الموضوع الرسمي لسبويلرات The Dark Knight Rises

[Monster]

شباب هذي نهاية السلسله لهذا الجيل ؟
شنو يعني مافي باتمان الا بعد عشر سنوات؟
باقي البطريق وفريزر.

 

[Veeto]

شباب هذي نهاية السلسله لهذا الجيل ؟
شنو يعني مافي باتمان الا بعد عشر سنوات؟
باقي البطريق وفريزر.

مو شرط 10 .. يمكن 5 يمكن 3 .. سنوات .. ما احد يدري حاليا
المختصر ان طاقم عمل الفيلم .. انتهت دورتهم مع باتمان

يعني اي فيلم جديد بيكون بقصة جديدة بابطال جدد بتوجه جديد

اغلب افلام السوبر هيروز تكون مكونة من 3 اجزاء .. يعني لاتاحة الفرصة لدماء جديدة للممثلين والمخرجين وهالامور

ويمكن هذي اول سلسلة فعلا فيها .. بداية .. جزء ثاني - حبكة - .. وختام لهالسبب المفروض تكون سعيد اكثر من متضايق

 

[Monster]

شفت الفلم قبل امس وشي رهيب صراحه. من الافلام القليلة اللي ما حسيت فيها بالوقت. لازم فلم جديد مع النفس الطاقم.

 

[Rookie]

شباب هذي نهاية السلسله لهذا الجيل ؟
شنو يعني مافي باتمان الا بعد عشر سنوات؟
باقي البطريق وفريزر.

وباقي Killer Croc وThe Riddler وCalender Man وBlack Mask وHarley Quinn وDr. Hugo Strange وThe Great Whyte Shark وPoison Ivy و... ما راح نخلص :laugh::

عالعموم السلسلة "مفروض" انتهت، لكن Warner Brothers مخططين لعمل reboot مبكر "جدا" بطاقم عمل جديد... وبالنظر إلى القرارات اللي عملها نولان واللي واضح إنها تمت بضغط من WB (زي اختيار عنوان الفيلم وإضافة كاتوومان وروبن) ما أستبعد عمل spin-off من مخرج ثاني.




و...

نوعا ما (&)
بس ما زلت متضايق من الفارق في مستوى الكتابة بين رايزز وباقي السلسلة، أول مرة أحس بداونجريد في فيلم لكريستوفر نولان للأسف 🙁

وما زلت متضايق من عدم تفسير مصير الجوكر:
-هل هو عايش؟ طب فينه؟ في أركهام أسايلم؟ طيب ليش ما هرب؟ ما قدر؟ طيب ليش ما هرب لما Bane احتل المدينة؟ طيب ليش ما Bane وTalia استغلوا العقل الإجرامي للجوكر لصالحهم لو كان حي؟
-هل هو ميت؟ طيب شلون مات دام هو انصاد في نهاية TDK؟

أحس نولان وأخوه قعدوا يفكرون في وضع أجوبة للأسئلة هذي وبالنهاية توصلو لــ...

"يا رجل خلنا نقول إننا ما راح نجيب سيرة الجوكر احتراما لهيث لدجر، وخلنا نكتب نهاية أي كلام للسلسلة ونرتاح"

:laugh::

للصفحة الجديدة، عسى هالمرة أحصل أحد يناقشني... المحاولة الثالثة. *forever alone.jpg*

 

[Veeto]

لكن Warner Brothers مخططين لعمل reboot مبكر "جدا" بطاقم عمل جديد... وبالنظر إلى القرارات اللي عملها نولان واللي واضح إنها تمت بضغط من WB (زي اختيار عنوان الفيلم وإضافة كاتوومان وروبن) ما أستبعد عمل spin-off من مخرج ثاني.

من وين جايب خبر ان الاستوديو ضغط على نولان ؟؟ تدري هم ويش سوو علشان يوافق ؟
اول شي عطوه ميزانية 200 مليون .. لمشروع جديد .. انسبشن .. ولا استوديو في الدنيا بيسوي هالشي على هالفكرة اللي كانت موجودة

ثانيا انا متابع الاخبار اول ما اعلنوا وكل مقابلات نولان .. ولا مرة سمعته يقول انهم ضغطوا عليه في اي شي
وكات وومان وروبن - جون بلايك - واضح انهم موجودين في صلب القصة ومو مدخلين غصب مثل - فينوم في سبايدر مان 3 -
او كولشكنات اكس مين .. اللي بعض الشخصيات ليها مشهد واحد

"يا رجل خلنا نقول إننا ما راح نجيب سيرة الجوكر احتراما لهيث لدجر، وخلنا نكتب نهاية أي كلام للسلسلة ونرتاح"

وهذا الهدف اصلا .. نولان كان رافض فكرة حتى انه يسوي الجزء الثالث .. بسبب اللي صار مع هيث
وكان يقول ان اصعب فترة في حياته ما بين شهر 1 وشهر 5 في 2008 اللي هي من موت هيث الى انتهاء النسخة القريبة من النهائية من دارك نايت
موت هيث اثر على نولان واجد .. وفعلا انا لو كنت مكانه كنت بسوي نفس الشي .. هيث وللي سواه صعب جدا انك تجاريه
وعيب انك تحط اي تبرير للجوكر في القصة .. وممثله ميت

بالنسبة للتبرير .. ما ادري ليش واجد مركز عليه هم حاطين 8 سنوات فرق علشان هالشي شوي ينبلع

بس ما زلت متضايق من الفارق في مستوى الكتابة بين رايزز وباقي السلسلة، أول مرة أحس بداونجريد في فيلم لكريستوفر نولان للأسف

تقصد حوارات او قصة ؟؟
بالاثنين اشوف الفيلم في مستوى الثلاثية وفي مستوى نولان .. الفرق شوي بس ان هذا كوميكي زيادة عن دارك نايت

 

[Rookie]

من وين جايب خبر ان الاستوديو ضغط على نولان ؟؟ تدري هم ويش سوو علشان يوافق ؟
اول شي عطوه ميزانية 200 مليون .. لمشروع جديد .. انسبشن .. ولا استوديو في الدنيا بيسوي هالشي على هالفكرة اللي كانت موجودة

ثانيا انا متابع الاخبار اول ما اعلنوا وكل مقابلات نولان .. ولا مرة سمعته يقول انهم ضغطوا عليه في اي شي
وكات وومان وروبن - جون بلايك - واضح انهم موجودين في صلب القصة ومو مدخلين غصب مثل - فينوم في سبايدر مان 3 -
او كولشكنات اكس مين .. اللي بعض الشخصيات ليها مشهد واحد

طبعا نولان ما راح يقول إنه انضغط، بس للأمانة ما لاحظت إن رايزز في كثير لحظات rushed والـediting ما كان بقوة الجزئين اللي قبل؟؟ أتوقع هذا يعطيك دليل واضح على إن الاستوديو ضغط على إن نولان يخلص الفيلم ويعرضه بالسينما بأسرع وقت.
نرجع لسالفة التايتل: The Dark Knight Rises. سيء. من أول ما أعلن عنه نولان في مقابلة وأنا أقول إنه سيء، أنا أتوقع إن نولان ما كان راح يحطه هالتايتل، واضح جدا إن هذي حركة تجارية من WB عشان تستفيد من عنوان "The Dark Knight" اللي عمل ضجة ولصقت العنوان بالسيكول عشان مبيعات التذاكر.
أما بالنسبة للشخصيات: كاتوومان؟ بلايك؟ ما لهم أي دور فعلي في القصة! كاتوومان موجودة عشان الإغراءات وبلايك عشان النهاية اللي تتيح لعمل سيكولات من بطولة روبن في المستقبل -إذا WB قرروا هالشي طبعا-. أساسا لو تشيل الشخصيتين من الفيلم القصة ما راح تتأثر أبدا.

وهذا الهدف اصلا .. نولان كان رافض فكرة حتى انه يسوي الجزء الثالث .. بسبب اللي صار مع هيث
وكان يقول ان اصعب فترة في حياته ما بين شهر 1 وشهر 5 في 2008 اللي هي من موت هيث الى انتهاء النسخة القريبة من النهائية من دارك نايت
موت هيث اثر على نولان واجد .. وفعلا انا لو كنت مكانه كنت بسوي نفس الشي .. هيث وللي سواه صعب جدا انك تجاريه
وعيب انك تحط اي تبرير للجوكر في القصة .. وممثله ميت

بالنسبة للتبرير .. ما ادري ليش واجد مركز عليه هم حاطين 8 سنوات فرق علشان هالشي شوي ينبلع

أنا متفهم موثق نولان وأحترمه، لكن "اختفاء" الجوكر من عالم الفيلم بدون أي تبرير شي... محبط 🙁

تقصد حوارات او قصة ؟؟
بالاثنين اشوف الفيلم في مستوى الثلاثية وفي مستوى نولان .. الفرق شوي بس ان هذا كوميكي زيادة عن دارك نايت

الحوارات لأ، ما عدا الحوارات الرخيصة والتافهة لكاتوومان.
القصة يب، داونجريد أليم عن BB وTDK ومليانة plot holes بشكل عبيط وغريب، وغير سالفة القنبلة النووية المستهلكة والمجنركة اللي ما توقعت إن بيوم من الأيام بشوفها في فيلم لنولان...

 

[Veeto]

بس للأمانة ما لاحظت إن رايزز في كثير لحظات rushed والـediting ما كان بقوة الجزئين اللي قبل؟؟ أتوقع هذا يعطيك دليل واضح على إن الاستوديو ضغط على إن نولان يخلص الفيلم ويعرضه بالسينما بأسرع وقت.

انا ما لاحظت سمعت واجد هالانتقادات ولما رحت للفيلم ما شفتها .. شفت فيلم محكم جدا بطريقة مو طبيعية
ثلاث ساعات الا .. ما حسيت فيها .. اطلاقا .. بالعكس ما حسيت حتى اني (( متعب )) او منهك من طول الفيلم
كان ممتع وانسيابي .. ولا جتني لحظة مثل دارك نايت مثلا .. كنت اقول لو منهين الفيلم في هاللحظة افضل بالعكس كان الفيلم متقن جدا جدا

بالنسبة للضغط .. احب اقول لك انك غلطان .. مرة ثانية .. نولان انهى الفيلم سواء التصوير او المونتاج قبل نهاية الجدول بخمسة اسابيع !!
التصوير انهاه قبل 3 اسابيع من الموعد المحدد .. وتسليم النسخة الاولى انهاها قبل اسبوعين .. ووفر على الاستوديو اكثر من 8 ملايين بهالحركة

أنا أتوقع إن نولان ما كان راح يحطه هالتايتل، واضح جدا إن هذي حركة تجارية من WB عشان تستفيد من عنوان "The Dark Knight" اللي عمل ضجة ولصقت العنوان بالسيكول عشان مبيعات التذاكر.

خلني اصدمك مرة ثانية :laugh:: .. نولان اختار لباتمان بيجينز عنوان .. the dark knight begins .. ووارنر رفضوا لانهم كانوا مصرين على ان اسم باتمان لازم يكون موجود
في الثاني رضخوا اليه لاسباب واجد منها نجاح بيجينز ووجود الجوكر .. فالعنوان اختيار نولان لثلاثيته من الاساس

وقصة رايزز .. حسب ما ذكرها هو .. ان روح باتمان تصعد وتطغى على جوثام كلها .. فكرة العنوان لخصها روبن في النهاية
ان باتمان اي واحد .. وان رمزية باتمان لاي واحد وهي الخالدة مو الانسان نفسه - بروس واين في هالحالة -

أما بالنسبة للشخصيات: كاتوومان؟ بلايك؟ ما لهم أي دور فعلي في القصة! كاتوومان موجودة عشان الإغراءات وبلايك عشان النهاية اللي تتيح لعمل سيكولات من بطولة روبن في المستقبل -إذا WB قرروا هالشي طبعا-. أساسا لو تشيل الشخصيتين من الفيلم القصة ما راح تتأثر أبدا.

شكلك شفت فيلم غير اللي انا شفته .. ما اقدر اناقشك في هالشي لان بالنسبة ليي .. من المعضلات توضيح الواضحات

 

[Rookie]

انا ما لاحظت سمعت واجد هالانتقادات ولما رحت للفيلم ما شفتها .. شفت فيلم محكم جدا بطريقة مو طبيعية
ثلاث ساعات الا .. ما حسيت فيها .. اطلاقا .. بالعكس ما حسيت حتى اني (( متعب )) او منهك من طول الفيلم
كان ممتع وانسيابي .. ولا جتني لحظة مثل دارك نايت مثلا .. كنت اقول لو منهين الفيلم في هاللحظة افضل بالعكس كان الفيلم متقن جدا جدا

بالنسبة للضغط .. احب اقول لك انك غلطان .. مرة ثانية .. نولان انهى الفيلم سواء التصوير او المونتاج قبل نهاية الجدول بخمسة اسابيع !!
التصوير انهاه قبل 3 اسابيع من الموعد المحدد .. وتسليم النسخة الاولى انهاها قبل اسبوعين .. ووفر على الاستوديو اكثر من 8 ملايين بهالحركة

لول، أنا على العكس منك حسيت بالملل في كثير لحظات على عكس دارك نايت، وبعدين في أي لقطة قصدك كان من الممكن إنهاء دارك نايت؟؟
والضغط على حد علمي ما كان على إنهاء التصوير والتسليم فقط، اللي سمعته إنه كان في ضغط على الأخوين نولان لإنهاء كتابة السكريبت بأسرع وقت.

خلني اصدمك مرة ثانية .. نولان اختار لباتمان بيجينز عنوان .. the dark knight begins .. ووارنر رفضوا لانهم كانوا مصرين على ان اسم باتمان لازم يكون موجود
في الثاني رضخوا اليه لاسباب واجد منها نجاح بيجينز ووجود الجوكر .. فالعنوان اختيار نولان لثلاثيته من الاساس

وقصة رايزز .. حسب ما ذكرها هو .. ان روح باتمان تصعد وتطغى على جوثام كلها .. فكرة العنوان لخصها روبن في النهاية
ان باتمان اي واحد .. وان رمزية باتمان لاي واحد وهي الخالدة مو الانسان نفسه - بروس واين في هالحالة -

أوكي، ممكن أنت تكون صح في هذي النقطة. وأقنعتني 🙂
أموت وأعرف لو نولان سمى باتمان بيجنز بـThe Dark Knight Begins شنو كان راح يسمي السيكول؟؟ مستحيل كان بيشيل كلمة Begins ويخليه The Dark Knight بس :laugh::

شكلك شفت فيلم غير اللي انا شفته .. ما اقدر اناقشك في هالشي لان بالنسبة ليي .. من المعضلات توضيح الواضحات

إذا كان قصدك بكلمة الواضحات = إن هالشخصيتين ما أضافوا أي شي للقصة سوى التمطيط وشفط سكرين تايم من شخصيات أهم، إذا أنا أتفق معاك تماما في هالحالة.

 

[Veeto]

لول، أنا على العكس منك حسيت بالملل في كثير لحظات على عكس دارك نايت، وبعدين في أي لقطة قصدك كان من الممكن إنهاء دارك نايت؟؟

مقطع ذو الوجهين على قولتهم :laugh:: .. كله حسيته اضافة لو انها انحطت للفيلم الثالث افضل .. طبعا اشوى ان نولان ما سواها
لانه بيكون في معضلة كبيرة بعد موت هيث ... بشكل عام دارك نايت فيلمي المفضل من الثلاثية لكن من ناحية (( البيسنج )) على قولتهم .. رايزز واجد افضل

والضغط على حد علمي ما كان على إنهاء التصوير والتسليم فقط، اللي سمعته إنه كان في ضغط على الأخوين نولان لإنهاء كتابة السكريبت بأسرع وقت.

ما ادري عنها .. لكن بشكل عام اقدر اقول لك ان الاستوديو كانوا راضين - بالاحرى سعيدين - باداء نولان وياهم
وقدرته انه ينهي مشاريعه قبل الديد لاين .. وعلى حسب كلام بعض مواقع عشاق نولان .. ان المجموع الكلي للوقت المحفوظ - saved time - اللي انهى فيه المشروع كله
3 اشهر !! سواء السكريبت او التصوير او المونتاج لدرجة انه كان اكثر اشتراك في فيلم سوبرمان من العقد الاساسي الي وياهم !

مستحيل كان بيشيل كلمة Begins ويخليه The Dark Knight بس

افا توقعتك بتعرف ويش الاسم .. falls .. علشان النهاية تكون رايزز

إن هالشخصيتين ما أضافوا أي شي للقصة سوى التمطيط وشفط سكرين تايم من شخصيات أهم، إذا أنا أتفق معاك تماما في هالحالة.

خخخخخ .. خلني بصير على سجيتي - العناد - .. بالعكس الشخصيتين اضافوا واجد للفيلم .. اذا شلت سيلينا .. شلت السبب الاساسي الي رجع باتمان لجوثام
واذا شلت بلايك .. النهاية كنهاية بتفقد اجمل عناصرها وهي - دارك نايت رايزز - صعود باتمان .. احلى شي في رايزز بالنسبة ليي كانوا الشخصيات الثانوية
سواء بلايك .. كات وومان .. جوردان .. او فوكس او الفريد .. وطبعا رمانة العمل كان كريستيان بيل

بس هذي وجهات نظر .. ليك رايك وانا ليي رايي ..

 

[Rookie]

خخخخخ .. خلني بصير على سجيتي - العناد - .. بالعكس الشخصيتين اضافوا واجد للفيلم .. اذا شلت سيلينا .. شلت السبب الاساسي الي رجع باتمان لجوثام
واذا شلت بلايك .. النهاية كنهاية بتفقد اجمل عناصرها وهي - دارك نايت رايزز - صعود باتمان .. احلى شي في رايزز بالنسبة ليي كانوا الشخصيات الثانوية
سواء بلايك .. كات وومان .. جوردان .. او فوكس او الفريد .. وطبعا رمانة العمل كان كريستيان بيل

بس هذي وجهات نظر .. ليك رايك وانا ليي رايي ..

بروس ما رجع لجوثام عشان سلينا :laugh:: رجع لجوثام عشان جوثام.
وبلايك... غير النهاية، شنو اللي عمله في القصة؟ ولا شي. حتى سبب معرفته لهوية باتمان كان غير مقنع أبدا ويبينلك إن وجوده "فيلر".
لو شايلين سيلينا وبلايك وعطوا فرصة لميراندا والشخصيات الثانية الفيلم كان بيصير أحسن بكثيييييير.

 

[Veeto]

إقصد بأتمان في بداية الفيلم رجع لجوثام بسبب كات وومان .. شوف لأي حد أنا دقيق في اختياري للكلمات والأسامي

 

[Rookie]

إقصد بأتمان في بداية الفيلم رجع لجوثام بسبب كات وومان .. شوف لأي حد أنا دقيق في اختياري للكلمات والأسامي

باتمان رجع لجوثام بسبب Bane...

 

[Veeto]

أصلا يوم يرجع ما يدري عن (باين ) وسبب رجوعه يوم باقت منه مجوهرات أمه

 

[Rookie]

أصلا يوم يرجع ما يدري عن (باين ) وسبب رجوعه يوم باقت منه مجوهرات أمه

رجوع باتمان كان لما باين راح البورصة، شلون ما كان يعرف عن باين؟ :confuse:

 

[Veeto]

على الرغم من حادث اطلاق النار .. وعلى الرغم من - عدم موت احد الابطال الرئيسيين :laugh::
استطاع الفيلم ان يحقق ايرادات فاقت الــ415 مليون .. وبالتالي تفوق بدولارات قليلة على توي ستوري 3
ليصبح صاحب اعلى ايرادات للفيلم الثالث بتاريخ هوليود
وعليه سيداتي سادتي .. كريستوفر نولان يكسر لعنة الفيلم الثالث التي لازمت هوليود سنين طويلة

مع اني ما اتوقع يوصل الى ارقام دارك نايت .. لكن لحد الحين الفيلم ناجح تجاريا ونقديا

 

[Acid Rain]

خلني اصدمك مرة ثانية :laugh:: .. نولان اختار لباتمان بيجينز عنوان .. the dark knight begins .. ووارنر رفضوا لانهم كانوا مصرين على ان اسم باتمان لازم يكون موجود

عندك اثبات على هالشئ ؟ لأنه و في وقت الفيلم و بعد صدوره على الـ DVD
ايامها شريت النسخة الـ Special Edition الي جاي معها الـ Bonus Disk فيه مقابلات و معلومات و trivia الى بكره

المهم كان فيه مقابلة و كلام جزء منه لـ David S. Goyer
( الي بالمناسبة يستحق الاشارة له كجزء مهم في المشروع و عدم اعطاء كامل الفضل لـ نولان )

و جزء منه لنولان

]دافيد يوم بدء في المشروع راح لمكتبة كومكس محلبة و اشترى عدة اصدارات مختلفة من مجلات باتمان
البياع الي فيها شك في الامر قال شكلك تبي تشتغل في مشروع فيلم باتمان جديد لكنه صرفه
قصة طريفة يكمل عليها نولان بأنهم سربوا اسم The Intimidation Game على اساس انه هو العنوان حق الفيلم
و هالكلام كان في كل من مرحلتي ما قبل الانتاج و اثناء التصوير و اعتقد الاسم الفعلي انعرف بعدها فترة

-------------------

بالنسبة لعودة باتمان .. ورونر ماهي جمعية خيرية علشان تفرط بالفرانشيز هذا اكيد انه راح يسوون ريبوت
و غالباً الناس ما راح تحبه لسبب او لاخر لكن جزء من هالريبوت بيكون بشكل رئيسي لبناء قصة الـ Justice league

لأنه مستحيل على وصفة نولان ممكن الاقدام على مشروع كهذا
بعد فيلم سوبرمان القادم و الاصداء الي راح تدور حوله
بيكون لك لحادث حديث و نعرف اكثر

طبعاً طلعت طراطيش حكي ان بين افيلك بيخرج فيلم عصبة العدالة .. و بعدين هو صرح و قال لا ما راح اخرجه !
و الكلام الان ان ورنر تتفاوض مع الواتشوسكي برذرز ( صناع الماتريكس لمن لا يعرف )
علشان يشتغلون على المشروع و الى الآن ما في تاكيد بنفي او اثبات من جهتهم !

 

[alruqeishy]

توني راجع من السينما والفلم ابداااع عجبني من كل النواحي و Bane ابدعوا فيه وخاصة صوته

 

[Sir Guts]

^

انا الى الآن مو مصدق ان Bane هو نفسه Tommy الي في فلم Warrior!!!

Tom Hardy اصفق له و بحرارة على هالإبداع!

 

[Veeto]

Acid Rain

عندك اثبات على هالشئ ؟

قراتها مرتين وحدة في منتديات نولان فانز .. والثانية في مقابلة ليه قبل دارك نايت
كان يقول انه من الاساس ما كان حاب يخلي اسم باتمان في العناوين لكن وارنر رفضوا
ولما ( شب عوده :laugh:: ) قدر يفرض شروطه

المهم كان فيه مقابلة و كلام جزء منه لـ David S. Goyer
( الي بالمناسبة يستحق الاشارة له كجزء مهم في المشروع و عدم اعطاء كامل الفضل لـ نولان )

كلامك صح .. هو مشارك بكتابة القصة .. للثلاثية ويستحق الاشارة اليه
حتى قصة سوبر مان - مان اوف ستيل - هو ونولان كاتبينها

بالنسبة لعودة باتمان .. ورونر ماهي جمعية خيرية علشان تفرط بالفرانشيز هذا اكيد انه راح يسوون ريبوت
و غالباً الناس ما راح تحبه لسبب او لاخر لكن جزء من هالريبوت بيكون بشكل رئيسي لبناء قصة الـ Justice league

وهذا اللي نقوله .. هل اعادة تقديم شخصية باتمان في هالوقت مناسبة ؟
السنة القادمة واضحة انها لسوبرمان .. انزين بعدها .. هل تبدء في التحضير لريبوت لباتمان ؟
متى بتعطي بقية الشخصيات المجال .. هل فكروا في جستس ليج او بس كلام ؟

طبعاً طلعت طراطيش حكي ان بين افيلك بيخرج فيلم عصبة العدالة .. و بعدين هو صرح و قال لا ما راح اخرجه !
و الكلام الان ان ورنر تتفاوض مع الواتشوسكي برذرز ( صناع الماتريكس لمن لا يعرف )
علشان يشتغلون على المشروع و الى الآن ما في تاكيد بنفي او اثبات من جهتهم !

صح كلامك .. حاليا وارنر تبي مخرج او مخرجين اصحاب رؤية شاملة للكوميك هيروز ككل
مثل اللي سواه ويدوون مخرج افينجرز لمارفيل .. وارنر تبي واحد يحط تصور شامل لـ دي سي يونيفيرس

بن افليك رفض .. وانا اعتقد انه كان خيار خطأ .. هم محتاجين لمخرج يقدر يحط تصور لعالم تعيش فيه هالشخصيات كلها
وتالي يبنون الافلام عليه .. صناع الماتريكس نوعا ما خيار مقبول .. لكن الموضوع محتاجة لعناية شديدة

وارنر طوال السنوات الماضية عدا .. باتمان نولان .. كانت من خيبة لخيبة .. كل افلامها الباقية لشخصيات الكوميك فلبت تفليب كامل

=======

Gooner
^

انا الى الآن مو مصدق ان Bane هو نفسه Tommy الي في فلم Warrior

انا شايف ليه فيلم كوميدي قبل باتمان .. ومثلك للحين مو مقتنع انه نفسه
نولان فنان / محظوظ في اختيار ممثلينه

 

[Veeto]

http://www.hitfix.com/motion-captur...ttempts-to-dismantle-chris-nolans-magic-trick

http://www.hitfix.com/motion-captur...k-knight-rises-digs-into-the-bad-and-the-ugly

هذا واحد من نقاد هوليود .. يقدم نظرة ثانية للفيلم كانها مراجعة ما بعد العرض ونظرة تحليلية للشخصيات من رؤية مختلفة
عجبوني المقالات فقلت خلني اخليكم تقرؤونهم .. عجبني واجد كلامه عن بروس واين وعن جوردان

 

[Veeto]

Alfred كان يقول انا كل ما اروح المكان هذا اتخيل اني اشوفك متزوج و عندك عيال .. في نهاية الفلم فعلا شاف الي كان يتخيله

لكن انا اعتقد انه مجرّد وهم مو حقيقي .. لأن باتمان مستحيل يعيش بعد انفجار قنبلة نووية + هذا آخر باتمان للفاشل Christian Bale فقالوا ننهيها كذا افضل

حصلت ليك صورة للنهاية .. واضحة انها مشهد حقيقي ما ليه اي علاقة بالوهم يعني لقطة الوجه واضحة جدا
ما فيها اي تلميح مثلا او حتى (( غمامة :laugh:: ))

 

[Krat0s]

شاهدته في مجمع 360 بالكويت و و و و

مو طبيعي.

 

[Nintendo]

قبل يومين شفت الفيلم روووووووووووووووووووووووووعة بصراحة

استمتعت بكل لحظة فيه، فعلا جات فترات بالفيلم قلت خلاص مافي امل لإنقاذ قوثم وكذا ولكن الإخراج والنص الإبداعي يخلي كل شئ منطقي، يمكن عيب الفيلم الوحيد بالنسبة لي انه كل التويستات كانت متوقعه بقوة وكلها كنت اقولها لماجد قبل لاتصير.

غير كذا الفيلم اسطوري ونهاية رائعة جدا للثلاثية.

 

[SCREAMING_RAGE]

^
^
ذكرني ما اروح معاك السينيما اذا اتقابلنا في يوم من الايام ............. بتخرب كل شئ XD

 

[MALDINI]

9\10
هل اضم الثلاثية هذي لمكتبتي؟ نعم.
عندي كلام كثير بس كرهت نظرة نولا (لبعض الشخصيات) بس بعيدن تغيرت نظرتي له.. يبقى مجرد فلم لا علاقة له ابدا بالكوميك الاصلي واللي يحمل نفس الاسم.