Euro2012 Fantasy team / دوري تروجيمنج الثاني على وشك الانطلاق

مع انطلاقة دوري ابطال الاوروبا الدوري الاكبر شعبية بالعالم ولزيادة الاثارة والحماس مع اجواء البطولة ورؤية العقلية الادارية لدى الاعضاء بنفتح دوري خاص لترو جيمنج بالـ Fantasy Football المدعوم رسميا من الموقع الرسمي للـ Champion league ..
بالبداية ادخل لهذه الوصلة :-
http://en.uclfantasy.uefa.com/
اضغط على Register وقم بخطوات التسجيل .. ولما تنتهي بيصير بامكانك بناء فريقك من الصفر..

فكرة الـFantasy Football :-

عندك 100 مليون لازم تشتري فيها فريق كامل "15 لاعب ، 11 منهم اساسي و 4 احتياطي" كل لاعب طبعا سعره يختلف حسب قيمته بالسوق ، ممكن تعدل وتغير بفريقك مثل ما تحب لين بداية البطولة بالاسبوع القادم..وطبعا بتحط لفريقك اسم وزي رسمي وشارة الكابتن للاعب من الفريق وحاجات خفيفة بتكتشفها لوحدك..وبعد كل جولة بدوري الابطال بيتم تقييم اللاعبين من الموقع وعلى ححسب مستوى كل لاعب بالجولة بيتحدد نقاطه وبتتم اضافته لنقاطك الاجمالية اسبوعيا..

نقاط مهمة :-


1- بعد كل جولة يصير بامكانك تغير لاعب واحد..يعني تطلع لاعب من فريقك وتربح مبلغ البيع وتشتري من الفلوس لاعب ثاني (تقدر تبيع اكثر من لاعب بس بتخسر نقاط كضريبة).
2- الكابتن اللي تختاره بيحصل ضعف عدد النقاط اللي حصلها بتقييم الـ uefa..
3- اللاعب اللي تشتريه ممكن يزيد سعره او ينقص مع تقدم الجولات حسب مستواه..
4- بعد كل جولة تقدر تشيك الرانك مالك وسط العالم او وسط مشجعي النادي اللي انت اخترته "بيسالونك انت مشجع اي نادي اثناء تسجيلك" ، أو وسط لاعبين نفس بلدك واللي انا بضيفه هو رانك خاص بين اعضاء تروجيمنج..
5- مثل ما ذكرت 4 لاعبين بيكونون بالاحتياط..وهذيلا نقاط المستوى اللي بيحصلوها بعد كل جولة ما بتنضاف للقيمة الاجمالية..الاساسيين فقط الللي نقاطهم تنحسب ، فائدة الاحتياط هي في حالة اصابة لاعب اساسي بأرض الواقع وتأكد عدم مشاركاته لازم عليك تدخل مكانه لاعب من الاحتياط قبل بداية الجولة عشان ما تخسر نقاط اللاعب المصاب اللي ما بيشارك..
6- الحد الاقصى المسموح لعدد اللاعبين من نفس النادي = 2..
7- - في حال اصابة لاعب من فريقك بتظهر بجانبه علامة تعجب حمرا ويفضل انك تحطه بالاحتياط او تخرجه من الفريق قبل بداية الجولة لأنك ما بتحصل منه على أي نقطة ، ولو كانت علامة التعجب باللون الاصفر فهذا يعني ان مشاركته مشكوك فيها ووقتها لازم تتابع أخبار فريقه عشان تعرف مدى احتمالية مشاركته بالمباراة وعلى اساسها تتخذ قرارك..
اي شي غير مفهوم الرجاء الاستفسار هنا..

كيفية الاشتراك :-

ارسل لي بالملف الشخصي او الخاص اسم فريقك لما يجهز وبيتم ارسال دعوة لك بالدوري..
يفضل التسجيل يكون قبل بداية الجولة الاولى الثلاثاء القادم عشان تكون المنافسة متوازنة لأن غياب جولة وحدة بيضيع عليك عدد وافر من النقاط .. وطبعا البطولة بتستمر لنهاية الموسم بس هذا ما يمنع ان الموضوع يكون مكان خاص للاستفسار او النقاش او الاستفزاز او طلب النصائح والمشورة وكذلك حتى نشوف الفائز نهاية كل جولة ونخطف اللاعب اللي يكون مصدر رزقه بالنقاط :laugh::
ملاحظة : بالنسبة للبطولة نفسها على مستوى العالم بامكانك الحصول على جوائز قيمة من بسب فيتا ، بس3 موف ، بس3 ، أو حتى تلفزيون سوني 3D لو فزت بالبطولة كلها..

انتهت البطولة
===

أفَضّل ان محد يحط تشكيلة فريقه هنا حاليا..فقط يعلن مشاركته هنا ويحط اسم فريقه وبضيفه لدوري تروجيمنج "او ارسله كود الانضمام بالخاص" عشان محد يشوف تشكيلة غيره الا مع انطلاقة البطولة "بعدها ما بيصير ممكن الا تغير لاعب واحد فقط اسبوعيا",..حتى بالموقع بيمكنك تشوف اسماء الفرق المشاركة بدوري تروجيمنج لكن التشكيلات بتظل مخفية لك وما تظهر الا مع بداية الدوري..وهذا أحسن عشان نشوف أفكار خاصة بالمشاركين وما يعتمدوا على افكار واختيارات غيرهم..
====
أسماء المشاركين :-

راؤول الأسطورة : Outer Haven
slifer dragon : Slifers
Wild Fox : Fox
msfm : MSFM
Vorg Zangief : sul86
H3 MAN : MAND
hussien-11 : hawkeye
F.JUBRAN : shbab-alrbie
BlackBird : BlackBirds
Leon : Macolsha
TIDUS_FFX : Zanarkands
Gooner : Gooners
53 : OUTSIDERS FC
EPIC FAHAD : epic fahad
rsm : RSHM
mar1 : AMIGA
Utx : Vivaz
Jonas : THA FINEST
HAL-9000 : Epic
Uzumaki Naruto : Inter Milano
Fire Blast : Hinote Kimi
النسر الأسود : BlackEagle
Mansoury : FC Alsehli

انتهت البطولة الفائز : راؤول الأسطورة :fd3:
===
===

أسماء المشاركين لبطولة Euro2012 :

slifer dragon : slifers FC
Black_Tear : STRIKERS
BlackBird : BlackBirds
راؤول الأسطورة : Raulioo
q8-gamer : forza
BigBoss91 : BB Squadra

ودي أشارك معكم.. الفريق: slifers

عندي سؤال.. كيف أقدر أتحكم بمراكز اللاعبين الي عندي؟
سؤال.. باللعبة ما تفرق التشكيلة صح؟ القصد لو كنت حاط 5 وسط و1 هجوم بس أو غيرها..
يعني هل الأساس الوحيد للتقييم مستوى اللاعبين الحقيقي؟

وصح نسيت أسأل عن حاجة ثانية.. لو كان فيه لاعب عندي من فريق ضعيف.. الفريق هذا طلع من دور المجموعات بالبطولة.. في دور ال16 ما راح أكسب عليه أي نقطة, صح؟

بخصوص السؤال : هو انت مجبور يكون عندك 5 وسط و 3 هجوم و 5 دفاع وحارسين 2 .. اربعة بيروحوا للاحتياط والبقية اساسيين ، الحين لو كانت التشكيلة الي انحطت لك تلقائيا هي 4-4-2 وانت تريد تخليها 4-3-3 بتخلي ضاغط على لاعب احتياطي من الهجوم اللي تبغى تدخله وتحطه مكان لاعب وسط تبي تنقله للاحتياط..وبتتغير الخطة تلقائيا لـ 4-3-3 .. يعني تعمل تبديلات مع الاحتياط حتى تصنع التشكيلة اللي تبيها..بس طبعا ما ممكن تحط بالتشكيلة مدافعين 2 فقط..الخطط العالمية هي اختياراتك ..
==
اما السؤال الثاني فأعتقد انه ما يكسب شي ولازم تطلعه بفرص التغيير اللي عندك بعد كل جولة (ما اعرف اذا بيفتحولك ابواب الانتقالات مرة ثانية)..

ممكن الكود ؟
و مواقع اللاعبين تفرق ؟

لا ما يفرق..فقط مستوياتهم حسب بعض الاحصائيات اللي يعتمدوا عليها بكل مركز..
==
شباب ياريت لما تخلصوا صناعة فريقكم تحطوا اسمه هنا عشان يعرف الكل صاحب الفريق بالموقع ، وحتى ارسل لكم الكود بالخاص..
بالنسبة لي اسم فريقي : Outer haven

معاكم إن شاء الله 🙂

لكن ليش الموضوع مقتصر على دوري الأبطال فقط ؟ ليش ما يشمل الدوريات الأوروبية أيضاً ( مثلا الإنجليزي باعتبار عليه إقبال مؤخراً لول) أفضل من إننا نشوه بقية مواضيع الكرة

و عليكم السلام و رحمة الله و بركاته .. رد السلام واجب يا شباب

دخلت اسجل توني لكن طلعلي Maintenance Work برجع بعد شوي

و اذا ماضبط ان شاء الله على الظهرية ارجع احاول و احط لكم الأكاونت

^^
ونحن يالانتظار...
شباب كل مشارك لاااازم يحط اسم فريقه بالموضوع هنا بيسهل على نفسه وعلي بهالطريقة...منها اعلان مشاركته ومنها الكل بالدوري يعرف هو صاحب اي فريق ومنها عشان ارسل له الكود ، غير كذا ما برسل الكود لحد...تعبت وانا اكتب بالاحمر بالاسود بالوان الطيف وما حد كأن عنده خبر 🙁

لكن ليش الموضوع مقتصر على دوري الأبطال فقط ؟ ليش ما يشمل الدوريات الأوروبية أيضاً ( مثلا الإنجليزي باعتبار عليه إقبال مؤخراً لول) أفضل من إننا نشوه بقية مواضيع الكرة

أنقر للتوسيع...

عالأقل لما ينتهي التسجيل هنا لدوري الابطال ممكن الواحد يناقش بالفانتسي تيم حقه للدوري الانجليزي...س حاليا يفضّل انه يكون خاص لدوري الابطال عشان ما تصير فوضى وقت التسجيل ويبقى الهدف واضح.. ، الدوري الانجليزي بدأ من فترة والغالبية ما سجلوا فيه فما بيكون فيه نفس الحماس وانا اشوف لو حبيت نعمل ليجا مصغرة فيه ما بيننا ممكن افتح واحد بس الاتفاقات تكون بالملفات الشخصية حاليا على الأقل...

بشارك بس مكسل اسوي الفريق الحين بس بسويه قبل الثلاثا اكيدد

اسم الفريق MSFM

sul86 @@
اول مرة اجربها @@ .. و لو ان ربعي طول الوقت كلام عنها اليوم الماضي @@
تعديل : معذرةً راؤول ما انتبهت لردك الاحمر 🙁

الموقع تحت الصيانة حاليا ، بسوي فريقي بس يجهز .

راؤول لا تدف 🙁
فريقي Fox

سويت فريق .. وأخترت اللاعبين .. شغلي هنا أنتهى ..ولا باقي شي اسويه زياده ..؟

أسم فريقي : MAND

قاعد اضبط فريق بس ماني عارف مين الاساسي و مين الاحتياطي ؟

^
بعد ما تختار اللاعبين تحط الأساسي والإحتياطي على كيفك..
بالمناسبة, لازم تنتبه على إنك لازم تشتري حارسين و5 مدافعين و5 وسط و3مهاجمين.. تقدر بعدين تغير تشكليتك.. الغرض من اللعبة وضع اللاعبين الي تتوقع يبدعون بالمباريات الواقعية كأساسيين عشان تكسب من وراهم نقاط(أنا ما كنت مستوعب هالشيء بشكل كامل إلا بعدما إخترت لعيبتي وخليت الإحتياطيين بمستوى الأساسيين مع التضحية بعدم وجود السوبرستار.. لكن الظاهر على كذا ما راح يكون معي لاعب يطلع لي منجم نقاط!)

اسم الفريق : hawkeye

edit : تم مسح الصورة .

تم ارسال الكود لجميع المشاركين بطريقة شرعية p=
الاخوان النسر الاسود ، و Gooner و F.Gubran , و Epic fahad أنتظر أسماء فرقكم لما تنتهوا منها..

طيب بما اننا أعضاء فريق مش المفروض نساعد بعض في الاختيارات و لا كيف ؟ P:

^^
لا لا أنا أعتبر اكثر شي حماسي بالبطولة ان كل واحد يدخل البطولة بفريق من نسج خياله ومن عقليته الادارية والتنظيمية فقط بدون تلقي اي نصائح من اي حد...والمنافسة ترى بيننا نحن "كل عضو" + مع بعض كجروب واحد بس تبقى من مصلحة الشخص انه ما يكشف اوراقه اسراره للثاني p=
بس النصائح اللي انا قصدتها براس الموضوع هي بعد كل جولة لما يصير بامكانك تغير لاعب واحد..وقتها شي ممتاز أخذ رأي غيرك والاستفادة منه لما تشوف الامور مسدودة قدامك..P=
==
طبعا بمجرد بداية البطولة بيصير ممكن تدخل على فرق الشباب من الموقع وتشكيلاتهم بتطلع ظاهرة لك عكس الحين..

ههههه صعب تسوي تشكيلة مقبوله و تحاول تخلي فريقك جيد ، ميسي و تشافي فلسوني P:

شباب كل اللي يتم ارسال لهم الكود بيتم تحديث الرد الثاني بأسمائهم ملحقة بأسماء فرقهم حتى الكل يعرفهم و ما تصير لخبطة...اللي انكتب اسمه وما وصل له الكود يخبرني ..
و النقطتين الاهم حاليا :-
1- محد يحط تشكيلته بالموضوع..!!!
2- رد المشارك لااازم يشمل اسم فريقه ..!!

سويت فريق انما ايه

اسم الفريق shbab-alrbie

أهم شيء يا شباب, قبل كل جولة نتساعد ونجيب أخبار غيابات وإصابات اللاعبين عشان ننبه البقية على هالنقاط!

^^
فعلا شي مهم..احوال برشلونة ضمناها من الاساسيين لين الفريق الثالث p=
نبغى مشجعين من فرق ثانية كمان يساعدونا بأخبار فرقهم...

تم اضافة نقطة مهمة بالموضوع :-

- في حال اصابة لاعب من فريقك بتظهر بجانبه علامة تعجب حمرا ويفضل انك تحطه بالاحتياط او تخرجه من الفريق قبل بداية الجولة لأنك ما بتحصل منه على أي نقطة ، ولو كانت علامة التعجب باللون الاصفر فهذا يعني ان مشاركته مشكوك فيها ووقتها لازم تتابع أخبار فريقه عشان تعرف مدى احتمالية مشاركته بالمباراة وعلى اساسها تتخذ قرارك..

أنقر للتوسيع...

ما متأكد من الالوان لأنها كذا بالدوري الانجليزي..

راؤول الأسطورة قال:

^^
لا لا أنا أعتبر اكثر شي حماسي بالبطولة ان كل واحد يدخل البطولة بفريق من نسج خياله ومن عقليته الادارية والتنظيمية فقط بدون تلقي اي نصائح من اي حد...والمنافسة ترى بيننا نحن "كل عضو" + مع بعض كجروب واحد بس تبقى من مصلحة الشخص انه ما يكشف اوراقه اسراره للثاني p=
بس النصائح اللي انا قصدتها براس الموضوع هي بعد كل جولة لما يصير بامكانك تغير لاعب واحد..وقتها شي ممتاز أخذ رأي غيرك والاستفادة منه لما تشوف الامور مسدودة قدامك..P=
==
طبعا بمجرد بداية البطولة بيصير ممكن تدخل على فرق الشباب من الموقع وتشكيلاتهم بتطلع ظاهرة لك عكس الحين..

أنقر للتوسيع...

أغير لاعب من التشكيله كامله ..؟؟

عدني معاكم ان شاء الله بسوي التشكليه اليوم او بكرا
سويت موضوع السنه الماضيه عن فانتسي الدوري الانجليزي ... بس محد جمبك !!!
بس باين ما شاء الله العدد لا باس به ^^