منتديات تروجيمنج

ليش غيرت اسمك لي ساعة أدور عليك لين تذكرت ذي المحادثة

المهم.، بعد اللي صار هذا الموسم وما زال يصير حتى اليوم لسه تشوف مافي مؤامرة تحكيمية وجماهير الآرسنال تبالغ بمسألة التحكيم؟

والله ما شفت شيء زي كذا في حياتي أبدًا

ياخي اسم المستخدم outdated شويتين, خصوصا لما الاسم سماه واحد قبل ١٧ او ١٨ سنة 😅

بخصوص ارسنال الصراحة لازلت محتفظ بنفس الراي عن جموهركم, لاكن حكمي من تجربة شخصية بسبب كذا شخص قريب لي. لاكن الحكم على الفان بيس بسبب التجربة الشخصية شوي مجحف.

لاكن بالفعل البلنتي كان غريب وsoft مرة...

اما عن التحكيم بشكل عام صحيح عمري ما شفت ارسنال يتجامل زي اندية ثانية. لاكن في نفس الوقت احس ان فريقي ابدا ما يعاملونه معاملة خاصة. فعشان كذا صعب احكم على ارسنال بوجه الخصوص. لاني ما تابعت كل المباريات لباقي الاندية وغير ان موضوع التحكيم شوي عاطفي.

لاكن رأيك على وجه الخصوص احترمه كثير لان مع مرور الوقت اكتشف ان ارائك لها اساس مش مجرد مدح او ذم مثل اغلب الجماهير وما تتكلم باساس عاطفي (وانا منهم على فكرة)...

وحدة من الاراء هذي اتذكر كنت تمدح ساكا وكيف انه يعتبر افضل جناح بسبب ال ball retention. كنت مستغرب من كلامك لان الاجنحة طول عمرها يتم الحكم عليها بمعاير او مميزات مختلفة. لاكن لما شفت اكثر من مدرب ومنهم ماريسكا في تشيلسي قد ايش يتمنون لاعب زي ساكا بسبب الميزة هذي عرفت ان اراءك مبنية على امور ملموسة ولو ما كنت شايف قيمتها في وقت ما...

فاختصارا للكلام هو اني رغم اني لازلت مستمر بنفس الحكم سواء على الجماهير الارسنالية او التحكيم بشكل عام, لاكن رايك لازم اخذه بعين الاعتبار ولو تشابه في العناوين مع ناس اختلف معاهم...

لاكن التحكيم بشكل عام والله متعب وصعب كل الاطراف ترضى فيه. لاكن لما يكون فريقك قوي ويجيب بطولة واثنين راح يسكت اي مشكك, مثل ماحثل مع برشلونا بعد ٢٠٠٩ او حتى مدريد بعد ٢٠١٦

لي فترة كنت احاول اسألك عن عدة امور لاكن حسابي كان فيه مشكلة ولسى اليوم انحلت وصرت اقدر ارد... وش توقعك لمباراة ارسنال ومدريد؟

ما عندي ذرة شك بالخروج من الأبطال… خسارة هافرتز وغابرييل ضربة قاضية للفريق.. خصوصًا هافرتز خسارة كبيرة جدًا جدًا جدًا

لكن الشيء اللي متأكد منه مهما كان حال آرسنال سيء ولو الفريق الأساسي كله مصابين إلا أنه دائمًا راح يلعب مباراة تنافسية مهما كان الخصم.. لسبب بسيط وهو الstructure & tactics لآرسنال أفضل من أي فريق ثاني بالعالم

وهذا pure coaching من أرتيتا وليش أعتقد أنه أفضل مدرب حاليًا لكن ما زال يحتاج يشتغل على نفسه كmanager

بخصوص ساكا فما أتذكر موضوع الball retention.
لكن، لما تنظر للاعب مثل صلاح وهو لاعب أحترمه كثير، لكن بالأخير هو لاعب moments لا أكثر. الoverall game تبعه متوسط، طوال المباراة ما يعمل شيء لكن فجأة من لحظة يحسم المباراة.. وهو شيء له قيمة طبعًا بدون شك
بالمقابل لما أطالع في ساكا، فهو لاعب عنده هذه الmoments لكن بنفس الوقت his game is top، هو حرفيًا يدير المباراة وينظمها ويمشيها بالرتم اللي يناسب فريقه

ودي تتابع آرسنال وتأخذ screenshot للاعبين وساكا قبل ما توصل له الكرة ثم screenshot ثانية بعد ما تطلع الكرة من رجله.. حاول تلاحظ الفرق

تعرف ليش ساكا يقدر يسوي كل هذا؟ لأنه يمتلك عقلين… عقل مهاجم وعقل لاعب وسط وتحديدًا ريجستا

هذا شيء ما راح تلقاه في أي جناح ثاني بالعالم… ممكن لامين يامال مستقبلًا

ولاحظ حتى كلامك، الأجنحة يتم الحكم عليهم بمعايير مختلفة….. كلامك صحيح بخصوص عموم الجماهير

بالذات للاعبين سمر البشرة.. الجماهير متعودين عليهم يكونوا pacey وعندهم flashy tricks وغيرها عمومًا

لكن ساكا مختلف عن الصورة النمطية هذه.. بروفايل مختلف تمامًا وتحتاج تكون فاهم اللعبة حتى تفهم بروفايله وتعطيه حقه

لو ساكا كان يمتلك pace/acceleration بمستوى فيني مثلًا.. كان اختلفت حوله النظرة تمامًا

لكن هذا جمال كرة القدم عمومًا.. هي ما تلعب بطريقة وأسلوب واحد فقط

أما بخصوص التحكيم فخلاص الوضع صار لا يطاق والله العظيم.. أسبوعيًا صار يتكرر ولا يستحون ويحاولون حتى يخفون الشيء هذا

إلا تعال… كيف فوفانا ما انطرد بمباراة آرسنال؟ هذا المفروض يكون مطرود ثلاث مرات… بالشوط الأول لوحده المفروض ينطرد مرتين كيف طلع بدون كرت أصفر حتى محاولة تأخير اللعب؟ بالله تعتقد هذا الشيء يصير مع السيتي وليفربول؟

النادي سنويًا يستثمر مئات الملايين، المدربين واللاعبين يقتلون أنفسهم على مدار الموسم، وبالنهاية الحكام يقرروا مين البطل…. ما أعرف ليش للآن النادي ما رفع قضايا بالمحاكم وجرجرهم هم ورئيسهم الأصلع

بخصوص ساكا فصحيح كلامك هي المعايير اللي تختلف. حتى انا اللي اقدر اللاعبين اللي يساهمون في معضم لحضات المباراة مش في وقت الاهداف فقط. لاكن ساكا اسلوبه غريب لجناح عصري. يعني وصفك هذا اللي قلته عليه ممكن اقوله على هازارد ولهذا السبب افضله على صلاح واي جناح ثاني في وقته.

لاكن منجد ساكا مش ناقصه الا يكون flashy اكثر عشان يتم تقديره.

وحتى المعيارية في تقييم الاجنحة اختلفت مثل ما المعايير في تقييم المهاجمين اختلفت. اول كان المهاجم لازم يكون قوي بدنيا وممتاز في الانهاء, اما الان تشوف يتم الاهتمام بجوانب ثانية اكثر وصار المركز شامل.. نفس الشيء مع الاجنحة, كنت اشوفه خاص باللاعبين السريعين والمهاريين بالدرجة الاولى لاكن لاعبين زي ساكا غيروا مفهومي لهذا المركز. واحقاقا للحق انت كنت تقول الكلام هذا من سنين..

اما بخصوص فوفانا فصحيح الحكم جامله وكان ممكن يطرد بسبب حركاته في الشوط الثاني. لاكن في الشوط الاول بارتي تدخل كذا تدخل والحكم غمض عينه, واذكر كذا لاعب ارسنالي ثاني كان خشن.

لاكن المباراة بشكل عام كانت عادية ومافي قرارات كارثية. والفريقين بشكل عام ما ادوا اداء عادي ومخيب الى حد ما

لاكن موضوع التحكيم شائك والكل يقدر يشتكي لاكن ما تقدر تجزم مين تضرر اكثر. فلو انفتح الباب هذا صعب يتسكر.

انا لازلت اؤمن انت لو نادي حاب تفوز بشيء ومازلت تتاثر بهدف او قرار وما تقدر تفوز على الفريق اللي قدامك بسبب خطأ واحد فهنا انت تتحمل الفشل على المدى البعيد.

زي ما القرارات عادة ما تروح للبطل في رياضات مثل ال mma و ال boxing...

Dana White عادة ما يقول مقولات بخصوص قرارات الحكام مثل:
“Don’t leave it in the hands of the judges.” ولا “If you want to be champion, don’t coast. Go in there and finish fights.”

من الطبيعي ان الحكم يوقف في صف البطل او اللي عليه زخم اعلامي. ارسنال وغيرها من الفرق كل اللي تحتاجه هي بطولة عشان يتغير الراي العام حوليهم ويبدا يحصلون تعاطف اكثر

طبعا هذا لو استثنينا التلاعب التحكيمي. لان الموضوع هذا منفصل والمفروض تهتم فيه جهات منفصلة وانا كمتابع عادي ما اقدر احكم على امور تقديرية.
لاكن اقدر اتكلم باللي اشوفه وهو ان ارسنال فريق ما يتجامل, نفس الشيء ممكن اقوله على كذا نادي ثاني. لاكن اندية مانشستر وليفربول دائما ما الاحظ القرارات تكون في صالحهم. لاكن في النهاية ممكن رايي يختلف لو كنت مشجع لاحد هذي الاندية