المعذرة على الرفعة (&)
قرأت الموضوع على عجالة وفيه بعض النقاط اللي لازم أرد عليهم، لأنه ما
ينفع أخليها تمر كذا : /
--------------------
لنعد ونجاوب الأسالة واحدًا تلو الأخر، النقاط اللي في بداية الموضوع واللي طرحت مع النقاش:
هل الشهادة الأكاديمية مهمة لدخول سوق العمل؟ نعم، مهمة بصورة كبيرة.
هل يكفي الدبلوم أو البكالوريوس إلزامي؟ على حسب تخصصك، تفصيل أكثر:
التخصصات الهندسية "كهرب - ميكانيكا - مدني" الدبلوم والبكالوريوس لهم فرص كثير بالسوق، التخصصات التقنية " شبكات - أمن سيبراني - تقنية معلومات" فرص البكالورويوس حاليًا أقوى من الدبلوم، التخصصات الإدارية "محاسبة - إدارة أعمال - مالية" البكالوريوس له فرص، الدبلوم ضئيلة جدًا.
هل يكفي البكالورويوس فقط أم يجب أن أعززه بشهادات ودورات؟ على حسب تخصصك وميولك، ولو كنت تريد العمل في تخصصك فالأولى أن تتقن أساسياتك.
هل هناك فرص في السوق السعودي حاليًا للخريجين؟ الحمدلله، أعتقد أننا في أكثر فترة توظيف أخر 10 سنوات! الرياض بالذات مكتظة بكل أنواع الفرص، تطوير خريجين، وظائف مباشرة، في شركات محلية، عالمية، فرص حكومية.
تخرجت، بعد التخرج وش أول شيء أسويه؟ حسب أهدافك، لكن بشكل عام أعتقد أفضل 3 أمور " 1- إختبار لغة أنجليزية لإثبات لغتك. 2- إتقان تخصصك وأساساته، ولو كان فيه أختبار/شهادة يا حبذا لو ترفقها. 3- التعزيز ببعض الشهادات الإحترافية الموائمة لسياق أهدافك."
ونصيحة لا تتبع Chatgpt،
هو بيساعدك لكن جربت أناقشه في 20 مرة مختلفة، و 20 case مختلفة، كلها كان يدلني على PMP حتى لو كان وضعي بعيد عنها لأنها "الأشهر" في عالم الشهادات.
طيب أنا موظف أصلًا وأبغى أحسن فرصي وش أعمل؟ أول مهارة لازم تسويها هي
العلاقات، تبغى توصل فرصة أفضل؟ حرفيًا لازم عندك علاقات توصلك لهالفرصة +_+
لكن لو أجاوب بجدية أبنى لك مهارات تخليك جذّاب بسوق العمل، لو كنت حاسب لا تدرس شبكات و CCNA، أدرس .Net مثلًا لأنه قليل السعوديين فيه والجهات الحكومية كلها معتمدة عليه
لو كنت تهدف لشركة عالمية معينة ببالك أبدأ أدرس شهاداتهم الخاصة، المفترض كل شركة عالمية لها شهاداتها ودوراتها الخاصة وحصولك عليها راح يعزز من قيمتك عندهم.
طيب الفرص الممتازة هل كلها متركزة بالرياض؟ الجواب هو نعم.. ولكن لا بنفس الوقت، نعم في حالة من المركزية في الرياض عجيبة ومشاريع استثنائية ومقرات اقليمية لمئات الشركات العالمية، لكنه في فرص ولله الحمد برا الرياض، بلتقاها بصعوبة لكن موجودة..
لو كنت كهرب/ميكانيكا/مدني فمشاريع الطاقة المتجددة الأن في كل مدن المملكة ولله الحمد والمنة مشترك فيها شركات كثير وفيها فرص ممتازة جدًا!
لو كنت حاسب أو تخصص تقني هنا أقول لك الموضوع أصعب، فيه مركزية للرياض حاليًا، وتقريبًا كل الزملاء في هذا المجال شغالين بالرياض =0=
السؤال الاهم، أتعلم مهارة بنفسي ولا اخذ شهادة لنفس المهارة؟ الجواب هو نعم ونعم، تعلم المهارة بنفسك حتى تكتسبها لانه افضل طريق، وخذ الشهادة بهذه المهارة حتى تقدر توري العالم أنه عندك المهارة هذي! المشكلة حاليًا في الفرز، السوق ممتلئ وكلن يقدر يكذب بسهولة مع الادوات الحالية، فوجود شهادة إثبات لهذه المهارة مهم جدًا!
وأتمنى أني أفدتك الله يسعدك ويجزاك خير
