منتديات تروجيمنج

وبعدين سيد درو وش هالمقياس المضروب

كونك شفت امور في عرض ء2011 و 2013 هذا لايعني ان لو نومورا كمل بتشوفها في النسخة النهائية الا اذا تعلم الغياب وتقدر تقول اكيد

وحتى كخ٤ كيف عرفت ان للحين الهيب ورولد هو كوترادم مع ستيلا ما راح يتغير ؟

و أنت نسيت انهم عرضو كونسيبت سكالا و كان اسمه كيبل تاون و الفانز ظنوا انها انحذفت لكن ظلت بالنهاية؟ عالم تاورز ما يستاهل يتسمى عالم حتى سواء انوجد او لا ما فرقت.. بشكل عام نعم لا زلت اشوف KH3 حافظت على اشياء كثيرة

عالم سكالا الي طلع في النهاية مسخرة ونومورا حاول يرقع مع نيفرمايند وحتى ماوصل ان يمشي الحال طبعا عشان يسكت الفانز بيقولك ميسينج لينك موجودة ويمكن كخ٤ بعد

حتى FF7R نفس الشيء.. التوجه ما تغير ترا اللهم صار له صقل و تحسين شكرا للتطوير الداخلي.. تا نومورا له تصريح في 2015 كان يقول ان ATB ما راح يكون للأتاك و راح يصير له استخدام ثاني و له تصريح في 2019 او 2020 قال أن السلوموشن و ال ATB من البداية ناويين عليها لكن الفريق تعب لحد ما ضبطوها.. فيه اشياء نعم انحذفت زي الكوفر لكن فيه اشياء كثير ظلت زي لما الجنود يحشروا كلاود زي تريلر FF15 او الجندي الي انتبه للباستر سورد الخ

وبعدين لا مو على كيفك عالم تاور ما ينحسب كثيرين وانا منهم كنا ننتظره واصلا كان في دريم وكنجدوم هارتس ٢ جدا حلو وش الي يمنع هنا يكون حلو بعدين وش هالمسخرة ويني الدبدوب لزبالة موجود في كخ٣ وتاور لا وحتى نومورا مارقع وجابه في نيفرمايند الخايسة
الوضع جدا مسخرة

أنا وش علي انه مسخرة بالنسبة لك هي السالفة سب و امشي؟ اقولك عرضو للفانز ارت و الفانز سموه كيبل تاون.. مرت السنين و طلع بتريلر نهايات 2018 يعني حتى وهو ارت من 2015 ظل موجود.. عاد راح شيك ارت FF15 و شف رسومات رسام FF13 الي جاء يرسم لرؤية تاباتا و شف وش ظل منها لول.

مقياس صحيح مو مضروب.. السنين مرت و لا زال مصر ان البداية ساحة حرب مع انه انتقل لجيل جديد و محرك جديد! غيره شطبها على طول من اول شهر مسك الأخراج.

مو صحيح
عرض 2015 كان توجه الرسوم مع الاضاءة يفرق كثير واكثر واقعية لكن بعدين غيرو وخلو التوجه اقرب للاورجنال والجيمبلاي كان اكشني واقرب لكنجدوم هارتس لانه مخرج القتال كان نفسه حق كنجدوم هارتس ٢ طبعا بعدين تغير وطلع من المشروع وجاء حق مونستر هنتر وواضح غيرو امور كثيرة وقتها وحتى صور 2017 الي طلعت كان واضح وقتها ان المشروع غير كثير عن النسخة النهائية

اهم شي انك تستشهد بعرض 2013 الكاذب
تستشهد لي بشي كاذب ولا حتى نهائي
ويو

KH4 نصبر و نشوف ما قلت اكيد.. البداية في كوترادم و ال hup و وجود سترليزيا و حتى الماستر و الثاني من Missin Link نسيت اسمه واضح انه بصميم الكونسيبت و مستمرة أن شاء الله.. او حتى التوجه الفاتزي الواقعي لشخصيات KH بعالم كوترادم.

انا غاسل يدي من القصة رغم اني اتوقع بنطلع في اشياء حلوة عموما ان اهم شي عندي عنصر التميز والمفاجأة يستمر وتكون بمتعة وجودة ريبرث وتستمر على نمط الاجزاء القديمة اني احط فيها ساعات جنونية
حرفيا كل اجزاء السلسلة ساعات جنونية وارجع لهم اتمنى كخ٤ ما يكسر هالشي

واهم شي تعطي شعور جيل جديد وتعصر الجهاز كعادة السلسلة

والله عاد بكيفك لكن الأساس هو نفسه بشكل عام و صار افضل و صورة الفيديو لحالها تكفي :




مطور كابكوم ما جاء و جاب شيء من راسه.. وظيفه كان فيه باتل سيستم لكن فيه مشاكل وهو حصل حلول له و جلس 6 شهور لحد ما ضبطه.. لكن الباتل سيستم كان موجود من قبل انه يجي و بعيوني استمر على توجهه بأشياء كثيرة

@MOSU ما اظن تعجبك KH4 راح تلعبها و تقول كخ و عفن و مزبلة و مسخرة و "تصج راسنا" (&)

دايما النسخ القديمة أحلى حتى الريميك بس الموديل كان يحتاح Texure أفضل.

ياخي الكوماند كان على طول طالع عكس النسخة النهائية هذا لحاله تغير كبير وفي اشياء ثانية بعد لكن هذا ابرزها
واصلا قبل كانو يشبهو القتال في لعبة ديسيديا بحكم ان نفس مصمم القتال
لكن واضح بعدين استقرو على شي متوازن ويرضي محبين الاورجنال والتكشن في نفس الوقت ومهجن اكثر

@dro على الاقل العبها في وقتها مو زيك للحين مالعبت ريبرث ولعبت الريميك بعد مليون سنة
واحللهم تحليل فوقها
واحاول ما اتعصب اهم شي
ويمكن تعجبني من يدري يعني حتى كخ٣ اسفلها لكنها في النهاية ممتعة وفيها كم شغلة حلوة بالغلط

وميلودي على مساؤها الا انها ممتعة وافضل لعبة موسيقية وليومك العبها وحتى كخ٣ ساعات العبها واطقطق فيها واشاهد فيديوهاتها وصح ليومك اعيد ترايلر كخ٤ نومورا يقدر يسوي اشياء سحرية مع العابها ومفصليني على ذوقي صح ختى مع اعيادهم ( نفس عروض فيرسيس و 2013 الكذب القديم )

اقولك نومورا يقولك من البداية كانوا ناويين على المكس بين الأكشن و الأستراتيجية و السلوموشن! أنت تتوقع راح يكشف عن كل افكاره في 2015 عشان تنسرق؟ لو ترجع لأيام 2015 كانوا مره متكتمين على اسلوب ATB.. لكن خلاص اللعبة قربت تصدر؟ كشفها لك في E3 2019.

ثم مدري كم مره قلنا E3 2013 ما كان كذبة.. طيب من وين له تاباتا يعرض في اكتوبر 2014؟ لما نوكتيس يقاتل في آنسومنيا كل شيء هناك فيه جودة E3 2013 و زيادة!

خرابيط اكس خرابيط اكس خرابيط

عرض 2015 كان غير حبيت لو ماحبيت كونه كان ناوي على بعض الافكار لايعني ان نفس التطبيق واصلا مخرج القتال غير وهذا لحاله يكفي يثبت ان امور كثيرة تغيرت
وبعدين وشو تنسرق محسسني قنبلة نووية
واصلا ماعرض كل شي لانه مافيه شي ينعرض لووول التطوير كان في بداياته

@MOSU مبروك أنت كول و جيمر عقبال تصير زي حكوم (&) مدري من قال لك اني لعبت الريميك بعد مليون سنة لأني لاعبها على وقتها بعد ولا لازم كل شيء العبه اجي اكتب هنا اني لعبته؟

عجبني المدح على KH3 فجأة انقلبت تسوندري (&)

عموما شكلك جد تشوفني زعيم في KH شاد حيلك ما شاء الله عساك فزت علي؟

وعرض 2013 كاذب كاذب كاذب وهذي الحقيقة
واصلا وش هالخرابيط عرض 2014 غير واجد عن 2013 والتشابه بينهم يكاد يكون معدوم واصلا تاباتا عرض حزيئات صغيرة وكذبية بعد ترا حتى عرض 2014 كان كذب
يعني كذب مبني على كذب لووول وما يعبر عن شي نهائي حتى الرسوم حقه للحين الفايف ماوصل لها