أول لعبة العبها عالفيتا.
+الجيم بلاي مذهل! إستخدام الجرافيتي فاللعبة كان ممتع جدا جدا سواءً بالتنقل او بالقتال، عجبني جدا التنوع الي فيه وإستخدام الجاذبية بإشكال عدّة.. الجيم بلاي كان اكثر شي متقن باللعبة واعتبره هو أساسه واتمنى اشوف زيه او زي فكرته مستقبلاً.
+الأرت ثاني اكثر شي عجبني باللعبة، حرفيا بعض الأحيان بغيت اترك الفيتا واصفق على الآرت الي يخطف العيون! عجبني مزج الالوان العجيب فيها..
+الساوند تراك ما يحتاج اتكلم عن هالجزء، ودّي أحط لكم كم مقطوعة عشان تفهمون الي جالس اقوله بس للأسف ممنوع :stuck_out_tongue_cl الساوند تراك... مادري وش اقول !!! شي مو غريب من لعبة من فريق ياباني، دايماً الساوند تراك يتميز!! الساوند تراك طرب حرفيا، عجبني ان لكل مدينة لها اسلوب ساوند تراك خاص فيها.. اللعبة تحفة فنية من هالناحية..
+الأتموسفير زي ما قلت قبل، عجبني إن لكل مدينة لها استايل خاص فيها.. هذا غير إن تصميم المدن أحيانا ودك تتمشى وتشوف التفاصيل الرهيبة بس!
+الستوري-تيلنج عجبني جدا، بغض النظر عن القصة الي بأتكلم عنها لاحقا طبعا، الستوري تيلنج (اسلوب الكوميكس) عجبني جدا، بالبداية ما تقبلته (او بالاحرى ما تقبلت عدم وجود تمثيل صوتي) بس بعدين عجبني وارتحت له جدا)...
+الجرافيكس ايش اقول؟ اقولها بكل بساطة اللعبة من كثر ماهي جودة عالية تحسها لعبة كونسول!! مستحيل تصدق ان لعبة زي كذا لعبة محمول، الجرافيكس رائع جدا جدا بالنسبة للعبة محمول...
+إستخدام خصائص الجهاز وخصوصاً اللمس، عجبني جدا... مو إستخدام كامل لكن برضوه عجبني، حبيت كيف إني اقدر اشوف الكوميك من جميع الإتجاهات بواسطة تحريك الجهاز، وايضاً حبيت الأيفيد بواسطة لمس الشاشة والـ"تزحلق"..
+الحوارات عجبتني صراحة! خصوصاً كات لما تتكلم مع نفسها.. فيها لمسة رهابة XD
+عمر اللعبة مناسب جدا، لا هو طويل ولا هو قصير.
+كات يس، كات بكبرها إيجابية.
+المهمات الجانبية (نسيت وش اسمها بالضبط لول) عجبتني! طريقة رهيبة عشان ترفّه نفسك بين كل مهمة ومهمة..
+التطوير من اكبر مميزات اللعبة، يحمسك على إنك تجمع كريستالز وتفوز بمهمات، هذا غير إن التطوير يشكل اهمية كبيرة على الجيم بلاي..
-القصة للأسف زيادة على إن القصة موب ذاك الزود.. يعني عادية ومافيها شي مميز، المصيبة إنّ في اشياء كثييييير ما توضحت وما عرفناها! يعني القصة فيها ثغرات واضحة جدا تحس تم السحب عليها..
-الشخصيات مافي اي شخصية انترسيتنج صراحة عدا كات، كلهم تقليدين جدا..
-الأعداء اكثر شي ما عجبني باللعبة.. مملين بشكل فظيييييييع!! صحيح ان طرق قتالهم متنوعة، لكن اشكالهم وحدة ومع الوقت بتطفش منهم وتكره تواجههم اصلا -___-
-"بعض" المهمات كانت مملة صراحة، تحسها مجرد حشو.. خصوصاً فآخر اللعبة..
-الصعوبة أحيانا أحس اللعبة سهلة بزيادة خصوصاً الزعماء يقطرّوا سهولة..
التقييم النهائي:
8.5\10.
لعبة جيدة جدا وأنصح فيها، غض النظر عن القصة وبتستمع بالجيم بلاي المجنون.
