hits counter

أسعار الوي-يو الرسمية و موعد الاصدار من ننتندو السعودية

Qushery

Qushery

True Gamer
أعلن شوب ننتندو الرياض عن اسعار الوي يو في المملكة :-

الوي-يو نسخة البيسك+2ريموت بلس =2399
الوي-يو ديلوكس =2499
الوي-يو ديلوكس+2 ريموت بلس =2699

سيتوفر الوي يو بتاريخ 27 نوفمبر

واو , ****

اذا هذا الوكيل وخلى المحلات الي كنا نشتكي منها نسير نذكرها بالخير

المصدر, حساب تويتر لننتدو الرياض

JMHdm.png
 
660$ !!
سعره الرسمي 350 ليش النصب هذا
 
الله لا يوفقهم هالحراميه النصابين.
 
هيه صورتي! :angry::

.. لول. حلّه لهم، مستحيل آخذ الجهاز بسعر تقريبا ضعف سعره الرسمي.
 
يأخي هذول ما يخافون ربي ..؟ :\
هذا غُش و سرقة عيني عينك .. وين حماية المستهلك عنهم -.-
 
مين قال انه الوكيل ؟
أعتقد هو مجرد واخد أخذ ترخيص فتح " محل نينتيندو" في الرياض
أتذكر وكيل الأكس بوكس عندنا شركة اسمها ابولو ..او شيء من هذا القبيل
مستحيل هذا المحل الصغير اللي ابعاده مساوية لغرفة النوم عندي ( وهي صغيرة اذا كنتو تسألو )...مستحيل يكون هو الوكيل الرسمي
تعديل: اسم المحل هو بلوتو..اعتقد هو الوكيل الرسمي للأكس بوكس عندنا
 
التعديل الأخير:
غالي جدا جدا جدا ................ج___________________دا

بهذا المستوى جرير هيبيعه ب 2999 :laugh::

لن اشتري الجهاز الا اذا انخفض سعره الى ال 1800
 
اشتريه من امازون +. سعر الشحن يطلع لك أرخص بمليون مره
حرام عليهم زيادة تقريبا 1000 ريال
 
لو بدفع هالمبلغ بنتطر اجهزة سوني و مايكروسوفت ابرك لي لول

Anigamer قال:
لن اشتري الجهاز الا اذا انخفض سعره الى ال 1800
أنقر للتوسيع...

و حتى 1800 ريال مبلغ مبالغ به.
 
maxi4g قال:
لو بدفع هالمبلغ بنتطر اجهزة سوني و مايكروسوفت ابرك لي لول



و حتى 1800 ريال مبلغ مبالغ به.
أنقر للتوسيع...

كنت اتكلم عن سعر البيسك فقط سعر تخيلي :sweat:

كلامك صحيح لكن ما كنت عارف سعره في امازون

طلع البيسك ب 363 دولار يعني 1362 بدون ايدي تحكم مع يد التحكم ب 69 دولار - 259 ريال =1621
 
تم تأجيل الشراء الى وقتا بعيد جدا
kD8dM.png
 
مهدي
November 24, 2012 • 15:57
على أساس ان الوكيل المفروض يبيع بنفس سعره في الخارج!!!!!
أنقر للتوسيع...
الوكيل طلع نصاب .
اللي يبيع سعر جهازه لامريكا 350 و للشرق الاوسط ضعف السعر .
و هذا رد عجبني من صفحة الخبر بالموقع
للكاتب:-

ما تشوف أن الاسعار تستاهل تلعيق ونقد للوكيل !!!

أنتم كجهة اعلامية تمثلون اللعاب في المنطقة وسكوتكم ورضاكم بالسعر يضر اللاعب ويخلي الوكيل يتمادى
أنقر للتوسيع...
صح كلامه @@
 
بس عشان نكون منصفين، الاجهزة اللي راح يبيعونها امريكية بالكامل مع ستيكر تحذير من المحول

أتوقع نسخ "الشرق الاوسط" الرسمية فعلا لما تنزل بتكون بسعر اقرب للسعر الرسمي. الصبر زين.
 
المشكلة مو من هذا النصاب المشكلة من اللي يشترون الجهاز

المفروض ماحد يشتري دامه بهالاسعار لين مايتأدب ويعدل سعره للسعر الرسمي

ترا الاسعار مكشوفه بالنت وكلن يعرف سعره الرسمي برا مو حنا زي ايام زمان ينصبون علينا ونشتري خلاص اللعبة هذي انتهت من زمان

خله ينقعهم ويشرب مايتهم
 
^
^

لما شريت الـ Wii بعد ست اشهر من نزوله صاحب المحل اعطاني محول من عنده كون المحول اللي مع الـ Wii
ما يناسب منطقتنا 110v ونفس الحال مع الـ DSi حصلت على محمول بدون ما ادفع شي
110v-220v-bidirectional-ac-power-transformer-adapter-80-watt-max-_foym1274768186515.jpg



الحين هي وقفت على محول كهرباء ؟ ترا تقدر تشتريه في اي محل للاكترونيات بسعر ما يتجاوز الـ 50 درهم
قايل لكم بيعطونكم حجج سخيفة مثل المحول والضرايب وسعر البيض

بنشوف وكيل الامارات اذا جاب السعر الرسمي لو فرق 200 درهم مو مشكلة او خليه عندهم يعفن :sarcastic:

شكلي بشتري الجهاز من النت ......
 
التعديل الأخير:
^

من الحين اقولك اشتري الجهاز من النت
 
ياخي لو فرضنا انه يريد الربح يا خي من حقك تربح بس مش تقلبها سرقة عيني عينك حق الجهاز في الانترنت ارخص

والشحن في شركات بتاخذ 100 - 200 ريال يعني حتى لو مط السعر ما بينمط لهدرجة يا ريت ترو جيمنح يوصلو صوتنا للوكيل
 
خله يعفن الين ما يخيس على تبن! سلامات كنت متحمس توقعت السعر رسمي او اقل!
 
يعني اذا بشتري الجهاز بهذا السعر ايش فيه من حصريات غير بروس الجهاز مليان بورتات فا ايش ابغى من جهاز بذا السعر ومافيه الا حصرية وحدة او ثنتين حاليا ؟عن نفسي مستحيل اشتريه بذا السعر حتى 1300 كثيرة عليه حصرية وحدة وكم بورت ؟ & اغلب قدراته موجود في البس3 والاكس بوكس الا الجيم باد .عموما نصيحة للي متحمس على الجهاز ومايقدر يصبر كم شهر لاياخذه محلي وبذا السعر امازون سعره افضل من الهاومير اللي هنا .طبعا هذا رائي وزي ماقلت 1300 كثيرة عليه بالنسبة الي
 
لول يخلونه يخيس عندهم احسن، عموما احب اقول كلمة للموزع الرسمي، هي ما تنقال لكنها تشبه " ازرق " والي يفهمها يفهمها :sarcastic:
مالت بس، الشرهة مش عليهم الشرهة على البقر الي يشترون هالاجهزة بهالسعر، ايه ب ق ر 🙂
 
^
^
الوكيل جالس يقرأ ردك :laugh::

funny-gifs-07.gif
 
ههههههههههههه :laugh::

جيف رهيب

special_one

اتفق معاك ايش فيه الجهاز غير لعبة بايونتا 2 وماريو يو اما بقية العاب الجهاز الحالية موجودة على الاجهزة الاخرى
 
لول السعر مش منطقي ابدا ابدا .. :confuse: السعر هذا لو بدفعه بدفعه لاجهزة الجيل القادم اصرف ياعمي !
اللي بيشتريه بذا السعر اعتبره مجنون عقليا او انه مهبوووول ! ( 1500 ويخب بعد . )

 
وش رايكم نراسل ننتندو بهالخصوص ؟ هل يعرفون أن وكيلهم الرسمي مدبل علينا الأسعار ؟
 
يجب تسجيل الدخول أو التسجيل كي تتمكن من الرد هنا.

المواضيع المشابهة

swilh
بندل جديد للوي يو البسيك مع سكايلاندرز سواب فورس و ننتيندو لاند
الردود
4
المشاهدات
2K
hussien-11
hussien-11
عودة
أعلى