منتديات تروجيمنج

@The Praiseworthy الصوره ايضا لك بس ملفك مصكر XD.

أوهايو كوزامسووووو فيصلو سااان

خل أروح أشوف شلون أفتح ملفي

اووه منور وياسلام على الأجواء ما شاء الله

باخذ الخطة منك شلون رحت لهني
الشينكانسين يوديك دايركت من محطة طوكيو؟

يوديك لي محطة معينه اقولك اسمها اذا بغيتها تبعد ساعه وربع ومن اهناك تكون متواصل مع الفندق يجيبون لك باص وتركبه ساعه تقريبا وتوصل للمكان .. الامر جدا هين.

ادز لك اسم الفندق بعد.

ايه والله لا هنت

وشلون الجو أشوف ثلوج ما شاء الله
نفس الشي بطوكيو؟
العادة أروح شهر 4-5 و 9-10

أذكر موجة برد حاشتنا صوب بحيرة بعدها ساعتين عن طويكو بالباص وأمطار عجيبة بداية شهر 5 ما قدرت أتحمل وشريت أغلى جاكيت من محل كان يمنا

@May-Be-Zig تذكر

فقاعد أتخيل شلون الأوضاع بشهر 12

هو برد درجة الحرارة بتوكيو الكبرى ١٣ الصغرى ٢ .. لكن لو لابس عدل من ملابس داخليه حراري + جاكيت ممتاز = امورك طيبه .. وبخصوص المنطقه الثلجيه ايه برد توصل -١ لكن انت اغلب الوقت داخل وفيه دفى تطلع للاونسن هو حار فماتحس بالبرد .. عالعموم انا احب البرد بشكل عام XD

طبعا توكيو و اوساكا وكيوتو ماكو ثلج حاليا فقط المناطق الجبليه + هوكايدو ريجن.

ودي أروح هوكايدو بس مشروع دولة ثانية هذه بعيدة حيل ولازم بالطيارة إذا ماني غلطان.

@May-Be-Zig تذكر

أنقر للتوسيع...

ايي، أتذكر كان سعره 60KD+
أشوه كان معاي جاكيتي، بس المطر كان حيل ثقيل وبارد.

لا الأمر جدا بسيط لهوكايدو رحت لها شهر يناير هالسنة مع زوجتي وولدي يعني المسؤوليه دبل لكن مع هذا الامر كان سهل جدا .. طيران داخلي ساعه ونص انت بهوكايدو وتنزل سهالات تركب قطارك لي السنتر.. وسعر طيران الداخلي أرخص من الشينكانسين اذكر بحدود ال١٥ او ٢٠ دينار رايح راد!