Golden_Sun
True Gamer
السلام عليكم،
من زمان ما كتبت موضوع، وبصراحة احس ان العضو "ما" منه فايدة بعدم كتابة المواضيع.. لأن فكرة المنتدى بتفكيري هي الاخذ والعطاء، الاخذ يكون بالردود والعطاء يكون بطرح المواضيع.
المهم اليوم اشتقت لطرح موضوع وكنت قاعد اقرا كتاب وبما اني دخلت مجال الكتب الفترة الماضيه (منذ دخولي الجامعه تقريباً اي قبل 3 سنوات) واصبحت مثل دوده الكتب التي تبحث عن كتب لإلتهامها. قلت خل اكتب موضوع اشوف وش اعضاء ترو جيمنج يقرون؟
انا ببدأ بما اني صاحب الموضوع، وبتكلم عن آخر كتاب شريته ما قريته وآخر كتاب شريته وقريته. وصدفةً اثنينهم كتب باللغة الانجليزية، ولا انا مجموعه الكتب العربية عندي اكبر من الانجليزية.
اخر كتاب شريته وما قريته كان Water for Elephants لـSara Gruen الكتاب سمعت عنه الكثير، وقريت عنه في بعض المواقع، والصحف وحتى تم ذكره في المجلات، فأول ما وقعت عيناي عليه في مكتبه جرير شريته دون حتى لا اتصفحه او "ما عرفت مايته" على قولتنا بالكويت.
عاد اكذب عليكم اذا قلت لكم ما فتحته، نعم فتحت الكتاب وقريته وصلت فيه لتشابتر 3، لكن وقفت ليله والليله اللي وراها وقفت، وليله تجر ليله.. ولحد اليوم ما كملته، مع الاسف انا من اوقف خلاص اوقف لفترة طويلة وبعدها ارجع كلي شغف واخلصه بكم ليله. الكتاب غني بالكلمات واسلوب الكاتبه يخليك تتخيل المشهد وتروح لعالم آخر، السيرك، ويعرض قصة حب بين شخصين في عالم اصبح فيه الحب عملة غالية لا يقدر عليها الا القليل. المشكلة اني ما اذكر الكثير منه، وما قريته لكن انصح للي يحب يقرا الروايات الانجليزية، بأقل جهد يقدر يسويه وهو انه يبحث عنه بـAmazon ويشوف آراء الناس.
لكن خلوني اقولكم عن آخر كتاب شريته و-قاعد- اقراه حالياً، وهو من النوع المفضل عندي، القليل من الخيال، الكثير من الواقعية. وغالباً ما تكون قصة حقيقه ممزوجه بخيال الكاتب، الكتاب اسمه The Other Side of the Sky لـFarah Ahmedi with Tamim Ansary.
قصته قصة هالكتاب، مرة كنت بحولي وقلت خل امر مكتبه جرير اشوف شنو فيها جديد (والمشكلة كانت ان ما عندي $$) لكن مع ذلك رحت وتمشيت ولقطت هالكتاب من قسم الكتب الجديدة لفتني غلافه السماوي وعليه فتاة بلباس اسلامي والكاتبه اسمه Farah Ahmedi يعني اهني اشتغل هرمون الفضول عندي! من شدة تعلقي بالكتاب واعجابي بالقصة قريت تشابترين وانا بالمكتبه (بما ان ماعندي $$ اندمجت وايد فيه).. ومرت الايام هالحكي من شهر يمكن، الاسبوع الماضي تذكرته وقلت ليش ما اروح اخذه؟ عاد تصدقون كان عندي quiz بس مع ذلك كعادة كل شباب العالم (قبل الامتحان تتذكر كل شي ويبدأ عقلك يطلع افكار والعاب واشياء بس علشان ما تفتح كتاب الدراسة لول) المهم رحت وشريته وقريته وللحين قاعد اقراه، مشكلتي الازليه في القراءه اني اطول اخذ راحتي كثير، لأن مو باي وقت احب اقرا ولا باي جو.
الكتاب يتكلم عن قصة حقيقه بطلتها فرح احمدي، فتاة افغانية، عمرها 19 سنه..وكيف عاصرت الحرب في كابول، تصحى على اصوات التفجيرات وطلقات الرصاص وتشرح شلون خسرت افراد اسرتها حتى هي نفسها كادت ان تخسر نفسها! لكن الرحمة الإلهية اقوى من كل شي وخسرت رجلها فقط. طبعاً الحرب وفقدان اهلها اضطرها للهروب لامريكا بالتحديد شيكاغو، وهناك تبدأ حياتها ليس من الصفر مثل اغلب حال البشر في هذة الدنيا ومثلنا، لا بل من تحت الصفر. قصة ان قرأتها راح تؤثر فيك كيف بنت خسرت اهلها، هربت من وطنها المسلوب، لتحل ضيفه على حضارة مختلفه بشتى المقاييس عن بيئتها الاصلية، لتبدأ رحله الحياة.
وعندي مجموعه مختلفه ودي اتكلم عنها، بس لحد اهني وراح اوقف.. اذا شفت فيه تفاعل راح اكمل بالكتب اللي قرأتها واللي شريتها وللحين ما قرأتها. سواء كتب كانت باللغة العربية او الانجليزية.
منو يشاركنا؟
من زمان ما كتبت موضوع، وبصراحة احس ان العضو "ما" منه فايدة بعدم كتابة المواضيع.. لأن فكرة المنتدى بتفكيري هي الاخذ والعطاء، الاخذ يكون بالردود والعطاء يكون بطرح المواضيع.
المهم اليوم اشتقت لطرح موضوع وكنت قاعد اقرا كتاب وبما اني دخلت مجال الكتب الفترة الماضيه (منذ دخولي الجامعه تقريباً اي قبل 3 سنوات) واصبحت مثل دوده الكتب التي تبحث عن كتب لإلتهامها. قلت خل اكتب موضوع اشوف وش اعضاء ترو جيمنج يقرون؟
انا ببدأ بما اني صاحب الموضوع، وبتكلم عن آخر كتاب شريته ما قريته وآخر كتاب شريته وقريته. وصدفةً اثنينهم كتب باللغة الانجليزية، ولا انا مجموعه الكتب العربية عندي اكبر من الانجليزية.
اخر كتاب شريته وما قريته كان Water for Elephants لـSara Gruen الكتاب سمعت عنه الكثير، وقريت عنه في بعض المواقع، والصحف وحتى تم ذكره في المجلات، فأول ما وقعت عيناي عليه في مكتبه جرير شريته دون حتى لا اتصفحه او "ما عرفت مايته" على قولتنا بالكويت.
عاد اكذب عليكم اذا قلت لكم ما فتحته، نعم فتحت الكتاب وقريته وصلت فيه لتشابتر 3، لكن وقفت ليله والليله اللي وراها وقفت، وليله تجر ليله.. ولحد اليوم ما كملته، مع الاسف انا من اوقف خلاص اوقف لفترة طويلة وبعدها ارجع كلي شغف واخلصه بكم ليله. الكتاب غني بالكلمات واسلوب الكاتبه يخليك تتخيل المشهد وتروح لعالم آخر، السيرك، ويعرض قصة حب بين شخصين في عالم اصبح فيه الحب عملة غالية لا يقدر عليها الا القليل. المشكلة اني ما اذكر الكثير منه، وما قريته لكن انصح للي يحب يقرا الروايات الانجليزية، بأقل جهد يقدر يسويه وهو انه يبحث عنه بـAmazon ويشوف آراء الناس.
لكن خلوني اقولكم عن آخر كتاب شريته و-قاعد- اقراه حالياً، وهو من النوع المفضل عندي، القليل من الخيال، الكثير من الواقعية. وغالباً ما تكون قصة حقيقه ممزوجه بخيال الكاتب، الكتاب اسمه The Other Side of the Sky لـFarah Ahmedi with Tamim Ansary.
قصته قصة هالكتاب، مرة كنت بحولي وقلت خل امر مكتبه جرير اشوف شنو فيها جديد (والمشكلة كانت ان ما عندي $$) لكن مع ذلك رحت وتمشيت ولقطت هالكتاب من قسم الكتب الجديدة لفتني غلافه السماوي وعليه فتاة بلباس اسلامي والكاتبه اسمه Farah Ahmedi يعني اهني اشتغل هرمون الفضول عندي! من شدة تعلقي بالكتاب واعجابي بالقصة قريت تشابترين وانا بالمكتبه (بما ان ماعندي $$ اندمجت وايد فيه).. ومرت الايام هالحكي من شهر يمكن، الاسبوع الماضي تذكرته وقلت ليش ما اروح اخذه؟ عاد تصدقون كان عندي quiz بس مع ذلك كعادة كل شباب العالم (قبل الامتحان تتذكر كل شي ويبدأ عقلك يطلع افكار والعاب واشياء بس علشان ما تفتح كتاب الدراسة لول) المهم رحت وشريته وقريته وللحين قاعد اقراه، مشكلتي الازليه في القراءه اني اطول اخذ راحتي كثير، لأن مو باي وقت احب اقرا ولا باي جو.
الكتاب يتكلم عن قصة حقيقه بطلتها فرح احمدي، فتاة افغانية، عمرها 19 سنه..وكيف عاصرت الحرب في كابول، تصحى على اصوات التفجيرات وطلقات الرصاص وتشرح شلون خسرت افراد اسرتها حتى هي نفسها كادت ان تخسر نفسها! لكن الرحمة الإلهية اقوى من كل شي وخسرت رجلها فقط. طبعاً الحرب وفقدان اهلها اضطرها للهروب لامريكا بالتحديد شيكاغو، وهناك تبدأ حياتها ليس من الصفر مثل اغلب حال البشر في هذة الدنيا ومثلنا، لا بل من تحت الصفر. قصة ان قرأتها راح تؤثر فيك كيف بنت خسرت اهلها، هربت من وطنها المسلوب، لتحل ضيفه على حضارة مختلفه بشتى المقاييس عن بيئتها الاصلية، لتبدأ رحله الحياة.
وعندي مجموعه مختلفه ودي اتكلم عنها، بس لحد اهني وراح اوقف.. اذا شفت فيه تفاعل راح اكمل بالكتب اللي قرأتها واللي شريتها وللحين ما قرأتها. سواء كتب كانت باللغة العربية او الانجليزية.
منو يشاركنا؟
:
