MGO... الملتقى الرسمي لما قبل الحرب ..

SALAH قال:

لازم تنزل البيتا من الستور الاوروبي و تسوي اكاونت باسم دولتك الحقيقية..و الا بيعطوك بان .
الحق نزله بسرعة لأن البيتا المفروض يشتغل بكرا ان شا الله 🙂

أنقر للتوسيع...

بان !! بان على شنو ؟؟ يعني الأكاونت إلي بحاول أدخل فيه بيروح عليّ لو ما بقدر ألعب البيتا !!

للأسف قريت تعقيبك متأخر وأتوقّع إن السالفة راحت علينا بلاش :roll:

تباً كونامي تبببببباً . . .

شباب غريبة دورت اللعبة في الستور البريطاني ما حصلتها !!

أنقر للتوسيع...

إلي أعرفة إن البيتا انسحب من لستور خلاص !! مو موجود لأن بيبدأ اليوم ( الساعة 11:00 )

مبروك عليكم شباب :sealed:

يقطع أم الحمااااااااس متى يشتغل البيتا بس متى !!!! <<< يقهر اللي فوقه 😛

M7L جرب انك تبحث بالانترنت يمكن فيه نسخ للتنزيل على الكمبيوتر ( نفس ابديت الفيرموير يعني ) ..لعل وعسى :suspiciou

M 7 L قال:

إلي أعرفة إن البيتا انسحب من لستور خلاص !! مو موجود لأن بيبدأ اليوم ( الساعة 11:00 )

مبروك عليكم شباب :sealed:

أنقر للتوسيع...

لاااااااااااااااااااااااااااااااااااااااااااااااااااااااااااااااااااااااااااا
سوين حساب خاص و و و و واخر شي مافي شي والله حرام عليكم ياكونامي شو هذي الحركات
عموماً مانقدر نسوي شي ياليت شباب تعطونا انتباعاتكم بالتفصيل الممل

اممم صار الظهر والبيتا لسا ما اشتغل ..الله يستر بس , أشم ريحة تأجيل :sealed:

اعتقد انه بيكون اونلاين بعد 24 ساعه من الآن (او اقل بشوي)

الساعة ثلاث العصر او تسع بالليل
استعدوا لها XD

Kaze قال:

beta is on !

أنقر للتوسيع...

still off fore me in the US.

من جد؟؟!!!

الحين ابشوف

البيتا بلش فعلا وقاعد أسوي الحين شخصية

يب البيتا ابتدأ.. اخوي قاعد يجربه حالياً..

بروح اكمل لعب

XSnake

اخيرا اشتغل..:cooool:

يالله واحد يسويلنا كلان <tgman>

شباب مافي طريقة اقدر احصل عالبيتا؟

وينك بدر هذ وقتك🙁

ASWD قال:

شباب مافي طريقة اقدر احصل عالبيتا؟

وينك بدر هذ وقتك🙁

أنقر للتوسيع...

توي شيكت على الدوانلود لست.. موجودة
اذا تبها هي من الستور السعودي.

MGO: BluSnake

نشوفكم ..

يعني لازم اسويID جديد -_-

والله اللعب حماااس حلو بس شيئ قهرني الشخصيات ثقيله اذا جيت تحركها
شباب لاتنسون تضيفوني
GAME ID:justice3
نبغى نشوفكم

تعديل: الحين اللعبه مافيها محادثة صوتية؟

شباب انطباعاتكم ترى الوضع مزرررررررررري !!!


نكبه فوق الدمااااااغ عطونا انطباعاتكم -____-"

ما في حل !!

ياااااااااا ربي -___-
مش قادر ادخل العب , بقول لي فيه زحمة وضغط على السيرفر ..حاول مرة أخرى

طريقة اللعب غريبة شوي بالنسبة لي بس هي أول مرة ألعب فيها أي جزء من ميتل غير أونلاين...
صحيح أنا الآي دي مالي سعودي وأنا ساكن في سوريا وقدرت ألعب مش على أساس في بان بالموضوع ؟!

لول شكلي مابجرب شي..سويت اكاونت جديد وخليت السعودية وبعد ماخلصت دخلت لستور ونفس الحال ما ظهرت لي البيتا دورت كل القوائم..

النسر الاسود , اعتقد المهم هو نسختك ومكان اقامتك , الظاهر الاي دي ماله بالسالفة ..

عموما قدرت ألعبها اخيرا , تجربة فريدة جدا انك تلعب ميتل جير اونلاين مع اني ماحسيت بنكهة ميتل جير فيها ..

الانطباعات عموما :

1- الحركة الثقيلة من الامور المزعجة باللعبة..لكنها بالنهاية اعطت الجيم بلاي واقعية ممتازة .
2- التصويب اليدوي بطيء جدا ( مابحثت بالاوبشن يمكن اقدر اخليه سريع ) والتصويب الاوتوماتيكي غير دقيق احيانا ( بكون الخصم امامك ومع ذلك اطلاق النار بروح صوب ثاني ) .
3- مالاحظت أي لاق ابدا رغم الضغط الكبير على السيرفرات ..برافو كونامي :cooool:
4- استخدام الصندوق صار عملي أكثر من السابق وتحس بطعمه هالمرة ..اكثر شي استمتعت فيه لما الخصم يمر جنبي ومايدري عني , طبعا قديمة الحركة لكن لما تكون بالاونلاين لها طعم ثاني :laugh:
5- عامة اعطيها 9 / 10 ...واقول مرة ثانية اكثر شي ازعجني باللعبة هو ثقل الحركة الزايد ..

هممم

انا اشوف اللعبة ممتازة لحد الحين, الاق يعتمد على الاتصال و من يكون الهوست و بعده.

التحكم لا بأس به, إن كان ثقيل فهذا اسلوب حركة الشخصيات و نمطها الي تعودنا عليه في اجزاء متل جير و اكبر مثال snake eater , الركض هرولة و شيء زين بس باقي يضيفون الجري السريع مثلا ً.

التصويب ممتاز بالنسبة لي لوجود اكثر من نمط و طبعا ً اسلوب اللاعب هو الي يحدد نمطه

فيه تصوير تلقائي, تصويب FPS , و تصويب من الكتف ... و طبعا لكل واحد مزاياه و عيوبه الواضحة.

الجرافكس ما عليه كلام, بس المراحلة سوبر كبيرة XD ما تقدر تلعب مع صاحبك + في اشياء وايد و لازم تتعلمها.

نظام القدرات و الاسلحة الي تقدر تختارها مميز جدا ً ... تقدر تطور قدراتك بحسب استخدامك لها

طبعا الاهم و المهم في سلسلة متل جير ... الـ sneaking .. إبداع و سلس XD

للي يبي ينظم للجماعة

روحوا free game

بعد صلاة العشاء ان شاء الله للدول 3+ GMT
اي ثمان ونص او تسع بالليل

الاسم black wind باس aca السيرفر vamp

خلصت التريننج كله وفصفصت التحكم عدل مدل .

إنطباعاتي :

- الرسم جيد جدا ومتحسن عن آخر عرض طلع بوايد .
- الحركة روووعة والكنترول واجهت صعوبة فيه لأني متعود على الأجزاء القديمة ... بس بالنهاية عرفت له صح .
- الأسلحة تقدر تعدل عليها .
- الي سأل عن المحادثات فيه محادثات صوتية .
- بالبداية تقدر تصمم شخصيتك ولبسه والوانه واكسسواراته .. بعدين تختار صوته من عدة اصوات .. بعدين تختار حدة الصوت (WoW) ناعم وإلا خشن وله طبقات .
- تسويلك نك نيم غير كونامي والبقية .
-لما تضغط R2 مدة معروفة تطلع لك لستة الأسلحة وL2 لستة الآيتمز .. لما تضغط R2 لمسة وحدة يبدل السلاح إلى السلاح التالي .. وتقدر تختار ترتيب الأسلحة . وتقدر تخلي الستايل القديم (لمسة تشيل السلاح واللمسة الثانية ترده ) بس ما يسوي ريلود مثل قبل .
- R1 ضربات الـMelee .. و تدخلك على الـCQC إفرض عندك المسدس تقدر كالعادة تسوي الخصم رهينة وتطلق ... بس لما تختار رشاش M4 على ما اعتقد وتروح تسويله CQC راح يطقه بحركة يديدة ماشفتها بالعروض ويرجعه لي ورى ويخليه Off Gard لمدة محدودة .
-تقدر تمسكه وترقعه بالأرض مثل السابق (MGS3) .
- تقدر وانت خانقه تنزله بالأرض وتكتم نفسه ... أو تسدحه (R1 + يمين او يسار) وانت بالأرض (مثل الحركة إلي بالعرض) استمر بالضغط لما يفقد وعيه .
-إذا كنت جالس وضغطت L1 (سي كيو سي) راح يقوم يسحب الجندي وتقعده بالأرض معاك .
- لما تضغط X راح يجلس ولما تستمر ينسدح .. بعد ما ينسدح إضغط مثلث راح ينسدح على ظهره .. ولما تضغطها مدة طويلة راح يخلي نفسه ميت (ظهر أو بطن) .
- لما تكون منسدح طق مثلث وشكل عليها وروح يمين أو يسار .. راح يتدحرج بالأرض (بس بطيئ مو مثل العرض).
- لما تقوم من الأرض عدلوها حييييييييل ... لما تكون منسدح بالأرض وتقوم (MGS3 ) كنت تضغط X مرتين بعدين يقوم .. الحين لأ .. إضغط X وانت تركض .. راح يحط إيده على الأرض ويركض وهو منحني (بسرعة) مو مثل قبل .
-طبعا لما تكون قاعد وتمشي راح يكون ماشي وهو منحني .
- دققت على شغلة .. طلقات الشوت جن الموجودة بالأرض استمرت مدة طويلة وما اختفت !!! ما ادري متى تختفي هذا إذا كانت تختفي :tgman:
- ضربتين من الشوت قن تقتل الخصم (من قريب).. إذا صوبت على الجهة العليا من جسده راح يطير من قوة الضربة .. وأي سلاح لما يحوش الراس بطلقة وحدة (يموت طبعا (&)) .
- لما تركض وتضغط X يتدحرج وإذا استمريت ينسدح (قديمة) .
-زر L1 هو زر اللوك .. لما تضغطه يسويله auto aim على القريب منك ..لما تضغط مربع راح يحول الكاميرا فوق كتفك ..ولما تضغط R3 يبدل من يمين إلى يسار .. ولما تضغط مثلث راح يحولك إلى FPS المنظور الأول ..(تقدر بالاوبشن تختار لما تضغط L1 يحول تلقائي FPS) .
-جميع الكاميرات تقدر تغير سرعتها بالخيارات ( الكاميرا العادية - الكاميرا فوق الكتف - سرعة المنظور الأول) .
- لما تضغط R3 راح ترجع الكاميرا وراك . . . لما تضغطها مرتين متتاليتين راح ترجع الكاميرا الأساسية .
-لما تلصق بالجدار إضغط مثلث .. وروح آخر الجدار راح يطلع .. صوب وراح تقدر ترمي وترجع .ولما تضغط R1 يطق الطوفة ويطلع صوت .
- في خيار ممتاز جدا بالاوبشن .. لما يكون اللاعب واقف وانت تحرك الكاميرا الجهة الثانية (المعاكسة مثلا) وتضغط L1 للتصويب .. راح يلف دورة كاملة أو مهما كان ويصوب إتجاه الكاميرا .. تقدر تخليها العكس الكاميرا بس للرؤية ولما يصوب يصوب مكان ما كان ( على وضعيته وليس وضعية الكاميرا) . خيار قوي حده .
- لما تضغط مثلث جنب ربعك راح تستخدم SOP وتعرف مكان ربعك وين ماكانو. وتقدر تشوف معلومات وحوسة عن إلي ضدك .
- لما تكون تتسلق سلم وتوصل فوق تقدر ما تصعد وتتمسك بالحافة إلي جنب السلم وتروح الصوب الثاني وتصعد (تفيد إذا واحد ينطرك عند السلم تروح له من وراه) .
- لما تكون متعلق بحافة ما تقدر تحول FPS وترفع نفسك وتطل مثل قبل .
- إضغط مثلث مدة يعطيك تحية xD .
- بالمنظار تقدر تمشي وانت ماسكه والزوم تسويه بالأسهم .
- بالـFPS الأسهم راح تفيدك أيضا بالتحرك .
- القنابل رووعة المؤشر مالها يعطيك 5 امتار قوة الرمية (ما ادري إذا اقدر ازيد) .
- الـC4 تقدر تلصقه بالخصم تسوي Lock بعدين R1 وإذا تبي تفجره إضعط دائرة .
- يوجد صناديق مبعثرة بالمرحلة علشان يشتتك ماتدري هالصندوق فيه أحد وإلا فاضي .
- البرميل لما تتدحرج فيه وايد طبعا عزكم الله **** .
- لما تضغط SELECT يحطون لك 4 خيارات (دفاع - هجوم - ...) وكل وحدة داخلها 4 اوامر تقولها شخصيتك بالصوت إلي اتخرته بالبداية .
- تقدر تسخدم الكيبورد .
- تقدر تسويلك إختصارات للكيبورد F2 مثلا يعني كلمة معينة .
- إضغط SELECT مدة طويلة وراح يتفعل المايك .
- لما تكون متعلق وتطيح شوف البطئ بالطيحة كأنه واقعي فعلا .
- قبل اللعب تقدر تختار موسيقى المرحلة وتقدر تخليها OFF .
الأونلاين :
ما لعبت إلا جيمين وطلعت .. ما اقدر احكم .

اسمي Snake87 ضيفوني (&).

عدلو اسم الموضوع
GO GO GO
أتمنى إني ما نسيت شي .. بروح أكمل لعب .

ASWD قال:

لول شكلي مابجرب شي..سويت اكاونت جديد وخليت السعودية وبعد ماخلصت دخلت لستور ونفس الحال ما ظهرت لي البيتا دورت كل القوائم..

أنقر للتوسيع...

اعتقد الحل الوحيد هو انك تاخد id و باسوورد واحد نزل البيتا و تعمل يوزر جديد في جهازك و تدخل المعلومات... بتقدر تنزل البيتا لجهازك من الستور لما تختار View Downloads

كان اعطيك idـي لو ما اني ناسي الباسوورد... حاولت استرجع الباسوورد لكن كل المحاولات باءت بالفشل 🙁
===========
الانطباعات:

رهيييييبة... للأسف ما اقدر العب أكثر من اللي لعبته بسبب الاختبار :evil:

اسود شوف الخاص