حقيقة مش متاكد عن ايش تتكلم
اذكر في أنمي نزل قبل الدباديب بفترة بسيطة له وبعد تهيب عشانه كان من عنده وفي النهاية طلع أسوأ أنمي تابعته في حياتي مش من تايب جوون.
بس قصدي مشروع الدباديب تحديدا جذاب كأنمي، الشيء اشبه لو مادوكا اتحول لمشروع دباديب ايضا، ما بيكون بنص شهرته ابدا وكان بيطلع ناس مثلنا بيقولوا ترا ماستربيس لازم ناس اكثر تشوفه بس كل اللي عليكم انه تتجاوزوا عائق الدباديب البسيطة ذي ولو كان انمي كان بيحصل وصول اكبر
لو كل شغله في الدباديب تحول لميديا الأنمي وكان من شافت ولا بونس أو أي استوديو ثاني الكل يحبوه؟ أكيد كنا رح نتابعه بس عشان الاستوديوهات ذي زي ما عملنا مع كثير انميات سيئة من عندهم, لكن الفرق ذي المرة أنه لو فعلا الماتيريال كويسة كان قدر يحقق نجاح أكبر من الدباديب. بس لو من استوديو وطاقم تعيسين؟ كان حتى شهرته الي حققها كميديا دباديب ما قدر يجيبها. كل القتالات الي شفتها للدباديب طالع فيها روح عشانها دباديب لكنها لو كانت أنمي معفن كان محد قدر يطالع عليها حتى. عمله ذا زي ما أنا قلت طلع مميز بسبب الدباديب وهو سبب نجاحها الأكبر والي كتبه هو نفسه كان كويس وقدر يستغل الميديا الدبدوبية لكنه مش بالمستوى التفجيري الي الناس خلته عمل يثبت زيادة ليه هو من أكبر الكتاب في الميديا. هذا عمل كويس من كاتب كويس بس مش أكبر كاتب واسم تحطه جنب هوكاجيز اليابان.
غيرهم نجح وفلح فمش عذر، خصوصا لما تعلقني انتظر سنتين عشان الانمي حقك يكمل وحتى الكور الثاني منه ما تعرف تكمله وتخليني انتظر كمان شهور زيادة عشان اربع حلقات اخيرة، العاملين اخذوا راحتهم ورواتبهم بزيادة لكن شافت الكسالى ايش نسوي لهم
شخصيا لو العمل تحول من شافت لأستوديو ثاني زي ما حصل مع العمالقة يوم راح من ويت لمابا كان عمري ما سامحت اليابان عليه. عندي استعداد شافت تجلس حامل بالأنمي ل 10 سنين من دون ما تخلفه لنا ولا أشوف كارثة مبكية ثانية زي الي حصل مع العمالقة. مع مابا صار عندي غير قابلة للمتابعة نهائيا. واحدة من أنمياتي المفضلة انقتلت.
ما عمري اتكلمت عن قصص ميهويو حقيقة فشكلك ملخبط، في جينشين انا اتجول بالعالم 90% من الوقت لانه ممتع وخلاب ومصمم كويس، بحال احب انتقل للريجن اللي بعده فجاة اتذكر انه عندي قصة لازم اخلصها وما خلصت غير 10% منها فاعطيها سبيدرن، بس اذكرك تحب بعض قصص ميهويو عادي وكنت تمدح بينوكوني ولا؟ يجب الشك بكلامك هنا اكثر.
يعني أنت كنت تدافع عن جينشين الي أكثر محتوى ياخذ وقت فيها وبفارق عملاق عن كل المحتويات الثانية هو القصة وأنت نفسك مش معطيها وجه؟ لااا هنا علامات الاستفهام زادت أكثر وأكثر 💢 💢 💢
بيناكوني عاد حتى الكتاب المخضرمين اليبانوة مدحوها وبسببها صارت هسر عندهم من التوب 5 ألعاب بسنتها يوم نزلت ذيك المقابلة على نهاية 2024. مش غريب يعني أنا تعجبني يوم هم فعلا تخلصوا من كم كابح كان مخرب عليهم.
والمشكلة عموما بحالة مادوكا زي ما قلت، كان ممكن يقتبسوا الجاتشا وخلاص بدون فلسفة، لكن قرروا انه لا، بنعطيك bad end غريبة، تبغى تعرف النهاية الصدقية؟ روح العب الجاتشا او شوفها يوتيوب بما انه الجاتشا اصلا قفلت بالغرب وقتها قبل ما يخلص الانمي حتى
كارثة من جميع النواحي فحتى مسألة انه الانمي يسوق للجاتشا فشلت بسبب كسل وتخاذل شافت اللي كان المفروض يخلصه 2020 مش 2022.
التأخير ذا فعلا أكبر شيء يقتل هدف أنميات الجاتشات. هنا لو اللوم كان على شافت ف الصراحة ما يستحون. بس بالنسبة لشغلهم على الاقتباس نفسه, أنهم يعطوك نهاية سيئة تخليك ودك تلعب اللعبة مش قرار سيئ إطلاقا @_@ أنا شخصيا لو شفته والنهاية كانت تخليني افتح فمي كان رحت لعبتها. الشيء زي كيف أنمي Rewrite عطاك نهاية سيئة تخليك بيومها ما تنام من دون ما تفهم ايش الي حصل وبعدها تكتشف أنها مقتبسة من رواية مرئية والوضع هناك رح يختلف. قدروا ينجحوا في أنهم يبيعوا اللعبة لي! طريقة كويسة.
اصلا كان المفروض ينزل فلم مادوكا الرابع في 2015 -اوربوتشي طلع خلص من السكربت في 2014 حتى طول هالوقت ومنها راح لمشروع الدباديب مرتاح- لكن كسلهم و تخاذلهم اسطوري يدرّس.
شكلهم شافوا السكربت رح يجيب العيد وقرروا يرموه على جنب لحد ما يلاقوا كاتب كويس يصلحها وبنفس الوقت يرضى اسمه ما يطلع للعلن ويبقى الوضع "ها شوفوا الزنجار حبيبكم ترا كتب الفلم تعالوا تابعوه!" وهم بذا الوقت كانوا شايليه على اكتافهم كالعادة بس عشان يقدروا يكسبوا لقمة عيشهم الصعبة. قلبي معكم يا شافت.
شهرة نيسيو ايسين ككاتب عند نطاق الوييبز تحديدا، مونوغاتاري معروف اكثر من اسمه ككاتب هنا، فعلى شهرته باليابان ما باقول انه اشتهر بالعالم بنفس الدرجة
لوما الأنمي ما كانت المونوغاتاري رح تصير في لسان العامة. في نهاية اليوم طبيعي كثير ناس رح يصير عندهم فضول يعرفوا مين الي كتبها وايش باقي اعماله عشان يروحوا يشيكوها كيف ما كانت بعد ما تابعوا الأنمي الخوقاقي.
مع ذلك شهرته ككاتب باليابان حقيقة انعكست عالميا قبل مونوغاتاري، الدليل انه اول 3 روايات من زاريغوتو تم ترجمتها رسميا للانجليزية قبل اول جزء من مونوغاتاري حتى، متخيل؟ بوقت ما كان فيه نفس مجتمع الوييبز اللي يترجموا كل قمامات اللايت نوفلز الخارجة من اليابان، بل فكرة ترجمة اللايت نوفلز بحد ذاتها ما كانت موجودة، فيعني لهالدرجة كانت قوية ومبدع ككاتب، ميزة من الترجمة المبكرة ذي ايام 2006-2008 ذي انه حصل على ترجمة حقيقية من مترجم حقيقي محترم فما بتشوف محاولات "التوطين" من الوييبز الfansubbers rejects المستحنكين اللي تكرهها هنا ويبغوا يثبتوا لغتهم ويفرضوا افكارهم الملونة على الكتّاب الاصليين
>مترجم حقيقي
على أي معايير؟ حقيقي حقيقي زي مترجمي الكتب والوثائق الرسمية ولا حقيقي بمعايير مترجمي الألعاب والأنمي؟
شافت عملوا شغل استثنائي ذا كلنا متفقين فيه، بس زي ما ذكرت سابقا، هو بالفعل عمل اكثر من عمل مختلف باقتباسات مختلفة خارج شافت وكلها مميزة ، Katanagatari مثال جيد على هذا، اسلوب اخراجي مختلف كثير، لكن مميز ايضا وحافظ على الطابع الروائي وكثرة الحوارات حتى من دون ما يحط لك جدران نصوص في فريمات مثل ما تعمل شافت، هنا استوديو وايت فوكس اتخذ اسلوب مختلف وكان مناسب للعمل
كاتاناجاتاري العمل المفضل عندي من ذا الكاتب وهو أول عمل له يخليني جديا افكر اقرأ كتابته. لكن انت تتكلم هنا عن الأنمي كأنه كان اقتباس متواضع؟ الي عملوه وايت فوكس هنا معاه خلاه عندي من التوب 10 أنميات ونهائيا ما قصروا معاه وشغلهم يستاهل الثناء زي ما نثني على شافت. هذا كله مش نقطتي. نقطتي تخيل لو استوديو سيئ مسكهم. أنت هنا تقول لي شوف ترا هنا بعد الكاتب ذا كان محظوظ في أنه يحصل على اقتباس من أعلى المستويات لكتابته @_@ بس هو لو فرضنا أنه ذا كان الاقتباس الوحيد الي كويس له وكتابته في سلسلة الجاتاري كلها حصلت على أنميات سيئة أو متواضعة, هل كان رح يوصل لشهرته الحالية الي تخلي الكل يعتبروه قمة الأدب الياباني ولا كان الوضع رح يكون محصور على اليابان وكم ويب من الأوفر سييز؟ عندي أشوفه كان مستحيل يحصل كذا @_@ على عشقي للأنمي ذا لكنه ما كان يقدر يشهر الكاتب ولا بربع قدرة باكامونوجاتاري. الباكامونوجاتاري لحاله كان البوابة الي خلت الكل يتعرفوا على الكاتب ويبغوا يشوفوا من عنده زيادة. أي شيء كويس حصل له بعدها كان كله بفضل أنمي شافت. لكن هذا مش يعني أنه ما كان يكتب بنفس مستواه. محد ينكر أنه كاتب متمكن لكن مديح الناس له يخليك تحسبه جد قمة الأدب الياباني وهو في النهاية واقع حاله حال كتاب روايات الرومانس الخفيفة الثانية وما يفرق عنهم كثير غير أن ستايل كتابته وال Prose حقتها مميزة بشكل أكبر @_@
اللي كتبه بيتهوفن مش نفس اللي سمعه براسه بالضبط، لو رجع للحياة ورجعت له حاسة السمع وحصل فرصة يعزف الحانه الاخيرة بتطلع شيء مختلف كثير عن اللي احنا معتادينه.
صدق؟ ما عندي المام هنا لكن الشيء محزن لو فعلا كل الي قدمه كان يختلف عن الي حاول فعلا يقدمه ,_,
