منتديات تروجيمنج

بو عابد ارجح انك تجرب وتخطي بالخيارات وتعيد عادي (اذا مبسوط بالحوارات وماعندك مشاكل)

فيه مجازفات حلوة ممكن تاخذها ، خيارات رمي بالنرد بس اذا قريب تموت خليك حذر ، انا خياراتي احيانا safe واحيانا اخذ فرص ضئيلة جدا بس حاول تبعد عن الخيارات اللي تضر المحقق نفسيًا &

مثال المسدس قررت أتكتم عليه عشان ما يمسحون فيني البلاط وآخذ ضرر ، وهكذا

شكل هذا اللي بسويه، بركز على التاسك الاساسي لين ما افهم العالم وبعدها اسوي رن جديد. لاني مرة ضايع ومافهمت اللعبة وش تبي الصراحة.

الحوارات عادية، اشوفهم يبالغون شوي. يعني ليش تجيب تيكست طويل وعريض مع خيارات عن معنى الاضراب عن العمل مثلا. verbose بزيادة ومب مستاهل.

والله انا صارحتهم وقلت ضايع، لاني كنت متأمل انهم بيعطوني خيط يدلني شلون ضاع.

وهذا قصدي بأن فيه تضارب بين مصلحة المحقق، ولور القصة اللي ابي اسكتشفه كلاعب. انا وش اولويتي هنا؟ فهمت وش اقصد. هذا اللي مأزمني، ما ادري وش الصواب.

اوكي حازم، قربت انهي اليوم الاول، ووجهة نظري بدأت تتغير.

اللي كرهني فيها بالبداية ماجاء عبث، الرأي تشكل من الapproach نفسه. هنا المشكلة وخصوصا بنقطتين:

اولا، دخلت عليها كأني شيرلوك هولمز، ببالي اللعبة كانت مجرد احجية، والباقي يعتبر جانبي. هذا اكبر غلط سويته. (كنت امشي واقول خل اخلص السايد كويستس قبل القضية). مخ واحد يلعب ياكوزا.

طلعت لا! العكس، القضية اقل شيء مثير للاهتمام، وبل بأجادل انها مجرد وسيلة عشان تستكشف نفسك، وريڤاشول بمقاطعاتها، وبحاضرها وماضيها. هنا كل الزبدة.

ثانيا، العلاقات. عاملتها فوز وخسارة، اذا زعلت واحد علي خلاص انتظر الجيم اوڤر. وهم في الحقيقة مجرد tools ومايهم اذا كسبت رضاهم ولا لا. مافيه خيار صحيح وخيار غلط، لما تدخل عليها كذا اللعبة تختلف والحوارات تصير امتع.

كل استراتيجيتي كانت عبارة عن مجاراة كأني عبد مب محقق.

مثلا بالبداية، الجنكي البزر كانت بربرته طويلة ويسفل فيني، وانا اضحك له واقول شاطر بابا يله قلي من اللي معلق الجثة. ونفس الشيء ينطبق على البارتندر وكل شخصية تواصلت معها تقريبا.

فيه كلام كثير عن المدينة، واليونيون، والكوالشن، والثوريين (اللي اعتقد انهم الشيوعيين؟). بس بخليها بعدين لين تتضح الصورة.

قصصيا، اللعبة كلها ميشماش لكذا حقبة اوروبية. حتى ريفرنس البطاطس وتعلق عرق معين فيه (الآيرش) ماخلوه. مهتم جدا طبعا بس متأمل بأفكار ابداعية اكثر، ومبدئيا ما اعتقد بيخيبون.

كثرت عليك، نكمل بعد ما اقطع شوط طويل.

كنت بسألك ها كيف اللعبة خفت تكون درببتها بصمت ههههه

طلعت لا! العكس، القضية اقل شيء مثير للاهتمام

أنقر للتوسيع...

بالضبط لو تأخرت باكتشاف ذا الشي .. اليوم الثاني بيأكد لك اياه بالمناسبة
ساند بوكس مصنوع بشكل عجيييب ، تحس مارتينيز صغيرة بس بنفس الوقت ضخمة وتحتاج وقت تكتشف أسرارها

كل استراتيجيتي كانت عبارة عن مجاراة كأني عبد مب محقق.

أنقر للتوسيع...

ههههههههههه

شوف لو الفيزيك عندك عالي تقدر تجرب احيانا السطاوة ، فيه برضو عنصر Authority تقدر تطوره ويصير فيه كاريزما رجل القانون

هي تعطيك مخارج وماتعلقك لو رميت نرد وفشلت ، يعني مثلا حاولت ابقس البزر وطحت وتدمجت (الفيزيك عندي ضعيف) -

بس عطوني خيار بنفس الوقت اني احاول افهم شفيه و ارضيه بهدية وأعيشه دور عشان آخذ منه معلومات (تقدر لو عندك empathy عالي)

زي ماقلت هم تولز فحاول وان شاء الله مايكون فيه نهاية ميتة &

هو أكثر شي عاجبني وخارط مشطي فكرة الكيانات الداخلية ، ضابطين حواراتهم بشكل مثير للريبة

الelectrochimestry شهواني وتعابيره تخليك تشتهي الدخان يارجال ، ال inland empire منطلق الخيال ماله حدود ، ضابطينهم كثير وضابطين تفاعلهم مع المحقق

نصيحة تجول بالاتجاهات كلها ودور على المحلات ، فيه حاجات تشتريها تهيلك وملابس تعطيك برضو نقاط لحاجات معينة (عشان رمي النرد) بس تخصم من حاجات ثانية

كثرت عليك، نكمل بعد ما اقطع شوط طويل.

أنقر للتوسيع...

استانست وانا اقرا ردودك .. تراي بديت تختيمة يوم كتبت هنا ووصلت نص اليوم الثاني ، شد حيلك 👎

لا مانويت اعطيها دروب، الجودة واضحة وكنت مقتنع ان المشكلة مني. ترى ماكنت اعرف عنها شيء ابد، حتى الموضوع هنا ماقريت منه رد واحد قبل مشاركتي الاولى. اعرف سمعتها، وانها text-heavy وبقرأ كثير. فقط. حرصت اني اخش عليها عمياني

ههههههههههه صادق يشهونك تدخن، وصفهم له وحتى للشراب والمخدرات حسّي مرة وبالتفصيل. نفس الشيء ينطبق على الجوانب السلبية برضو، وصف الwithdrawals خصوصا بوقت النوم.. العرق، جنبك الحار، اطرافك.. دقة مرعبة تسهل عليك التصور. باذلين جهد كبير فيها.

ايه ماعليك، ما اخلي شيء الا وانا مشيك عليه لا توصي.

مب بطيء والله، كانت الجلسة الثانية. الان دخلت اليوم الثاني واتوقع بصير اسرع بما اني بديت افكر باللعبة وانا ما العب، مؤشر مرحلة ادمان تباطئ شوي وبتلقاني متعديك.

اليوم الرابع.

طلع لك الخيار اللي في الحلم ؟ تتذكر وش اخترت ؟

أنا رحت مع خيار ال Moralists
.. أني أتحمل المسؤولية

تصميم إيفرارت مو منطقي استغفر الله xD


بس مخلينه شخصية ممتعة التفاعل معها الصدق ، هو فاسد ووصخ بس مدري شلون أوصفه ، خبير في الفساد ؟ برضو يخاف على مصلحة ناسه ، أو يكذب ؟ عالاقل الأصوات تقولي أنه صادق

جالس أساعده في طلباته وأشحذ منه المعلومات

ما اتذكر، اتوقع ماجاني. بفتح السبويلر بعد ما اخلص اليوم. وقفت بنهايته

ايفرارت يعطيني بنغوين ڤايب، ممتع لكن ما اثق فيه واحاول اكذب عليه بكل مرة احس ان الكذبة مناسبة وتتصدق. افشل بأغلبها طبعا لانه ذكي

احب جويس اكثر وودي اسوي معها ديل ننكبه فيها. الى الان مافيه عرض زي كذا للاسف.