hits counter

مراجعة لعبة WarioWare Smooth Moves للـ Wii

Nintendo

Nintendo

TG editor-in-chief
معليش شباب راح اسميها ( ميني ) مراجعه لاني الى الان 4 ساعات لعب 🙂

احدث العاب واريو وير المجنونه لجهاز ننتندو الجديد . اللعبه كما يبدو تحتوي على عدد هائل من العاب الميني جيمز مقارنة بباقي الاجزاء وايضا على طور القصة العجيب بالااضافة الى المولتي بلير ..

حاليا انا مازلت بطور القصة عشان افتح الالعاب . طبعا اللي جرب العاب واريو الماضيه يعرف وش يتوقع من هاذي اللعبه .. قصص مجنونه وسيناريوهات كوميديه جدا بين واريو وباقي الشخصيات الخطيره ..

نجي للمهم .. الميني جيمز .. هل قدمت فعلا تجربه جديده ؟

الى الان تقريبا لعبت 40 لعبة ميني جيم .. كل مجموعه تنطوي تحت اسلوب تحكم واحد ( مثل تمسك الريموت فوق راسك او تمسكه كانه سيف والخ الخ ) ولكل فئه مجموعة من الالعاب المختلفه ..

الافكار جدا مسليه ولو انه بعض الالعاب بصراحة الواحد ينحرج شوي وهو يلعبها قدام الناس ( تحط الريموت على خصرك وترقص !! ) لول ولكن كوميديه جدا الصراحه .. يعني نقدر نقول استخدامات مميزه للريموت وباشكال مختلفه كثيره وهذا وانا بعدني باقي علي مشوار عشان اطلع كل الالعاب ..

اللعبه الى الان سهله جدا .. ماجربت المولتي بلير ولكن الحلو باللعبه انها تسمح للمولتي باستخدام ريموت واحد .. الموسيقى حلوه والرسوم طبعا حلوه ومناسبة لاجواء اللعبه ..

ادري المراجعه بسيطه الى الان .. ان شاء الله راح احط تقييم للعبه بعد تجربة باقي الخيارات باللعبه . وعجبتني جدا بعض الالعاب الطويلة والمختلفه تماما عن العاب الميني جيمز القصيره ...

باقي المراجعه بحطها الفجر ان شاء الله 🙂 واتمنى اي شخص عنده اللعبه لايقصر ويحط رايه عنها هنا عشان الشباب اللي ماخذوها .. كلمه اخيره ... اللعبه تستاهل ...
 
هههههههههههههههه والله زمااااااااااااااااااااان عن مراجعات عمر..
الافكار جدا مسليه ولو انه بعض الالعاب بصراحة الواحد ينحرج شوي وهو يلعبها قدام الناس ( تحط الريموت على خصرك وترقص !! )
أنقر للتوسيع...

لول هذا أحلى شي عمر.. شفت فيديوهات اللعبة الكثيرة و شكلها فعلا ممتعة جدا..
 
( تحط الريموت على خصرك وترقص !! )
أنقر للتوسيع...
ههههههههههههههههههههههههههههههه
هههههههههههههههههههههههههههههههههههههههههههههه
هههههههههههههههههههههههههههههههههههههههههه
ماتقدر تحرك الويموت و خلاص ؟؟
 
المراجعة تبشر بإن اللعبة تستاهل
لا تنسى التقييم!!
 
والله شباب راح تستغربوا لمدة دقة الريموت ..

مثلا فيه لعبة تحط الريموت على يدك اليمين وتضرب عليه باليد اليسار .. يعني مادري كيف الريموت يفهم الحركه ؟ لاني حاولت مثلا مجرد احركه بسرعه او ارميه وارجعه مستحيل يستجيب غير بالطريق الصح ..

الرقص مثلا حاولت اني اهز اليد ومره جت معي فعلا ولكن الغالب لا لازم يكون عند خصري . فيه العاب تلزمك الريموت يكون فوق راسك هاذي اغلبها سويتها يدون ماحطه فوق راسي . فيه العاب تلزمك الريموت تحطه على فمك ( كانك تشرب كاسة ماي ) وهاذي مرات تزبط اذا ماسويتها ومرات لا ..

اجمالا الافكار جديده كثيره وقاعد احاول الحين اطلع كل الافكار بطرق مختلفه واشوف استجابة الريموت لها ..
 
التعديل الأخير:
لما شفت اللعبه موجوده بمحل عندنا .. بغيت أبجي , قهر انا من أشد عشاق واريو وير " الميني جيمز " بس الجهاز للحين غالي وفيه نصب !
 
لعبتها وخلصتها !!
صراحه هي حلوه بس جيم سبوت بالغ وايد في تقييمها ...اي جي ان كان انسب بصراحه في مراجعتها !
في لعبه"رقص" لازم تجربونها ...فعلا ضحك في ضحك
بس عيبها "القاتل" ..قصر اللعبه !! انا لعبتها بس مش متواصل ..للأسف -_- تقدر تقول 4 ساعات خلصتها !
او يمكن اقل بعد !!
الملتي بلاير ما عجبني ..لو تقدر تستخدم اكثر من ريموت كان احسن بصراحه!
عموما اللعبه مسليه جدا ولكن ليست الافضل !!
 
لوول شي حلو .. دايما ألعب واريو كلها ضحك وسعة صدر :laugh: ..
أجل فيها خصر ورقص لووووووووول ... must ..

ما قصرت أخ نينتندو .
 
انا من عروض اللعبة و حاسها فلة بقوة !! و كلامك يحمس اكثر و اكثر ..... شكلها افضل لعبة إستغلالا للوي موت لحد الآن كما توقعت .
 
والله الحركه يلي عجبتني لما تحط الويي موت على انفك مثل الفيل كانه خرطووم الفيل و تاخذ تفاحه من الشجره و تحطها في السله
انا تقريبا لعبت اول اربع سيناريوهات و للحين جدا مسليه و استخدامات الويموت متنوعه بشكل كبيير بشكل ماتوقعته
 
انا توني امس شريت العبة و خلصتها و بالنسبة لي هذي افضل واريو وير ايفير ههههه
فعلا مسلية ما تفيخ منها و معظم الألعاب عجبتني فعلا
مسكات الريموت كثييرة جدا ما توقعت تكون بهالكثرة
من ارهب المسكات انك تمسكه فوق راسك كأنه مظلة (الورقة الخضرة في ويند ويكر) لول
الافكار جدا مسليه ولو انه بعض الالعاب بصراحة الواحد ينحرج شوي وهو يلعبها قدام الناس ( تحط الريموت على خصرك وترقص !! )
أنقر للتوسيع...
ههههههههههههههههههه
اصبر عمر لما تلعب الفاينل بوس بتشوف الإحراج العدل
 
اللعبه خطيره مره شباب لوووول .. لعبتها مع اصحابي في الويكيند .. كنا نلعب مولتي بلاير .. ههههههههههه فله بقوه .. وحده من الالعاب لازم تحط الويموت في يدك اليمين .. وتقدر تحرك يدينك الثنتين كانك طائر في السماء ... ههههههههه والله ضحك غير طبيعي.

اللعبه must buy للي يحب العاب الموتي .. ويلعب كثير مع اصحابه او اخوانه.
 
التعديل الأخير:
اخخ متى ارجع البلاد ان شا الله واخذها ..

كالعاده العاب واريو وير مجنونة :laugh:


Tomb raider قال:
بس عيبها "القاتل" ..قصر اللعبه !! انا لعبتها بس مش متواصل ..للأسف -_- تقدر تقول 4 ساعات خلصتها !
او يمكن اقل بعد !!
أنقر للتوسيع...

مافي شي يديد !! وكل الاجزاء نفس الشي وهاذا اسلوبها :roll:
 
وحده من الالعاب لازم تحط الويموت في يدك اليمين .. وتقدر تحريك يدينك الثنتين كانك طائر في السماء ... ههههههههه والله ضحك غير طبيعي.
أنقر للتوسيع...
هههههههههههههههههههههههههههههههههههههه والله تضحك !! ولا تنسى "ستار فوكس عجبتني وايد" !!
الله يهديك انته لا تخرب عالشباب اللي ما لعبوا لول
 
هاللعبة must بالنسبة لي .. أتوقع انها بتكون اللعبة اللي أقضي أكثر أوقاتي على الوي معاها لول ..

ان شاء الله لما أشتري الوي ( :cryy: ) آخذها وياه، مع زيلدا و كم لعبة ثانية.......
 
ههههههههههههههههههههههههههههههههه
ههههههههههههههههههههههههههههههههههههههههههههههه

شباب توني كنت اجرب المولتي بلير

رووووووووووووووووووووووووووعه .. اقسم بالله اللعبه سعرها بالمولتي بلير يكفي .. خلصت طور اللاعب الواحد ( بس ماطلعت كل شئ طبعا وهو قصير كالعاده ) ..

المولتي بلير جناااااااااااااااااان .. بعض الالعاب اثنين يلعبون مع بعض بريموت واحد ( شخص يمسك الريموت والثاني الننشكا ) ويتحدون بعض .. روعه روعه ..

اللي عنده احد يلعب معاه .. نصيحه لايفوت اللعبه .. المولتي بلير خطير وضحك للصبح ..
 
شكلها صج اتضحك ..

من اولويات شرائي للوي واريوووووو 😀
 
امم اخذتها امس ولعبتها اكثر من 10 ساعات .. طلعت اغلب الالعاب ,, طور الsingle player طبيعي يكون قصير , الmulti هو أساس اللعبة كل الأفكار تقريبا ً عجبتني .. إلا لعبة الرقص الأخيره مالعبتها ولا أفكر ألعبها أساسا ً !!

صحيح جيم سبوت عطاها أكثر من حقها , لكن بصراحة أحلى لعبة جماعيه على الوي لحد الآن ..
 
المشكلة مشوار قبل ما أحصل وي :cryy:

واريو وير أكثر لعبة ممتعة بعد ماريو بارتي ! تحفة و الله

عمر أي أفضل هذي و لا تويستد ؟
​
 
مالعبت تويستد حسين ..

ولكن اذا تويستد مافيها مولتي بلاير فخذها مني بدون تفكير .. هاذي احسن ... المولتي بلير مجنون جدا باللعبه وخياراته جدا كثيره وغريبه هههههههههه .. المشكلة الحين فترة اختبارات ولمدة اسبوعين قادمه فغالبا ماراح احصل ناس العب معهم .. مو مشكلة احاول افتح كل الالعاب بذي الفتره ..

اوه صحيح نسيت اقول اكبر عيب باللعبه 🙂

انه خيار المولتي بلير مايطلع الا يوم تخلص السنجل بلير .. اللعبه مناسبة جدا للكاجولز والنون جيمرز والمفروض خيار اللعب الجماعي يكون متاح من البداية لانه اعتقد راح يجذب الكثيرين للعبه ..
 
ننتندو ملكة المولتي بلاير :laughing:


​
 
مالعبت تويستد
أنقر للتوسيع...

OMG من جدك؟ صدقني عمر دورها واشترها وما راح تندم.. أفضل واريو وير (قبل ما تنزل Smooth Moves على الأقل)!
 
تويستد
أنقر للتوسيع...

اصلا لازم الكل يشتريها !! والله ما تتصورون كيف روعه !!
:gasp:

الميني جيمز روعه ومبتكرة مع التدوير , وايضا في خاصية الاهتزاز ..

ينافس الجزء الاول اللي كان عالـGBA اذا ما كان احسن منه !
 
المشكلة يوسف ماحب الهاندهيلد كثير 🙂

نادرا ما العب باجهزة المحمول او حتى اشتري العابها ( الا فيما ندر ) .

كلمه اخيرا عن اللعبه : كلعبة سنجل بلير قصيره جدا واعتقد ماراح تستمعون فيها كثير . الميني جيمز مسليه ولكن عمر اللعبه وقيمتها بالمولتي بلير بكل امانه . يعني تخيلوا مثلا بواحده من خيارات المولتي بلير ( شوفوا التحشيش ) :

او شئ تدخلون بسباق جري انتم واصحابك . تطلعا لعاب الميني جيمز ول واحد له دور بلعبة معينه وكل لعبه عليها عدد من النقاط .. المهم يوم تخلص السابق وكل واحد يجمع عدد النقاط يبدا الضحك ..

الفائز مش اكثر واحد جمع نقاط لا . بعد ماتخلص المسابقه بتروح لشاشة انا سميتها شاشة الحظ . فيها كل شخصيه ( طبعا تلعب بالمي الخاص فيك ) بتكون مربوطه بعدد من الحبال وعلى وشك السقوط .. اللي جمع اكثر عدد من النقاط بيكون مربوط بثلاث حبال والثاني حبلين والثالث حبل واحد ..

المهم يجي الحين الضحك . لانه كل واحد فيكم يمسك مقص ويقطع حبل من فوق وبالحظ يحصل نفسه قطع واحد من الحبال اللي ماسكه الشخصيات بالاسفل ( بالحظ ) . يعني ممكن اللي طلع الاخير بالمسابقه يفوز اذا الحظ كان معه وحبال المنافسين كلها تقطعة وهو بحبل واحد وعلى حظه محد قطعه ( صارت معي للاسف ) وشوفوا الضحك كيف ..

اللعبه تستاهل تقييم عالي للمتعه اللي تقدمها .. السنجل بلير قصير وهو يمكن عيب اللعبه الوحيد واللي اعتدناه من العاب واريو ولكن المولتي بلير بذا الجزء يغطي على ذا العيب بقوه ..

8,5 / 10
 
متى توصل بس ؟؟

شباب اللعبة تستخدم النن شك لو بس الريموت ؟؟
 
soosi قال:
متى توصل بس ؟؟

شباب اللعبة تستخدم النن شك لو بس الريموت ؟؟
أنقر للتوسيع...

فيه مجموعة العاب خاصه للنشكا + الريموت بالسنجل بلير

فيه كم لعبة تستخدم الريموت + الننشكا في طور اللاعبين ( واحد يمسك الننشكا وواحد يمسك الريموت ) ..
 
Nintendo قال:
المولتي بلير جناااااااااااااااااان .. بعض الالعاب اثنين يلعبون مع بعض بريموت واحد ( شخص يمسك الريموت والثاني الننشكا ) ويتحدون بعض .. روعه روعه ..
أنقر للتوسيع...
أتوقع زي فكرة الألعاب في واريو وير الـOriginal على الجيم بوي (واحد يلعب بـL وواحد يلعب بـRء)

بس المشكلة نسخة الكيوب مثلا أشوف ألعابها الجماعية مو بالمستوى لأن الجماعي مو الميني جيمز نفسها ولكن أشياء بين الميني جيمز وأشياء جانبية... (ما عجبتني إلا حقت السلاحف اللي كل ما تحصل نقاط أكثر توقف على سلاحف أكثر ولازم تتوازن)
فما أدري هل الألعاب اللي هنا معظمها كذا ولا زي الجيم بوي؟؟

Tomb raider قال:
بس عيبها "القاتل" ..قصر اللعبه !! انا لعبتها بس مش متواصل ..للأسف -_- تقدر تقول 4 ساعات خلصتها !
ا
أنقر للتوسيع...
رد عليك ماريووو:
mario0o قال:
مافي شي يديد !! وكل الاجزاء نفس الشي وهاذا اسلوبها :roll:
أنقر للتوسيع...
للأسف >.> حسافة والله
 
اللعبة في صندوق الأرامكس :cryy: ناطرها على نار

بس للحين ما خلصت زيلدا
 
Nintendo قال:
ههههههههههههههههههههههههههههههههه
ههههههههههههههههههههههههههههههههههههههههههههههه

شباب توني كنت اجرب المولتي بلير

رووووووووووووووووووووووووووعه .. اقسم بالله اللعبه سعرها بالمولتي بلير يكفي .. خلصت طور اللاعب الواحد ( بس ماطلعت كل شئ طبعا وهو قصير كالعاده ) ..

المولتي بلير جناااااااااااااااااان .. بعض الالعاب اثنين يلعبون مع بعض بريموت واحد ( شخص يمسك الريموت والثاني الننشكا ) ويتحدون بعض .. روعه روعه ..

اللي عنده احد يلعب معاه .. نصيحه لايفوت اللعبه .. المولتي بلير خطير وضحك للصبح ..
أنقر للتوسيع...

واو حمستني :gasp: من اول عرض شفته لها واللعبة داخلة مزاجي =بقوووووة=,تباً لك يالـWii مب قادر اصبر عليك -___-"
 
يجب تسجيل الدخول أو التسجيل كي تتمكن من الرد هنا.
عودة
أعلى