منتديات تروجيمنج

أكلتي المفضلة المشخول لان مليانة خضار والبهار فيها مب واجد &

مشخول اضحك على الاسم

بس سؤال .. هي لازم تنطبخ مع فلفل حار ؟

لا مب لازم اهم شي في المشخول هي خلطة البهار القطرية نفس ما قال الفيديو مب ثقيلة وتشخل الرز وهو يطبخ عشان يطلع مشخول

احنا عندنا في البيت نضيف أنواع الخضار للمشخول ايضا وأكثر شي احبه فيه الخظرة اكثر شي

i'm sold اصلا من شفت مكعبات البطاطا لا جد احب جدا مثل هذه الاكلات واكلنا العربي اصلا رهيب 🫠

وينها هالاكله عن مطاعمكم في قطر 🤔؟
ما عندكم تسويق لأكلاتكم المحليه!

فيه مطاعم محلية لكن مب مشهورة وقليلة جداً مرات تجي كمسمى مطابخ في فلل غير هذا الزوار دايماً يروحوا المطاعم السريعة او الاجنبية الفاخرة (&)

ومن تجربتي ما راح تاكل اكل شعبي طيب الا في البيوت المطاعم ما تضبطها ابداً يمكن المطعم الوحيد الي يسوي اكل قطري ممتاز طباخ الوالدة تحصله في طلبات او تطبيقات التوصيل اذا جيت قطر

جرب تزور مطعم سماط

عجبني الاسم xD

سماط حلو لكنك قلت مطعم شعبي مدري ليش ما جا في بالي بس اتوقع سماط اكله كويتي مب اقطري @@

فيه مطعم فطور حلو اسمه كماجي عنده ريوق بلاليط وفول وقيمر وعسل حاجة من الاخر مناسب للسياح اذا يبون يذوقون حاجة من الاكل المحلي لاهل قطر وطبعا جباتي وكرك 🌝

عاد هالاكلات تعتبر خليجية نحصلها عندنا، نبي شي قطري قح نفس المشخول