TGS الأعلان عن Project Dark للـPS3 ( خليفه ديمونز سولز )

[Brewmaster]

DS + تشيك بوينت ! = انسى ... لا ما ابي !

 

[Saudi pro]

معليش بس اللي مو عاجبته اللعبة لا ياخذها وانتهينا

خخخخخخخخخخ انت فاهم غلط اخوي يوسف الحين من قال ان اللعبه ماعجبتنا ؟

كل شي عاجبنا فيها الا الحركه الغبيه فقط 😀

 

[Brewmaster]

خخخخخخخخخخ انت فاهم غلط اخوي يوسف الحين من قال ان اللعبه ماعجبتنا ؟

كل شي عاجبنا فيها الا الحركه الغبيه فقط 😀

ما اعتقد انه كان يعنيك 😛

 

[Burdegation]

توني انتبهت للسبب الحقيقي ليش اكره حركة ان لم اموت كل ارواحي تروح و ارجع من البدايه

كله من الـauto save الزفت اللي كأنه ملح على الجرح -_-

لو يحطون سيف بوينت باللوبي (نسيت اسمه) بدال الاوتو وقتها خل يحطون اجلب وحوش اللي بطقه وحده تموت بكل مكان

(صورة غلاف ديمون سول ماسك سوط و يطق فيه واحد بهالموضوع.gif) :evil::

 

[Saudi pro]

ما اعتقد انه كان يعنيك 😛

كان يعني الي يتشكون من الحركه الغبيه و انا منهم يافهيم 😀

 

[m7tram]

الحمدالله ان المصصمين مايسمعونكم الحمدالله

 

[nbnt]

الحمدالله ان المصصمين مايسمعونكم الحمدالله

و تظن مافيه ناس تشتكي من الاشياء هذي غير اللي هنا؟...

أتمنى يكون الجزء هذا قابل للعب, مش كل انسان يحب يعيد من البدايه عشان غلط سخيف, الناس والمطورين لازم يعرفون الفرق بين الصعوبه اللي تحتاج مهاره ودقّه, و الصعوبه اللي تحتاج مجرد تلفيل, و صعوبه مش صعوبه لكنها استهبال مطورين.

اذا بيمشون على نظام ديمونز سولز على الاقل المفروض يكون فيه خيار للناس اللي ماتبغى تضيّع وقتها...

و كو-اوب من البدايه للنهايه وتصير اللعبه بيرفكت, غير هذا اللعبه ماتحتاج شي ثاني, واثق ان مستواها ان شاء الله بيكون ممتاز مثل ماكانت ديمونز سولز بزعمائها الافضل في الجيل هذا.

 

[m7tram]

والله 90% من المنتديات الي أدشها كل أعضائها حابين اللعبه بكل مافيها ومجرد 10% الي مو عاجبهم جم شغله بسبب الصعوبه او على قولتهم مضيعه وقت , فراح تغير كل شي علشان 10% ولا راح تكمل شغلك علشان 90% ؟

 

[nbnt]

حلوه كل شي

مافيه احد هنا يبغى المطورين يغيرون كل شي, مثل ماقلت مجرد خيار للـ10% (على قولتك) عشان يستمتعون فيها زياده, واللي يحب نظام ديمونز سولز بيحصّل اللي يحب...

سواء كان الخيار manual save او تشك بوينت او اي شي ثاني, المهم يكون فيه خيارات للاعبين.

 

[Good Hunter]

بعد ما سمعت الكثير يمدح اللعبة وشفت كثير متحمس لبروجكت دارك قررت اني اخذ ديمنز سولز , للتو اخذت اللعبة وبصراحة ندمت اني فوت على هذي التجربة , افكار وعمق وذكاء في القيم بلاي , الرسائل واعتمادك على نصائح لاعبين آخرين شي رهيب جدا .. بخصوص الصعوبة , اصعب لعبة هذا الجيل بلا منازع , ياخي رجعت لي ذكريات الالعاب الصعبة في الاجيال السابقة ..

بس يا اخي ان مع اللي يقولون ان فكرة اني اعيد من اول واخسر كل الارواح بعد ظهور عبارة You Died الجميلة شي مبالغ فيه صراحة , لو يعطونك مثلاً على الاقل ثلاث محاولات قبل كل زعيم بعد الثلاث محاولات ترجع لعالم الارواح , على الاقل يعطونك فرصة تفهم هجمات الزعيم واستراتجياته في الهجوم , اللعبة الصراحة تبي لها انسان فاضي ومخه فاضي وتبي لها شخص يستقعد لها لساعات طويلة , ندمت اني ما اخذتها بداية الاجازة .

ومثل ما قلت, سالفة انك تعيد من اول بصراحة ما هضمتها , اللعبة صعبة اصلا فما في داعي اني ابالغ في صعوبتها بطريقة غبية مثل هذي ..

غير كذا ديمن سولز من اروع ما لعبت هذا الجيل على الاطلاق , تقييمي لها ما رح ينزل عن 9 بكل تأكيد ..

 

[Brewmaster]

كان يعني الي يتشكون من الحركه الغبيه و انا منهم يافهيم 😀

لا في واحد تقدر تقول:"حش باللعبة شوي".

 

[ryo hazuki]

فية ناس مش فاهم ان اذا اللعبة لما شخصيتك تموت تكون العواقب كبيرة

مثلا اذا زعيم كبير لما يقتلني و ترجع اللعبة تعيدني من اخر مكان مت فية

بتروح الرهبة و الخوف من الوحوش ، اللعبة دائما تخليك منتبة خوفا من انك تغلط و اي تغيير في النظام هذا راح يغير أشياء كثيرة*

 

[Aleix]

والله متحمس جدا ل Project Dark ـ
في الأيام القليلة اللي راحت كنت قريب جدا من أني أشتري PS3 بسبب Demons Souls و طبعا FF Versus
لكن بما إن الجزء الجاي ملتي بكون بانتظارها ،
أنا بالمناسبة من الناس اللي يعشقون الألعاب اللي تكون challenging
من آخر الألعاب اللي لعبتها reach legendary اللي كانت challenging وبقوة .

 

[النسر الأسود]

أضم صوتي للمطالبين بالمحافظة على صعوبة اللعبة وعدم إضافة تشيك بوينت
المشكلة العالم تعودت على الدلال والسهولة المفرطة في بعض الألعاب ونسيت كيف الألعاب من زمان جداً كان انسى تشيك بوينت طول اللعبة وختمها مهمة شبه مستحيلة يعني ديمونز سولز تعتبر رحمة لول
بالنسبة لي إعادة المراحل كان فيها متعة شديدة وبصراحة ما واجهت صعوبة مبالغ فيها أبداً في اللعبة خاصة بوجود الاختصارات في معظم المراحل مثل ما ذكر أحد الأعضاء
أعتقد أفضل حل مثل ما قال nbnt... يكون في خيار للناس يلي بدها تستمتع باللعبة بدون صعوبة + إضافة تشيك بوينت بحيث يتم إرضاء الجميع
بس أهم أهم تعديل يحلون موضوع الـ Quit Game لأنو بصراحة حركة سخيفة خاصة لما الناس تسويها ضد البلاك فانتومز -_-
وطبعاً يضيفون كو-أب مثل العالم والناس مع الأصدقاء

 

[hussien-11]

عتقد أفضل حل مثل ما قال nbnt... يكون في خيار للناس يلي بدها تستمتع باللعبة بدون صعوبة + إضافة تشيك بوينت بحيث يتم إرضاء الجميع

بالعكس ، بالنسبة لي أشوف انه هاي اللعبة لازم تضل زي ما هي بدون أي خيار لتسهيلها ، و لا متعة اللعبة و حلاوتها بتروح مع هذا الخيار

الي بدو يستمتع بلعبة بدون صعوبة يروح يدور له على لعبة ثانية في السوق و بيلاقي أشياء كثيرة تحقق له طلبه ، مش ضروري يلعب ديمونز سولز

 

[Saudi pro]

بسبب الصعوبه او على قولتهم مضيعه وقت

خخخخخخخ انتم شكلكم مب راضين تفهمون الفرق بين الصعوبه و بين الحركه الغبيه هذي الي الصعوبه يمين و هي يسار .. صعوبة اللعبه هي انك تنتبه من الاعداء و الزعماء لان اغلبهم يذبحك بضربه وحده و تنتبه للطريق و و و و الخ .. لكن انك تموت بسبب تافه او غير تافه و يعيدونك من بداية المرحله و تضيع كل ارواحك هذي ماتسمى صعوبه هذا تخلف مطورين و انت الصادق 😀

باختصار فيه فرق بين الصعوبه و بين الحركه الغبيه حقتهم .. لا تدمجهم مع بعض

أضم صوتي للمطالبين بالمحافظة على صعوبة اللعبة وعدم إضافة تشيك بوينت

شكلك ما استوعبت و قاعد تدمجهم مع بعض مثل اخونا محترم

بالنسبة لي إعادة المراحل كان فيها متعة شديدة وبصراحة ما واجهت صعوبة مبالغ فيها أبداً في اللعبة خاصة بوجود الاختصارات في معظم المراحل

كلامك صحيح نفس الشي هنا استمتعت باعادة المراحل جدا عشان الفل و احصل على ادوات جديده

أعتقد أفضل حل مثل ما قال nbnt... يكون في خيار للناس يلي بدها تستمتع باللعبة بدون صعوبة

لوول يعني انت فهمت ان الي مايبغى الحركه الغبيه يعتبر يستمتع بدون صعوبه ؟ .. الا قل يستمتع بدون تخلف المطورين الي ماله اي هدف اما الصعوبه و لله الحمد موجوده من اول اللعبه لاخرها من زعماء و اعداء و جيمبلاي و و و و الخ

بس أهم أهم تعديل يحلون موضوع الـ Quit Game لأنو بصراحة حركة سخيفة خاصة لما الناس تسويها ضد البلاك فانتومز -_-
وطبعاً يضيفون كو-أب مثل العالم والناس مع الأصدقاء

انا من الي استخدموا الـ Quit Game و اتمنى يشيلونه لكن بشرط يعدلون حركتهم الغبيه اما الكو-اوب فهو ضروري جدا و اتمنى يكون من بداية اللعبه لنهايتها عشان تسمتع بالتجربه اكثر من ماهي ممتعه

بالنسبة لي أشوف انه هاي اللعبة لازم تضل زي ما هي بدون أي خيار لتسهيلها

يعني اذا شالوا الحركه الغبيه الاعداء و الزعماء بيصيرون سهلين مثلا ؟ مالها دخل لول حسين انت نفس الحاله مافهمت شكلك

 

[ryo hazuki]

بالعكس ، بالنسبة لي أشوف انه هاي اللعبة لازم تضل زي ما هي بدون أي خيار لتسهيلها ، و لا متعة اللعبة و حلاوتها بتروح مع هذا الخيار

الي بدو يستمتع بلعبة بدون صعوبة يروح يدور له على لعبة ثانية في السوق و بيلاقي أشياء كثيرة تحقق له طلبه ، مش ضروري يلعب ديمونز سولز

100% صحيح لو صارت و تقدر تلعبها بسهولة , بتصير لعبة مملة و بتبدا العيوب تطلع في الجيم بلي و الكل بيقول الجيم بلي بطيء و ممل , صدقوني اللعبة موزونة من كل النواحي

 

[النسر الأسود]

بالعكس ، بالنسبة لي أشوف انه هاي اللعبة لازم تضل زي ما هي بدون أي خيار لتسهيلها ، و لا متعة اللعبة و حلاوتها بتروح مع هذا الخيار

الي بدو يستمتع بلعبة بدون صعوبة يروح يدور له على لعبة ثانية في السوق و بيلاقي أشياء كثيرة تحقق له طلبه ، مش ضروري يلعب ديمونز سولز

لو عن نفسي بشيل الخيار كله لول لكن في ناس بتقول لك مش مستعدين نلعب اللعبة إطلاقاً بدون هل الخيار... فأشوف حرام تروح عليهم هل التجربة ويمكن هل الشي يزيد من المبيعات مثلاً

بالنسبة لك أخي Saudi pro

شكلك ما استوعبت و قاعد تدمجهم مع بعض مثل اخونا محترم

لا تخاف استوعبت وجميع الأعضاء يلي يدافعون عن أسلوب اللعبة استوعبوا أيضاً
إنت مصر بأن عدم إضافة تشيك بوينت هو " حركة غبية " وماله علاقة بالصعوبة لكن مع احترامي لرأيك أنا والبقية نشوف هل الشي أكثر ما يميز اللعبة عن غيرها ويجعلها صعبة وممتعة بنفس الوقت
أساساً أنا أشوف اللعبة مع تشيك بوينت مش صعبة إطلاقاً ! وين الصعوبة إذا تعيد من عند بوس المرحلة ؟ اللعبة برأيي تصبح متوسطة الصعوبة مع التشيك بوينت

 

[Def-yusuf]

ما تبون :
- الأوتوسيف
- تضيع الأرواح إذا مت
- تعيد من البداية إذا مت


تبون :
- تشيك بونت
- مانيوال سيف


وش بقى في اللعبة -_-

 

[Saudi pro]

بتصير لعبة مملة و بتبدا العيوب تطلع في الجيم بلي و الكل بيقول الجيم بلي بطيء و ممل

بتطلع ممله و تبدا العيوب تطلع و الجيمبلاي بيطلع بطيء و ممل ؟!!!!!!! .. ايش دخل ؟!

إنت مصر بأن عدم إضافة تشيك بوينت هو " حركة غبية "

ياحبيبي انا ماقلت ابغى تشيك بوينت .. انا قلت ابغى تشيك بوينت او اي فكره ثانيه غير هالتخلف

و بعدين تشيك بوينت عن تشيك بوينت يفرق .. انا الي في بالي مهوب ان يكون قبل الزعيم او المنطقه

 

[Def-yusuf]

الشي الوحيد اللي ممكن يضيفونه لتسهيل اللعبة وأقبل فيه
هو : فرصة إضافية قبل ما تضيع الأرواح للأبد

 

[hussien-11]

لكن في ناس بتقول لك مش مستعدين نلعب اللعبة إطلاقاً بدون هل الخيار... فأشوف حرام تروح عليهم هل التجربة

لول الي بدو تجربة يخوضها مثل ما هي كـ "تجربة" ، و الي مو عاجبه برضو يشوفله لعبة ثانية وين المشكلة ؟ P:

البعض فاهم الموضوع غلط ، لو حطوا تشيك بوينتس أو خلوا الأرواح ترجعلك لما تموت ، "الموت" نفسه بيفقد طعمه في اللعبة ، اللعبة هدفها تحسسك بقيمة انك تظل عايش و هدفها تعاقبك بقسوة في حالة الخسارة ، هذي كانت فلسفة في تصميم اللعبة ، ما في حركة غبية من المطورين و لا حاجة .

 

[Burdegation]

ما تبون :
- الأوتوسيف
- تضيع الأرواح إذا مت
- تعيد من البداية إذا مت


تبون :
- تشيك بونت
- مانيوال سيف


وش بقى في اللعبة -_-

لا الحين صرت بس ابي منيول سيف باللوبي
يعني تخلص العالم سمته/مسكه وحده فحتى لو طلعت كويت جيم بترجع للوبي وبيروح عليك كل اللي سويته بعد السيف مو مثل قبل ترجع لاخر مكان كنت فيه

شرايك الحين مو صارت اصعب وزاد عذابنا :inlove: بس قل قهرنا :sarcastic:

 

[m7tram]

أان أكثر شي مونسني أن في ناس قاعده تشتري ديمونز سولز وتلعبها حالياً , يالي قاعدين تلعبون ديمونز سولز ترى الموضوع الرسمي موجود تكلموا فيه وخلونا نساعدكم 😀 .

 

[FAROOS]

اكثر لعبه تحمستلها من TGS وان شاء الله تسير مثل ديمون سولز وافضل .

وبالنسبه للعبه احلى ما فيها الصعوبه ويليت يزيدون الصعوبه اكثر عشان اذا ذبحت البووس بتحس باحساااس ديمون سولز واكثر .

وحرام الي يقول سهلو اللعبه او حطو تشيكبوينت روح شفلك لعبه ثانيه افضل لانه كذا طعم ديمون سولز بيروح .