني ؟!!

امازون وكل المواقع الامريكية اللي ذكرتها، يوصلون لك الاشياء اللي تبيها لكن بشرط انك تقرأ الملاحظات الهامة اللي كاتبينها بالاسفل، ضرورية حيل قبل ما تطلب، والاكس بوكس 360 من اول ما نزل "الجهاز" ممنوع يطلع برا امريكا، وهذا اللي خلاني اشتريه من الكويت، ايضاً الالعاب تقدر تشتريها وتوصل للسعودية لكن الجهاز لأ ..

؟؟!!

الف مره قلت اني طالب الاكس بوكس 360 من الامازون و حطيت عنواني اللي في ارامكس و الجهاز
الحين موجود في عنوان ارامكس و تم شحنه
راح يوصل الكويت يوم الاربعاء عن طريق ارامكس
طبعا الامازون لازم يكون البائع toys r us
و جميع الالعاب و اكسسوارات الالعاب و الاجهزة مكتوب تشحن داخل امريكا فقط
و لكن يمكنك الطلب اذا عندك عنوان ارامكس من غير مشكلة لانه عنوان ارامكس يعتبر عنوان بيت في امريكا

؟؟؟؟!!!!!!!!!!!!!!!!!!!!!!


الحين يوصلون وإلا لا ؟!! .. واحد يقول لا وواحد يقول نعم .. 0______0"

ebay يبي لي صفحة كاملة على شان اوضح لك ايش هو..
لكن اقرب كلمة توصفه "السوق السودا" تقريباً كل شي فيه، والاسعار بالمضاربة ..

هممم .. طيب طريقة الطلب مثل امازون وطقته وإلا كيف ؟!! .. وهل هو موقع مضمون 100% ويوصل لين عندنا هنا في السعودية وإلا لازم ارامكس وغيره ؟!!

 

[NSider]

طريقة الطلب في ebay هي أنك أول شي تخش في مزاد (إلا لو كان نظام Buy it Now .. ما يصير مزاد يصير شراء عادي) .. وكل مزاد يختلف عن الثاني يعني ممكن تطلع بقيمة أفضل أو أعلى .. وبعدين إذا كنت أنت اللي فاز بالمزاد تتفاهم مع البايع ..

أما بالنسبة لنظام السمعة .. هذا مثال عليه ..


Meet the sellerSeller:
moooozy

( 12

)

Feedback:100% Positive
Member:since Sep-23-04 in United Kingdom

هذا الشخص مثلاً جيد وموثوق فيه .. سمعته 100% .. لكن مشكلته أن ما عنده إلا 12 نقطة .. يعني ما باع كثير في ebay ولا عنده خبرة كبيرة ..

طبعاً مو لازم 100% ممتاز .. يعني لو كانت نقاطه أكثر من 50 وكان فوق الـ95% .. يصير جيد ..

وإذا تبي نصيحتي لعروض .. شوف هذا البحث ..

ما أمداني أدقق في الناس الموجودين .. لكن هذا العرض عجبني .. السعر وصل لـ320 دولار بس .. والجهاز بريميوم وفي علبته مع الفاتورة .. ويعطي معه PGR وكونترولر إضافي .. ومستعد يشحن لأي مكان في العالم بـ20 دولار بس .. ويقبل money order (لأن طبعاً PayPal ما يصلح في السعودية) .. وسمعته روعة (172 نقطة وسمعته 98.9%) ..

المهم أنت شوف وتنقى .. ولو ما تبي مزادات ووجع راس .. دور الـBuy it Now ..

بالتوفيق لك في مهمتك .. وتره فيها متعة كبيرة أنك تشتري من بره .. ويمكن تدمن عليها .. 🙂

 

[Solid Snake]

طريقة الطلب في ebay هي أنك أول شي تخش في مزاد (إلا لو كان نظام Buy it Now .. ما يصير مزاد يصير شراء عادي) .. وكل مزاد يختلف عن الثاني يعني ممكن تطلع بقيمة أفضل أو أعلى .. وبعدين إذا كنت أنت اللي فاز بالمزاد تتفاهم مع البايع ..

همم .. احس طريقة الموقع معقدة شوي .. الشراء بطريقة مباشرة افضل ..

أما بالنسبة لنظام السمعة .. هذا مثال عليه ..


Meet the sellerSeller:
moooozy

( 12

)

Feedback:100% Positive
Member:since Sep-23-04 in United Kingdom

هذا الشخص مثلاً جيد وموثوق فيه .. سمعته 100% .. لكن مشكلته أن ما عنده إلا 12 نقطة .. يعني ما باع كثير في ebay ولا عنده خبرة كبيرة ..

طبعاً مو لازم 100% ممتاز .. يعني لو كانت نقاطه أكثر من 50 وكان فوق الـ95% .. يصير جيد ..

طيب الاشخاص يبيعون سلع هم يملكونها صح ؟! .. يعني السالفة أشبه بسوق مستعمل لأن كل شي بآخذه يكون من أشخاص مستعملين السلعة ومخلصين منها .. وانا ابغى جهاز جديد .. هذا شي الشي ثاني الاشخاص اللي باشتري منهم هل هم مضمونين 100% ؟!! .. لأني حاس إن السالفة فيها لعب !!

وإذا تبي نصيحتي لعروض .. شوف هذا البحث ..

ما أمداني أدقق في الناس الموجودين .. لكن هذا العرض عجبني .. السعر وصل لـ320 دولار بس .. والجهاز بريميوم وفي علبته مع الفاتورة .. ويعطي معه PGR وكونترولر إضافي .. ومستعد يشحن لأي مكان في العالم بـ20 دولار بس .. ويقبل money order (لأن طبعاً PayPal ما يصلح في السعودية) .. وسمعته روعة (172 نقطة وسمعته 98.9%) ..

هممم .. جهاز مستعمل وإلا لا ؟!! سعره حلو ..



طيب بالنسبة للمواقع اليابانية مثل بلاي آسيا .. هل نفس كلام المواقع الامريكية ينطبق عليهم وإلا كيف ؟!!

 

[NSider]

همم .. احس طريقة الموقع معقدة شوي .. الشراء بطريقة مباشرة افضل ..

لا مو معقدة كثير .. اشترك في الموقع وقدم عروض .. أنصحك تنتظر لآخر نص ساعة أو ساعة من نهاية المزاد عشان تقدم عرضك .. وتقدر تسأل البايع أي شي تبيه ..

طيب الاشخاص يبيعون سلع هم يملكونها صح ؟! .. يعني السالفة أشبه بسوق مستعمل لأن كل شي بآخذه يكون من أشخاص مستعملين السلعة ومخلصين منها .. وانا ابغى جهاز جديد ..

مو شرط يكون مستعمل .. اقرأ وصف الجهاز وممكن يكون في علبته وما انفتح ..

هذا شي الشي ثاني الاشخاص اللي باشتري منهم هل هم مضمونين 100% ؟!! .. لأني حاس إن السالفة فيها لعب !!

إذا سمعته جيدة مثل ما شرحت لك وبايع قديم في ebay فهو مضمون .. لأن أهم شي في ebay هو السمعة ..

هممم .. جهاز مستعمل وإلا لا ؟!! سعره حلو ..

لا مو مستعمل .. حاط صورته مع الفاتورة والعلبة مو مفتوحة .. وثاني شي أن خوينا

.. يعني باع أشياء كثيرة في ebay بنجاح كبير .. لكن للأسف انتهى المزاد .. في واحد محظوظ شراه بـ410 دولارات .. 🙂

طيب بالنسبة للمواقع اليابانية مثل بلاي آسيا .. هل نفس كلام المواقع الامريكية ينطبق عليهم وإلا كيف ؟!!

طبعاً كل اللي عندهم أجهزة يابانية أو آسيوية ..

لكن لما جربت أطلب X360 PRO من بلاي آسيا .. قيمته 400 دولار .. وقال لي أن وزنه 8 كيلو .. ولما اخترت الشحن السعودية .. قال لي اختار بين طريقتين للشحن .. وحدة بـ172 دولار والثانية بـ176 دولار .. 🙂

 

[Khalid-S]

لول انا اخذته من ايام اللنش . وسعره كان صاروخ ارض جو بحر يابسه .. 4500 ريال سعودي بريميوم . خخ اعتقد انا من اول 5 اشخاص حصل على الجهاز في السعوديه . كان غير متوفر مره .. في امريكا مو محصلين اجهزه هذيك الايام اجل كيف كان في الرياض -ـ- اعتقد واحد ولد حلال جاب له كم جهاز وباعهم في الرياض وجهازي من الاجهزه هذي

قلت لك مركز النسر 2200 ريال بريميوم . لو تبي قولي.

 

[Solid Snake]

مو شرط يكون مستعمل .. اقرأ وصف الجهاز وممكن يكون في علبته وما انفتح ..

هممم .. ما اظن إن فيه شخص بيأخذ جهاز جديد وما راح يفتحه ويعرضه للبيع ويمكن يجيب له سعر اقل من اللي أخذه ..

طبعاً كل اللي عندهم أجهزة يابانية أو آسيوية ..

لكن لما جربت أطلب X360 PRO من بلاي آسيا .. قيمته 400 دولار .. وقال لي أن وزنه 8 كيلو .. ولما اخترت الشحن السعودية .. قال لي اختار بين طريقتين للشحن .. وحدة بـ172 دولار والثانية بـ176 دولار .. 🙂

هممم .. يعني خلاص ما فيه أمل آخذ الجهاز من برى بسعر كويس ؟!! .. الصراحة صعبة جداً جداً آخذه من هنا .. لأني راح أدفع على الجهاز زيادة حوالي 700 ريال على الفاضي .. بينما آخذه من برى مع تكلفة أقل ..

ما فيه غير ebay وانا مو مقتنع فيه .. الموقع شوي معقد .. وأحس إن السالفة فيها لعب شوي ..

لول انا اخذته من ايام اللنش . وسعره كان صاروخ ارض جو بحر يابسه .. 4500 ريال سعودي بريميوم . خخ اعتقد انا من اول 5 اشخاص حصل على الجهاز في السعوديه . كان غير متوفر مره .. في امريكا مو محصلين اجهزه هذيك الايام اجل كيف كان في الرياض -ـ- اعتقد واحد ولد حلال جاب له كم جهاز وباعهم في الرياض وجهازي من الاجهزه هذي

قلت لك مركز النسر 2200 ريال بريميوم . لو تبي قولي.

4500 ؟!! .. غالي مرة .. كيف أخذته بهالسعر وأنت تدري إن سعره الأصلي أقل بكثير 0________0" ..

بالنسبة للنسر .. يظل السعر مرتفع .. لكن إذا مرة ما قدرت أجيب الجهاز من برى .. ما لي غير إني أشتريه من هنا .. وراح اقول لك ..

 

[Naif]

اسف بغير الموضوع شوي بس لانه الموضوع الحالي الوحيد للمساعدة في الاكس بوكس 360 ^^"

اريد اخذ جهاز تحكم الاكس بوكس 360 على شان استخدمه على البي سي .. هل في احد جربه و واجهته مشاكل معاه؟ (سمعت انه في نسختين للجهاز وحدة للبي سي و وحدة للاكس بوكس 360 .. بس قريت في امازون انه عادي توصل نسخة الاكس بوكس 360 مع البي سي بعد ما تخزن الدرايفر عن طريق المايكروسوفت ابديت .. هل احد جرب ؟ .. ياليت يقولي بعد اذا خاصية الرامبل تشتغل؟ .. ) .. قررت اني اخذه لاني متعود على جهاز تحكم الS الخاص بالاكس بوكس و احس اني بتاقلم معاه بسرعه + شكله عاجبني + الانطباعات عنه تحمس + لي تجارب سيئة مع اجهزة التحكم الخاصة بالبي سي الثانية .. او اي نصايح ثانية لاجهزة تحكم بي سي ممتازة؟

طبعا اتكلم عن جهاز التحكم الغير لاسلكلي ..

 

[NextGGamer]

solid snake
الطلب من النت سهل جدا
و خصوصا اذا عندك عنوان ارامكس
اذا تبي تطلب اكس بوكس 360 اسهل شي من الامازون
المتطلبات:
1- عنوان ارامكس
2-بطاقة ائتمان (فيزا -ماستر كارد - اميركان اكسبرس )
خطوات الطلب:
1- افتح عنوان ارامكس
2-ادخل على صفحة الامازون و ادخل صفحة جهاز 360
http://www.amazon.com/exec/obidos/t...4?v=glance&n=14330501&s=toys&m=A3UN6WX5RRO2AG
الجهاز غير متوفر في الوقت الحالي في حال توفره سوف اشاهد على اليمين add to shipping cart
اذا كان غير متوفر راح تبين الصفحة انه غير متوفر
اذا كنت تريد ان تراقب توفر الجهاز في حال اردت طلبه تابع الصفحة باستمرار الى ان تتغير حالة طلب الجهاز الى متوف في الايام اللي فاتت الجهاز توفر اكثر من مرة في الامازون
3-في حال توفر الجهاز قم بالضغط على add to shopping cart
4- في حال كنت مشترك جديد في الامازون سوف يطلب منك بياناتك الشخصية
5- ادخال البيانات billing address (هو عنوان فواتير بطاقة الائتمان) اتصل على البنك المصدر لبطاقة الائتمان و اطلب منه billing address قم بادخال البيانات في الموقع
6- shipping address هو عنوان شحن البضاعة في حالة الشحن الى عنوان ارامكس قم بادخال البيانات في الشكل التالي
address 1 :قم بكتابة عنوان الشارع اللي تقوم باعطائك اياه شركة ارمكس
addrees 2 : قم بكتابة الرقم الخاص بك اللذي تعطيك اياه شركة ارامكس عند فتح حساب
city قم بكتابة المدينة اللتي تأخذها من ارامكس
state و هي الولاية و ارامكس مكانها في NY او newyork
zip code و هو الرمز البريدي و سوف تحصل عليه من رامكس
الدولة united states
رقم الهاتف تحصل عليه من شركة ارامكس ايضا
(shipping address و billing address لا تحتاج ان تكتبهم في كل مرة تطلب من الامازون حيث تكون البيانات مخزنة و تقوم باختيارهم في حال الطلب مرة اخرى
7- بعد ادخل بيناتك سوف تصل الى صفحة تقوم سؤالك عن نوع الشحن الداخلي
normal shipping و هي ارخص انواع الشحن الداخلي و لكن ابطئها تقريا 4 دولار
two day shipping تأخذ يومين و تصل الى عنوان ارامكس و اغلى تقريبا 8 دولار
one day shipping تأخذ يوم واحد و تصل الى عنوان ارامكس سعرها 14 دولار
8- آخر خطوة سوف تصل الى صفحة تأكيد الطلب و يوجد في جميع البيانات الي قمت بادخالها
و عنوان الشحن shipping address و طريقة الشحن
و رقم بطقة الاائتمان .
9- تأكد من البيانات و اذ كان هناك خطء قم بتعديله بعد ذلك اضغط على زر تأكيد الطلب
10 - سوف تصل الى صفحة تأكد لك انك قمت بالطلب
11- لتتأكد من طلبك ادخل على my account و اختار track my orders سوف تشاهد جميع طلباتك و حالتهم
11- خلال يوم تقريبا سوف تتغير حالة الطلب الى shipped و سوف يتم تزويدك برقم تتبع داخلي لطلبك حتى يصل الى عنوان ارامكس
12 - عند وصل الشحنة الى ارامكس تستطيع من موقع ارامكس مشاهدة انه الطلب وصل الى عنوانك و يبين حالة شحن الطلب من اميركا الى السعودية مع وجود امكانية التتبع
العملية سهلة و بسيطة و تقدر تطلب اللى تبيه من امازون في حال وجود عنوان ارامكس
اللي عليك ان تفعله متابعة الموقع و في حال توفر الجهاز قم بالطلب.
-------------------------------------------------------------------------
بالنسبة لطلبي اكس بوكس 360 من الامازون الشحنة اوصلت ارامكس و تم شحنها من اميركا و هي الآن في الامارات و سوف تصل الكويت الثلاثاء او الاربعاء
طبعا rubso يقول انه لا يمكن طلب اكس بوكس 360 و الفيديو جيمز من امريكا حتى في حال وجود
عنوان ارامكس
شاهد طلبي في موقع الامازون و توضح الصورة
ان الطلب تم شحنه و shippng address يوضح مكان الشحن و هو عنوان ارامكس
قمت بمسح بياناتي الشخصية من الطلب

و هذه الصورة توضح انه ارامكس قامت بشحن الطلب الى الكويت

في حال انه الصور محجوبة يرجى تزويدي بموقع تحميل غير محجوب
---------------------------------------------------------------------------------------
بالنسبة للطلب من الebay
المشكلة انه اغلب البائعين يقبلون ebay فقط
و هي لا تعمل مع بطاقات الائتمان الصادرة خارج اميركا
فطريقة الدفع الوحيدة المتوفرة لدينا هي ويسترن يونيون
و اغلب البائعين لا يقبلون بها
فافضل شي سؤال البائع قبل البدأ بالمزايدة اذا كان يقبل ويسترن يونيون
و لكن عيبها الوحيد انه البائع يستطيع ان ياخذ النقود و لا يقوم بشحن بضاعتك
-----------------------------------------------------------------------------------
فاسهل شي للطب من الخارج هو فتح عوان ارامكس

 

[rubso]

صدمتني يا NextGamer
ارامكس يعطي عنوان ايضاً؟!!!! غير رقم البريد؟! الرجاء الرد بأسرع وقت ممكن

 

[NextGGamer]

صدمتني يا NextGamer
ارامكس يعطي عنوان ايضاً؟!!!! غير رقم البريد؟! الرجاء الرد بأسرع وقت ممكن

ما فهمت عليك rubso
انت مشترك بارامكس ؟
ارامكس يعطيك عنوان عادي انا اعتقد انك تعتقد انه ارامكس يعطيك عنوان po box المواقع ما تشحن لعنوان PO BOX لكن عنوان ارامكس يكون عنوان عادي مثل بيت
يعني ارامكس يعطيك عنوان و ليس عنوان بريدي
شكل عنوان ارامكس و هو ثابت :
address : 147-29 182nd Street
address : kwi 1111
(طبعا هذا الرقم يميز مشترك ارامكس عن المشترك الآخر و رمز kwi و هو خاص لزبائن الكويت يعني زبائن السعودية الرمز يختلف و كل رقم عند الرمز يكون لاحد الزبائن طبعا 1111 هذا مو رقمي و لكن كمثال ) يعي لمه تشترك راح يكون رقمك kwi و يعطيونك رقم فهذا هو الشي الوحيد اللي يختلف .
city :Springfield Gardens
state : newyork
zip code :11413
USA
هذا عنوان ارامكس ثابت لجميع المشتركين و مثل ما قلت الاختلاف الوحيد في السطر الثاني
--------------------------------------------------------------------------------------------------
انا قبل يوم سمعت عن ارامكس اعتقدت انهم يعطوني عنوان بريدي و الامازون ما يقبل يشحن ل PO BOX
و لكن بعد استفساري من ارامكس تبين انهم يعطونك عنوان عادي
---------------------------------------------------------------------------------------------------
ملاحظات للي يبي يطلب اكس بوكس 360 من الامازون
تكلفة الجهاز مع الشحن الداخلي و التاكس = 135 دينار كويتي (تقدر تقلل اقيمة 2 دينار في حال اختيارك الشحن الداخلي العادي )
شحن الجهاز الى الكويت عن طريق ارامكس طبعا على حسب الوزن المبين في صفحة التتبع راح يكلفني =25 دينار
الاجمالي الجهاز واصل الكويت = 160 دينار
طبعا تحتاج تشتري محول للجهاز كلفني 12 دينار
يعني مع المحول = 170 دينار تقريبا
--------------------------------------
Solid snake اذا سعر الجهاز البريميوم في السعودية متوفر بملغ 2200 ريال =176 دينار كويتي تقريبا
السعر يعتبر ممتاز
المشكلة في الكويت سعر البريميوم = 225 ارخص شي تحصله طبعا من غير اي لعبة

 

[rubso]

تمام !!!!!!!!

 

[Gaara]

سعــر الجهــاز 2200 ريال نسخة البريميوم..أعتقد سعر رائع..توكل على الله و اشتره..^^

 

[Solid Snake]

NextGGamer

يعطيك العافية أخوي .. كفيت ووفيت .. شرح وافي وأفادني كثير ..

انا كنت أظن إن ارامكس يعطون عنوان بريد عادي .. ما توقعت عنوان ..

طبعا تحتاج تشتري محول للجهاز كلفني 12 دينار
يعني مع المحول = 170 دينار تقريبا

تقصد اي محول ؟ المحول حق تشغيل الجهاز الأساسي ؟!! .. هو المحول ما يجي مع الجهاز وإلا كيف ؟!!

Solid snake اذا سعر الجهاز البريميوم في السعودية متوفر بملغ 2200 ريال =176 دينار كويتي تقريبا
السعر يعتبر ممتاز
المشكلة في الكويت سعر البريميوم = 225 ارخص شي تحصله طبعا من غير اي لعبة

همم .. بيني وبينك السعر جيد نوعاً ما لكن المشكلة مو في السعر .. المشكلة إني طفران هاليومين -__-" .. يالله دبرت مبلغ الجهاز مع كم لعبة ..

سعــر الجهــاز 2200 ريال نسخة البريميوم..أعتقد سعر رائع..توكل على الله و اشتره..^^

همم .. هو السعر جيد .. لكن بس لو احصل سعر ارخص بشوي كان أخذته على طول .. عشان اضمن الجهاز مع الالعاب اللي ابغاهم ..



شباب السعودية .. أعتقد عندنا في الرياض وكيل رسمي لميكروسوفت وإلا لا ؟!! .. مثلهم مثل سوني والبقية .. لو كان فعلا فيه فاتوقع إني راح احصل ضالتي عندهم .. ولو كان فيه فهل وكيل ميكروسوفت يوفر أجهزة اكس بوكس360 أمريكية ؟!! .. وهل أسعارها مناسبة ؟! .. وهل يوفر ألعاب للجهاز ؟!! .. لأني لو كان يوفر الجهاز والالعاب اعتقد إنهم بيبعونها بسعر مقبول ومرضي خصوصا إنهم الوكيل الرسمي عندنا .. ولو فيه أحد يعرف عنوانهم او رقمهم يا ليت يخبرنا ..


شي ثاني شباب .. هل فيه امل إن ميكروسوفت تخفض سعر الجهاز في الفترة القادمة ؟! .. يعني بعد شهر شهرين تقريبا أو يمكن اكثر ؟! ..

 

[NextGGamer]

NextGGamer

يعطيك العافية أخوي .. كفيت ووفيت .. شرح وافي وأفادني كثير ..

انا كنت أظن إن ارامكس يعطون عنوان بريد عادي .. ما توقعت عنوان ..



تقصد اي محول ؟ المحول حق تشغيل الجهاز الأساسي ؟!! .. هو المحول ما يجي مع الجهاز وإلا كيف ؟!!



همم .. بيني وبينك السعر جيد نوعاً ما لكن المشكلة مو في السعر .. المشكلة إني طفران هاليومين -__-" .. يالله دبرت مبلغ الجهاز مع كم لعبة ..




همم .. هو السعر جيد .. لكن بس لو احصل سعر ارخص بشوي كان أخذته على طول .. عشان اضمن الجهاز مع الالعاب اللي ابغاهم ..



شباب السعودية .. أعتقد عندنا في الرياض وكيل رسمي لميكروسوفت وإلا لا ؟!! .. مثلهم مثل سوني والبقية .. لو كان فعلا فيه فاتوقع إني راح احصل ضالتي عندهم .. ولو كان فيه فهل وكيل ميكروسوفت يوفر أجهزة اكس بوكس360 أمريكية ؟!! .. وهل أسعارها مناسبة ؟! .. وهل يوفر ألعاب للجهاز ؟!! .. لأني لو كان يوفر الجهاز والالعاب اعتقد إنهم بيبعونها بسعر مقبول ومرضي خصوصا إنهم الوكيل الرسمي عندنا .. ولو فيه أحد يعرف عنوانهم او رقمهم يا ليت يخبرنا ..


شي ثاني شباب .. هل فيه امل إن ميكروسوفت تخفض سعر الجهاز في الفترة القادمة ؟! .. يعني بعد شهر شهرين تقريبا أو يمكن اكثر ؟! ..

بالنسبة لتخفيض السعر ما اعتقد راح يكون فيه تخفيض
و عن وكيل مايكروسوف في السعودية ااذا الوكيل باع الجهاز راح يكون النظام الاوروبي
---------------------------------------------------------------------------------
بالنسبة للمحول
الجهاز معاه محول(110) بس الجهاز امريكي و الكهرباء في الكويت 220 240
فتحتاج محول (step down converter) علشان يشتغل على الكهرباء في الكويت
حيث انك توصل المحول اللي يكون مع الجهاز في المحول اللي تشتريه
--------------------------------------------------------------------
و على طاري المحول rubso عندي استفسار بسيط
انا اخذتلي محول من الرحاب طبعا قلتلهم حق اكس بوكس 360 قوته 750 w
المحول في فتحتين من جدام وحده 110 و الثانية 220
فاوصل المحول اللي يكون مع الاكس بوكس 360 في اي فتحة فيهم
و في فتحات من ورا المحول 240 و 220 و 110
طبعا لمه شريت المحول مثبت من ورا على 240 فهل هذا الاختيار صحيح
فياريت تساعدني و تقولي شلون اوصل محول اللي يكون مع الاكس بوكس 360

 

[NSider]

رووووعة الشرح أخوي NextGGamer .. ما قصرت .. طريقتك أسرع وأبسط طريقة .. 🙂

وعندنا في السعودية منوعة الكهربا .. مثلاً في بيتنا عندنا في كل غرفة فتحتين وحدة 110 والثانية 220 .. 🙂

شي ثاني شباب .. هل فيه امل إن ميكروسوفت تخفض سعر الجهاز في الفترة القادمة ؟! .. يعني بعد شهر شهرين تقريبا أو يمكن اكثر ؟! ..

المتوقع هو أن التخفيض القادم بيكون قبل إصدار الPS3 والريفو لمنافستهم ..

 

[NextGGamer]

باركولي وصل الجهاز
عندي سؤال لااصحاب الاكس بوكس 360
تنزيل الديمو يطول وايد والا بسرعة ينزل
انا اشتراكي 1 ميجا
لانه جربت انزل فيفا بدا التنزيل 5 % و مدة طويلة بعدين صار 8 %
و هل اسرع اني اوصل النت بال360 دايركت من الوايرلس راوتر عن طريق الايثرنت كابل
لاني انا موصله عن طريق الكمبيوتر عن طريق الايثر نت كيبل و الكمبيوتر شابك النت وايرلس

 

[Solid Snake]

شباب اليوم رحت لأرامكس .. الله لا يوريكم قاعد أشرح ساعتين للموظف وهو مو فاهمني .. أقول له أبغى أعمل بريد، أبغى أعمل عنوان، أبغى توصلون لي طلبية .. وكل شوي يقول ما يصلح .. عجزت وأنا أفهم فيه وما قدرت .. -______-"

بس الموظف قال لي إذا عندك طلبية وحيدة وعملية توصيلها سهل فتقدر تطلبها وترسلها على فرعنا لارامكس وهم يرسلونها لنا هنا .. فما ادري عن كلامه ..

برضو كلمت كم محل .. المحلات كلهم غالين .. ما فيه إلا جيم ماستر كلمتهم وبما إني أعرفهم وزبون عندهم ووو .. إلخ .. حسبوه لي بـ 2100 .. وقالوا لي تعال للمحل وما راح نختلف ..

بالنسبة لتخفيض السعر ما اعتقد راح يكون فيه تخفيض
و عن وكيل مايكروسوف في السعودية ااذا الوكيل باع الجهاز راح يكون النظام الاوروبي

ما ادري ليش احس إنه بيكون فيه تخفيض وبيصير بعد ما اشتري الجهاز مباشرة .. دايماً حظي نحس كذا .. -_-"

بالنسبة للوكيل .. حاولت أستفسر لكن ما لقيت أي إجابة كافية .. وبالنسبة للبيع .. نظام أوروبي ليش ؟! .. يعني اتوقع إنه على اقل تقدير بيكون ياباني خصوصاً إننا في آسيا .. وشي ثاني .. لو كان فيه وكيل ما اقدر مثلا اعطيهم عربون ويجيبون لي الجهاز الأمريكي مع زيادة بسيطة بما إنهم الوكيل الرسمي لميكروسوفت ؟!

المتوقع هو أن التخفيض القادم بيكون قبل إصدار الPS3 والريفو لمنافستهم ..

هممم .. مو ممكن يكون فيه تخفيض بعد E3 ؟! خصوصا إذا كان فيه إعلاناتعن المواعيد الرسمية للاجهزة واسعارها ..

باركولي وصل الجهاز

الف مبروك عليك اخوي .. وعقبالنا 🙂

 

[bnbn]

الصراحه الموضوع جدا مفيد بالنسبة لي لاني مخطط بشكل جدى اني اطلب الاكس بوكس 360 من الانترنت

و مشكور اخوي Nextggamer على الشرح التفصيلي و مبروك على الطلبية
و انا امس فتحت لي صندوق ارامكس و استلمت الفيزا مالتي و للاسف امازون ماعنده الجهاز لانه مخلص فانشاء الله اطلب منه اول ما يتوفر
بس عندي مشكله صغيره و هي ان الفيزا مالتي حدها 100 دينار فقط (هذا الـ Limit مالها ) فأقدر استخدم فيزا ثانية مو باسمي (مثلا استخدم الفيزا مالت ابوي ) ؟
مشكله ثانية في موقع EBgames .com كاتبين ان العنوان الموجود بالفيزا لازم يكون نفسه مال التوصيل فهل هذا الشرط موجود ايضا بموقع امازون ؟

...

 

[rubso]

باركولي وصل الجهاز
عندي سؤال لااصحاب الاكس بوكس 360
تنزيل الديمو يطول وايد والا بسرعة ينزل
انا اشتراكي 1 ميجا
لانه جربت انزل فيفا بدا التنزيل 5 % و مدة طويلة بعدين صار 8 %
و هل اسرع اني اوصل النت بال360 دايركت من الوايرلس راوتر عن طريق الايثرنت كابل
لاني انا موصله عن طريق الكمبيوتر عن طريق الايثر نت كيبل و الكمبيوتر شابك النت وايرلس

NextGGamer حط لي الجيمر تاج مالك وبكلمك واتفاهم وياك ان شاء الله

 

[NextGGamer]

الصراحه الموضوع جدا مفيد بالنسبة لي لاني مخطط بشكل جدى اني اطلب الاكس بوكس 360 من الانترنت

و مشكور اخوي Nextggamer على الشرح التفصيلي و مبروك على الطلبية
و انا امس فتحت لي صندوق ارامكس و استلمت الفيزا مالتي و للاسف امازون ماعنده الجهاز لانه مخلص فانشاء الله اطلب منه اول ما يتوفر
بس عندي مشكله صغيره و هي ان الفيزا مالتي حدها 100 دينار فقط (هذا الـ Limit مالها ) فأقدر استخدم فيزا ثانية مو باسمي (مثلا استخدم الفيزا مالت ابوي ) ؟
مشكله ثانية في موقع EBgames .com كاتبين ان العنوان الموجود بالفيزا لازم يكون نفسه مال التوصيل فهل هذا الشرط موجود ايضا بموقع امازون ؟

...

موقع ebgames ما تقدر تطلب منه اذا بطاقتك صادرة خارج امريكا
الخيار الوحيد المتوفر لك هو موقع amazon و البائع هو toys r us
بالنسبة للكريدت كارد مالك (اعتقد البنك الوطني ) تقدر تروح البنك و تقولهم تبي تضيف فلوس على بطاقتك فراح يزيد الليميت بس اطلب من البنك عنوان الbilling علشان تضيفه وقت ما تطلب
و تقدر تطلب billing address عن طريق الاتصال على البنك
و اعتقد تقدر تستعمل فيزا شخص ثاني
و لكن في billing address اكتب اسم صاحب البطاقة
و shipping address اكتب اسمك (اي المسجل لدى ارامكس)
بس ما جربتها بس اعتقد تصير تقدر ترسل رسالة للامازون و تسألهم للتأكيد
لانه في اميركا وايد اشخاص ما عندهم بطاقة كريديت فيستعمل بطاقة ابوه
بس انتبه في خانة العناوين
billing address هو العنوان اللي تاخذه من البنك (و الامازون يقبل البطاقات الصادرة دوليا )
shipping address هو عنوان الشحن و في حالتنا تكتب عنوان ارامكس

-------------------------------------------------------------------------------

ملاحظة : احيانا تطلب من النت و بعد الطلب تتصل على البنك و يقول تم استعمال الرصيد
و في نفس الوقت تصل لك رسالة من الموقع يقول تم الغاء الطلب
و لكن بطااقتك تم استعمال الرصيد فيها
هذي مشكلة عادية بعد اسبوعين تقريبا الرصيد يرجع في حسابك

-----------------------------------------------------------------------

rubso بالنسبة للجيمر تاج انا استعمل مال واحد من ربعي
بعد جم يوم بحط الجيمر تاج مالي او باخذ الجيمر تاج ماله و اغير النك نيم
لانه اشتراكه gold و اهو ما قام يستعمله

 

[NextGGamer]

قمت بتنزيل ديمو مساحته 500 ميجا تقريبا
اخذ وقت ساعة و 45 دقيقة
هل المدة زينة و الا لازم يكون اسرع
على فكرة ديمو تومب رايدر موجود في marketplace

 

[rubso]

Next
تمام سرعتك عالية ما شاء الله
😛 حط الجيمر تاج مالك خلنا نسولف شوي + احتمال نلعب