منتديات تروجيمنج

مابالغت والله يوم قلت ماستربيس، كل شيء -كل لحظة- في الحلقة بتفاصيلها رائع. سيكوينس سبايك بعد ماكسر شباك الكنيسة، لمحات الماضي، مع الساوندتراك هي افصل دقائق انمي شاهدتها في حياتي.

بالمناسبة، اذكر مقابلة لتارنتينو تكلم فيها عن استلهامات لانمي معين بkill bill - وقتها ما اهتميت اني ابحث.

اعتقد يقصد كاوبوي؟ دورت على المقابلة ومالقيتها.. يمكن كانت بحلقة بودكاست طويلة مع روغن، او اني ملخبط بأنمي ومخرج ثاني. ما ادري

ايه كيل بيل وجون ويك مستلهمين من كاوبوي بيبوب
تصميم سبايك سبيغل من لوبن شخصية أنمي.

مخرج القتال بجون ويك الحين قاعد يشتغل مع مخرج كاوبوي بيبوي واتانابي على أنمي جديد اسمه Lazarus.

شرايك بشخصية سبايك وباقي الشخصيات للحين

شنو الشي ال Stand out اللي تشوفه فيهم مثلا واللي يعجبك

يمكن سألت مبكر بس اهو باد اي ياخي

بصراحة بدري. حتى سبايك (هو اكثر واحد عاجبني) مب مبين. طبعا كول وباد آس هذي خالصين منها

كون الانمي قصير ومدة الحلقات مب طويلة ما اعتقد انه بيكون فيه growth. يعني سبايك الحالي هو سبايك الحلقة الاخيرة؟ والdepth -إن وُجد- بيكون بإستعارض الماضي. وما ادري لأي درجة بيضيف له الصراحة.

وكل هذا مايهمني، انا عاجبني ڤايب الانمي، العالم، سبايك والكميستري بينه وبين الشخصيات (خصوصا جيت) مستظرفهم مرة. وحتى انتاجيا اعتقد انه استثنائي مب بس ممتاز؟

منغمس فيه جدا وهذا المهم.

من الاشياء اللي اعجبتني بالحلقة ويمكن ماتذكرها، لقاء سبايك مع وحدة اسمها آني. ما ادري اذا بتكون شخصية مهمة ولا لا

عموما، اكثر محادثة طبيعية شفتها بأنمي، والوصف هنا المقصد فيه انساني، حسيتهم اشخاص حقيقيين.

كل ماشربت زيادة تاخذ راحتها اكثر، تعطي اسيسمنت لشخصية سبايك وانه كيف عنيد ومايسمع لأي نصيحة، وفجأة تستذكر ماو بنص المحادثة مع صورة من الماضي.. وكانت بتزيد لين ماوقفها سبايك واخذ الكاس منها

يمكن لان تجاربي بالانمي محدودة ومحصورة على جانرا ونوعية معينة حسيت انها واو، لكن الكونڤو نفسه سلس بشكل ماتعودت عليه

عدت الحلقة مرتين من كثر ما اعجبتني

اهو أنمي استثنائي بكل شي تقريبا
كلاسيك ما يتكرر

الاركات المهمة لسبايك تكون موزعة وال in between كلها مغامرات حلوة ومرات أفكار