منتديات تروجيمنج

سلام ،

نعم "بنظري" الترفيه مايستحق التعب ولا يستحق أنفق عليه أموال لاسيما في توفر خيارات مجانية/قرصنة/تخفيضات.
وبنظري هالمسألة ماتقدح في مروءتي بشعرة.

المروءة كلها في ترك اللهو والانشغال بمعالي الأمور فإذا أنا مبتلى بهدر وقت على اللهو بلاش أهدر معاه فلوس كمان.
لأن من أقرب فرد في عائلتك إلى أبعد عربي محتاج هنا لازم يكون صرف فلوسك.

حريقة في أم أم الشركات قادرين يعتون بنفسهم.

عجبك الحين المنتدى يرفض مصافحتي بعد تصريحاتي الي من ورى وجهك:

هههههه محد قالك تحارشنا بعقر دارنا

—

الترفيه جزء لا يتجزأ من الحياة

بدون ترفيه بتموت

ف "بنظري" الشخص اللي جالس يقدم الترفيه على حساب وقته وجهده -اللي بالغالب عظيم جدا بالالعاب- يستحق التعويض

أي دار يبو دار؟؟ لو هالمنتدى مقصور عالألعاب فقط لما قضيت فيه كل هالوقت. لكنه يوفر أصحاب طيبين، وبيئة نظيفة.
أغلب الأعضاء أصلا مو مشغولين باللعب كثر الحوار والمناقشة والمشاكسة تمتعهم أكثر!
الترفيه مهو بس ألعاب والترفيه مهو أكل وشرب ومأوى.
بس انت تحاول تخليه ضرورة من ضروريات الحياة زي ما مندوب إل جي يحاول يقعني إن لبسي بينعدم لو ماشريت غسالتهم.
عفشك ياصاحبي والباب ..
تقدير مافيه
فلوس مافيه
انتهى.

السرقة غلط، سواءً شيء تشوفه يستاهل سعره أو لا.
انتهى.

مفهومنا للسرقة مختلف كليا.
ومو مقبول منك الازدواجية بعد ماختمتِ أكوام مسلسلات وأنميات على النت.
فعلا انتهى

لا ما احتاج احاول اخليه ضرورة

هو فعلا ضرورة 🙂

ابيك تشتغل اسبوع بدون ترفيه ، ما تقدر! ابيك تمارس نشاط مجبر عليه ضروري لحياتك بدون ولا فتفوتة ترفيه وتعال كلمني

لاحظ انا قلت ترفيه ما قلت العاب ، نعم الترفيه له اوجه عديدة ، لا تكلم احد ، لا تلعب ، لا تقرأ بهدف المتعة ، لا تاكل اكل ، خذ بروتين وكربوهيدرات ومكملات غذائية ، لا تنام بمكان مريح وفي ظروف مريحة

ابيك الة

السرقة ببساطة لما تاخذ شي مو من حقك تاخذه

"ابيك تشتغل اسبوع بدون ترفيه ، ما تقدر! ابيك تمارس نشاط مجبر عليه ضروري لحياتك بدون ولا فتفوتة ترفيه وتعال كلمني"
لاتعليق الصراحة ناس كثير عايشة كذا وقد عشت كذا لكن واضح الفضوة الي انت فيها تخليك تقول هالكلام.

"السرقة ببساطة لما تاخذ شي مو من حقك تاخذه"
أنا ما أخذته من حرز مستور أنا وجدته منشور على النت وأخذت نسخة
هل أنا سارق في نظرك؟

السرقة بكل اشكالها غلط، لكن عندنا ازدواجية في المنتدى لمن تتكلم عن الالعاب الناس تعصب وتذكرك بتعب وجهد المبرمجين الخ. لكن تعال للافلام والمسلسلات والانمي والمانجا الخ الوضع سمردحه.

الطريف إن فيما يخص الكتب العلمية إلخ فيه بعض الآراء الدينية تعتبر ان العلم لا يمكن حبسه وبذلك يجوز تداول نسخ مصورة من الكتب العلمية دون شرائها للانتفاع من علمها.

لا تجتزء كلامي ، انا فصلتها واذا تبي توضيح اكثر حاضر ، عيش الة اسبوع ، اعتقادي الشخصي مافي انسان يقدر

ما راح اكذب ولا اجاملك وسامحني على قساوة الكلمة ؛ نعم

لكن فقط نعم لان مافي مرادفة ثانية!

هي درجة مخففة طبعا من درجات السرقة ، زي اللي دخل بقالة وضف اللي فيها وحطه في مكان عام وانت جيت اخذت منه وانت عارف ان اللي حطه بدون حق

بالضبط فوتروس حتى قيل إن السرقة الوحيدة الحلال هي سرقة العلم. لكني دفيع محترم في موضوع العلم والكتب ويشهد الله دايما أدعم دور النشر العربية بسخاء.
السرقة غلط ودينا ماتجوز لكن هو بادي النقاش من الأساس بسؤال هل في "نظرك"
وفي نظري الرقميات مش سرقة قطعية أشوفها شائكة مثل مسألة الأكل من بستان غير محمي تناقشوا فيها الفقهاء لكن عين أعطيني فرصة أقرأ وأكون اطلاع شرعي كافي.

بخصوص العمل، نعم أعرف ناس تشتغل بشكل مستمر يمكن أكثر من الآلة. الآلة جايز تطفيها أكثر من أربع ساعات.
عندي قريب ينام أربع ساعات فقط ويشتغل باقي اليوم كله وأصلا نظرته للعمل تختلف عن نظرتك جذريا.
فيه ناس العمل يعطيها سعادة لأنها تنجح وتقوى وتزيد إنجازات وفلوس فتصير سعيدة هذا ترفيههم إذا تحب تسميه مش ضغط الأزارير.

^ ايوااااا ، حلو انك وصلت لذي النقطة

لكن انا تحديدا اقصد نوع الاعمال اللي الشخص فقط ملزم يسويه ولا يعود عليه باي مشاعر ايجابية ، لان مثل ما تفضلت العمل اذا كان الشخص يحبه ويستمتع فيه تحول الى ترفيه وهذي الحالة النفسية المناقشة

وسيد برق القضية مش تجريم صدقني ، انا لا اعتقد اللي يقرصن العاب هو سارق بالمعنى اللي يستحق قطع اليد ، فكذا قلت ان مافي مرادفات لدرجات السرقة

راح ارسلك الرابط حق الفتوى خاص لأنه كبير وعدد الحروف لايسمح. لقيت مع وضد وسألت أخي هو أفهم مني بالقانون يقول ماتعتبر سرقة إذا استعمال شخصي عكس إذا تربحت منها تجاريا.

البلشة سيد عين أخوي يقولي انت زمان جيت تخاصمني كيف آخذ شي من النت دون إذن صاحبه. يعني كنت ماخذ موقفك في يوم من الأيام بس ومصر على اتفاق الطرفين قبل الاستعمال لكن ببدو كل ماكبرت في السن أصير وغد أكثر؟؟

"حط بينك وبين النار مطوّع".