تحلية الرياض تشهد افتتاح “عالم البلاي ستيشن”

[BioMario]

السلام عليكم

خطوة كبيرة غير متوقعة ..
20 شاشة لتجربة ألعاب مختلفة و منتجات سوني شيء جداً ممتاز و أهتمام ملحوظ ..
شباب الرياض أشترو من المحل أدعموه :xd:

http://www.true-gaming.net/home/?p=5328

ننتظر فرع في أبوظبي و دبي :crying: ..

 

[Jonas]

أمس رحت له
رهيييييب جداً تقريباً 4 اجهزة انتشارتد 2 و برو ايفو 2010 و فيفا 10

أمس جربت EyePet بصراحه جميله جداً و مناسبة للاطفال من سنه الى 6 سنوات

--
بس فيه ملاحظه غريبه :confuse: , في المعرض حاطين اسوء حصرية للبلاي , Lair :confuse:

 

[BioMario]

بعد مشاهده الفيديو هممم المحل شكلة ممتاز و فعلاً شيء راقي و عصري ..
لازم يوم بزور الرياض أروح له :happy:

كيكه الـ PSP Go هههههه روعة

 

[PS]

والله فرحت يوم جفت محل كبير في المنطقة يتعامل بطريقة أحترافية مع القيمرز

أنتظر الافتتاح القريب في دول لخليج

بس أن شاء الله ماتطلع الاسعار مثل فيرجن وجيكي قيم في أبوظبي أسعارهم نار

بنسبة لي أنا أشتري من المحلات العادية أسعارهم تجنن وفي متناول الجميع

 

[14/08]

كنت أنتظر محلات رسمية من هذا النوع 🙂
عسى نشوف Xbox World و Nintendo World .. مع إني أتوقع إن Nintendo World بعيدة

 

[Still Alive]

كيكة الPSP Go

*سعابيل*

 

[king zell]

كيكة الPSP Go

*سعابيل*

صدقني شكلها غير معبر عن طعمها

 

[HAL-9000]

خطوة ممتازة واستراتيجية من سوني وان شاء الله تنجح ونشوف فروع للمحل في باقي مدن المملكة وباقي دول الخليج.

 

[Unknown]

لو ماحطيتوا الفيديو اصرف .. قاعد اشوف اوادم يقطعون كيكه ويشربون قهوه :sarcastic:
الاماكن ماشفنا منها شي .. اذا فيه صور اكثر لا تبخلوا علينا نشوفها 🙂

 

[Dark Master]

واضح انه المحل أحسن من الي كانوا يسموه معرض مدري يوم اللاعبين بجدة
اتمنى يفتحوا بباقي مناطق المملكة وخصوصاً جدة

 

[SHABASH]

ما شفت الصور بس اتوقع انهم نقلوا الــ GAMER'S DAY لفرعهم

 

[Leon]

أمس قرأت الخبر في الجرايد , أعتبرها أول خطوة جدية لتغيير مفهوم محلات الجيمز عندنا .. روعة وان شالله يفتحوا فروع أخرى في المدن الثانية في أقرب وقت .

ترقبوا غدا لقاءا خاصا من ترو جيمنج مع صاحب السمو الملكي الأمير محمد بن خالد العبدالله الفيصل رئيس مجموعة الفيصلية يتحدث من خلاله لموقعنا عن هذا الحدث الكبير.

أيضا لاحقا هذا الأسبوع لقاء خاص مع نائب رئيس سوني كومبيوتر انترتينمنت الأوروبية يتحدث فيه عن سوق المنطقة و السعودية بشكل خاص.
لقاء

منتظر اللقائين بفارغ الصبر .. الله يعطيكم ألف عافية على التميز هذا , واصلوا وبالتوفيق يا رب .

 

[PS]

اللقاء اللذي قام بة الأخ Id مع سمو الامير محمد بن خالد

اللقاء كان جداً ممتع مع الامير بسبب ثقافتة العالية في عالم التكنلوجي وعالم الفيديو قيم

شكراً TG
http://www.true-gaming.net/home/?p=5387

لا تفوتكم

 

[Saudi pro]

^
^
^

بخصوص اللقاء الامير ذكر انه كروت البلايستيشن تنباع بـ 20 ريال ؟!!!


عموما مقابله حلوه و الحمدلله جا الوقت الي ندعم فيه السوق السعودي :laugh:: .. و الله يعافيكم ياشباب على المقابله ماقصرتوا

 

[PS]

صح كلامك أكيد أخطأ بين ريال و دولار

 

[BioMario]

ما شاء الله الأمير فاهم بالجهاز و تقنياته .. لول أحلى شي أخر اللقاء لول ..
مشروع الصراحة ذو مستوى و مدروس صح ..

أعيد و أكرر شباب الرياض لا تشتروم ألعاب إلى من هذا المحل لتكمل مسيرة نجاحه و شهرته

 

[Black]

ما شاء الله الأمير فاهم بالجهاز و تقنياته .. لول أحلى شي أخر اللقاء لول ..

....................

 

[G7Ga7]

ما شاء الله, ما توقعت الامير يكون فاهم في هالأمور الدقيقة :laugh:: . عاد ثامر يوم انك شفته فاهم كذا, كان سألته عن البي اس ان ID حقه 😛

 

[Gahmad]

كان سألته عن البي اس ان ID حقه 😛

ههههههههههههههههههههههههههههههههه
حلللوة

ابو الجاحجيج يصيب عين النمر
ههههههههههههههههههههههههه

 

[Unknown]

جت تكليجه بالاخير لول .. بس حلوه عرفنا الكاميرا وش نوعها

عن المحل ترا للحين ما ادري شلون شكله
مازلت انتظر صور للمكان لأن كل الي اشوفه
قص شريط - شرب قهوه - مقابلة امير !!

 

[MALDINI]

كنت رايح اشتري انتشارتد 2 بمحل قريب له على شارع التحليه
وقلت ياولد ناخذ لنا قهوه من دانكن والا اشوفلك عالم سوني, خطوه ممتازه من الوكيل, بس يوم دخلته توقعت شي أكبر, يعني مو كل الالعاب متوفرة فقط الجديدة وهذا اللي يكرهني دايما, افضل مافيه انك تقتدر تجرب بعض الالعاب مثل فيفا و برو و انتشارتد 2 و ديرت 2 وغيرها من الالعاب الجديده.
اللي اتمنى انهم يسووه بالمستقبل الاسعار الواقعيه, لاني اوكيه لول, انتشارتد شريتها من المحل القريب له ب240 وكنت اقدر اخذها بأقل لو اني محاول فيه, في عالم بلايستيشن لقيتها اغلى!! مع انها نفس الريجن (اوروبي) فما ادري وش اقول.
ثاني شي يحطو منصات خاصة للبسب, يحطون عروض العاب مثل الجريتيست هيتس بسعرها الاصلي اللي برا, او حتى الالعاب القديمة يوفروها بسعر حلو, توفير مجلة البلايستيشن الرسمية بالمحل شهريا.
بس مادام انه جديد ففي امل انه راح نشوف التغير بالمستقبل القريب.

ثاني مره و اكرر... ارفقوا علينا بالاسعار, الاسعار, الاسعار.

 

[Sky Walker]

^
انت من وين تطلع كذا فجأة (&) !!1!1

زومبي (&) ؟!

عموما خطوة موفقة جدا في افتتاح المحل واتمنى شباب TG يدعمونه تقديرا لمجهودهم D=

 

[Zorro]

معليش على الرفعة الأليمة ..

بس كنت اتكلم مع واحد عن تواريخ معينة لموضوع ما
و جبنا طاري هالمعرض (عالم بلايستيشن)
واختلفنا في سنة الافتتاح ، خليته يبحث في النت عشان يتاكد ،اكيد راح يلقى خبر هنا ولا هناك عن الافتتاح ، لكن ماظنيت انه بيلقى هالموضوع ، المهم عرف انه كلامي صح ، لكن اللي مايعرفه ( لا هو ولا انتم) اني انا اللي كنت ماسك هالمعرض من بداياته 😆 واشتغلت فيه لين 2013 و قفلوه في 2014 او 2015
(ماني متاكدبالضبط) ..
المهم بعدين بدور عالمواضيع اللي انكتبت هنا عشان احارش اللي جابو سيرة الموظفين بعطل