Khalid-S
Executive Member
ما تحب العاب توم كلانسي ؟؟ ما تحب العاب الي تتحكم فيها بفريقك ؟؟ لا تخاف .. هذي اللعبة بتعيشك جو خيالي .. بتنسى انك ما تحب هذا النوع من الالعاب لمن تلعبها .. او بتصير تحب هذا النوع من الالعاب !!
اولا الانطباعات هذي عن ديمو اللعبة فقط (الديمو نصف ساعة تقريباَ) .. لحد يدوره حالياَ على الماركت بليس ما بتحصلونه .. الديمو جا مع OXM (حصري لهم) لكن بيصدر الايام الجايه على الماركت بليس.
واضح من الديمو انه هو نفسه حق E3 لكن نسخة اقصر منه .. في البداية تجيك مهمة انقاذ محتجزه داخل فندق (او كازينو .. تعرفون لاس فيجاس الفندق والكازينو كله واحد) .. انت واثنين معك لازم تنقذونها .. اول ما تنزل في سطح الفندق (الي هو فندق باسم حقيقي .. يعني فندق موجود حالياَ بنفس التصميم والاسم) يعلمك الكومبيوتر عن طريقة اللعب . لو كنت جديد على هذي السلسلة لا تخاف بتتعلم بسرعه .. يمكن في البداية بتموت مرتين الا ثلاث لكن الرابعة بتبدا روح الاحتراف عندك.
شفت عروض للعبة ؟؟ لا ؟؟ ايه ؟؟ لول اوكي بعتبرها لا .. اللعبة من الصور الي شايفنها الجرافيكس فيها ممتاز .. التيكسترز جباره .. الاضاءة والفيزيكس باللعبة ممتازة .. مع ان الي لعبته ديمو وهي اكيد نسخة اولية للعبة ما لاحظت اي مشاكل في الفريم ريت. بشرح شوي عن اللعبة والاوامر والتحكم الي فيها .. التحكم جدا سهل وبسيط .. تقريباَ مشابه جداَ لـGRAW من ناحية تغير الاسلحة واطلاق النار. نفس النظام. اوامر الجنود الي معك ايضاَ سهولها بشكل كبير .. مثلا اذا تفتح باب تخي المؤشر على الباب ويطلع لك في اسفل الشاشة "اضغط A لامر الجنود بالذهاب الى الباب ليكونوا في وضع الاستعداد" بعد ما يروحون ويوصلون عنده تطلع لك ثلاث خيارات على يسار الشاشه من الاسفل .. الخيار الاول هو فتح الباب والدخول بشكل عادي، الخيار الثاني تثبيت قنبلة على الباب عشان ينفجر ويموت الي واقفين جنبه، الخيار الثالث هو فتح الباب ورمي قنبلة والدخول بعدها بشكل قوي .... اللعبة فيها نظام حلو .. اذا في بابين او ثلاث مثلا محاطين بغرفه .. الغرفه هذي فيها 4 ارهابين .. تروح عند احد الابواب وتخلي المؤشر على اطراف الباب من الاسفل واضغط A .. الجندي الي تلعب فيه يحط الكاميرا من اسفل الباب ويخليك تشوف الي بداخل الغرفه .. بزر Back تقدر تاشر على ارهابي معين تبي الجنود الي عندك يموتونه .. مثلا 3 ارهابين واقفين جنب الباب الي انت تبي تدخل منه .. ما تقدر تفتح الباب وتلف وتذبحم لان من طلقتين وانت في الارض ميت .. تحط الكاميرا وتاشر على الثلاث .. بعدها تعطي امر للجنود انهم يقتحمون الغرفة بنفس الوقت الي انت تقتحمها عشان تشتت الارهابين الي بالداخل .. على بال ما يفكر الارهابي يذبح مين فيكم الا يحصل الدم ملي وجهه.
في حركات ثانية في اللعبة مثل انك تتخبى خلف جدار .. والمنطقه الثانيه في ارهابين كثار يطلقون عليك .. تقدر بس تطلع السلاح وتخليه يطلق بشكل عشوائي .. ومن هذي الحركات الي شفناها باكثر العاب الاكشن. كل حركات GRAW موجودة وعلى اكثر في اللعبة.
في حركة رهيبة .. هي انك تقدر تقتحم الغرفه باكثر من طريقه مو بس عن طريق الابواب .. تقدر تقتحها عن طريق الشباك حق الغرفه .. تطلع الدور العلوي .. عن طريق الحبال انت والجنود الي معاك تربطون الحبال في حديدة وتنزلون .. لمن توصل عند الشباك حق الغرفه تقدر تقلب الشخصية الي تلعب فيها وتخلي بس المسدس طالع من الشباك .. اول ما تعطي الجنود امر الاقتحام على طول تطلق وهم يقتحمون.
بصراحة التكتيك الي باللعبة جميل .. يدخلك جو ثاني مع هذي الالعاب .. تحس انك داخل فيلم والله .. اللعبة افضل بمراحل من GRAW .. الجرافيكس فيها افضل طبعا . لا تفوتها .. الاونلاين فيها بيكون ممتع لدرجه رهيبة. من زمان ما تحمست مع لعبة وانا قاعد العب .. تشد الاعصاب وتخليك تفكر قبل ما تدخل اي غرفه .
: