منتديات تروجيمنج

طبعا لازم اكون متعصب لحلوى بلدي لكن عيبها انها تقريبا نفس شي سواء من اي محل تشتريها والفرق يكون في مستوى الجوده فقط، بينما العمانيه لاحظت انها تختلف من محل للثاني فيكون عندكم تنويع كبير

صحيح كل محل يقدم شي غير والقوام texture مال الحلوى العمانية والبحرينية مختلف، البحرينية طالعة أقرب للجيلي.

ما أشوفها كثير عندنا البحرينية بس عندك أنواع مثل باللبان والزعفران والعسل ونحوها من أمور؟

آخر عشر سنين بدأوا يدخلون انواع جديده مثل الزعفران والتين والمشمش لان صاروا الشباب يدشون المجال من خارج العوائل المشهوره في صناعة الحلوى والشباب يحبون يجربون اشياء جديده

قوام الجيلي يعني الحلوى اللي انت جربتها جودتها تعبانه او مو ضابطينها

لو شرفتنا في البحرين انصحك بحلوى جمال شويطر من ناحية الجودة.

العام الماضي سافرت عمان وجيت محلات السيفي وعز الله انواع كثيرة عندهم جربت الحلوى الخاصة بأنواعها الحمراء والبيضاء والجوز والعسل والخبز العماني والدبس والقهوة.. لكن احلى نوع جربته حلوى التين كانت رائعة حبيتها حيل

غير هذا العمانيين مره مبدعين في أشكال الاواني المختلفة للحلوى شفت اشكال متنوعة نفس مدفع وحاجة يسمونها مشوك اظن ومندوس ومدري وشو ومرات يجيبوا نفس الصحون الكبيرة لها اسم معين عندهم نسيته.

شويطر جودته روعة لكن نفس ما قلت ما حسيت التنوع عندهم كبير لكن دايماً ناخذه في سفرة العيد عادة سنوية (&)